|
|
|
 Re: ياســــــــــــــر كضــاب ورمــــــادى(الفوكرز) (Re: معاوية عبيد الصائم)
|
يا معاوية الله يهديك ياخي كوني من انصار النظام الدموي او النظام الليمفاوي دا موضوع تاني
اسي قدامنا موضوع محدد وما ليه علاقة بتوجهي السياسي او توجهك او توجه المعنيين فيه
قلت التحقيق هو الفيصل, هل صدر تقرير لجنة التحقيق ام لا
ولو صدر شنو الورد فيه
ولو ما صدر مقوم نفسك وما مخلي ليك ايقونة حمرا مولعة حايمة وحسمت الموضوع وطلعت ياسرنا كضاب على اي اساس
| |
  
|
|
|
|
|
|
|
|
Re: ياســــــــــــــر كضــاب ورمــــــادى(الفوكرز) (Re: معاوية عبيد الصائم)
|
دا كلام شنو يا معلم!! انت ماخد الموضوع تحدي ليه ما عارف
انا بتعامل معاه كحدث من زاوية المشاهد وما مدخل نفسي كطرف في الموضوع زيك و كمؤمن وصديق انا مصدق كلام ياسر و سامر لحين ثبوت العكس, لأنو مافي سبب يخليني اكذبهم
مصدركم على ثقتكم فيه يبقى انسان غير معصوم من الهوى او الخلط
لذا انتظر تقرير لجنة التحقيق و ايوة بثق فيها لأنها لجنة فنية في المقام الاول ومندوب الشركة المصنعة عضو فيها وزي ماقلت تسجيل الحوار بين الكابينة و البرج بالاضافة للحوار داخل الكابينة موجود
| Quote: يا زول انتهى التحقيق وكل زول قال كلامو |
وطلع تقرير و اثبت كذب ياسر و سامر ايضا؟
| |
|
|
|
|
|
|
|
|
|
Re: ياســــــــــــــر كضــاب ورمــــــادى(الفوكرز) (Re: معاوية عبيد الصائم)
|
والله يا علاء الموضوع دا مفروض ابعد ما يكن من السياسة و الصراع الدائر فيها
دا موضوع مفروض مهني بحت وداخله فيه اخلاقيات مهنة ومصداقية
يا معاوية للمرة التانية بقول ليك الموضوع ما تحدي بيناتنا ولا انا لا انت اطراف في الموضوع
انت سمعت رواية و صدقتها وروجت ليها وانا لم اصدقها ومنتظر نتيجة تحقيق او اعتراف احد الاطراف او حتى شهادة مصدرك حتى اعمل عقلي وتفكيري ومن ثم اقيم
هسي ما فات شي
احلف لي يمين مغلظ على صدق حديثك وانا مضطر في الحالة دي اصدقك فالمؤمن بعمل السبعة وذمتها ولا يكذب
___________________________________________________
ثم شنو تراهني بي خلي المنبر ما تشوف ليك حاجة تستاهل الشيشة او نومة العصر مثلا
| |
|
|
|
|
|
|
|
|
|
Re: ياســــــــــــــر كضــاب ورمــــــادى(الفوكرز) (Re: معاوية عبيد الصائم)
|
معاوية؟؟
في خلاف شخصي بينك وبين ياسر؟؟
كتابتك كلها بتدل على كدا!!!
المنبر قااااعد والبوستات قاعدة..اصببببر قال ليك لمن نتيجة التحقيق تظهر..
أما فيما يخص الرمادي ود البشرى, فما تخليه كلو كلو
لازم ننضف المنبر دا منو ومن الكاشف اخوه (دي طاقية مقاس واحد)
قل معي أخي معاوية:
"معاً لمنبر خالي من الرماديين"
| |
|
|
|
|
|
|
|
|
|
Re: ياســــــــــــــر كضــاب ورمــــــادى(الفوكرز) (Re: ABUHUSSEIN)
|
معاوية عبيد
ســـلام ... غايتو انا رمادي باهت تب
عارف يا معاوية أكتر لحظة ممكن الزول يكون فيها صادق
هي لحظات تحليق ياســر بالطائرة بين السماء والارض
وفي اللحظة دي بالذات حياته وحياة الركاب كانت معلقه
بين الحياة والمــوت ...
