|
|
 Re: إلى إسمارت هي .... (Re: Rihab Khalifa)
|
عارفة يا رحاب ..الحاجة الوحيييدة الما بعرفا في حياتي دي العيد ميلاد..يا كافي البلا من ما قمت ما عملوهو لي ولما وعيت ما عملتو لي روحي..أحكي ليك حاجة لذيذة ..أخوي الكبير كل سنة بيعمل عيد ميلادو وشي تورتات وشي جاتوهات وشي شموع..السنة دي ضربت ليهو بسألو أها العيد ميلاد كيف؟؟؟
قال لي السنة دي عملت رز بي لبن ولقيمات ووزعتهم..قلت ليهو يا راااجل مالك مفلس ولا شنو؟؟
قال لي لالالا بس انا كده تميت الأربعين مش في الأربعين بيوزعو رز ولقيمات؟ :-)
تقول لي أي باد؟قااادر الله..
تخريمة
يا ود البشرى عليك الله طلحة ده ما غلطان؟:-)
| |
  
|
|
|
|
|
|
|
|
Re: إلى إسمارت هي .... (Re: عمر الفاروق)
|
Quote:
الجدير بالذكر أنو الحبيب وليد عبداللطيف كان يدخل أي بوست يلقاني فيهو
مشتبك في مشادات كيبوردية طوالي بدون ما يعرف أية حاجة يقول لي طريقتك
غلط والكورة أخلاق وما عارف شنو .. حتى لو كنت انا مظلوم . |
طلحة ... الغالي
طبعا انا رديت ليك قبل ما اشوف كلامك دا
الغلط غلط في الحالتين اذا كنت ظالم او مظلوم ادفع السيئة بحسنة يالحبيب دائما
في الشارع في اشياء بتحدث امكن ماتلوم صاحبها لانك انت مصنفو هو اساسا شنو
لكن ياطلحة في فرق بين الانسان الصحفي او العامة وانا بشوف فيك روح الصحافة
لذلك لااريدك تخوض مثل هذا العراك الذي لايضيف ليك غير مايخصم
ياطلحة احيانا واكيد في ناس مثلي بتجي تبحث عن اسماء معينة
عشان تقرا ليها تخيل تجي تلاقيك بتقول كلام ليس له فائدة سليقة وبيض بس
واكيد انت بالزات من النوع البكتب باسلوب جميل
بعدين خلي روحك ونفسك طويل في اشياء ممكن الانسان يجليها عادي زي المافي شيء
حماقتنا بتاعت السودانين دي الان لاتخدم غرض ...
ونحن والمعجبين لك بالمرصاد عايز تصطاد في المياه العكره صااااااااااااح عشان تسرح وتمرح
| |
|
|
|
|
|
|
|
|
|
Re: إلى إسمارت هي .... (Re: وليد عبد اللطيف)
|
Quote:
البيشوف الوقفة، ما يقول بكرة العيد
و من بره هلا هلا و من جوة يعلم الله
دخلنا نقرا عن سمارت، لقينا الكلام عن سكسك |
هههههههههههه
والله يابت السناهير مابتنقدري
بالله كيفك يادكتورة مشتاقون ثم مشتاقون
| |
|
|
|
|
|
|
|
|
|
Re: إلى إسمارت هي .... (Re: وليد عبد اللطيف)
|
با ولي يا حبيب
ياخ ما عايز أستغل البوست دا في كلام بيني وبينك لكن بس عايز أذكرك أنك اتا قبل كدا
اتفقت معاي بدل المرة اكتر من مرة في حكاية رد المظالم دي فما عارف نسيت واللا لشنو عايز
تاني تجيء تكررا لي ؟
قلت يا وليد أنا هنا ما صحفي أنا هنا اعتزلت الصحافة وبقيت أكسر حطب في الجبال ..
