|
|
 رفقا بمصداقية منبرنا ... لا توجد مظاهرات في الخرطوم
|
فجأة سمعت اصوات صرير ابواب المحلات في سوق الذهب خرجت ووجد الجميع يغلقون محلاتهم .. ناس الذهب حساسون تجاه المظاهرات خوفا على بضائعهم .. سالت فقال بعضهم هناك مظاهرات في موقف الاستاد .. وبعضهم قال ان هناك جنوبيين يتظاهرون في شارع القصر .. المهم ادرت محرك سيارتي وتوكل على الحي القيوم تجاه موقف الاستاد ووجدت الناس مثل كل يوم يستعدون لركوب الحافلات ويشترون من الباعة المتجولون ..وعبرت كبري الحرية ومررت باللاماب وتوقفت الان في الشجرة لاشتري بعض الاغراض من البقالة .. ولا شئ يذكر وسالت صاحب البقالة هل كانت هناك مظاهرات .. استغرب جدا .. رفقا بمصداقية منبرنا اخوتي الكرام ..
|
|
  
|
|
|
|
|
|
|
 Re: رفقا بمصداقية منبرنا ... لا توجد مظاهرات في الخرطوم (Re: ندى صالح الطيب)
|
معتصم
ما حدث ان المواطنيبن لم يجدوا حافلات للترحيل لمنازلهم فبدوا في التجمع وبعد زياده اعدادهم حاول بعضهم اشعال النيران واغلاق الشارع بالاحجار الكلام ده في موقف كركر جوار الاستاد وصلت قوات الشرطه ولم تشتبك مع احد
كانت الشرطه في طرف والمواطنون في طرف اخر
الي ان تفرقت جموعهم
هذه الروايه من شاهد عيان كان يعبر من هناك
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: فدياس نجم الدين)
|
اخي د. احمد
الاخت ندى
الاخ فدياس
تحياتي لكم ..
يا فدياس قد يكو هناك تجمع او ازدحام او غيره لكن مظاهرات مافي .. وكما اسلفت فاننا في سوق الذهب نخاف المظاهرات لاننا فقدنا الكثير في مظاهرات سابقة لذلك تجدنا اكثر حساسية من الشرطة تجاه المظاهرات ولم نسمع بخبر المظاهرات لافي الموقف ولا غيره علما بان الموقف لايبعد كثيرا عن محلاتنا وسرت شائعة في السوق عقب صلاة العشاء بان هناك مظاهرات فاغلقت المحلات ابوابها كما ذكرت .. وكنت وقتها اتحدث مع زميلن ناصر جبريل وقال لي ان هناك بوست يقول بمظاهرات في الخرطوم فقلت له اين في الخرطوم قال لي في الموقف فاتجهت مباشرة نو الموقف علي احظى بخبر عاجل مدعوما بصور طازجة فخاب املي ..
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: معتصم محمد صالح)
|
سلامات يا معتصم و المتداخلين
| Quote: عندما فتحت هذا البوست عكست فيه الواقع امامي ومن مكان الحدث .. ولم يكن هناك شئ ..انا الان في منزلي وحتى وصولي اليه لم اشهد شيئا غريبا والحركة في الشوارع الان عادية ..كما قلت فقد سرت شائعة في السوق بان هناك مظاهرات لذلك اغلقنا المحلات .. |
الغريبة يا معتصم انا كنت متواجد في ميدان جاكسون منذ الساعة الرابعة و حتي اذان المغرب
و المواصلات كانت معدومة تماماً و اقصد " مواصلات امدرمان" و بدأ الناس في التجمع و بدأو يهتفون " الشعب يريد مواصلات" و كانو قلة ثم بدأو في التزايد و ذلك بالقرب من جسر جامعة السودان
لكن احتمال انت جيت قبل الهتافات دي, أو ما مريت بالطريق المؤدي لجسر الجامعة
تحياتي
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: احمد محمد بشير)
|
اذا كانت أزمة موصلات لماذا إغلاق كباري ان درمان؟
كان يمكن تركها فاتحة لضمان تدفق المواصلات
ابلغي من قال انه يحاول الآن الخروج من الخرطوم الي ام درمان
ولكنه لم يتمكن والآن يحاول الوصول ام درمان عن طريق بحري
مشيا بكبري المك نمر..
