|
بقيت اسرق الكمبيوتر من مرتى سرقة واجيكم بيجاى
|
النسوان ديل جنن ولا شنو
دايراتننا ننق معاهن طوالى بدون انقطاع
الواحد بعد ما يجى من الدوام ويديهم حقهم فى الونسة وتبادل الاخبار
والاطلاع على احوال الاولاد قبل النوم يحب يدلف على النت
للقاء الاخرين
اها هنا يبدا دق الجرس
انت اصلك جنك نت
انت اصلك ما شغال بينا
انت النت ده عندك فيه شنو
انت ما تخلى عندك زوق شوية وتحس بينا
جنس ده يقولو فيه شنو
افيدونا افادكم الله
|
|
|
|
|
|
|
|
Re: بقيت اسرق الكمبيوتر من مرتى سرقة واجيكم بيجاى (Re: مجدي عبدالرحيم فضل)
|
سلامات يا عادل,,Quote: انت ما تخلى عندك زوق شوية وتحس بينا |
ناس يقولو ليك كلام زى دا تجى تشيل حسهم بى جاى!!!!!وفيما يبدو إنك أدمنت يا صاحب لحدى ما الضيق حصل...
كان الجماعة عرفو بالبوست الخسوسى دا حا تدفع تمنو غالى جدددددددددددددددددددددا,,
هل تستحق بعض المواقع التى يستهلك فيها بعض الناس أوقات طويله جدا مستقطعة على حساب الأسرة والأطفال كل هذا العناء والبعد عن اشياء أخرى أجمل وأكثر فائدة كالهوايات الأخرى والرياضة والعبادات وحتى الإجتماعيات! إدمان الإنترنت اصبح من الأمراض الشائعة جدا وبسبب المنبر دا ومنابر كثيرة مشابهه وغير مشابهة كادت أو تحطمت أسر وهدّمت بيوت,,
(الكمييوتر شيطانو منو فيهو )Built in !!!!!
تحياتى..
| |
|
|
|
|
|
|
|