وقلت ليك ياخ هنا في بعضهم ما بفهم أنك إتا مترفع من الرد عليهو ولامن تطنشو ممكن عادي
يبقي ليك شوكة هجليج في حلقك وكلما ما تفتح موضوع أو تشارك في بوست ح تلقاهو متعرض ليك
وحاميك الموية والهواء ويكون بعد كدا قدامك خيارين فقط :
يا إما تهرب تخلي ليهو البورد وتبقي متفرج زيك وزي أي قارىء ..
يا إما كمان تتحمل البلاوي والإستفزاز والإتهامات التى يمكن ان تطال اخلاقك وشرفك وأمانتك..
واتا عارف أنو عندي تجربة هنا في البورد من النوع دا ..
أها يا وليد أختار لي واحد من الخيارين الفوق ديل ..
حقوا يا وليد عشان ما تنسي المرة الجاية اقتبس الكلام وأحفظوا عندك عشان لو لقيتني
في معافرة مرة تانية تتذكرو كويس .
| |
|
|
|
|
|
|
|
|
|
Re: إلى إسمارت هي .... (Re: طلحة عبدالله)
|
| Quote: أنا هنا ما صحفي أنا هنا اعتزلت الصحافة وبقيت أكسر حطب في الجبال .. |
وانا اشهد ع الكلام دا
احب اضيف انو حطبو البجيبو زاتو عواليق و مشقق وما نافع
والناس بشتروه على سبيل المجاملة بس
| |
|
|
|
|
|
|
|
|
|
Re: إلى إسمارت هي .... (Re: smart_ana2001)
|
عمر الفاروق...القال ليك منو هدية عيد ميلا???
هدية لله ...فى لله كده.....هدية عشان هو رجل ظريف و يستاهل.
كدى النسالك يا عمر...بمناسبة انو رحاب نفسها تخش السينما و الاستاد فى السودان.....صحى منوع دخول النساء لدار الرياضة بامدرمان.
مرة فى الجامعة كانت هندسة لاعبة فى دورة رمضاية فى صالة ما (ما متذكراها) قمنا انا و صحبتى قررنا نمشي نحضر كورة هندسة و نستمتع بالتشجيع و اغانياته. يا مان... هندسة دى كلها سمعت بى اسمارت و ست النفر اللى جو الكورة و بقى برنامج.......لما اتحسسنا.
| |
|
|
|
|
|
|
|
|
 Re: إلى إسمارت هي .... (Re: smart_ana2001)
|
| Quote: هندسة دى كلها سمعت بى اسمارت و ست النفر |
قلتي لي ست النفر؟؟
يعني هسة اتوقع انو اسمك "ست البنات"؟
بطلي حركات التضليل دي..
ما قدرتا كلو كلو اجمع بين كلية الهندسة وست النفر ..
يا جماعة , ما عندي اعتراض على الاسماء الفوق دي بس بدور في اسمارت
| |
|
|
|
|
|
|
|
|
|
Re: إلى إسمارت هي .... (Re: سارة علي)
|
إسمارت يا إنت..
أجيك من اخر كلا بتاع هندسة..لو ما أخاف الكضب ولو كانت فترتك هي نفسها فترتي فالبتتكلمي عنها دي صالة هاشم ضيف الله والدورة كانت منظماها جريدة قوون وكان فريقكم حق هندسة جامعة الخرطوم مكسر الدنيا بي طريقة التشجيع. ودي كانت الدورة اللي إشتهر فيها فيصل كوري -العجب- والزين ادم وإنتو كان عندكم ولدين لعابين واحد إسمو مرضي والتاني ختم.. وبالعكس جكس هندسة وإسكول كان كتير جدا ومالي المدرجات ونحن الضهب ديل كنا بنطط عويناتنا..
بالنسبة لي دخول البنات دور الرياضة فهو متاح بس غالبا بيكون عن طريق الروابط والتجمعات..
بالنسبة لي ست النسا وست البنات وست الستات فياخ عااادي..