لا تخف علي مصداقية المنبر وخليك في كلاكلتك.
اصحوا انها الإرهاصات
ايام 26 و 27 مارس 85 برضو قالو الشماشة والجنوبيين
| |
|
|
|
|
|
|
|
|
 Re: رفقا بمصداقية منبرنا ... لا توجد مظاهرات في الخرطوم (Re: خالد خليل محمد بحر)
|
كنت عائدا بطريق الغابة من الشجرة ..
لفت نظري تكدس غير عادي في حركة المرور على طول شارع الشجرة
و ذلك في المسار الذاهب للكلاكلة
بينما كان مساري للخرطوم خاليا
عندما وصلت لخزان المياة قبل كوبري جامعة السودان
فوجئت بزحمة غير عادية
زحف المرور ببطء حتى عدينا الكوبري
لفت إنتباهي أن الكوبري نفسه خالي من الحركة !!
و أن التكدس ناجم عن زحمة بالطريق المؤدي لكوبري الفتيحاب
هذا كان حوالي الساعة 8 مسائا
لو عرفت أنها مظاهرات لإنضممت إليها
ظننت أن حادثا ما وقع و الطريق مقفول لهذا السبب !!
مرحى لسودانيزأونلاين
أفضل وكالة أنباء سودانية
و عند جهينة الخبر اليقين
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: معتصم محمد صالح)
|
بل رفقا بالنظام وفاسدي ومفسدي النظام والانتهازين وكل المستفيدين من نظام القتلة والفساد
لا توجد مظاهرات بل ولن تكون هنالك مظاهرات في الخرطوم لان والى المسلمين في امارة المشروع
الحضاري مسؤل عن بغلة تعثر في صحراء الشمالية و الشعب في نعيم والعدل غاطى الارض والسماء
وفي عاصمنتا الحضارية من الصعوبة ان تميز بين الرئيس والوزير والغفير والعربجي وبتاع الاورنيش
هي دولة انزال قيم السماء للارض وعهد القوي الامين
اختشو
النظام ساقط لا محال في ذلك فقط انتظروا فلم يعد هنالك الكثير
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: محمد على حسن)
|
قبل قليل بثت قناة الحرة العالمية صورا لمظاهرات و اشخاص يحطمون لوحات
اعلانية وقالت السبب عدم وجود مواصلات وهتف الناس بشعارات مختلفة
كما عرضت القناة صورا لسيارات تهشم زجاجها و اماكن في الطرقات اشعل
الناس النار فيها زي الصورة الفوق الجابها محمد ابراهيم
القناة بثت الخبر بصوت مراسلها من الخرطوم.
الخرطوم قالوا كرش فيل .... ممكن يا نستا تشوف حاجة و تفوتك حاجات.
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: حيدر حسن ميرغني)
|
Quote: يا معتصم ....
الدولار يطلع السماء تجي تفتح بوست تقول كضب !!!!
المظاهرات تقوم تجي تفتح بوست تقول كضب !!!!!
