|
Re: حسين خوجلي ...حسين ملاسي .. (Re: الامين موسى البشاري)
|
Quote: ركز لينا على التشابه باللاي الاختلافات ما مشكلة يااااخ لاني طوالي بغير القناة بمجرد ما يظهر فيها حسين خوجلي |
البشاري ازيك ياااخ ... القدرات العالية على الاساءة للرموز ودون خجل هي الصفة المشتركة طبعا ... استغل حسين خوجلي مناخ الحرية المتاح عقب سقوط النميري أسوأ استغلال ...وشرع في الاساءة للسيدين (شئنا أم أبينا ..فهما سيدان ) ...ولبقية قادة الحزبين أما ملاسي دا ..فقصتو قصة ... واقع في الناس شلاليت ..واساءات يمين ويسار ...مغنين ..ولعيبة كورة ... وساسة ..وكتاب..ومفكرين ..وصحافيين ... دون أن يفتح الله عليه ولو بكلمة أو رأي في ما يعيشه الوطن ويعانيه المواطن في زمان المؤتمرجية ..
| |
|
|
|
|
|
|
Re: حسين خوجلي ...حسين ملاسي .. (Re: فتحي الصديق)
|
Quote: حسين خوجلي يكتب السهل الممتنع الممتع حسين ملاسي يكتب المختصر المفيد |
حبابك شيخ العوض .. هدا وجه شبه فيه مؤشر للقدرة على توصيل المعنى للمتلقي ...ويشير أيضا وبدرجة ما الى عجز عن التحليل والاستنتاج وطرح الحلول ..
| |
|
|
|
|
|
|
Re: حسين خوجلي ...حسين ملاسي .. (Re: حيدر حسن ميرغني)
|
Quote: ياريت تجيب افتباسات عشان اكون في الصورة واديهو على دماغو بحسب معيار الاساءة عندي |
حاضر يا حيدر ...الصبر بس ... واضافة لذلك فقد سبق له و أن وصف زملاءه هنا بالمنبر بأنهم فئران تجارب !!!! *
-------------------------------------- *حين نشر الرسم الكاريكاتوري عن الأستاذة ناهد حبرالله قبل سنوات .
| |
|
|
|
|
|
|
Re: حسين خوجلي ...حسين ملاسي .. (Re: فايزودالقاضي)
|
Quote: .طيب ياخي السياسة دي شأن عام تعنيني انا وتعنيك وتعني غيرنا ومن حقي وحقك وحق الاخرين ان ننتقد سياسات السيدين ..يااما كمان يقعدوا في بيوتهم ومايمارسوا سياسة |
معاك يا أب شنب ...أتق معك تماما ...سياساتهم وتصرفاتهم عرضة للانتقاد .. .. بس الغلط أنك تقعد تتناول في سير الناس وحياتم الشخصية زي ما كان بيعمل حسين خوجلي ..
| |
|
|
|
|
|
|
Re: حسين خوجلي ...حسين ملاسي .. (Re: فتحي الصديق)
|
Quote: بس الغلط أنك تقعد تتناول في سير الناس وحياتم الشخصية زي ما كان بيعمل حسين خوجلي .. |
طبعاً ده غلط ومتفق معاك فيهو ...وحياة الناس الشخصية هي خط احمر لايجوزر التعدى عليها او اليها ...
لكن حسين ملاسي وين تعرض لحياة الناس الشخصية ؟!!
تحياتي ،،،
| |
|
|
|
|
|
|
Re: حسين خوجلي ...حسين ملاسي .. (Re: فايزودالقاضي)
|
يا ود القاضي مالك بقيت زي صحفيي الهلال العظيم ...يجوهم بي جاي يجوا بهناك ... ما أشرت اليه جاء في سياق حديثي عن حسين خوجلي ...ولم أعن به ملاسي ...
Quote: استغل حسين خوجلي مناخ الحرية المتاح عقب سقوط النميري أسوأ استغلال ...وشرع في الاساءة للسيدين (شئنا أم أبينا ..فهما سيدان ) ...ولبقية قادة الحزبين أما ملاسي دا ..فقصتو قصة ... |
| |
|
|
|
|
|
|
Re: حسين خوجلي ...حسين ملاسي .. (Re: اسامه خليفه)
|
Quote: يا اخوي حسين خوجلي نختلف او نتفق معه فهو لديه ما يقله ويعبر عن فكرته باكثر من صفحه .. والاخر لايزيد عن السطرين لو اجتهد ويبني فكرته من ردود المتداخلين في بوستاته ..
|
عارف يا أسامة . ..حسين خوجلي زمان كان كدة ... .. في فترة حكم المشير سوار الدهب وفترة الدميقراطية الأخيرة ... كان يكتب عن السيد التوم محمد التوم واصفا أياه ب (التوم كديس ) ..ويتحدث عن أبناء السيد علي الميرغني بأن لهم مدرسة خاصة واحد يجي الاول والتاني يجي التاني...ومافي طيش بالمدرسة ..وان السيد الصادق المهدي مغرم فقط بالترقيم ..لأنه يورد ما يتحدث عنه في شكل نقاط ... بيكتب بس اربع خمس كلمات زي ملاسي بالضبط...
| |
|
|
|
|
|
|
Re: حسين خوجلي ...حسين ملاسي .. (Re: حيدر حسن ميرغني)
|
Quote: السبب شنو انك انتقيت حسين لوحده وقارنته بحسين خوجلي؟
|
وجه الشبه أنهما ساعيان للوصول لهدف ما ... واحد وصل خلاص... والتاني ساعي لسة (بيجاهد ) ...
Quote: هناك عضو اسمه صديق مهدي يشتم مخالفيه بـ أنصاف الرجال ليه ماجبتو كمثال برضو |
ياخي دا زول طيبان ساهي .... بالغت والله يا حيدر ..
| |
|
|
|
|
|
|
|