|
|
|
 Re: إلى إسمارت هي .... (Re: Dalal Ezzaldin)
|
نهال ال كرار:
بالله الصورة أطبعيها لي أم تالية وقولي ليها ده حالتو دفع بس فما بالك بي الدفع وراح في السودان :)
سحس يا ملاسي ..
وش واحد ضاحك منك يعادل ألف مما يضعون ..
بعدين زحنا من إسمارت دي لأنو عااادي ممكن تفور :)
| |
  
|
|
|
|
|
|
|
|
Re: إلى إسمارت هي .... (Re: Dalal Ezzaldin)
|
ال في دلالو عز الدين :
لو علمت المعارضة السودانية قيمة إسمارت لكوزنوها :)
ياخ إتلحت الراجل إستقال ..وشويتين وقوووم يا الراجل موت ..بوست بس جاب أجلو تقولي لي أسهم ؟ :)
| |
|
|
|
|
|
|
|
|
|
Re: إلى إسمارت هي .... (Re: Dalal Ezzaldin)
|
يا حميدة :
والله لمن قريت ولغ ال###### داك قلت بببببس ده انا زاااتو خصوصا بعد ال FIFA 12 .. بس الحمد لله لقت الشغلانة عربات وكده ..
نحن لسة ما وصلنا الحتة دي :)
| |
|
|
|
|
|
|
|
|
|
Re: إلى إسمارت هي .... (Re: عمر الفاروق)
|
| Quote: والله لمن قريت ولغ ال###### داك قلت بببببس ده انا زاااتو خصوصا بعد ال FIFA 12 |
و الله يا معلم لحدي برادو نحن معاك .. بس زولنا دا ولغ ليهو في انفينتي عديل ..
| |
|
|
|
|
|
|
|
|
|
Re: إلى إسمارت هي .... (Re: Dalal Ezzaldin)
|
| Quote: و الله يا معلم لحدي برادو نحن معاك .. بس زولنا دا ولغ ليهو في انفينتي عديل .. |
لالالا ده ما ولغ ..ده كده جلغ ..*
ـــــــــــــــــــــــــــــــــ
* جلغ دي من جمبلوغ ..وما تقول لي ما عندها علاقة
| |
|
|
|
|
|
|
|
|
|
Re: إلى إسمارت هي .... (Re: عمر الفاروق)
|
| Quote: إلى إسمارت هي .... |
Quote: لو علمت المعارضة السودانية قيمة إسمارت لكوزنوها :)
ياخ إتلحت الراجل إستقال ..وشويتين وقوووم يا الراجل موت ..بوست بس جاب أجلو تقولي لي أسهم ؟ :) |
طيب هى إتلحت الراجل حصل ليهو ما حصل
تقوم تتلحا إنت ؟؟
إنت زااااتك هين ؟؟
ماقبال كدا إتلحت بروف معز ونجمة الغناء الأولى شروق أبو الناس وطفشتهم
طفشت لينا ( أم كلثوم السودان ) من الغناء
وطفشت لينا بروف معز من المنبر
_________________
الفاروق عمر
ليك وحشة والله
| |
|
|
|
|
|
|
|
|
 Re: إلى إسمارت هي .... (Re: نهال كرار)
|
بالله داير تطلّع سمارت نحس!! هو انا حسي خفته عليها من بوستك ده، حاكم انت لما تلاحظ ليك شي ما بتفكّه إلا توصّله الحد...
سمارت يُمّه... الله يغطي عليك الليله...
| |
|
|
|
|
|
|
|
|
|
Re: إلى إسمارت هي .... (Re: عاطف عمر)
|
Quote: إنت زااااتك هين ؟؟
ماقبال كدا إتلحت بروف معز ونجمة الغناء الأولى شروق أبو الناس وطفشتهم
طفشت لينا ( أم كلثوم السودان ) من الغناء
وطفشت لينا بروف معز من المنبر |
بالله هو دا انت ياعمر بتعمل في الناس كدا
اها الخيط دا عملت لينا فيهو شنو ياخي ماجبنا ليك العواسة والحلو مُر من مراحلة الاولى
عملنا الزريعة وختينا البهارات وكوجناها
شايفك عملت نائم قلنا نذكرك بس
من انتم ؟!
| |
|
|
|
|
|
|
|
|
|
Re: إلى إسمارت هي .... (Re: وليد عبد اللطيف)
|
سلام يا عمر الفاروق عمرك طويل ..
لمن مات عمر الفاروق التشكيلي بكيت عليك جنس بكى وعافية منك وراضية عليك ..
سلام يا اسمارت والله قررت امتلك اي فون 4s مهما كان سعره بس اليصلنا ..
| |
|
|
|
|
|
|
|
|
|
Re: إلى إسمارت هي .... (Re: smart_ana2001)
|
اميرة و نهال....شكلو عمر لما دفع نيته ما كانت صافية...عشان كده راح. و قولوا لام تالية ..الخير فيما قدره الله. و اهى فرصة عمر ...يصفى نيته و يشترى ليها الجديد.و عندها انا ح ابقى ilaugh 
مريوم و عاطف عمر.... اللله يستر على من عمر الفاروق و لسانه. خاصة و انه فى تار بايت زماااان و انا متوقعاه ياخد تاره فى اى لحظة.
حميده سوق صحبك و امشوا اتونسوا بره
داليا....ساكنه وين انتى يا اختى???
وليد عبد اللطيف...عمر الفاروق بيعمل اكتر من كده
انعام حيمورة...ح يصلكم قريب جدا ان شاء الله. قبل نهاية السنة. سعره ح يكون ذى الiphone4 بالضبط.
بالمنسبة iphone4 مفتوح من المصنع سعره كم فى السودان???
| |
|
|
|
|
|
|
|
|
|
Re: إلى إسمارت هي .... (Re: عمر الفاروق)
|
إسمارت يا إنتي..ياخ النصيييحة لمن أقرا نضميكم عن التلفونات دي بتعقد مع إني من نفس الفيلد بس التقول قريت تبريد وتكييف. تلفوني فيهو زرين أخدر وأحمر.. ألوو و كليينك للقفل. عرض العدة لسة قائم والسلام مقابل الغذاء. الأبتم دي طالعة طقوم صواني وسرامس مبااالغة :) . أها سين قووولك يا بشير ودقووولك يا بشير
| |
|
|
|
|
|
|
|
|
|
Re: إلى إسمارت هي .... (Re: مريم بنت الحسين)
|
| Quote: بعدين إسم إسمارت ده ما ساي شديييدة ولضيضة الحبة ما بتجيها |
Quote: وب علي... قرضها...
البخور البخور يا سمارت... |
لا حول و لا قوة الا بالله.
مريوم...الحقينى بالبخور و بالمعوذتين و الاخلاص.
عمر يا اخى انا عندى اولاد صغار لسه....
| Quote: إسمارت يا إنتي..ياخ النصيييحة لمن أقرا نضميكم عن التلفونات دي بتعقد مع إني من نفس الفيلد بس التقول قريت تبريد وتكييف. تلفوني فيهو زرين أخدر وأحمر.. ألوو و كليينك للقفل. عرض العدة لسة قائم والسلام مقابل الغذاء. الأبتم دي طالعة طقوم صواني وسرامس مبااالغة :) . أها سين قووولك يا بشير ودقووولك يا بشير |
عمر...بالجد انت ما نصيح....يا ريت لو كنت انا فى فى نفس الفيلد بتاعكم. انا بتاعة فيضانات و خزانات ومواسير موية ... و لما ربنا يفتح على ببقى بتاعة خرصانة و سيخ. التكنلوجيا و التلفونات دى لقشرة بس
عرض العدة ده غايتو ما باباه كلو كلو...
طقم سامس واحد و ارسل ليك كل اجهزة ابل اللى فى البيت...بس قول عوك
____________________________________________________
الله يسامك دخت نفسي فى حفلة
| |
|
|
|
|
|
|
|
|
|
Re: إلى إسمارت هي .... (Re: smart_ana2001)
|
حيمورة الإنعام..تشكيل شنو البقراهو أنا.الحاجة الوحيدة الكنت بعرف أرسما خريطة السودان وأسة إتعولقت.. رحم أله الفاروق التشكيلي.. بالنسبة لي موضوع العفو ينظر ويفاد.
وليد..مازايغ منك لكن الموضوعين المعاك كيسك فيهم فاضي. واحدة أقول ليك زولك دس الفنايل تقول كدي أضرب أشوف دساها ليي؟؟
التاني لقيت إنك معتمد فيهو علي إنو بيقولوا إنت لعاب بس يبدو إنك ما في بالك مارادونا وبيليه أكتر إتنين راسهم فاضي تدريبيا وتنظريا.. أها خليك من الأبري وجرب عصير المراعي..
| |
|
|
|
|
|
|
|
|
|
Re: إلى إسمارت هي .... (Re: عمر الفاروق)
|
إسمارت يا إنتي.. والله عايز أسترسل معاك في موضوع التجارة البكماء ده لكن خايف داليا تقرا نضمينا ده وتشبكك برسل ليك كبابي ووسرامس وصواني ..بس عايزة لي تلاتة ملايات.. عايني رسلي لي رقم الفاكس وبكرة دي برسل ليكم الحاجات
| |
|
|
|
|
|
|
|
|
|
Re: إلى إسمارت هي .... (Re: smart_ana2001)
|
إسمارت يا إنتي..لسنة الفاتت إتمحركتي كدا لمممن موديلات السنة خلصت..أسة 2011 باقي فيها شهر ف شنووو زي أكسبي زمنك ورسلي التلفون أو كمان لو منتظرة عشان ترسلي آخر إصدار ما بنلومك..
| |
|
|
|
|
|
|
|
|
|
Re: إلى إسمارت هي .... (Re: انعام حيمورة)
|
Quote: وليد..مازايغ منك لكن الموضوعين المعاك كيسك فيهم فاضي. واحدة أقول ليك زولك دس الفنايل تقول كدي أضرب أشوف دساها ليي؟؟
|
ههههههههههه والله الجماعة قالو لي خليهو دي حركاتو يفتح موضوع ويشرد
| Quote: التاني لقيت إنك معتمد فيهو علي إنو بيقولوا إنت لعاب بس يبدو إنك ما في بالك مارادونا وبيليه أكتر إتنين راسهم فاضي تدريبيا وتنظريا.. أها خليك من الأبري وجرب عصير المراعي.. |
والله كمان كان عندك راي في بيلية وماردونا سكتنا وسدينا خشمنا كمان
لكن احكي ليك حاجة عندنا واحد في الحلة حالتو زي حالتك بس هو على احسن شوية
في مره قال ماردونا ماعندو حاجة بس يقفلو ليهو شمالو
ههههههه
لو كنت يميني يهواك شمالي
.