الحكاية شنو ياخ !!!!! |
يامعتصم ياخي
قول ليهم في مظاهرات خطيرة وهي تتجه الان الى القصر الجمهورية
والله زمان
قديما كانت المظاهرا ت الى القصر حتى النصر الان اصبحت ميدان جاكسون
قديما يسيرها طلاب جامعة الخرطوم[/B] الان سابلة ميدان كركر
قديما لاتحتاج الى دليل على وجودها لانها ظاهرة للعيان الان اصبحت تيحث عن شهود
ليتاكدوا هل هنالك مظاهرات ام لا
من ما الله خلقك شفت ليك مظاهرات بفتشوا ليها زي كده
زي خدرة الخلا تلقاها وين ماتعرف
هذه اماني وليست اخبار فعلا ضربة لمصداقية هذا المنبر
لو كان في مظاهرات كان تقوم في استاد الهلال حيث الخمسين الف زعلان
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: معتصم محمد صالح)
|
| Quote: فجأة سمعت اصوات صرير ابواب المحلات في سوق الذهب خرجت ووجد الجميع يغلقون محلاتهم .. ناس الذهب حساسون تجاه المظاهرات خوفا على بضائعهم .. سالت فقال بعضهم هناك مظاهرات في موقف الاستاد .. وبعضهم قال ان هناك جنوبيين يتظاهرون في شارع القصر .. المهم ادرت محرك سيارتي وتوكل على الحي القيوم تجاه موقف الاستاد ووجدت الناس مثل كل يوم يستعدون لركوب الحافلات ويشترون من الباعة المتجولون ..وعبرت كبري الحرية ومررت باللاماب وتوقفت الان في الشجرة لاشتري بعض الاغراض من البقالة .. ولا شئ يذكر وسالت صاحب البقالة هل كانت هناك مظاهرات .. استغرب جدا .. رفقا بمصداقية منبرنا اخوتي الكرام .. |
دعنا من تلك الخذعبلات..
لقد صرت بوغا..بعد حرق من قبلك..
كانت..لك المصداقية قديماعند ماكانت تلك الهتيفة ...تكابر وتجاهد فى لى الحقيقة...
وما بوستك عن الدولار خير شاهد
فهذا...ليس مقامك..إإإإ..
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: طارق الجبلابى)
|
قبل شوية كنا نتعشى
ودخل علينا واحد وقال لينا
ما سمعتو الاخبار
الخرطوم مولعة مظاهرات وحرائق
وفي طيارات تضرب في الناس
طبعا في واحدين من ناسنا صدقو مشوا جري على الجزيرة وعلى السودانية
انا قلت ليهو بكل بساطة
انت برضو ناس سودانيس اون لاين مسكوك ضنب الككو
طبعا ما فهمني انا بقصد شنو
المهم ياجماعة القاعدين في الخرطوم يدور عربيته ويشوف لينا الحاصل شنو
واهم حاجة يشوف لينا الماتو كم .....................
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: Dr. Ahmed Amin)
|
Quote: قديما كانت المظاهرا ت الى القصر حتى النصر الان اصبحت ميدان جاكسون
قديما يسيرها طلاب جامعة الخرطوم الان سابلة ميدان كركر |
السابلة ديل - يا لعظمتهم - ياهم الشعب ذاتو الذى تحتقرونه وعندما نجحت خطتكم الماكرة لحكمه حولتم حياته إلى جحيم
لذلك كل تحرك منه يزيد من خوفكم وهلعكم يا سراقين ياقتلة .
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: Dr. Ahmed Amin)
|
الأخ معتصم
مصداقية المنبر ليست إلا تعبير عن حال البلد لذلك لاخوف عليها ولا هم يحزنون ....
الخوف على من قلوبهم مرض الذين يرون الجوع والفقر والمرض والتسلط والإرهاب والفساد والظلم يمشى امامهم وكل همهم نفى أى محاولة لرفض هذا الوضع المرير وتغييره لحياة افضل .
منذ أن سطت سلطة الفاشية على السلطة بليل وعلى رقاب الناس ظل الشعب - رغم القتل والسحل والتعذيب والتشريد - يقدم التضحيات الجليلة من أجل الخلاص واى تجمع مهما صغر واى
هتاف وإحتجاج ومظاهرة إن شاء الله فيها نفرين تعتبر خطوة نحو اللحظة الحاسمة ..ومافى خيارين ابدا يا قلبك مع الشعب او مع جلاده والتاريخ قاعد بسجل .
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: أسامة عبد الجليل)
|
Quote: يا معتصم كيفك؟
يا أخي شايف ناس كثار أكدوا أمر المظاهرات دي
في هذا المنبر وفي الفيس بوك وغيره من المواقع.
أرجو أن تتأكد من معلومتك وترجع لهذا لبوست.
تحياتي |
تحياتي
إزيك يا أسامة وكيف حالك؟
يا أخي معتصم صادق والذين أكدوا انو في مظاهرات برضو صادقين..