ومن رحمة ربنا رب العالمين أننا لا نعرف متى نموت
لو كان الزول بعرف متين يموت كان موضوعنا استحمi
اللحظة دي بالذات يا معاوية هي اللحظة الوحيدة التي لا تحتمل الكذب
ولا يجرؤ المرء فيها على الكذب....
غايتو كلامه تحت في الارض وبعد النجاة يحتمل الكذب والصدق
لكن كلامه فوق ما أظن يكون فيه كذب
مهما يكن يا معاوية يجب أن نشكر ياســر ككفاءة سودانية
بالنسبة لصغر سنه فهو قام بواجبه على أكمل وجه
الغريبة يا معاوية وفي معظم بوستاتك بتكون أنت عارف حاجة
والبقية مسطحين .... والله صحي
ومن غير الانصاف أن تجعلنا نصدقك لمجرد اقتناعك أنت بمصادرك
عندك دليل ومصــدر قوي وكلام موثوق كبه لينا هنا
عشــــان نقيم معاك الحدث ونحكم بعدها...
..
..
___
بالنسبة لود البشــرى دا يا دوب نزل من التونسية
وروحه مكركراهو بســـبب هزيمة الترجي .. والله صحي
ودي الذي تعلم يا حبيب
| |
|
|
|
|
|
|
|
|
|
Re: ياســــــــــــــر كضــاب ورمــــــادى(الفوكرز) (Re: الامين موسى البشاري)
|
مسؤولين من الخير يا شباب
بربار يكون قاصد شنو بالتالي | Quote: تانى مداخلة ليك فى التاريخ بعد الرصد الدقيق ودقيق جدا |
وما هي اول مداخلة لي في التاريخ
وقاصد ياتو تاريخ تاريخي كله ام من دخولي البورد ؟
وماهو الفرق بين الدقيق و بين الدقيق جدا
غالبا الدقيق الاولى يكون نمرة واحد و الدقيق جدا يكون مخلوط بردة
| |
|
|
|
|
|
|
|
|
|
Re: ياســــــــــــــر كضــاب ورمــــــادى(الفوكرز) (Re: محمد البشرى الخضر)
|
Quote: وما هي اول مداخلة لي في التاريخ
|
ود البشرى سلامات
انا قاصد بالنسبة لى انا فى تداخلى معاك
لانك دائما ما بتدخل لى وتكون المقدمة
مصدرك يا معاوية عبيد..
ما ملاحظ معاى القصة دى....مصدر مثلا
بيتحدث عن الفساد ..اى زول فى السودان
والدول المجاورة والغير مجاورة عارف
فساد هولاء الكيزان ..اها يقوم يجيك واحد يقول
المصدر..؟
تحياتى...يعنى انت معرفة المصدر بتفيدك بشنو ؟
تحياتى
الاسمو البشــــــــارى بتاع المريخ ما تشتغل بكلامو
ويا ود البشارى الهلال تاج من لا تاج له او راس له.
ياود البشارى ..نشر التحقيق هو البحدد كلام ياسر
لانوقدام لجنة التحقيق فى صتدوق اسود وتسجيلات
مافى زول بيقدر يكضب....
