الانسحاب من نهائي كأس السودان فضيحة أخري لمجلس جمال الوالي

Quote: الاخ طلحة تحياتي قطعا راقدلك فوق رأي

عموما رأيي الواضح جدا من فترة ما قريبة أنو مجلس جمال الوالي دا خازوق إندق
في جسد المريخ وأتوقع جازما أن تتوالي مصائب المريخ ما بقي هذا المجلس جاثما
على صدره بذات الأفكار الكلاسيكية والقرارات الحجرية .
تحياتي وتقديري يا زول .

Quote: طبعا البوست دا عجبك كهلالابي لأنو ما زي بوست الامين البرير الطلعتني فيهو مريخابي متعصب

Quote: زمان لما نقول ليكم فريقكم كعب...تبقوا علي ضبحنا...ولما نقول ليكم فريقكم طار من التمهيدي...تقولوا لينا ...امشوا يا صفيراب... غلبنا النسوي معاكم...هسي انتو معترفين بي كعابة ادارتكم...وتسجيلاتكم...طيب ما ياهو كلامنا زاتو هارشننا في شنو؟؟؟

Quote: عموما رأيي الواضح جدا من فترة ما قريبة أنو مجلس جمال الوالي دا خازوق إندق في جسد المريخ وأتوقع جازما أن تتوالي مصائب المريخ ما بقي هذا المجلس جاثما على صدره بذات الأفكار الكلاسيكية والقرارات الحجرية . تحياتي وتقديري يا زول .

Quote: طلحة يا صفوة......معليش كلامك ده اكتبه يوم 5/11/2011 مريخ شنو البنسحب قدام فطائس ، وياتو عيد ضحية ما ضحينا بيهم؟ من زمن الضباح الاكبر عليه الرحمة.. مابتعرف التكتيك فى الحرب انت؟؟ الحرب خدعة، وحتى إن انسحب المريخ والله لايعادل 10% من انسحاباتهم ياخى السنه القبل الفاتت انسحبوا مرتين امام وفاق سطيف ونيل الحصاحيصا وبعدين ارجوا ان توجه جزء من كلامك ده لى لجنة الخرمجة دى

Quote: حقو تسال نفسك لماذا لجنة البرمجة برئاسة مجدى شمس الدين قامت بهذه البرمجة الشاذة كاسرة للقاعدة فى أن تكون مباراة كأس السودان خاتمة الموسم؟ خاصة أن البطولة الرئيسية (الدورى الممتاز) متبقية لها عدة مباريات !! ستجدها برمجة ملغومة من السذاجة الوثوق بها وما تضمره من تأمر لإنقاذ الموسم للهلال. لن يكتفوا بتحكيم معدوم الضمير ليكفل الإنتصار للهلال بالمباراة، بل لضمان تصفية مفاتيح لعب المريخ ليتعثر فى بقية مباريات الدورى الممتاز . إدارة المريخ إعترضت على هذه البرمجة منذ أن أعلنت، فكان اللف والدوران من رئيس الإتحاد الذى إرتضى أن يكون طرطوراً يتلاعب به مجدى شمس الدين ولجنة منافسته. وجاء ردهم متأخراً برفض الطلب. فالبرمجة الملغومة الموجهة، والمساعدات المضمونة من الوطنى الكبير بجهاز التحكيم صلاح أحمد محمد صالح ، هو كل ما تبقى لهم من وسيلة لمواصلة توجيه البطولات لمن لا يستحق. نأمل أن تظل إدارة المريخ فى موقفها بضرورة تصحيح البرمجة، هى صحوة وإن كانت متأخرة سنين عدداً، فقد أشارت لأزمة الكرة السودانية المتمثلة فى إتحاد الفساد وحكام الفساد. والإتحاد السجمان كما تقول لا سبيل لمناهضته بدون تلميس واقعه المخزى بمواجهته فى برمجته الفاسدة. عالم تخاف ما تختشى. وحريقة فى الكاس والممتاز وإتحاد الكورة والكورة ذاتها التى يقودها من سقطوا أخلاقيا بفساد ذممهم، وعدم أمانتهم فى تنفيذ واجبات وظائفهم. قلتها وأقولها مراراً لن ينصلح حال كرة القدم بالسودان ما دام يجثم على سدت قيادته إتحاد فاسد .. وتحكيم فاسد! شكراً يا نادر الفضلي يا صفوة يا راكز يا منتصر كنت فاكرك متابع وعارف انو ناس المريخ ما سكتو ساعة اعلان المبارة دي وانو الإدارة اتبعت خطوات الاعتراض المنطقية حسب العُرف لكن الاتحاد كعادته اتجرجر و راوغ و ما بته في المسألة دي الا قبل ساعات عشان كدا إدارة المريخ ما كان عندها إي رد فعل غير البيان دا . الكلام بتاع ليه ساكتين شهر دا كلام رشاشات ساااكت و الرشاشات ديل عمرهم ما حيورونا نعمل شنو ولا ما نعمل شنو . نحن اصحاب المريخ و نحن من نملك قرار المريخ و بيدنا فقط نصرف امورنا عشان كدا بقول ليك انا مع قرار المؤسسة قلباً وقالب . و عايزك انت و ود الموج و بقية الصفوة تراجعوا موقفكم دا و مافيش حاجة اسمه لازم نلعب ولازم شنو دي !!! انت فاكر الموضوع انسحاب ساكت وبس !!!. هذا مع المحبة التى تعلمها .

Quote: وحتى لو فرضنا أن برمجة المباراة النهائية تمت بعد تلك المباريات فقانونا وحسب لائحة المنافسة لا يحق للمجلس الإنسحاب من مباراة في منافسة معلنة وإلا سيتعرض للعقوبة المنصوص عنها تحت هذا البند، فضلا عن وصفه بالجبن واعتباره هاربا من المعركة .. من جهة أخري كلام الحبيب نادر هو وجهة نظر شخصية لا ينبغي أن يتبناها المجلس لإتخاذ قرار خطير كهذا .