بالنسبة للناس الأكدوا في مظاهرات فعلا صادقين وأنا كنت شاهد عيان
عليها لأني ساعتها كنت في موقف أم درمان (جاكسون) بس كانت مظاهرات
عادية نسبة لانعدام المواصلات..
وقالوا الما شاف البحر تخلعو الترعة...
أنا شخصيا شفت وعايشت مظاهرات جامعة الجزيرة ضد السلطة وكانت عنيفة
جدا وكانت مظاهرات حقيقية بالنسبة لجيلناوأكيد جيل اكتوبر وابريل
كان بشوف مظاهراتنا لعب عيال ساكت..
المظاهرة اللي كانت العصر أو قبيل المغرب كانت محدودة مقارنة بمظاهرات
جيلنا في بدايات عهد الطغيان هذا...
الظاهر معتصم نظر ليها من الجانب دا...
والظاهر بقية الشباب نظروا ليها من الجانب الآخر..
على كل حال كانت هناك مظاهرات في منطقة جاكسون...
أيا كان حجمها وزمنها فقد كانت هناك مظاهرات..
ولو كنت شايل معاي الكمرا كان صورتها فيديو..
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: حسين يوسف احمد)
|
حسين يا صديقي ، كيف أخبارك يا أخي؟
شكرا لك على المعلومات التفصيلية ويا ريت لو كانت معاك الكاميرا..
أنا شفت بعض الصور في هذا الموقع وفي الفيس بوك ورأيت صورة لحريق
الإطارات في موقف جاكسون.
كما سمعنا أيضا عن مظاهرات في أم درمان من البعص في هذا المنبر بسبب إنعدام المواصلات.
لك الشكر والتحايايا حسين.
ويا ريت لو قدرنا نفهم سبب إنعدام المواصلات برضو.
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: طارق الجبلابى)
|
المظاهرات مؤكدة واخبارها ظهرت في كثير
من القنوات ....لكن ربما لم يصادفها الاخ معتصم والذي
حاول نقل الحقيقة لا غير ...فله اجر الاجتهاد
لكن....اليس من حق هذا المواطن البسيط الذي يريد
ان يصل الي اولاده ان يحتج علي عدم وجود مواصلات
واين الوالي والولاية من كل هذا........؟
------
المهم.......
Quote: دعنا من تلك الخذعبلات..
لقد صرت بوغا..بعد حرق من قبلك..
كانت..لك المصداقية قديماعند ماكانت تلك الهتيفة ...تكابر وتجاهد فى لى الحقيقة...
وما بوستك عن الدولار خير شاهد
فهذا...ليس مقامك..إإإإ.. |
الترجمة يامعلم........!!!!!
خاصة..... بوغا .........!!!!!!
ده انقليزي يامرسي.......؟
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: Amani Al Ajab)
|
نفي أو إنكار خبر صحيح، ليس أقل خطورة من فبركة خبر غير موجود.
يا معتصم، قرأنا الخبر عن رويترز وسمعناه في البي بي سي، وشهود عيان في هذا المنبر وخارجه.
أن يشهد أحد بأن هناك مظاهرات، أقوى من أن يشهد آخر أنه (لم يراها). بي بساطة، واحد يقول ليك (وقع حادث مرور في شارع الجمهورية الساعة 2 م) واحد تاني يقول ليك (أنا مريت بي هناك وما شفت حادث). هل عدم رؤية الشاعد الثاني للحادث دليل نفي لوقوعه؟
مصداقية المنبر مهمة يا معتصم .. لكنها حاجة بايخة والله، لما واحد يشوف بي عينه، تجي تقول ليهو (إنت كضاب).
إحترامي
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: Ahmed musa)
|
عفوا ...
ما عاوز أكرر كلام السبقوني فوق ديل ...
لكن مجرد توضيح لأني شايف بعض الإخوة زي سايقين خط ذد الأخ معتصم مفترع البوست
معتصم بيهمه مصداقية البورد
وحتي أنا لما كتبت عاااااجل إنقلاب عسكري في الخرطوم وما كان قصدي إني أثير البلبله في نفوس الناس بقدر ما حاولت أحاكي أستاذنا أبو العزائم عليه الرحمه والمغفره في سياغة الأخبار ..