| |
|
|
|
|
|
|
|
|
|
Re: ياســــــــــــــر كضــاب ورمــــــادى(الفوكرز) (Re: معاوية عبيد الصائم)
|
وعليكم السلام يا معاوية | Quote: تحياتى...يعنى انت معرفة المصدر بتفيدك بشنو ؟ |
بتفيد كتير يا معلم
في مداخلة في الصفحة الاولى في بوست جني اديتك تلاتة اسباب - متعلقة بكيس الفوكر - لكنها ممكن تو فيت مواضيع تانية
اقلاها التقيد بذكر المصدر يمنع حركة اي زول يصحى الصباح حلمان يجي يكتب حلمه هنا كأنه واقع و يليسها في مصدر مجهول
| |
|
|
|
|
|
|
|
|
|
Re: ياســــــــــــــر كضــاب ورمــــــادى(الفوكرز) (Re: محمد البشرى الخضر)
|
منقول
ايها الشرفاء من ابناء هذا الوطن
ان شباب التغيير فى كل انحاء السودان يعدون العدة للتحرك يوم الجمعة القادم
الذى يوافق الذكرى 47 لثورة اكتوبر المجيدة .. وسوف يكون التحرك فى عدة اماكن من العاصمة وبقية المدن الاخرى وسوف يكون اول التحركات هو الخروج فى تظاهرات متعددة عقب صلاة الجمعة مباشرة . والمساجد التى سوف تخرج منها التظاهرات والتى تم تحديدها حتى الان هى . مسجد السيد على الميرغنى بالخرطوم بحرى . وم...سجد الخرطوم بحرى الكبير . ومسجد السيد ****د الرحمن بودنوباوى
ومسجد امدرمان الكبير ومسجد الشيخ قريب الله وفى الخرطوم ومساجد مدينة الثورة ومساجد احياء امبدة ومسجد الخرطوم الكبير وجامع طيفور بالديوم الشرقية ومسجد السجانة الجديدة بالديوم الشرقية جوار محطة حجازى ومسجد الشيخ السنوسى بالخرطوم 2 ومسجد العمارات بشارع 47 ومسجد مجمع ابراهيم مالك بالسجانة بميدان المولد ومسجد برى ومسجد امتداد ناصر ومسجد مدينة الطائف
ومسجد الجريف غرب ومسجد العليفون وام دوم ومسجد العزوزاب والشجرة والحماداب وهولاء سوف يتجمعو عند سوق الشجرة وقطع الطريق الرئيس المودى الى الكلاكلات وجبل اوليا كذلك سيتجمع شباب التغيير فى منطقة الصحافة غرب فى مسجد سوق مربع 25 اما شباب التغيير فى منطقة الصحافة شرق فسوف يتجمعو فى مسجد مربع 37 جوار مستشفى ابراهيم مالك
اما خارج العاصمة فسوف يخرج شباب التغيير من مساجد مدينة ودمدنى الكبرى فى وسط ودمدنى وكذلك مدينة الحصاحيصا واما مواطنى الحماداب شمال السودان سيجددون تحركهم عقب صلاءة الجمعة من مسجد الحماداب الرئيسى
كذلك قال شباب التغيير ان تحركهم ايضا سوف يكون مساء يوم الجمعة 21 اكتوبر 2011 من داخل الاحياء وعلى شكل مظاهرات صغيرة تقصد الشوارع الرئسية وناشد شباب التغيير كل الذين يودون التظاهر بعمل كل الاحتياطات الازمة لمواجهة مسيلات الدموع . والتى نوهو لها على صفحاتهم على موقع الفيس بوك . كذلك ناشد شباب التغيير كل المواطنين بمحتلف اتجاهاتهم السياسية للوحدة فى اسقاط نظام الانقاذ ووعدو بمواصلة التظاهر حتى سقوط النظام . كما وجهو النداء لقيادات الاحزاب السياسية كافة بحشد عضوية احزابهم فى كل اماكن التجمعات التى ذكرت . كذلك دعو كافة منظمات الطلاب والمجتمع المدنى للمشاركة فى التظاهر وجلب لافتاتهم
| |
|
|
|
|
|
|
|
|
|
Re: ياســــــــــــــر كضــاب ورمــــــادى(الفوكرز) (Re: الشفيع وراق عبد الرحمن)
|
كتب الزميل ود البشرى
Quote: اقلاها التقيد بذكر المصدر يمنع حركة اي زول يصحى الصباح حلمان يجي يكتب حلمه هنا كأنه واقع و يليسها في مصدر مجهول
[/QUOTE
|
Quote: والزول الكان جالس بين الكابتنين ..شخصية
خبرة فى المجال ..ومعروف لكل شركات الطيران
العاملة فى السودان ..ومن اسرة شهيرة نواحى ام درمان
|
وفى الاقتباس التحت اقتباس ود البشرى تحدثت عن معلومة الشخص التالت الكانت منكورة؟
واخير كتب كابتن صديق..ليوكد مصدقية مصدرى
]Quote: نعم كان على متن الطائرة ويجلس في المقعد الزائد - الثالث ويسمى ال_ Jump Seat
SNY هي إختصار لكلمة SUPERNUMERARY وهي تعني الشيئ الزائد أو الإضافي.
