يا نجوم الغد..السكة دي غلط

Quote: انت عشان جبت ليك كمنجة داير تبقى ناقد فني؟ وبالمناسبة رجعت قروشك؟ ؛) ____ بصراحة ناس جدة ديل بتاعين مشاكل وكركبة، أساسي، فايِز، وليد، جمال، إلخ !

Quote: ياخي غير مساختهم مع الاولاد جات بنت (متنافسة ) قالت الكابلي قريبها بالله طلعوا ليك بيها السماء انا قلت دي ياربي تكون ام كلثوم (كوكب الشرق)

Quote: وقال شنو؟ كأنو شايف كابلي قدامو ،، !!!

Quote: عليك الله ما شايف إنه الناس ديل باستثناء الدرديري ما قاعدين يقدموا أي حاجة غير إحباط هؤلاء الشباب؟؟

Quote: يازول بعد كلامك الفوق دا أنا البوست ح استلموا رسمي وشعبي اصلاً عمك الدرديري دا فنان خلقه وسمح في وشو دا . البقية ديل اصبر لي فوقهم بس ارفع البوست و انا بفضى ليك .

Quote: البركة في الريموت كونترول..نسمع الغنا و اول ما يبدا تقييم التلجين بنقلب لي قناة تانية.

Quote: غنت بنيه قبل بت ناس كابلي....إسمها (الجنَّه) والله الناس المعاي كلّهم قالوا صوته كويس...عليْ اليمين جماعتك ديل مسكوها من كِريعاته, وخبّتوا بيها الواطه يمين وشمال وبطُن وضهر وقلبه وعدله....وكمان قالوا ليها (بتسرِّخي)..... ومش كده وبس ( أطلعي من هِدوم صلاح محمد عيسى)......عملوا للبت نفسيات...لا ..ومعاها نِهير كمان!...البت والله حننتني عديل كده... صِعبت علينا أنا والمعاي.

Quote: على العموم أعتذر على الإطالة و أقول بأنى سأعرض موضوعى كاملاً للنقاش هنا، فليست لدى أى طموحات شخصية فى هذا المضمار ( ما داير أبقى مشهور زى بابكر)..

Quote: اما محمد سليمان دا بينى وبينة تستطيل حوائط.

Quote: أي نعم بعد مرات في كبكبة وخفة دم ورشاقة زايدة عن الحد لكن يا أخوانا ما تنسو الناس ديل في النهاية بشر زينا يعني ما لجنة من الملائكة ...

Quote: بخصوص سغالة الخبراء بس خلى الريموت جنبك واسمع غنا بس وقلبك دليلك..

Quote: غــدا" تتفتح الزهور يا حــودة ما تخاف عليهم من يمتلك الموهبة والاصرار على المواصلة لا يقيف فى دربه د سيف ولا محمد سليمان

Quote: البت القالت الكابلي جدها ،، المجاملة كانت وااااضحة شديد ،، ياخي حتى محمد سليمان .. ما استخدم معاها (مساختو) المعهودة ،، وقال شنو؟ كأنو شايف كابلي قدامو ،، !!!

Quote: لجنة التحكيم في البرنامج السخيف ده تتحمس فقط للمغنيات البنات أما المغنيين الشباب غالباً يتم ردمهم و تحطيمهم ما لم يكون عندكـ واسطة. زول زي شريف الفحيل مثلاُ عملو منو فنان مع إنو واحد من الأصوات الشبابية الأقل من العادية المرت على البرنامج في حين تم تحطيم و أبعاد عدد كبير من الأصوات الجميلة جداً بس بسبب إنهم ما عاجبين لجنة الزفت دي أو لأنو ما عندهم واسطات ..

Quote: زول زي شريف الفحيل مثلاُ عملو منو فنان مع إنو واحد من الأصوات الشبابية الأقل من العادية المرت على البرنامج في حين تم تحطيم و أبعاد عدد كبير من الأصوات الجميلة

Quote: كتر خيرك..وأمسكوا لينا في الممتاز قوي بالله..