.
يازول نحنا بنشرب من مانصنع خلينا مع الحلو مر وعواستة المراعي وندى للفرحانين
بالله تاني ماتزوغ ياعموري اقصد عمرالايوق
| |
|
|
|
|
|
|
|
|
|
Re: إلى إسمارت هي .... (Re: وليد عبد اللطيف)
|
وليد الكيسو فاضي..شوفت إنت لفاأح وكوجان كيف.مارادونا ده أعظم لاعب جا وبعدو حوا عقرت..بيليه ده نضمسنا فيهو صعب لأنو زمنو غير.لكن المتفق عليهو إنو الإتنين راسهم فاضي في تحليل وقراية الكورة والأحداث الرياضية وده الهبة الحباك بيها ربنا ولاقيت فيها مردونا وبيلية فأبسط يا عم..ياخ إنت من شدة ما كيسك فاضي كنت مخلوع بي الشهادة التدريبية C ..يا وليد يا أخوي الماضي والحكاوي ما بتشفع وما تشوفني مخلقن كده لكن انا زاأتي في بت أم روحي دي كنت منقطة وبجري فوق الكفر وعامل فيها سكسك..لكن ده برضو ما المفياس..يا وليد انا قاعد أنوم بعد أضمن إنو اخر كورة في الدنيا إتلعبت.. بحضر الدوري الموريتاني ولما بمشي السودان بخش الدار لي مباراة بين سلاح النقل البنك العقاري..أمجادك وماضيك ما بيحلك ولا بيخليني انا عمر ده أقتنع بي نضميك وتحليلاتك ..ياخ إنت خاتي العجب من عظماء الكرة السودانية تاني ليك شنو..
تخريمة :
ود المبارك بييي عولاقو داك لكن نقول هاه مممممكن الزول يستفيد من النقاش معاهو
| |
|
|
|
|
|
|
|
|
|
Re: إلى إسمارت هي .... (Re: عمر الفاروق)
|
عمر اللايوق الفرحان الكيسو ملان ...| Quote: وليد الكيسو فاضي..شوفت إنت لفاأح وكوجان كيف.مارادونا ده أعظم لاعب جا وبعدو حوا عقرت..بيليه ده نضمسنا فيهو صعب لأنو زمنو غير.لكن المتفق عليهو إنو الإتنين راسهم فاضي في تحليل وقراية الكورة والأحداث الرياضية |
اتفقت مع منو ياحنين في مردونا وبيلية
استغفرتك يامالك روحي قال متفق عليه غايتو جنس غايتو
يعني الواحد كمان لما يكون مستحمي حقو يستر نفسو مايغالط ويكابر ويتلايق (ويكة شندي )
| Quote: ياخ إنت من شدة ما كيسك فاضي كنت مخلوع بي الشهادة التدريبية C .. |
اهي اهي اهي وتاني اهي
شرحناها ليك ياعشاي ماكنت جايب ليها خبر .. الله يهديك
كمان لو عايز اضافة لشرحها اطلب في حوش بكري دا اي شي مجاني ومن غير رسوم جمركية
| Quote: يا وليد انا قاعد أنوم بعد أضمن إنو اخر كورة في الدنيا إتلعبت.. |
هههههههه شكلك بتحلم وترعى في غنم ابليس ... استغفر الله واتحصن ياجناي
واهم تشرب اللبن وياريت لو لبن مراعي لانه يساعد على الهضم وبخليك ريلاكس
| Quote: بمشي السودان بخش الدار لي مباراة بين سلاح النقل البنك العقاري. |
والله الدار الفرحان بيها دي خرستو العوير كان بدخلها
بس هو فايدتو كان بضحك الناس ويغير ليهم جو عكسك انت كنت بتتلايق وتعكر جوهم
قال دار قال
| Quote: .ياخ إنت خاتي العجب من عظماء الكرة السودانية تاني ليك شنو.. |
في دي معاك حق وحقو نجيب ليك وليد المبارك عشان يضيف ليك شويه
ماقلت ليك انت مستحمي اها العجب دا مامتفق عليه هههههههههههههه كاااااااااااااااااك على قول هارون دياب
قال متفق عليه قال
Quote: تخريمة :
ود المبارك بييي عولاقو داك لكن نقول هاه مممممكن الزول يستفيد من النقاش معاهو |
يازول ماتثبت على كلام واحد في اول ماخلة ليك في البوست داك انت قلت ليهو شنو
لكن برضو هو مابغير رايك فيك ومصنفك زول بتاع ................... وعادي ممكن تكب الزوغة وترجع بعد اسبوع
تغالط ليك زول تاني
بالله اذا بتستفيد فيدنا معاك واكسب الاجر فينا
آسرني يا مياس إحساس جميل زيك == مالقيت في دنيا الناس ساكت شبه زيك
| |
|
|
|
|
|
|
|
|
|
Re: إلى إسمارت هي .... (Re: وليد عبد اللطيف)
|
أول حاجة خريستو ما عوير.. إنتهينا من الحتة دي..
بالنسبة للإتفاق في ماردونا وبيلية فياخ إجتهد شوية أقرا وأحضر وكالات عالمية. ولو بتحب المحلي داخل عطبرة فياخ أقرا عمود كتبو فوزي التعايشة في صحف الإمارات.. بالنسبة لي بيلية من ما انا وعيت في الدنيا كللل ترشيحاتو للمنتخبات الحتشيل كاس العالم المنتخب بيطير من دور ال16. وح أحكي ليك حادثة تاني أثقفك بيها مجان عشان تفهم مقاصدي يا ابو كيس فاضي.سين سؤال لعاب أكتر بيلية ولا مأمون الطاهر بتاع عالم الرياضة؟ جيم جواب بيلية. سين سؤال بيفهم مأمون أكتر ولا بيلية؟ جيم جواب مأمون.. الشاهد..في كأس العالم للناشئين91 مأمون الطاهر قال سنة 94 شوفو اللاعب الصغير الإسمو روماريو ده وتابعوهو وأوووعكم تنسو الإسم ده في حين إنو وقتها بيلية كان بيتكلم عن إنو في لاعب ح يكون أفضل لاعب في العالمإسمو ماكمنمان لاعب إنجلترا..وجات سنة 94 وقزت أشيل الكلامين الحفرتهم في كنكوجي تلاتة سنة فكانت المحصلة الولد الإسمو روماريو جاب لي البرازيل كاس العالم وطارت إنجلترا من التصفيات الأولية..
تخريمة:
وليد باريني والله أمتعك وأثقفك كورة لمممن ترتاح في كنكوجك
| |
|
|
|
|
|
|
|
|
|
Re: إلى إسمارت هي .... (Re: عمر الفاروق)
|
Quote: بالنسبة للإتفاق في ماردونا وبيلية فياخ إجتهد شوية أقرا وأحضر وكالات عالمية. ولو بتحب المحلي داخل عطبرة فياخ أقرا عمود كتبو فوزي التعايشة في صحف الإمارات.. بالنسبة لي بيلية من ما انا وعيت في الدنيا كللل ترشيحاتو للمنتخبات الحتشيل كاس العالم المنتخب بيطير من دور ال16. وح أحكي ليك حادثة تاني أثقفك بيها مجان عشان تفهم مقاصدي يا ابو كيس فاضي.سين سؤال لعاب أكتر بيلية ولا مأمون الطاهر بتاع عالم الرياضة؟ جيم جواب بيلية. سين سؤال بيفهم مأمون أكتر ولا بيلية؟ جيم جواب مأمون.. الشاهد..في كأس العالم للناشئين91 مأمون الطاهر قال سنة 94 شوفو اللاعب الصغير الإسمو روماريو ده وتابعوهو وأوووعكم تنسو الإسم ده في حين إنو وقتها بيلية كان بيتكلم عن إنو في لاعب ح يكون أفضل لاعب في العالمإسمو ماكمنمان لاعب إنجلترا..وجات سنة 94 وقزت أشيل الكلامين الحفرتهم في كنكوجي تلاتة سنة فكانت المحصلة الولد الإسمو روماريو جاب لي البرازيل كاس العالم وطارت إنجلترا من التصفيات الأولية..
|
كلام الطير في الباقير
.
.