شان كدى التحقيق التحقيق ونشر التحقيق.....ود البشرى اها لسه انا حلمان ؟
| |
|
|
|
|
|
|
|
|
|
Re: ياســــــــــــــر كضــاب ورمــــــادى(الفوكرز) (Re: معاوية عبيد الصائم)
|
معاوية ياخي ما تبالغ كمان
اولا قصدك شنو بمعلومة الشخص التالت كانت منكورة
مداخلاتي معاك كلها الانكرتو عليك تسرعك باصدار حكم ادانة بناء على ثقتك في مصدر ما وعدم اعطاءك فرصة للتحقيق او للطرف الآخر
و اصرارك على رفض من هو مصدرك وما موقعه ومطالبتك ايانا ان نصدقه زيك
دي واحدة و التانية كويس انك استشهدت بحديث ابوفواز عن وجود كابتن زيادة في الكابينة
اها ابوفواز دا قال الأتي: Quote: كل الطاقم إستنطقوا ... وتحدثوا جميعاً ..
بما فيهم كابتن / زيادة إدريس والذي أمن على شهادة سامر السيد ... والذي سألته أنا شخصياً سؤال مباشر :
من الذي كان يقود الطائرة حتى الهبوط وإخلاء الركاب ؟؟؟
فأجاب بالحرف الواحد :
كابتن ياسر الصفي . PERIOD
ولقد أمن لي شخصياً كابتن/ زيادة إدريس على ذلك . |
اها تاني شنو؟
دا مش شاهد عيان ساي, لا دا شاهد عيان جدا
لما يجي يأكد على الحقيقة - جاز لي الآن ان اطلق عليها حقيقة وانا مطمئن - الحقيقة الانتو بتشككو فيها بناء على رواية سماعية معنعنة
ثم تعال يا معاوية انت مصدرك المباشر - الحكى ليك يعني - اوعى تقول لي ما كان راكب في الطيارة
علي اليمين تكون بالغت
يعني مقوّم نفسنا ليك سنة و بهت الناس كضّابين - كضذاب دي اليشوفك تجر الالف لمن تكتبها يقول انت زاتك كنت في الكابينة خليه مصدرك
وبعد دا يطلع مصدرك لاشاف بي عينه لا سمع بأضانه!!
لا لا لا .. اتلومت لوم السواد يا معاوية
| |
|
|
|
|
|
|
|
|
|
Re: ياســــــــــــــر كضــاب ورمــــــادى(الفوكرز) (Re: محمد البشرى الخضر)
|
Quote: ثم تعال يا معاوية انت مصدرك المباشر - الحكى ليك يعني - اوعى تقول لي ما كان راكب في الطيارة
علي اليمين تكون بالغت
|
ود البشرى مساء الخيرات
يازول عايزك تنسى فكرة مصدرى ده...سمح
وقصة جلوس المختص معاش فى نص الشباب
انا الكتبتها هنا قبل الزميل صديق
شفتى مصدرى فقرى كيف؟
غايتو مصدرى اخر مرة كان راكب تونسية الترجى
تحياتى لرحابة صدرك ..
| |
|
|
|
|
|
|
|
| |
معاوية عبيد الصائم
محمد البشرى الخضر
Nagat Sid Ahmed Elshiekh
عادل الباهي عبدالرازق
سارة علي
ABUHUSSEIN
الامين موسى البشاري
Ahmed Abdallah
الشفيع وراق عبد الرحمن
تبارك شيخ الدين جبريل
داليا حافظ
معتصم محمد صالح
محمد يوسف الزين
فيس بوك
تويتر
انستقرام
يوتيوب
بنتيريست