|
|
|
 Re: ما وقع بين الرئيس والخادمة في الفندق كان بالتراضي (Re: خضر الطيب)
|
| Quote: شالتو الهاشميه مع خادمة الفندق وفقد كلو شئ بعدها |
تحياتي
ليس هو فقط من فقد كل شيء بل ربما كل اليسار الفرنسي ..
د.س.ك كما يسمونه كان المرشح الاقوى ضد ساركوزي وفوزه كان شبه مضمون في الانتخابات المقبلة.. المسالة الان بقت مجهجة.
الرجل ثبت انه ضعيف جدا امام النساء فبعد فضيحة الفندق ظهرت له العديد من القضايا اخرها ان اتهمته صحفية فرنسية بمحاولة اغتصابها وقد اعترف بانه حاول تقبيلها وتوقف عندما قامت بصده .. وبالطبع لم تستطع الصحقية ان تثبت عليه مسالة الاغتصاب .. والان هو قيد الاتهام في قضية دعارة منظمة بواسطة فندق كارلتون .
غايتو الزول ده حقق لي مقولة "التور كان وقع" .. كان ماده دسمة جدا للصحافة ومازال.
سمعت عن تحقيق نشرة صحفي امريكي(لا ادري ان كان هو نفسه من اصدر الكتاب) عن فبركة قصة( نفيساتو ديالو ) ويتهم فيها حزب ساركوزي بتدبير هذه الفضيحة .. لكن تاريخ الرجل لايساعده كثيرا لترجيح هذه الفرضية ولم اسمع من يصدقها حتى الان رغم تداولها الواسع.
| |
 
|
|
|
|
|
|
|
|
Re: ما وقع بين الرئيس والخادمة في الفندق كان بالتراضي (Re: Osman Musa)
|
العزيز أسامة
سلامات
المحامين حقين الخادمة نفيساتو ديالو
محامين كحيانيين .
وعمك دومينيك سبح . سبح سباحة عجيبة . سبح
بي خبرتو في الخروج من لطم الموج وشباك المحاربين .
دومينيك يا أسامة جاب 9 محامين كلهم أساتذة قانون في جامعة نيويورك
ساعة المحامي الواحد بي 800 دولار .
شوف 800 X تسعة كم .
جماعة نفيساتو ديالو ناس مطرطشين ساكت .
واللعب يا أسامة كان تقيل والخشونة كانت
نار نار .
..
وبعدين تابع معاي القصة يا أسامة
تحياتي
| |
|
|
|
|
|
|
|
|
Re: ما وقع بين الرئيس والخادمة في الفندق كان بالتراضي (Re: Osman Musa)
|
العزيز شرف الدين
سلامات
السيد / الرئيس دومينيك يا شرف كان همو كلو
يتخارج من سجن مانهاتن المخيف . وبعدين يحلها ربك .
الرجل ذكي وكان حاسب حساباتو لمعالجة الكبسيبة الحصلت
لو طلع من سجن نيويورك . فرنسا بلدو وهو عارف جحور نفق الطلوع .
يا شرف الدين هسع زولنا خلاف قروش كتابو الطلع ده .
تعال شوف القروش الحتدخل حسابو من مشروع الفيلم .
..
تحياتي
| |
|
|
|
|
|
|
|
|
|
Re: ما وقع بين الرئيس والخادمة في الفندق كان بالتراضي (Re: Osman Musa)
|
اخونا عثمان..
بكل صراحة بعد ما قريت كلامك الاخير .. اندهشت لمن بي غادي..
وقعدت احسبا ليك ... لمن الواحد جاتو كرشة نفس ( علي قول عادل امام في مسرحية الواد سيد الشغال)
المهم .. الناس ديل لو قعدنا نباري حكاويهم حنقع الكوش ( قول لي هي انحنا قتناها متين)..
الخواجات ديل اي حاجة عندهم بي أدب ... ولا عزاء لي صعاليك العالم الثالث..