كان الأخ معتصم من ضمن الإخوه القالوا لي يا زول هوي فرمل شوية وخلي يكون عندك مصداقية ... وفرملت ولقيت إنو بالفعل عنوان البوست كان خاطئ وأعتذرت للجميع ...
معتصم كلامه صاح 100% ... لما نحدد زمن تواجده أو مروره من الشرق وحتي ميدان جاكسون وأكيد يكون معتصم أخد يساره وعبر كبري الحرية بعد داك ... وما وصل حتي الأستاد ... أو الكبري المعلق جنوب جامعة السودان
إذن بالنسبه للأخ معتصم ... مطلقاً ما كان في مظاهرات ..
لكن بالنسبة للآخرين وأنا منهم ... كان في مظاهرات وحرائق يا معتصم ... حاولت جاهداً إني أصل الخرطوم لعزاء وما قدرت أصل إلا في ساعات متأخره إلي ما بعد الساعه 10 م ... لأنو أصلاً ما كان في طريقة لدخول الخرطوم من أمدرمان ...
الأخ معتصم ...
أشكر لك حرصك علي المصداقية كما والجميع هنا حريصون علي نقل الواقع كما هو عليه
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: ناصر يوسف)
|
لو أن معتصم فتح بوستاً بالمظاهرات لنُصب بطلاً من قبل المتداخلين ..
أما وقد قال ما رأءه في طريق سيره من مكان عمله في قلب الخرطوم وحتي منزله في أقصي جنوبها
فلابد أن يوصف بما قاله بعضهم أعلاه !!
أخونا معتصم مشهود له بالصدق والشفافية والعايز يتأكد يرجع للأرشيف ..
سؤ حظه أنه لم يصادف ما يشتهي البعض سماعه !
له التحية والإحترام .
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: السيد المسلمي)
|
| Quote: مانعرفه عن الاخ معتصم هو الصدق ونقل الحقيقة ومعتصم نقل الشافوا بعينه ولم يكن يكذب فعهدناه صادق وليس لديه أجندة خاصة |
يا سيد المسلمي، لم يتهم أحد معتصم بالكذب، بل العكس صحيح، فقد شكك معتصم بمصداقية من نقلوا خبر صحيح.
شخصياً لا أشك في مصداقية معتصم، وأكن له كل احترام. لكن أن لا يصادف في طريقه مظاهرة، لا يعني عدم وجودها، كما لا يعني بالضرورة أن من أورد خبرها كاذب. لاحظ عنوان البوست ((رفقا بمصداقية منبرنا ... لا توجد مظاهرات في الخرطوم )).
هذا هو لب الموضوع.
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: السيد المسلمي)
|
معتصم
ازيك
قبل فتره كتب الشواف معاويه عبيد الصائم بوست عن مظاهرات في شارع المشتل بالرياض ولاني كنت قريب جدا للموقع مشيت ومشطت ليهو الشارع وكتبت انه الاحوال هادئه ليخرج البعض ويقول ان المظاهره كانت في تقاطع الجزار مع اوماك
يعني ما عندها علاقه بشارع المشتل
طبعا الشواف كالعاده عمل رايح
المهم صحف اليوم كلها كتبت ما حدث بالامس وما طلع الكلام من مما كتبته ليك امبارح
مواطنيين لم يجدوا مواصلات فاحتجوا بصوره عنيفه
والكلام الما بيحب الناس يسمعوه هنا
هو اسباب انعدام المواصلات
اصحاب الحافلات خافوا ان يلحق بعرباتهم الاذي من قبل
بعض اخوتنا من دوله الجنوب الشقيقه والكانوا اول امبارح
اصابوا بعض العربات بالاضرار ابان اشتباكاتهم مع بعض
ناس الحافلات مشوا قرشوا
واتزامن الكلام ده مع تخريخ دفعه كبيره بالكليه الحربيه
واغلب الاسر استاجرت حافلات لحضور هذا الحدث
مما ولد هذه الازمه
الناس يا معتصم الكلام ده ما بيعجبها
وعادي ممكن يتجاهلوا انه مافي ولا زول اعتقل في احداث امبارح
فشنو يا صاحب مصداقيه المنبر ماتت يوم قتيل الاهليه
بل منذ صوره ناذر الخليفه الشهيره
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: ناصر يوسف)
|
اخوتي وأخواتي المحترمين ..