لانك ماجايب خبر روماريو مرقهو من الاستاد بطائرة هليكوبتر
ياحليلك يالنايم على حيلك
زماااااااااااااااااااااان في كاس العالم للشباب في مصر انا قلت للناس باروا الولد رونالدينو دا في يوم من الايام سوف يكون له شأن كبير في البرازيل والمنتخب
اهاااااااااااا وفعلا لم يكذبني معناها انا مفروض اكون عالم كروي علي حسب فهمك
ياخي ماتغالط في اشياء انت لاتفهم فيها ودا بحر غرييييييييييييييييق
قوم لف بلا فوزي بلا مامون الطاهر معاك
ليه الناس بقولو عليك دا ود صغير انساه
لكن برضو واجب علينا نعلمك ونفهمك ... ماقلت ليك هنا اي حاجة بالمجاني حتى الدروس الخصوصية ..بس خلي روحك رياضية
Quote:
تخريمة:
وليد باريني والله أمتعك وأثقفك كورة لمممن ترتاح في كنكوجك |
زيدني من دلك شوية
| |
|
|
|
|
|
|
|
|
|
Re: إلى إسمارت هي .... (Re: وليد عبد اللطيف)
|
لالا يا شاطر ما كده طبعا..في حاجات النعام ادم رحمة الله تغشاه بيقدر يفرزا..رونالدينهو ده ما عايز إجتهاد حاجاتو واأضحة وقرايتو ساأهلة لأنو من الشواذ وقتها.. روماريو واللي زي طوروا روحهم وظهرو من وسط كووورجة....أما فيما يتعلق بي صغير دي فزي ما قال الجنوبي صغير لكن جظاااب..
مباراتك وعرفتك للنجوم ما بتخول ليك تجي توريني الكورة لكن تعال ومعاك نجومك ديل وانا مستعد أثقفكم وبي المجان...
نيهاااو..
| |
|
|
|
|
|
|
|
|
|
Re: إلى إسمارت هي .... (Re: عمر الفاروق)
|
| Quote: لالا يا شاطر ما كده طبعا..في حاجات النعام ادم رحمة الله تغشاه بيقدر يفرزا..رونالدينهو ده ما عايز إجتهاد حاجاتو واأضحة وقرايتو ساأهلة لأنو من الشواذ وقتها.. روماريو واللي زي طوروا روحهم وظهرو من وسط كووورجة.... |
ما قلت ليك والله غيرك مافي زول شال نوم عيونا وقللو
علي بالايمان انت لذيذ ورايق
| Quote: أما فيما يتعلق بي صغير دي فزي ما قال الجنوبي صغير لكن جظاااب.. |
جاهل صغير مغرور فى احلام صباه
نايم خلى ومسرور ماعرف الهوى
صحي بدري عليك ياود امي
| Quote: مباراتك وعرفتك للنجوم ما بتخول ليك تجي توريني الكورة لكن تعال ومعاك نجومك ديل وانا مستعد أثقفكم وبي المجان... |
تهي تهي تهي
ماسمعت قالو البجاور السعيد بسعد اها قلنا نباري النجوم
وعلى حس النجوم اقصد الزهور النجيلة تشرب
Quote:
أهاأا شوفت..انا جني وجن نقاش الزول الشغال دوامين ده..يسكك مننن8 لي12 ويلبببد كدااا ويجي تاني يستلمك من4 لي 9.. |
دوام واحد شنو ووافر تايم شنو ياخي انت طلعت عمر الفارغ
كان قلت الروب النخيلك ترعى وتسرح في بوستيك دا
خلاص فارقتك بس البجيب لينا النوم شنو
من يوم مابقى فراقو ... منامي وطرفي ماتلاقو
خلاص فارقتك تاني ماعندي مداخلة معاك عشان صحة القراء وكدا
بالجنبة
عمر اللايوق انت زول لذيذ لكن ماتعمل فيها شفت ومنقطها .. ماسمعت البنات بغنن ( حوه والدة بالجملة )
هاااااااو
| |
|
|
|
|
|
|
|
|
|
Re: إلى إسمارت هي .... (Re: وليد عبد اللطيف)
|
هي لكن يا وليد عاد ده كلام ده؟ساكيني الوقت ده كلو وانا ساكت منك عشان ولد صغير وما بعرف وفاكيها في روحي أها إنت براك أصريت أحيك ولما جيتك أبيتني..
طبعا شايفك مع اكفر عايز تفتح لي باب الوتر لكن كفاك ندرسك كورة الغنا ده خليهو شوي.. وزي ما بقولوا قدر ما درسنا فيهو درس واأحد ما فهمو..
بالمناسبة راحتك يا زول انا ما بساكك ولااا بسأل عنك وأبقا في قالوا لي وقالوا عنك وزي ما بقولوا.. وغيب تعال..
تخريمة :
انا ما فاكيها في روحي بس متأكد إني بعرف في الكورة أكتر منك..بس
| |
|
|
|
|
|
|
|
|
|
Re: إلى إسمارت هي .... (Re: عمر الفاروق)
|
يا عمر انا من زمان مرتاح
لانك اكتر زول راسو فاضي في الكورة هنا
| Quote: بالنسبة لي سؤالك فنحن مباراتنا مع الأمل بعد يومين من مباراتكم مع برشلونة.. |
كااااااااااااااااااااااااااااك
نحن برضو القلنا حا نلعب مع برشلونة!!
| |
|
|
|
|
|
|
|
|
|
Re: إلى إسمارت هي .... (Re: وليد محمد المبارك)
|
| Quote: خلاص رسلوا ليه اتنين واحد لي وواحد ليهو ، كدة ببقى ثقة شديد |
من عيونى يا انعام....تامرى انت يا اخى
عمر الفاروق...و الله انت رجل قبك قوى (او ميت) و شجاع....لسه بتحضر كورة سودانية?????
انا -زمااااان- كنت هلالبية. بحرد المدرسة لما الهلال يتغلب. (اصلا بتاع الترحيل كان هلالابى على السكين و بيكون مدسى فى بيته بعد غلب الهلال)...عشان كده كلنا بنقعد فى البيت.
كنت بقرا الدار...لما كانت رياضية بس(او اغلبها) وبحب مقالات ميرغنى ابو شنب(اظن اسمه كان كده!!).
لكن....
حب الكرة السودانية ده ذى تحب ليك زول كل يوم بديك شاكوش????? تعبت من الزعل و وجع القلب.....و قررت اسيبها.
و نرجع تانى...انت ما خايف على قلبك و اعصابك??? العلاج بقى صعب شديد الايام دى.
| |
|
|
|
|
|
|
|
|
|
Re: إلى إسمارت هي .... (Re: smart_ana2001)
|
عارفة يا إسمارت لي شايل لي تلفون كعب؟ لأني بي سبب الكورة فاكي تلاتة تلفةنات من جنس حقكم ده في الحيطة.بس عن نفسي انا بتنفس كورة وماف شي في الدنيا دي بعرفو غيرها ومتعتي كلها في جنس وجع الروح وحراقو ده..كورة حلوة عشان كعبة وكعوببتا دي هي البتمتعني ..شوفتي الشتارة.. بعدين ما بعيد عليك يا راقية تكوني هلالابية..
تخريمة:
ياخ ما عايز ردود من عيوني وإنت تأمر و و و عاااذزك لكن ياخ أديني إشارة سأاي إنو في أمل ترسلي لي إن شاء الله بطارية..غايتو يا إنعام جاتك ملح
| |
|
|
|
|
|
|
|
|
|
Re: إلى إسمارت هي .... (Re: عمر الفاروق)
|
Quote: كااااااااااااااااااااااااااااك
نحن برضو القلنا حا نلعب مع برشلونة!! |
أنا لله وإنا اليه راجعون
والله كلامك صحي ياكابتن ولي
زولك بطاقش ساكت في الكورة ماقلت ليك بقول كلام الطير في الباقير ياريت تكون اقتنعت ..
واحد عايز يقول لزميلو العب لي الكورة اسكرو
قال ليهو : العب لي الكورة التكنك ماشايفني
تاني مره عايز يقول ليهو افتح ليها بيضة او كبري
قال ليهو : فشقلها .. فشقلها
ياولي من رندوك الكورة اديك لمحة
انزل نزلت بري
عبد الله البعيو ( بيع المباريات )
ثابت البطل
حسن شحاته
كشيف حسن
عمل زغبير ( طبعا دا مصطلحك لما عمر اللايوق زاغ منك )
ان شايف الافضل لي اخونا عمر اللايوق يعصر على الغناء لان الغناء يعتمد على المذاكرة وكدا
اها ياولي دي فكرتو في الغناء كمان شوفها بتعمل شنو وذكرني ردك ليهو لما علق على رسومات اولادك هههههههههه
عمر اللايوق دا شكل دكتور عام بتاع كلو ( كورة وغناء وفنون ) كشكول ياعمك
ياربي دا هو الزول الغالط القرد في .......
Quote: إنت زااااتك هين ؟؟
ماقبال كدا إتلحت بروف معز ونجمة الغناء الأولى شروق أبو الناس وطفشتهم
طفشت لينا ( أم كلثوم السودان ) من الغناء
وطفشت لينا بروف معز من المنبر |
كابتن وليد
ياخي عندنا واحد بتاع مغالطة دا ممكن يغالطك في اسمك زاتو احسن من صاحبنا عمر اللايوق دا شويه
قصتو
اتكلمت معاهو عن كيفية الافلات عن الجازبية وكيفية القفز لها تمارين معينة
والله غالطني مغالطة في الدنيا دي
قال لي ديل لعيبة ولا صواريخ واقمار صناعة طالعة القمر ...
