من أجمل ما قرأت مؤخرا... لمحمد حسبو

Quote: دا كلام لطيف وكلام منظراتي مثلك ومتلي ومتل ناس حقوق الانسان لكين في ناس هناك ضاقوه في الجلد الحي حقوقهم انتزعت وسلبت ديل لما يلقوا الفرصه المؤاتيه لن تثنيهم لطافتنا ولا تنظيرنا دا . عشان كدا بتقول للساده الطغاه احترموا ادميه شعوبكم وحقوقهم واحترموا القانون حتي يردوا ليكم جمائلكم دي لو انقلبت الامور .قيقا الثورات البتجي بعد ظلم وقهر وعدم احترام للقانون طوووويل لا يمكن لاحد ان يسيطر علي سير احداثها ولا نتائجها ومتل ما قال ليك ياسر في عوامل كثيره اتوفرت في ثورات السودان السابقه وقد لا تتوفر في ثوره قادمه ان قدر لها وبعدين انت قايل ناس المؤتمر الوطني قابضين قوي وبضربوا بيد من حديد عشان شنو ؟؟

- هو احد الناس ديل
اجيب الصور و لّ بتكرفس ليكم مشاعركم ساي!؟
منو المنظراتي هو و لّ حسبو البحلف بحياة ثورة لن تجئ دي!؟
جمال انعم ناسوا برّة مالين الساحات .. ماتوا بالآف ( قسماً لو نزلت الصورة لما بقى فيكم واحد - حتى ياسر طيفور قاسي القلب الما لطيف دا تلاتة يوم يمين ما ياكل (لحم) تاني)

منو المنظراتي اسي في ذمتك البعرفا انا دي!؟

ثم ياخ بطريقتكم دي كأنوا بتقول عفا الله عما سلف .. و الموضوع انتهى!؟
وين الكلام دا؟
في يات كتاب دين .. في يات حديث انسانية دا؟
لن ينتهي الامر الا بعد معاقبة كل المجرمين ..
اي زول في حبة ضمير مفروض يكون مع ملاحقة آخر مجرم في حق الانسانية، غض النظر عن موقعه، لونه فكره، جنسه .. او دينه
كدا بستقيم الامر في وجهة نظري ..
أي كلام تاني ببقى كلام ساي .. و تزجية وكت فراغ في الفارغة ..
و ان شاء الله الثورة البتختا القيم و المبادئ دي ما تجينا كلو كلو
و صادق في دعائي اعلاه

انتهى الموت الاضافي .. ابتدأ الزمن المخصص للنماء
بنرفض نحن نموت ..
عاوزين نعيش ياخي!





--------

* اوع تكوني اتحسست برضو
بقيتي حساسة ياخ انت!
ما زمان كنت في تيمنا بتشوتي ساي .. و محل ما تمشي تمشي!
ان شاء الله تجي هدف في مرمانا ذاتو .. المافي شنو هو!؟
ما كلو مجاني في مطعم الباشا؟

كل عام و انت بخير يا ماما دوما
و عليك الله اعفي لي