تشكر مرة تانية يا حبيب.. واتحفنا بي قراياتك المنتقاة..
| |
|
|
|
|
|
|
|
|
|
Re: ما وقع بين الرئيس والخادمة في الفندق كان بالتراضي (Re: جمال الباقر)
|
عزيزنا جمال
سلامات
يا جمال اللقاء الحصل بين ستراوس
ونفيساتو لم يتجاوز أكثر من 6 دقائق .
وحسب كلامو كان بالتراضي .
وبرضو حسب كلامو قال : الخادمة كانت مدسوسة عليه ضمن مؤامرة عجيبة .
وبرضو قال : نفيساتو سرقت هاتف شغلو المحمول طوالي بعد لقاء ال 6 دقائيق .
..
حقيقة دي التفاصيل البتعجب مشاهد الفيلم الامريكي
| |
|
|
|
|
|
|
|
|
|
Re: ما وقع بين الرئيس والخادمة في الفندق كان بالتراضي (Re: Osman Musa)
|
Quote: يا جمال اللقاء الحصل بين ستراوس
ونفيساتو لم يتجاوز أكثر من 6 دقائق .
وحسب كلامو كان بالتراضي . |
سلامات يا عثمان
و ال 6 دقائق دي مدة طويلة جدا...مدام ما حصل فيها إستغاثة لأبومروة ولا كواريك للكجر
يبقي الشغلة كانت بالتراضي....
وإسم نفيساتو ذاتو دليل علي انها تجيد الفرنسية بطلاقة...يعني لو ما عايزة كان ممكن تفهمو بالفرنسي إنو الشغلة دي عيب عليهو....دا برضو يرجح فرضية المؤامرة
أما سرقة الموبايل ممكن يكون زيادة من عندها يعني فوق البيعة
| |
|
|
|
|
|
|
|
|
|
Re: ما وقع بين الرئيس والخادمة في الفندق كان بالتراضي (Re: د. ياسر عبد القادر)
|
عزيزنا شرف الدين
سلامات
يا شرف الدين ناس شمارات الواشنطن بوست قالوا :
في بعض من مشاهد الفيلم حتتصور في ميدان معركة الدقائيق ال 6 .
وأنت عارفو فندق سوفيتيل الفخيم الضخيم ناطح السحاب ومبشتن الملوك والاصحاب .
الفندق ده يا شرف يا أخوي الليلة فيه بي 3 ألف دولار .
3 ألف دولار مع الجاكوزي والبوفيه المفتوح .
يازول !
| |
|
|
|
|
|
|
|
|
|
Re: ما وقع بين الرئيس والخادمة في الفندق كان بالتراضي (Re: Osman Musa)
|
ودالعم عزيزنا د / ياسر
سلامات
تابع يا ياسر كتاب ( حكايات الرئيس )
شوف تفاصيل الكتاب الشغل الدنيا و العالمين .
الزول قصتو تجنن .
كيف ؟
كيف ياخ الزول ده يجكن في نص وحل المؤامرة وهو عارف عيون
الجيش الساركوزابي المنتشر في كل ملفات الشوارع .
المجنون ده .
كيف يهبش سروال نفيساتو وهو عارف حجم الحرب وطول المعركة ؟
يا ياسر أخوي . ياخ الذكاء في الأقتصاد براو ما حيضاري المتهور من هوج
الرياح .
..
الكتاب وصف وصف وتصوير ود حنود .
تحياتي
| |
|
|
|
|
|
|
|
|
|
Re: ما وقع بين الرئيس والخادمة في الفندق كان بالتراضي (Re: Osman Musa)
|
| Quote: وتفاجأت بانه ليفي شتراوس الرئيس السابق لصندوق النقد الدولي والمرشح المستبعد من قائمة اليسار الفرنسي |
الزميل شرف الدين (ليفي إشتراوس) فيلسوف و مفكر ألماني وأحد رواد البنيوية فهو برئ براءة الذئب من دم يعقوب خاصة وأنه مات منذ خمسينات القرن الماضي .. نرجو التصحيح والمقصود إستراوس دومنيك . لك الشكر
| |
|
|
|
|
|
|
| |
Osman Musa
نورالدين الفحل
خضر الطيب
osama fadlalla
جمال الباقر
د. ياسر عبد القادر
فيس بوك
تويتر
انستقرام
يوتيوب
بنتيريست