سكت منو دا حالتو مترجم وقال بترجم للمدربين الاجانب في السعودية
واصلا مافي حاجة زي دي قال قابلته.
| Quote: بس عن نفسي انا بتنفس كورة وماف شي في الدنيا دي بعرفو غيرها |
و دحين ياكابتن وليد
الزول دا قال بدرسنا ومنتظرين الحصة ومجهزين دفاترنا
درسني بس قانون هواك بحفظ حروفو حرف حرف
بالجنبة :
عمر الفاروق ياحبيبي انت مثل اخي الصغير فياخي لازم تحسن الحديث وتعرف متى تتحدث ومع من تتحدث
يعني مافي داعي للمشاترة والمغالطة في اشياء لاتملك زمامها هنا الواحد بقول رايو وبس ولا ندّعي المعرفة والعلم
قلت تعبان مشيت منك
مشيت منك ناديتني
حيرتني معاك ( مانجيكم تكوركو نجيكم تكوركو)
مع الف سلامة ياعمر الفاروق
| |
|
|
|
|
|
|
|
|
|
Re: إلى إسمارت هي .... (Re: وليد عبد اللطيف)
|
يا وليد الكورة دي ما فيها كبير وصغير..انا بعرف كورة أحسن منك الغلط في كلامي ده شنو..؟إنت بتجي تشتت الكورة الواحد زاتو ما عارف يلعب معاك بي ياتو خطة..بتذكرني مدرب زمان في الروابط ..ينادينا في نص الملعب عشان يدينا الخطة قبل الكورة تبدا..نتلم في شكل دائرة يقوم يقعد في الأرض ويقول لينا شباب الخطة هجوووم ..يللا قومو خشو.الكورة البعدها يقول لينا الخطة دفاع..
وليد يا أخوي كورتك الفي راسك دي حبببة..الفي رجلك دي إنت أدرى بيها..
| |
|
|
|
|
|
|
|
|
|
Re: إلى إسمارت هي .... (Re: وليد عبد اللطيف)
|
يا وليد الكورة دي ما فيها كبير وصغير..انا بعرف كورة أحسن منك الغلط في كلامي ده شنو..؟إنت بتجي تشتت الكورة الواحد زاتو ما عارف يلعب معاك بي ياتو خطة..بتذكرني مدرب زمان في الروابط ..ينادينا في نص الملعب عشان يدينا الخطة قبل الكورة تبدا..نتلم في شكل دائرة يقوم يقعد في الأرض ويقول لينا شباب الخطة هجوووم ..يللا قومو خشو.الكورة البعدها يقول لينا الخطة دفاع..
وليد يا أخوي كورتك الفي راسك دي حبببة..الفي رجلك دي إنت أدرى بيها..
| |
|
|
|
|
|
|
|
|
|
Re: إلى إسمارت هي .... (Re: عمر الفاروق)
|
| Quote: يا وليد الكورة دي ما فيها كبير وصغير..انا بعرف كورة أحسن منك الغلط في كلامي ده شنو..؟ |
ابدا ماغلطان
ماقلت ليك انت ماقادر تستوعب كلامي برضو عايز تمشي بي شمال ويمين ولو اني حددت ليك انك لسه صغير
ويجب ان تتعلم كيف تخاطب الناس وتحاورهم لان ياحبيبي الان اصبحت ثقافة لقلة الادب والشفتنه وهي ان تكون مؤدب جدا جدا
ودي مرحلة انت بعيد عنها كل البعد ..
تعامل مع الناس بحيث تشوف الانسان البتتكلم معاهم دا ممكن يكونو بفهمو اكتر منك
لان اذا نظرت لهم غير ذلك قد تقع في مطب كبير وتصبح صغير مرتين وقدر السمسة ومحل تمشي مايلاقوك
وانا شايفك متعود على النظام دا.
غايتو ياعمر اللايوق بتذكرني الولد الصغير الفالت في الحي (ممكن يفلع اي زول اكبر منو ويسب ليهو الدين ) كله عادي
| Quote: بتذكرني مدرب زمان في الروابط ..ينادينا في نص الملعب عشان يدينا الخطة قبل الكورة تبدا..نتلم في شكل دائرة يقوم يقعد في الأرض ويقول لينا شباب الخطة هجوووم ..يللا قومو خشو.الكورة البعدها يقول لينا الخطة دفاع.. |
نعم نعم نعم يادوب ياعمر اللايوق انا بقدر اشخص حالتك
1- لان بداياتك كانت غلط و حسب عمر الصغير الكرة اصبحت منظمة ولها خطط وتكتيك
وانت وقعت في يد واحد ليس له علاقة بكرة القدم وليس ملم بابجدياتها وهوايته تجميع الاطفال وتقديم لهم الحلوى والسكاكر
ومثلهم موجودون في كثير من الاحياء ..
طبعا تعليم كرة القدم زي تعليم سواقة العجلة والعربية اذا تعلمت غلط طول عمرك تكون على هذا الغلط
2- لم تتطور بعد ذلك لان للتطوير مراحل سنية معينة وسبق فتحت بوست لذلك
معليش للاسف سوف تموت على هذا الحال تغالط في اشياء ليس لكل بها اي علاقة وعلى قول حبوبتي رحمة الله عليها (حماري مع حمار الكتبة )
| Quote: وليد يا أخوي كورتك الفي راسك دي حبببة..الفي رجلك دي إنت أدرى بيها.. |
تهي تهي تهي
ماقلت ليك بتغالط وتكاجر ووتداقر سااااااااااااااكت
طيب اسألك سؤال ياود ياصغير يامحيرني ومتحير انت
س : اللاعب بيلعب براسه ام برجلة ؟
ماقلت ليك كرة القدم علم وكنا نجلهلة وليس به صغير او كبير بس منو البفهم ويستوعب
ياعمر هنا ليس ضروري تكون صغير او كبير طور نفسك ياحبيبي وثقفك روحك كرويا وما تساهر في الفارغة
.
اقول ليك شيء لو جاوبت على هذا السؤال اجابة صحيحة برسل ليك من هدية قيمة جدا جدا ( شكلي ح احتفظ بهديتي )
لاني واثق من إنك مستحمي ومعلم الله
.
.
الجهجهة شنو ياربي منك وللا من بكري بقت تعمل مداخلتين مختلفات في الزمن شكلك مسخن وحران ههههههههه
الناحر فؤادي مولع جوفي حر ... اضرم نار وجدي نسام السحر
| |
|
|
|
|
|
|
|
|
|
Re: إلى إسمارت هي .... (Re: وليد عبد اللطيف)
|
وليد الراسو فاضي..
إنت القال ليك منو انا عايز اتشفتن عليك وقل أدبي؟ عشان تقول لي الايام دي قلة الأدب إنك تعمل مؤدب.. لا يا اللخو ده ما انا
انا بجي بي الدرب وبقول حاجاتي..والكورة ما فيها صغير وكبير والدليل إنو غوارديلو العمرو كم وتلتين طقطق فريجسون العمرو عيييك ده على مستوى التدريب..
على مستوى اللاعبين ميسي ورونالدو العمرهم كم عشرين قعدو ناس نيستا وكنافارو العمرهم قرب لي الأربعين..
على مستوى الناس الساي أهو انا الأصغرمنك بي عقود قاعد ادرس فيك كورة..
بعدين يا وليد الراسو فاضي انا كلمممتك إنترنت الدوام والعياب ما بين الدوامين والخميس والجمعة ده بيضر بي النقاش فلو تاني ح تإمل كده خلينا نتناقش لحدي يوم الاربعاء وصباحا أو مساء على أن نغيب فترة الضهرية لحدي ما تضرب المندي وروب نادك وتديها نومة..
بعدين ياخ عجبتني ثقافة براعم وطيور الجنة..قلت لي سكاكر؟أها ما هبت عليكم رياح شمالية؟
وليد يا أخوي عشان ما نلت ونعجن وتجي كل مرة تسمع لي من حقيبة الفن دي..راسك فأأضي في الكورة وده من خلال كتابتك هنا.
تخريمة:
أفخر بي إني تدربت وانا لسة شافع على يد المدربين جكسا ونادر كتوت وانا لسة في اللفة ولولا مباراة القراية كان أسة تكون قاعد تكتب عني هنا جنس جغمستك ديك
| |
|
|
|
|
|
|
|
|
|
Re: إلى إسمارت هي .... (Re: عمر الفاروق)
|
السؤال جبتو ليك من هنا ياشاطر وياقراي انت
| Quote: وليد يا أخوي كورتك الفي راسك دي حبببة..الفي رجلك دي إنت أدرى بيها.. |
عشان ابسط ليك كمان وحسب لغتك انت بتلعب براسك وللا برجلك
ياخي انت ماقلت باريت القراية معقول سؤالي مافاهمو شكلك لا قريت لاباريت
طيب مالكم عاملين لينا زحمة ماتخلونا نحنا الكورة دي كانت اكل عيشنا يااااااااااااخ
عشان كدا السودان لم يتطور يجيك واحد زي عمر اللايوق يعمل بتاع سياسة ودين وكورة وموسيقى ولياقة
| Quote: أكتب سؤالك صاح وانا ح أجاوبك..بس لو كاتبو بي طريقتك دي فهو سؤالغلط.. قلت لي الرأس ةلا القدم؟؟ |
تهي تهي تهي
جاوب لي ياااااااااااخ
بستناك انا في الكبري وبضحي ليك انا بعمري
بالجنبة
انا لسه مارديت ليك في موضوع جكسا ونادر كتكوت ... اجي وللا ما اجي
| |
|
|
|
|
|
|
|
|
|
Re: إلى إسمارت هي .... (Re: وليد عبد اللطيف)
|
وليد الراسو فاضي كرويا..
وليد طاشين كان بيلعب بي راسو وهيثم مصطفى بيلعب بي راسو..سقراط كان بيلعب بي راسو وبيرهوف كان برضو بيلعب بي راسو..سكسك كان بيلعب بي رجلو وكومان برضو بيلعب بي رجلو..فايز نصر الدين كان بيلعب بي رجلو وصنداي أوليشيه كان بيلعب بي رجلو..شفت كيف..
يا وايد الرسول فيك انا ما ناقص فلسفة ونضمي من جنس التوافق الذهني العضلي والكورة نق نق نق وجنس كلام ناس نقد داك..