بالمناسبة زوجك إنتفت عنو الظرافة طالما متزوجك فعشان كده خلينا في حنك العيد ميلاد ده مبلوع شوية :-)
| |
|
|
|
|
|
|
|
|
|
Re: إلى إسمارت هي .... (Re: عمر الفاروق)
|
إستغلالاً لهذا البوست - الذي لم أفهم حتى الآن مراميه ومآلاته -| Quote: هدية لله ...فى لله كده.....هدية عشان هو رجل ظريف و يستاهل. |
ما دام الشغلانية لله في الله كدا
هل نتوقع يا إسمارت آيباد طاير كدا ؟؟؟
مرة بتونس مع ولدي قلت ليهو أبوك مرشح لجائزة في الشغل هديتها آيباد
رد على بسخرية
" آيباد ح تعمل بيهو شنو ؟؟؟ يا عم خليك مع تلفونك الـ من سنة حفروا البحر دا "
_________________
الأخ وليد عبداللطيف تحياتي
دون الدخول في سجالك مع الأخ عمر الفاروق
وحيث رأيتك تعيد إقتباس ما كتبته أنا في هذا البوست
أقول لك بالصدق كله
أن ما كتبته أنا وقمت أنت باقتباسه أكثر من مرة قد كتبته في إطار ( مزاح )
مزاح أثق أن علاقتي بعمر الفاروق تسمح به
لذلك أرى أن إستدلالك به لتقوية أى حجة لك لا معنى له
مع جزيل شكري أرجو تفهمك
| |
|
|
|
|
|
|
|
|
|
Re: إلى إسمارت هي .... (Re: عاطف عمر)
|
عاطف يا عمر..
انا مرة واحد عقدني في تلفوني المبشتن فقلت اتابع التكنولوجيا وإشتريت مصايب ناس إسمارت دي..ما أضفت أييي شي لي روحي نفس الإستخدام لي نفس الحاجات ألوو ومسجات وقفل الخط..دحين يا أخوي تفوز بي الأي باد بي جاي تديهو لي ولدك بي جاي سمح ؟
| |
|
|
|
|
|
|
|
|
|
Re: إلى إسمارت هي .... (Re: وليد محمد المبارك)
|
سارة....مالو ست النفر يا اختى????
و هندسة دى فيها من عوضية لحدى سوزان. ما قصدى عوضية اسم ما حلو او سوزان اسم حلو....لكن عاوزه اقول فى اسماء متنوعة
انت بس بتكونى بتعرفى ناس الكفتريا بس.
كفتريا هندسة دى فيها كان (ما عارفه الان كيف) لكن كان فيها ارهاب شديد للناس البتجى من كليات تانية...و ده داير بوست براه.
عمر الفاروق...اظن ان دى (اللى انت بتتكلم عنها دى) كانت السنة البعديها.
فعلا ....بعد سنة الموضوع بقى عادى....و انا و صحبتى بطلنا نمشي.
تشجيع هندسة ده و الله داير بوست كبير كارب....خليل ما قصر قبل كده فى بوسته الشهير (اليوم الحار). و انا برضو قبل كده فتخت بوست كان اسمه (نحن الكبار قاعدين كنب)
يا حليل هندسة و ايامها....
كيف يا اخى زوجى ما ظريف???
العرس قسمة و نصيب....ربنا رماه فينى.....لكن و الله ظريف شديد و حافظ القران و متفقه فى الدين و بيحب الكورة و الافلام و بيحب التكنلوجيا و بيفهم فى العربات و شاااطر (لما خلص الدكتوراة ما كان كمل 28 سنة) . اها بيستاهل اى باد هدية ام لا???? قول النصيحة
عاطف عمر.....البوست ده من غير مرامى...بوست ساى كده.
فتحه عمر الفاروق عشان يبرينى....لموا فيه ناس الكورة بروه برى جد.
تعرف انت تعمل شنو???تمشب تجيب ليك اى باد و ما تخلى اى واحد من الاولاد يهبشوا....Tell them that it is your toy
| |
|
|
|
|
|
|
| |
عمر الفاروق
وليد عبد اللطيف
طلحة عبدالله
محمد البشرى الخضر
Omar Bob
smart_ana2001
سارة علي
عاطف عمر
وليد محمد المبارك
فيس بوك
تويتر
انستقرام
يوتيوب
بنتيريست