أشكر لكم مروركم على البوست وأشكر اضافاتكم وتنبيهاتكم ونصائحكم جميعاً ..
- منذ سنوات عديدة ظللت اتابع أخبار السودان والخرطوم على وجه الخصوص بصورة يومية وافيدكم بها لحظة وقوعها في الغالب دون رتوش ودون ميول سياسي او اجتماعي او جهوي .. انقلها لكم مجردة وفي الغالب ارفق الصور ما استطعت الى ذلك سبيلا .. وخلال كل تلك السنوات كانت أخباري صحيحة وموثقة 100% حتى ان صحف الخرطوم ظلت تنقل تلك الاخبار وصورها مباشرة دون تعديل وبداية كان بعض الاخوة الصحفيين ورؤساء التحرير يتصلون بي للتثبت من الاخبار واخذ الاذن بالنشر ومنحتهم اذنا دائما لنقل الاخبار فاصبحوا ينشرونها مباشرة بل ان بعض وكالات الانباء العالمية نقلت بعض اخباري من قبل وارشيف المنبر يقف شاهداً على ذلك.
- ما حدث بالامس ..
- الساعة الثامنة والربع مساء بتوقيت الخرطوم لاحظت ان معظم المحلات بسوق الذهب اغلقت ابوابها على وجه السرعة .. سألت عن الذي يحدث قال البعض ان هناك مظاهرات في موقف جاكسون وقال البعض ان هناك مظاهرات لجنوبيين في شارع القصر .. ووقتها كنت اتحدث مع زميلنا وصديقي ناصر جبريل في المغرب فقلت له يقولون ان هناك مظاهرات في الخرطوم وفي السوق العربي فقال لي انت مش في السوق العربي قلت له نعم وانا الان داخل سيارتي في قلب السوق العربي ولا توجد مظاهرات قال لي ان هناك بوست يقول بمظاهرات في السوق العربي وموقف جاكسون واللاماب والشجرة والكلاكلات ( كان هناك بوست بهذا المحتوى ) .. ومباشرة قمت بفتح جهاز الايباد ودخلت على المنبر ووجدت البوست المعني .. ووقتها لازلت اتحدث مع الاخ ناصر وتحركت نحو ميدان جاكسون بشارع الحرية من الشمال الى الجنوب وحتى موقف جاكسون غرب كبري الحرية وكان ذلك حوالي الساعة الثامنة والنصف مساء ولم الحظ شيئا غريبا في الشارع شمال صينية كبري الحرية وحتى عندما صعدت الكبري وشاهدت الموقف غرب الكبري وكانت الاحوال عادية والمواطنون في انتظار المواصلات .. توقفت باللاماب وفتحت البوست المعني ثم مررت بالشجرة والكلاكلات وفي كل تلك المناطق لم اشاهد شيئا غريبا وكانت الحياة عادية.
- خلال الفترة الاخيرة لاحظت ان هناك بعض الزملاء يفتحون بوستات بأخبار غير صحيحة وملفقة ولكل هدفه الذي يسعى اليه مستغلا نسبة المشاهدة العالية التي يتمتع بها المنبر وهذا الامر يضر المنبر كثيرا وكلنا حريصون على مصداقيته وتقدمه وتطوره ولا اود ان اعيد قصة الكونغرس.