ممكن أسألك سؤال؟ إنت ليي ما عايز تقتنع إنو راسك فاضي؟؟
| |
|
|
|
|
|
|
|
|
|
Re: إلى إسمارت هي .... (Re: عمر الفاروق)
|
| Quote: .سكسك كان بيلعب بي رجلو وكومان برضو بيلعب بي رجلو..فايز نصر الدين كان بيلعب بي رجلو وصنداي أوليشيه كان بيلعب بي رجلو..شفت كيف.. |
تهي تهي تهي
سجمك ياعمر الفارغ
ماقلت ليك انت ماعندك علاقة بمنشط كرة القدم
ماقلت ليك كان تعصر على التعليم اها بقيت لاعلم لاكورة والله ما معقولة ########ت زمنك ساااااااكت
والله العظيم النقاش معاك زاتو حرام كمان قال بارينا القراية
| Quote: ممكن أسألك سؤال؟ إنت ليي ما عايز تقتنع إنو راسك فاضي؟؟ |
انا اقتنتعت لكن البقنع الديك منو ... كااااااااااااااااااك
.
.
تعد تعد تعد ساهي في الاسماء ياود امي ماقلت ليك ماتتفلسف في الفاضي تعرف انا سؤالي دا
عشان احدد للناس هنا مدى تفكيرك المحصور في مكانة معينة وتتفرج من اجل المغالطة فقط
قالو لي ياخي دا طبعو كدا قلت ليهم السكران على زمة الواعي
قالو لي سرو .. سر غامض ما قدرت احلو
بالجنبة الرايت
| Quote: مارادونا ده أعظم لاعب جا وبعدو حوا عقرت..بيليه ده نضمسنا فيهو صعب لأنو زمنو غير.لكن المتفق عليهو إنو الإتنين راسهم فاضي في تحليل وقراية الكورة والأحداث الرياضية |
هنا مفروض تاخد اعمال شاقة و اعدام ياعمر الفارغ
وعلى قول ود الصايم قوم لف
| |
|
|
|
|
|
|
|
|
|
Re: إلى إسمارت هي .... (Re: وليد عبد اللطيف)
|
خلاص أصبحت والكمبيوتر بقا متاح؟ يحلنا نهاية الدوام الأول تاني..
ياااربي تجيب لينا الخميس سريع..
بالمناسبة وعشان نقفل على الموضوع المسيخ ده ..وبما إنك إقتنعت نفيدك إنو الديك زاااتو أقتنع
| |
|
|
|
|
|
|
|
|
|
Re: إلى إسمارت هي .... (Re: عمر الفاروق)
|
Quote: خلاص أصبحت والكمبيوتر بقا متاح؟ يحلنا نهاية الدوام الأول تاني..
ياااربي تجيب لينا الخميس سريع.. |
الله يجيب العيد كمان
قلت لي مافاضي ياربي تكون داخل عملية و فاتح قلب وللا شنو بمناسبة كنت متابع القراية وكدا
وخليت الكورة للشماشه والصعاليك و ال ................. ههههههههههههه
| Quote: بالمناسبة وعشان نقفل على الموضوع المسيخ ده ..وبما إنك إقتنعت نفيدك إنو الديك زاااتو أقتنع |
لالالالالا يااااااااااخ الموضوع ما مسيخ حلو حلا
قلت لي دربك جكسا ونادركتكوت اها اخوك بعمل الان في اتصالاتو وبنزل ليك صور كمان بعد شوية بس خليك مركز
نحنا اي شيء مابنخليهو سااااااهي كدا لازم نحددو
عمر الفارغ
ذكرتني مره ود خالتي قال لعب في هلال دنقلا
الجماعة قالو ليهو جيب لينا برنت من الاتحاد
اها انت مابحلك إلا نتصل بصديق لان ماعندك علاقة بالاتحادات وكدا
عشان نشوف حاجاتك ومصطلحاتك التمبساوية ...
شيء عجيب في كلامك اقصد غرامك يافريع ياسمين
عندي التلت من عقلي وعندك التلتين
بالجنبة الرايت :
ماتشتغل بي كتير شوف شغلك وقت ماتفضى رد على مداخلاتي لان انا برضو حاجات كتيرة مارديت ليك فيها
انت بس خليك مركز في عملياتك يادكتور كمان بدل تفتح قلب تقوم تقطع ليك رقبه
| |
|
|
|
|
|
|
|
|
|
Re: إلى إسمارت هي .... (Re: وليد عبد اللطيف)
|
إنت وقت بتخاف بتنقط مالك؟؟ ما تراكا كتبت الصعاليق والشماشة عااادي ..بقت علي دي..
بالمناسبة انا لاحظت ليك إنت النوع التاميها صور..
نزل نزل خلينا نمتع ناظرينا بي ناس طولنا ما شفناهم ..
بالمناسبة نسيت أضيف ليك الكوتش الراقي فيصل الروبي..وياريت يكون عندك ليهو صور..
وبالمرة شوف لينا صور للكوتش معاوية ..
| |
|
|
|
|
|
|
|
|
|
Re: إلى إسمارت هي .... (Re: عمر الفاروق)
|
Quote: وليد الراسو فاضي كرويا..
وليد طاشين كان بيلعب بي راسو وهيثم مصطفى بيلعب بي راسو..سقراط كان بيلعب بي راسو وبيرهوف كان برضو بيلعب بي راسو..سكسك كان بيلعب بي رجلو وكومان برضو بيلعب بي رجلو..فايز نصر الدين كان بيلعب بي رجلو وصنداي أوليشيه كان بيلعب بي رجلو..شفت كيف..
يا وايد الرسول فيك انا ما ناقص فلسفة ونضمي من جنس التوافق الذهني العضلي والكورة نق نق نق وجنس كلام ناس نقد داك.. |
علي بالطلاق يا عمر الفاروق دي ما سبقك عليها زول
قلت لي سكسك كان بلعب بي رجلو
| |
|
|
|
|
|
|
|
|
|
Re: إلى إسمارت هي .... (Re: وليد محمد المبارك)
|
حتى إنت يا وليد ما فهمتها؟؟داك عذرناهو إنت مالك؟؟
طيب يا ود المبارك أقول ليك عشان ما تمشي بعيد بي مفهوم رجلو دي..
سكسك حريييف حرفنة رجل يعني ما محتاج لي كورة الراس عشان يمشي أمورو مع إنو سكسك من أكتر الناس العندو فكر كروي وراجع قونو في الإفريقي التونسي وباصو لي زيكو في كورة الأهلي..يلا لكن في ناس كورتهم فقط في فكؤهم العالي ما في رجلهم يعني ما حريف ..
كلام الرجل والراس العايز يدخلني فيهو زولك ده انا حافظو حفظ لكن حبيت أوريهو إنو كراع سكسك ما زي كراع كومان وفي نفس الوقت راس وليد طاشين ما زي راس هيثم مصطفى..
وقع ليك؟
تخريمة
يا وليد انا شوفت سكسك بيلعب بي جزمة كعب عالي حقت البنات ديك..وبرضو تقول لي رجلو الفي بالك؟
| |
|
|
|
|
|
|
|
|
|
Re: إلى إسمارت هي .... (Re: عمر الفاروق)
|
Quote: تخريمة
يا وليد انا شوفت سكسك بيلعب بي جزمة كعب عالي حقت البنات ديك..وبرضو تقول لي رجلو الفي بالك؟ |
وانا حاضر سكسك ومحمد خليفة بدقلو بالكورة وبلعبوا بيها باصات وهم قاعدين على صلبهم في النجيلة قريب شوط كامل
محمد خليفة ده من احرف (اصحاب الارجل )
لكن ما عنده فكر كروي .. ولا كان اساسي في المريخ .. وكان بصاقع سكسك في التحكم بالكرة
لكن جوه الميدان ما بقدر
ده ياه الكورتو في كراعو
| |
|
|
|
|
|
|
|
|
|
Re: إلى إسمارت هي .... (Re: عمر الفاروق)
|
Quote: تخريمة
يا وليد انا شوفت سكسك بيلعب بي جزمة كعب عالي حقت البنات ديك..وبرضو تقول لي رجلو الفي بالك؟ |
وانا حاضر سكسك ومحمد خليفة بدقلو بالكورة وبلعبوا بيها باصات وهم قاعدين على صلبهم في النجيلة قريب شوط كامل
محمد خليفة ده من احرف (اصحاب الارجل )
لكن ما عنده اساسي في المريخ .. وكان بصاقع سكسك في التحكم بالكرة
ده ياه الكورتو في كراعو
| |
|
|
|
|
|
|
|
|
|
Re: إلى إسمارت هي .... (Re: وليد محمد المبارك)
|
Quote: علي بالطلاق يا عمر الفاروق دي ما سبقك عليها زول
قلت لي سكسك كان بلعب بي رجلو |
سجمك
ماقلت ليك ياوليد صاحبنا دا من يوم غالطك عرفت انو مستحمي نضيف وفارغ
ياولي دا للان ماعارف انو الكنترول بول ممكن تكون موهبة وفي نفس الوقت لم توظفها لمصلحة التيم
دي مامعناها انو لاعب بيعتمد على رجلو ولا معناها انو احرف زول
دا عشان اشرح ليهو الحاجات دي بيغالطني وبرفع لي ضغطي ساكت
لكن ممكن اتحدث مع انسان عايز يعرف ويتعلم
والله مامررتها ليها ساكت
لكن كل مره بحاول ارفع ليهو البوست مخصوص عشان يكشف ان قربتو فاضية
حبيبي غشيم كان بساهر كورة قال وبنوم بالكورة
المشكلة ياوليد قال كان مباري القراية لاسمعنا بيهو طبيب جراح ولا حرامي قلوب [/red
قه قه قه قه
Quote:
محمد خليفة ده من احرف (اصحاب الارجل )
لكن ما عنده اساسي في المريخ .. وكان بصاقع سكسك في التحكم بالكرة
ده ياه الكورتو في كراعو |
والله ياوليد انا سؤالي ليهو ما كان بودينا للحته دي اصلا اذا كان جاوب صاح
لكن خليهو يمارس ضلاله
حكمتو بالغة لكن
قال ايه سكسك بعتمد على رجلو
وطيب ناس برشم يعتمدو على شنو التراب كالك ياعمر الفارغ
.
