|
|
 Re: محمد حسنين هيكل: ما يحدث الآن ليس"ربيعاً" (Re: قيقراوي)
|
ابدا يا قيقا لا بيتباكى لا حاجة ..
لو ضغطت على رابط البوست الانا ختيتو فوق حتلقاني خاتي رابط الاهرام و فيو نص الحوار تماما و ليس الاختزال و القطع و سوء القصد بتاع الموقع النقل منو ايهاب.
اقرا الحوار حتلاقي هيكل بيتكلم بكل قبول و اريحية انو المشروع القومي العربي انتهى و انو كان مناسب للخمسينيات و الستينيات و السبعينيات لكن الان دي مرحلة مشروع جديد.
كلامو ما فيو اي تباكي. بل فيو عرض محايد. قد يكون فيو نوع من الشجن لأنو احد بناة المشروع المنتهي زمنو و ده طبيعي. لكن مافيو تباكي او محاولة تشبث.
خاصة انو هيكل عندو كلمة مهمة قالا في احد كتبو من قبل انو المشروع العربي حتى ان لم يكن حقيقي كواقع فاننا نحتاج لاختراعه.
طبعا اننا دي قاله هو عشان ما تعدني هنا معاو.
لكن الكلمة دي بتوريك انو هو بينظر للمشروع كضرورة مصلحية للمنطقة في مواجهة مشاريع تانية. فمن الطبيعي لمن تنتهي الضرورة دي انو يتم استبدال المشروع.
واهمية كلامو في الحوار ده هو تنبيه الناس انو الفراغ سيملأ بأحد مشاريع ثلاثة اجنبية لو لم يسارع الناس بملئه.
المشروع الجديد يكون افريقي يكون اسلامي يكون بحرمتوسطي يكون اي حاجة المهم يكون مشروع محلي يجمع تحت مظلة مصلحية.
|
|
  
|
|
|
|
|
| |
حمور زيادة
فيس بوك
تويتر
انستقرام
يوتيوب
بنتيريست