.
بالجنبة الرايت
ياولي خليك رؤوف معاهو احدي ما ارجع تاني عندي كلام كتير ]
| |
|
|
|
|
|
|
|
|
|
Re: إلى إسمارت هي .... (Re: وليد عبد اللطيف)
|
وروروووك. احححي ووووب وووب وووووووووب..قال لسة عندو كلام كتي عايز يقولو..ورورووووك تفزعنا وتنجدنا..ده كلللو وقال لسة عندو كلام كتيير ما قالوا..
ووووب وووب وووووووووب
| |
|
|
|
|
|
|
|
|
|
Re: إلى إسمارت هي .... (Re: وليد عبد اللطيف)
|
Quote:
حتى إنت يا وليد ما فهمتها؟؟داك عذرناهو إنت مالك؟؟
طيب يا ود المبارك أقول ليك عشان ما تمشي بعيد بي مفهوم رجلو دي..
سكسك حريييف حرفنة رجل يعني ما محتاج لي كورة الراس عشان يمشي أمورو مع إنو سكسك من أكتر الناس العندو فكر كروي وراجع قونو في الإفريقي التونسي وباصو لي زيكو في كورة الأهلي..يلا لكن في ناس كورتهم فقط في فكؤهم العالي ما في رجلهم يعني ما حريف ..
كلام الرجل والراس العايز يدخلني فيهو زولك ده انا حافظو حفظ لكن حبيت أوريهو إنو كراع سكسك ما زي كراع كومان وفي نفس الوقت راس وليد طاشين ما زي راس هيثم مصطفى..
وقع ليك؟
|
اقطع دراعي لو ( بلاتر ) يفهم حاجة من كلام الطير في الباقير دا
ياحبيبي شنو سكسك حريف رجل دي ومامحتاج كرة الراس اكيد انت ماواعي
يظهر عليك عاجبك مصطلح فكر كروي
بالله شوف قال عاين لقونو في الافريقي التونسي وباصو لزيكو في مبارات الاهلي
وفي نفس الوقت يقول مابعتمد على راسو بعتمد على رجلو
ياوليد الزول دا وديهو الضل انا من زمان لقيتو قاعد في السهلة المزعلني بعمل حركات للناس هنا
وعامل فيها مقدد اي حاجة في اي حاجة ( بتاع كله )
عصرناهو قال انا ماكنت فاضي للكورة انا كنت مباري القراية قه قه قه قه
Quote: يلا لكن في ناس كورتهم فقط في فكرهم العالي ما في رجلهم يعني ما حريف ..
كلام الرجل والراس العايز يدخلني فيهو زولك ده انا حافظو حفظ لكن حبيت أوريهو إنو كراع سكسك ما زي كراع كومان وفي نفس الوقت راس وليد طاشين ما زي راس هيثم مصطفى..
وقع ليك؟ |
انت نايم وللا صاحي وللا طرفك من طبعو نعسان
دا استاذ التاباني واليابني كمان راجنو يدرسنا
ياولدي انت احسن تشوف ليك حاجة تانية غير كرة القدم وناضم وغالط للصباح
شوف القراية ( كيمياء او فيزياء او احياء )
والله كمان كان دربك ( جكسا ) زي مابتدعي انا بكرة القريبة دي بمشي افتح فيهو بلاغ دي جريمة في حق البشرية
Quote: تخريمة
يا وليد انا شوفت سكسك بيلعب بي جزمة كعب عالي حقت البنات ديك..وبرضو تقول لي رجلو الفي بالك؟ |
تهي تهي تهي
قال تخريمة قال
ياولي الزول عمر الفارغ دا لو كان في حلتنا كنا خليناها ليهو قال سكسك بلعب برجلو
ياخي المدرب القدير ( سليمان فارس) بجلالة قدرو قال انا مابقدر احدد او اقيد لعب سكسك لانه عقلة وفكره الكروي
كبير يجينا عمر الفارغ يقول سكسك بعتمد على رجلو ودي من محن الدنيا غايتو كلامك دا بندفنو هنا في مقبرتك دي وما بنكلم زول
من ستر مسلم ياوليد ستره الله يوم القيامة ...
يابوي الشوف ما زي التذوق قال شفت قال
من زمان ياولي انا بقول سكسك من اميز لاعبي كرة القدم في السودان
لانه لعب في زمن كرة القدم فيها تطورت ويقت صعبة نوعا ما حسب التكتيك والخطط الجديدة
عمر الفارغ اكيد بكون شاف سكسك في المريخ بس ولم يشاهده مع ابوروف ولا التحرير ولا تيم الاستخبارات العسكرية
| |
|
|
|
|
|
|
|
|
|
Re: إلى إسمارت هي .... (Re: وليد عبد اللطيف)
|
قلت لي سكسك ظهر أيم التكتيك العالي والإيتخبارات العيكرية وابروف؟
كدي خليك من زمان ..أسةأسة دي التكنيك والتكتيك العالي في السودان كيف؟؟؟
بالمناسبة انا فعلا ما شوفت سكسك ابروف ولا سكسك العسكرية وبي بساطة لمن جابو سكسك في مباراة ليفربول في استاد الخرطوم انا كان عمري 4-5 سنوات..بس برضو يا وليد بفهم كورة واحسن منك..
إنت زول كلامك كتير وبتلف وتدور زي السمسار وعايش على ماضي نصو صور ونصو علاقات..
حاجة أخيرة وعشان ما تسرح مع إني كنت عايز أخليك تعيشا لكن المقصود بي جكسا ما نصر الدين عباس جكسا ..وده اسأل منو كتكوت برضو
| |
|
|
|
|
|
|
|
|
|
Re: إلى إسمارت هي .... (Re: وليد عبد اللطيف)
|
بنستحملك يا زول الخميس قرررب وجاي عليها كمان العيد ياااه راحات ..والله تباريني أدخلك الإنترنت من الكافيه تاني..
بعدين كدي جيب لي الحتة القلت فيها مارادونا ما عندو حاجة.. وأوعا تجيب لي بتاعت راسو فاضي تدريبيا ديك..سمح؟
راسك فاضي عرفناها لكن كمان كضاب؟؟
بعدين تنبيه صغييير كده..أحفظ الغنا كويس لأنك بتكتبو غلط والمثل زمان بيقول إذا تفلسف الحماار رفس..
راسك فاااضي كان فنجطت كان نططت كان إتصورت..
تخريمة:
ألحق أردم ردودك نهاية الدوام الأول قررربت تاني إلا العصر
| |
|
|
|
|
|
|
|
|
|
Re: إلى إسمارت هي .... (Re: عمر الفاروق)
|
عشان خاطر كلام الناس ،،، حكمت علي بحرماني
بقيت أنا في هواك مظلوم وإنت الشــاكي والجاني
عوازلك قالوا ليك معاي صعيب درب الوصول قاسي
مشيت إخترت غيري حبيب وماراعيت لإحســاسي ...
عمر الفارغ ... سلامات
مشكلتك ياعمر وقعت في ناس ماكان عندها شغلة غير الكورة حتى القراية شختو ليها
يعني امثال هترشتك ياعمر اللايوق تخيل بكون كم واحد قابلنا
ناس كتار بنعيان ليهم ونكتفي بالسكوت حفاظا على مشاعرهم ولو انه كلامهم بكون غلط ميه في الميه
لازم تعلم ياعمر اللايوق الجاهل نوعين
1- واحد بكون عايز يتعلم ودا مريح ومفيد للمجتمع
2- واحد بعمل نفسو عارف اي حاجة وديل امثالك ونوع مُضر للمجتمع لانهم لايسلمون من زفارة اللسان
ولكن مشكلتك الوحيده انو بكري ابوبكر خلاك لينا امانه لازم نوريك حاجات انت ماكنت بتعرفها وعايز تكذب فيها
وبتتخيل بمناكفاتك وسطحيتك وواي واي ممكن الناس تسكت
جاملاناك مره ومرتين وكررتها كتير مع الناس هنا
برضو فوتناها ليك لكن نمشي منك وتاني ترجعنا
Quote:
تخريمة:
ألحق أردم ردودك نهاية الدوام الأول قررربت تاني إلا العصر |
عمر اللايوق ياخي انت شكلك دنقلاوي قريبي لاني شايفك بتكتب بنفس لهجتنا لانك تذكر المؤنث وتؤنث المذكر
كمان لو طلعت قريبي بختك ممكن اعمل نايم من البوست الممتع دا
بس ياخي نحنا اولادنا راقين ويحفظون للناس مكانتهم والذي يخرج من هذا السلوك نقوم بتقويمه
(كل مره ناطي ليك في رقبة واحد او واحدة )
الشفوت الفوق ديل اولاد من امدرمان وبعرف كثير منهم ديل حضرتهم وشفتهم وللا برضو زي ماقلت في سكسك
بعد الزنقة زنقة قلت انا كنت صغير الوقت داك تهي تهي تهي
لكن والله المراقة بتاعت انك كنت مباري القراية كانت حلوة
اها نتمها ليك صور زي مابتقول
لكن تعرف ميزة الصور شنو للتوثيق وكدا وبنحتفظ بيها للناس البتغالط وتتلايق زيك ( ويكة شندي )
| Quote: راسك فاضي عرفناها لكن كمان كضاب؟؟ |
كضاب كضاب
مستعد احلف بكتاب
كتاب جغرافيا وللا حساب
.
.
الليله ياعزاز انا نومي هزاز
بالجنبة :-
الله يجيب الخميس والعيد ... زنقة زنقة دار دار
| |
|
|
|
|
|
|
|
|
|
Re: إلى إسمارت هي .... (Re: وليد عبد اللطيف)
|
| Quote: بالنسبة للإتفاق في ماردونا وبيلية فياخ إجتهد شوية أقرا وأحضر وكالات عالمية. ولو بتحب المحلي داخل عطبرة فياخ أقرا عمود كتبو فوزي التعايشة في صحف الإمارات.. بالنسبة لي بيلية من ما انا وعيت في الدنيا كللل ترشيحاتو للمنتخبات الحتشيل كاس العالم المنتخب بيطير من دور ال16. وح أحكي ليك حادثة تاني أثقفك بيها مجان عشان تفهم مقاصدي يا ابو كيس فاضي.سين سؤال لعاب أكتر بيلية ولا مأمون الطاهر بتاع عالم الرياضة؟ جيم جواب بيلية. سين سؤال بيفهم مأمون أكتر ولا بيلية؟ جيم جواب مأمون.. الشاهد..في كأس العالم للناشئين91 مأمون الطاهر قال سنة 94 شوفو اللاعب الصغير الإسمو روماريو ده وتابعوهو وأوووعكم تنسو الإسم ده في حين إنو وقتها بيلية كان بيتكلم عن إنو في لاعب ح يكون أفضل لاعب في العالمإسمو ماكمنمان لاعب إنجلترا..وجات سنة 94 وقزت أشيل الكلامين الحفرتهم في كنكوجي تلاتة سنة فكانت المحصلة الولد الإسمو روماريو جاب لي البرازيل كاس العالم وطارت إنجلترا من التصفيات الأولية.. |
بالله شوفو المعايير دي
انت عثل عثل عسل ينقط
هل نفهم من كلامك دا انو بيلية ماعندو حاجة وللا فهمك شنو
وكمان عايز تأكدو بكلام مامون الطاهر وفي ما قيل في ورماريو
عشان روماريو جاب الكاس مع البرازيل معناها بيلية مابفهم لانه رشح ماكمنمان
طيب يا عشاي الناس قبل كدا مارشحت ديل بيرو لاعب ايطاليا وظهر نجم اخر
يازول انت واعي وللا عاضيك جمل
اشكك انا في سهراتك تكون بريئة ماتقول لي بتتابع الكورة احدي ما التلفزيون يقول شخخخخخخخ
انت عارف تكون بتتفرج في دوري القرية
يازول انت ماقاعد تشوف تلفزيون وللا شنو عتاولة المدربين بيتقطقوا عادي ثمانيات وخمسات ( الدوري الانجليزي )
وبرضو بعد دا كله مافي واحد نقص من قدرهم لانهم عندما يخطأون في توقعاتهم ويخسرون يقولونها بكل شجاعة
خسرنا عشان كدا وكدا ...
سجمك سجمك كان دا قهمك العايز تضلل بيهو الناس
.
.
.
من ملاحظات القراء
واحد قال عمر كضاب مابيتفرج كورة ومساهر بكل الدوريات لان وقت مداخلاته هنا الدوري الانجليزي شغال
برضو انا ممكن اجد ليك عذر ممكن تكون بتشاهدها بايتة لكن ما اضمن ليك النتيجة قه قه قه قه
| |
|
|
|
|
|
|
|
|
 Re: إلى إسمارت هي .... (Re: وليد عبد اللطيف)
|
وليد الراسو فاضي وكضاب..ح أثبت ليك كضاب دي لأنك بهتني..جيب لي حتة واحدة لساني فيها زفر..عيب عليك لأنو كده فعلا ح تطمم بطني متك أكتر من ما هي طامة..ياخ احترم سنك وما تكضب وتبهت الناس ساي..فتش البورد ده وجيب لي زفاراتي وبعد داك بكمل معاك..وعشان ما تتشيطن كلنا عارفين يعني شنو لما تقول فلان ده لسانو زفر بيكون المقصود ياتو كلام.. لحدي ما تجيب لي الكلام ده طرفي منك وعتقتك لله والرسول لأنك بديت تطبز في نضمي انا ما بقدر أمشي معاك فيهو..
بالمناسبة أوعا تكون قاصد بي التأنيث والتذكير دي قصة نهاية الدوام دي!!اووو سوري أقصد نهاية الدوام ده..
بقيت راسك فاضي وكضاب وجاهل؟؟؟
بالمناسبة التانية وبرضو عشان سنك بطل قالوا وقلنا وقال لي وقالت لي..زولك ابو دوري إنجليزي ده قول ليهو الإنترنت ده بقوا يخشو بيهو الحمام عديييل خليك من تحضر كورة وعندك نت في نفس الوقت..زولك دخ أظنو قايل كل الناس زيك ما بتخش نت إلا من الشغل..مخيييسر الله يا ود أمي..
أقول ليك وما تتخلع؟والله انا أسة برد ليك وانا في الشارع جوة عربية وواقفين جمب إشارة ..قلت لي دوري إنجليزي..أحححييا أضحكي يا ركبي سنوني مكسرة..
تالت بقول ليك مارادونا وبيلية راسم فاضي في التدريب والتحليل..مارادونا ألعب وأعظم لاعب كورة لا قبلو ولا بعدو
تخريمة:
كلللو منكم يا ناس كوداك..
| |
|
|
|
|
|
|
|
|
|
Re: إلى إسمارت هي .... (Re: وليد محمد المبارك)
|
ورورووووك جاهو في الأتو..غايتو تاني ما بيقيف إلا يورينا بتاع الجزارة الفي ناصية الميدان..
والله يا ود المبارك عايز ليك عضة في كنكوجك دي..هييي سجمي قاصد ده..
تخريمة
وصلت البيت وحكمة الله لسة عندي إنترنت يا إنت..مش حاجة أستغرب!!؟
| |
|
|
|
|
|
|
|
|
|
Re: إلى إسمارت هي .... (Re: عمر الفاروق)
|
| Quote: بالمناسبة التانية وبرضو عشان سنك بطل قالوا وقلنا وقال لي وقالت لي..زولك ابو دوري إنجليزي ده قول ليهو الإنترنت ده بقوا يخشو بيهو الحمام عديييل خليك من تحضر كورة وعندك نت في نفس الوقت..زولك دخ أظنو قايل كل الناس زيك ما بتخش نت إلا من الشغل..مخيييسر الله يا ود أمي.. |
زولي قال ليك الله يسامحك لكن انا مابرد ليك بس بعد ماتتحلى من وليد عبد اللطيف انا برد ليك
وقال مستعد يؤكد ليك هنا انو وليد عبد اللطيف مخلي النت للاطفال يلعبوا بيهو في البيت
من ملاحظات القراء :
Quote: تخريمة:
أفخر بي إني تدربت وانا لسة شافع على يد المدربين جكسا ونادر كتوت وانا لسة في اللفة ولولا مباراة القراية كان أسة تكون قاعد تكتب عني هنا جنس جغمستك ديك |
قال لي : اسألو بالله زول دا درس احدي وين واسكيلو شنو واتعلم وين
وانا بقول ليك يالراقي تعليمك انا من مظاليمك
Quote: تخريمة
وصلت البيت وحكمة الله لسة عندي إنترنت يا إنت..مش حاجة أستغرب!!؟ |
تهي تهي تهي
(خليل فرح ) ياوليد المبارك احفظ مصطلح الرندوك دا عندك
انت ياعشاي وقت عندك نت في الشغل والبيت وفي البر والبحر والجو ماتطور نفسك
حارمها ليه بالله ربنا بعدين مابسألك من علمك دا استفدت منو شنو وقدمت شنو للمجتمع
غايتو جنس محن ناس فالحة بس للياقة ( ويكة شندي )
ياسيد البدلة انا بعبدك عبادة وفي القميص انا ببقى ليك لياقة
| |
|
|
|
|
|
|
|
|
|
Re: إلى إسمارت هي .... (Re: وليد عبد اللطيف)
|
عمر الفارق النبي فوقك ما تزعل مني
لكن اللعبة الحلوة بعجب
| Quote: انت ياعشاي وقت عندك نت في الشغل والبيت وفي البر والبحر والجو ماتطور نفسك |
ده اجمل تعليق اقراه في المنبر ده من زمن اساسي
| |
|
|
|
|
|
|
|
|
|
Re: إلى إسمارت هي .... (Re: وليد محمد المبارك)
|
ود المبارك
والله تعليق عااادي بس إنت محايد زي محايدة صاحبنا فيصل نوبي..
اسة بقينا نقول ليك ود المبارك عشان ما نلخبطك مع الراسو فاضي..
وليد الراسو فاضي..
انا قريت لحدي تالتة عالي وجبت شهادة تدخلني الجامعة لكن ابيت اواصل لي ظروف وأسة بديت من جديد وبقرا في سنة تانية جامعة النيلين إقتصاد عن طريق السفارة..
تخريمة:
وصلت الشعل ولسة عندي نت..أجي يا بنات أمي؟؟
| |
|
|
|
|
|
|
|
|
|
Re: إلى إسمارت هي .... (Re: عمر الفاروق)
|
عمر الفاروووق .. الزول السمح فات الكبار والقدرو
| Quote: انا قريت لحدي تالتة عالي وجبت شهادة تدخلني الجامعة لكن ابيت اواصل لي ظروف وأسة بديت من جديد وبقرا في سنة تانية جامعة النيلين إقتصاد عن طريق السفارة.. |
قبل كل شيء ربنا يوفقك ويحقق كل ماترمي اليه
لم اقصد التجريح او الاساءة لان كرة القدم محبة واخاء اذا كان داخل او خارج الملعب
وهذا كنا دائما نحاول ان نجنيهو من رياضة كرة القدم وليس الاموال والذي منو
بل الحمد الله طوال فترتنا هذه والى يومنا هذا تعرفنا من خلالها على ناس لا افضلهم
عليك نعمه الاخوان والاخوات وفي اي مكان به الصالح والطالح ويجب علينا ان نفرز الكيمان
حتى تستوي المفاهيم .
ولم نأتي الى هنا إلا حباً في الناس الذين يكتبون في سودانيز
ولو حتى اختلفنا في وجهات النظر وكما تعلم ليس هذا المكان المناسب اظن لابراز العضلات
اخي وصديقي الاصغر ارجو ان تسامحني وتقبل عذري لان ليس هذا الاسلوب من طبعي او نهجي
واخشى ان تثير بنا الامور الى اشياء لاتحمد ولا تشكر
عن نفسي ارفع الراية البيضاء واعترف لك امام الجميع بانك الكسبان وانا الخاسر
ولكن برضو براسي الفاضي دا كسبت شخص وانسان مجتهد ومثابر اسمه عمر الفاروق
ياخي ربنا يوفقك في الدراسة واذا احتجت اي شيء مراجع او اي حاجة لم تتحصل عليها
فنحنا اخوه قبل كل شيء اعمل رنه بس ...
.
.
تعريجة :
تحياتي لي إختنا إسمارت وستنا وتاج راسنا إنعام حيمورة وباقي ضيوفك
| |
|
|
|
|
|
|
|
|
|
Re: إلى إسمارت هي .... (Re: وليد عبد اللطيف)
|
عاين يا وليد..وخلينا نتفق على حاجة..إزا إعتذارك أو صفحتك البيضا بنيتا على الكوت الفوق ده فمعليش خليني أقول ليك تكون وقعت في اكبر غلطة ..
صدقني انا فاهم نفسياتنا كسودانيين جدا وإتعمدت أكتب ليك الجملة دي لأنك سكيت قصة قرايتي دي شديد لمجرد إني قلت ليك ما سكيت الكورة عشان القراية..إنت ردك الأخير ده مبني على حساسية عالية لمجرد إنو اتولد عندك إحساس إني في موطن ضعف أو بي لغتنا السودانية البسيييطة ديك " حننتك "..
ما ح اقول ليك إنت غلط لكن ياها دي تركيبتنا السودانية كده..
الغريبة انا إعتمدت على زولك القلت قال ليك عمر ما بيحضر دوري إنجليزي إنو ح يتكرم ويكمل جميلو ويتم ليك باقي قصتي..:-)
راجع مداخلاتي معاك مننن زمان ولحدي اللحظة وشوف لو انا غلطت عليك أو إتجاوزت معاك حد أو حتى عاملتك بي روح عدائية..كلو يا مان في باب الكورة ورفع الضغط ..بالمناسبة إنت خلعتني وبدون سبب وفي مداخلة قديمة وبدون سبب لقيتك بتوصفني بي قليل أدب ومن وقتها انا قزت ما أهابشك وما أرد عليك وإنت فسرتو هروب وبقيت تجي تخت اللينكات..لحدي ما لقيتك كترتها حبيت اوريك إنو ممكن أرد عليك وأجاريك طالما إنت يا ما لاحظتا يا كمان بما كتبت كلامك كان زلة كيبورد..
عليه إذا كان رايتك البيضا عشان الكوت أعلاه فيا مان ما بيناتنا نزلها لأنو ده كلام ساي..
وبعيد عن كل ده لا رايات بيناتنا هو دق زي دق العيش نتكاجر ونتغالط وانا بي رأيي وإنت بي رأيك يا إقتنعنا يا زول فينا يكون راسو قوي..
انا عن نفسي لسة مصر إني بفهم في الكورة شديد وأكتر من أي شي في الدنيا دي
والعفو في العافية..
تخريمة:
تلرسول فيكم يا ناس سودانيز كان يجي واحد يكتب نعم يا وليد وعمر كم أنتم رائعون وأحيي فيكم أدب الإعتذار وهكذا هم اهل سودانيز اون لاين و و و
| |
|
|
|
|
|
|
|
|
|
Re: إلى إسمارت هي .... (Re: عمر الفاروق)
|
| Quote: بتوصفني بي قليل أدب ومن وقتها انا قزت ما أهابشك وما أرد عليك وإنت فسرتو هروب وبقيت تجي تخت اللينكات.. |
يستحيل ياعمر الفاروق
اوصفك بقليل ادب ما عايز اقول ليك جيب لي كلامي
حتى واذا قلته اكون غالطان وندمان وسافي التراب كمان
ياعمر ياخي البينا عامره اكيد سوف تتذكر كيف كان لنا اول لقاء عبر المداخلات
وقلتها ليك ( ياعمر انت زولي من الان ) لو تذكر
حتى اذا اختلفنا او اتفقنا سوف تفضل عمر الفاروق زولي والاحساس دا بنيتو عليك من اول لقاء لنا
ولانك تحمل جزء من الذكريات الجميلة التي احملها وتذكرني بأشخاص احبهم واحترمهم جدا
والله ياعمر الفاروق الدنيا دي مافيها عمار وكلنا ضيوف فيها وغير الكلمة الطيبة والذكرى الطيبة
مابفضل شيء تاني ..
ياحبيب العفو والعافية والدنيا قبايل عيد
وكل عام وانتم وبخير ...
| |
|
|
|
|
|
|
|
|
|
Re: إلى إسمارت هي .... (Re: Omar Bob)
|
كه كه كه ههههههه
غايتو الفائدة الوحيدة الطلعت بيها من البوست المافاهم فيهو حاجة دا أنو
أنا بقيت في مأمن من مواعظ حبيبنا وليد عبداللطيف في حال الرد على المداخلات
والردود المستفزة .. غايتو إلا كان وليد دا عينو بقت قوية ساي ..
وما تزعل من الكلام دا يا وليد عبداللطيف لأنو بصراحة جننتني جن بالحركة دي .
| |
|
|
|
|
|
|
|
|
|
Re: إلى إسمارت هي .... (Re: طلحة عبدالله)
|
الجدير بالذكر أنو الحبيب وليد عبداللطيف كان يدخل أي بوست يلقاني فيهو
مشتبك في مشادات كيبوردية طوالي بدون ما يعرف أية حاجة يقول لي طريقتك
غلط والكورة أخلاق وما عارف شنو .. حتى لو كنت انا مظلوم ..
| |
|
|
|
|
|
|
|
|
|
Re: إلى إسمارت هي .... (Re: طلحة عبدالله)
|
ياود البشرى والله قبل يومين في سيرتكم مع شخص عزيز انت وطلحة
كمان قريت ليكم مداخلة في بوست مجاور غايتو ضحكت لما وقعت الارض
ثنائي ممتع
Quote: أنا بقيت في مأمن من مواعظ حبيبنا وليد عبداللطيف في حال الرد على المداخلات
والردود المستفزة .. غايتو إلا كان وليد دا عينو بقت قوية ساي .. |
حبيبي ياطلحة
مهما يكن مفروض الواحد يكون يضبط نفسة لان في كل الاحوال تخصم على الانسان لو انجرف معاها اذا
كنت كاسب او خسران .
لما تجلس تحاسب نفسك تقول الفائدة شنو والمكسب شنو وعايز تثبت شنو من مثل هذه المهاترات
الواحد يحمد ربنا لما يلاقي انسان ينبه على مثل هذه الاشياء اذا غفل حتى ولو لحظة
مثل هذه الاشياء ياطلحة لم تجدها إلا اذا وجدت انسان يحبك فعلا ويحب ليك كل خير
واعلم جيدا ياطلحة اذا وقع في عيني بوست وانت غرقان فيهو برضو برجع ليك لنفس الهواية بتاعتي معاك
برضو بنبهك لاني بكون بره والبره قالو مازي الجوه وانت زول ليك معزة خاصة
وللا شنو ياود البشرى .... ربنا يصلح الحال وكل عام وانتم بخير
.
.
عمر بوب ياجميل
كل عام وانتم بخير
| |
|
|
|
|
|
|
|
|
|
Re: إلى إسمارت هي .... (Re: Omar Bob)
|
البيشوف الوقفة، ما يقول بكرة العيد
و من بره هلا هلا و من جوة يعلم الله
دخلنا نقرا عن سمارت، لقينا الكلام عن سكسك
غايتو مشكورين والله اديتوني شعور اني قاعدة في الاستاد و ماسكة لي قرطاس تسالي و قرطاس ترمس و السواري حايم بحصينه بي بره و تظلل الاستاد غمامة من غبار و كواريك
هم اتنين نفسي ادخلهم في السودان، السينما و الاستاد، لووول
وليد اخوي و عمر صاحبي (ايي بالقوة) ووليد الشفت الكومو براهو، انا ما عارفة بوست زي ده كيف دينا خالد ما شافته، كان سجمكم
____________
يا عمر ياخ و للامانة، الزولة الاسمها سمارت دي هي الجابت لزوجها هدية ايباد ياخ، معليش يا سمارت، لكن عرق الجندر نتح علي :)
gal iPaid gal lool
قديم يا عمر انت ياخ، لوول
| |
|
|
|
|
|
|
|
|
|
Re: إلى إسمارت هي .... (Re: طلحة عبدالله)
|
| Quote: أماااااااااااااااااااااااااااك |
التغيير لا ينفي انو دخولك كان غلط وخالي من الاخلاق الرياضيه
لانك لم تحي ثقافه الاعتذار عند وليد وعمر وكم هما رائعيين قبل ان تنظر تنظيرك
| |
|
|
|
|
|
|
| |
عمر الفاروق
Hussein Mallasi
أميرة فاروق عبد العال
Dalal Ezzaldin
humida
داليا الكباشى
عاطف عمر
مريم بنت الحسين
smart_ana2001
وليد عبد اللطيف
انعام حيمورة
طارق جبريل
محمد البشرى الخضر
Omar Bob
طلحة عبدالله
Rihab Khalifa
فيس بوك
تويتر
انستقرام
يوتيوب
بنتيريست