لكم جميعا احترامي وتقديري
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: معتصم محمد صالح)
|
لا عليك يا معتصم اخوي
المناضلين عايزين يفشز غبينتهم فيك لما طلعت المظاهرات ماقدر طموحهم
ياخي العاوز يتظاهر مايجي بنفسو ويهتف ضد حكومة الجن دي بدل ما يشتموا مواطن مثلهم
غاظني تعليق الجبلابي ده شديد
ما ذا تعرف عن معتصم ايها المناضل الهمام
حتة تظاهرة بتاعة مواصلات تورت نفسكم لدرجة تشتموا زول محترم زي معتصم يامناضلين
عيب الشوم والله
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: معتصم محمد صالح)
|
الأخ معتصم والمتداخلون تحياتي
بالفعل إن مصداقية نقل الخبر من الأمور المهمة والتي تزيد من فعالية المنبر كأحد منظمات المجتمع المدني
أما بالنسبة لأحداث ميدان جاكسون فقد كنت شاهداً على تلك الأحداث وهي نتاج لاحتقان المواطنين لأكثر من أسبوعين
كنا نعاني (ربما اليوم وبعد ما حدث سيسعى القائمون على أمر الولاية لحل المعضلة) من أمر ميدان جاكسون وموقف كركر
تتوقف المواصلات يومياً (عدا يومي العطلة) في الفترة المسائية مما يخلق معاناة حقيقية بالنسبة للمواطن.
سألت قبل يومين أحد سائقي الحافلات عن اسباب توقف المواصلات فعزى الأمر لزحمة السير في الكوبري
وأضاف أيضاً أن حملة رجال المرور ربما قد تدفع البعض لعدم العمل
فرجال المرور يطالبون السائقين برخصة القيادة + ترخيص العربة + ترخيص خط سير المواصلات حسبما أفاد، ولا يتعدى ذلك للمطالبة برطل من لبن الطير.
بالإضافة إلى أن تحصيل رسوم موقف كركر اليومية تدفع بالسائقين إلى محاولات نقل الركاب من خارج الموقف. مما يخلق المزيد من الزحام وتأخر المركبات في الوصول للموقف.
بالأمس بدأ الأمر بالسخط من تكرار هذه الحالة
تجمع البعض أمام الحافلات وبدأوا بالهتاف (الشعب يريد مواصلات)
شارك طلاب جامعة السودان أيضاً بالهتاف إن كان ذلك يعني شيئاً للأخ الذي رمى واردوا كركر وجاكسون بدونية وكأنهم لا يحق لهم التعبير بالرفض أو العمل على إصلاح الحال المائل.
مضى بعد ذلك المواطنون سيراً على الأقدام صوب أم درمان وكنت من ضمن هؤلاء لليوم الثالث على التوالي.
لا أعلم كم من المرات يجب أن أمضي ساعياً نحو المنزل حتى يتم إعلان أن هنالك مشكلة لي كمواطن من قبل القائمين على الأمر أو الذين يساندون هذا النظام.
ربما سأصبر عشرات المرات ولكن في نهاية المطاف سأخرج وأهتف (الشعب يريد .....)
فالأمر لا يتعلق بالمواصلات والغلاء والدواء وشراكة الأضحية مع الجار حسب آخر الفتاوى، الأمر أمر كرامة
تبلدي
| |
|
|
|
|
|
|
|
|
|
Re: رفقا بمصداقية منبرنا ... لا توجد مظاهرات في الخرطوم (Re: باسط المكي)
|
لصحيفة الرأي العامOct 12th 2011
إصابة (10) أشخاص في حادث بكوبري الانقاذ يعطل حركة المرور
الخرطوم: صلاح مضوي - أنس الحداد
تظاهر مواطنون بموقف (كركر) السكة الحديد مساء أمس، احتجاجاً على اختفاء مركبات النقل العام الى أم درمان، فيما قطعت أعداد كبيرة منهم كوبري الانقاذ سيراً على الأقدام بعد أن أعيتهم الحيلة. فيما كشفت الشرطة انها احتوت مجموعة من المواطنين رشقوا المركبات العامة بالحجارة لغرض التخريب. وقال عددٌ من المواطنين لـ (الرأي العام) أمس، إنهم دخلوا في تظاهرة احتجاجية بعد أن تقطّعت بهم السبل بسبب اختفاء المركبات العامة في جميع الخطوط المؤدية إلى محليات أم درمان المختلفة منذ الرابعة عصر أمس، وتابعوا: إن الأزمة بدأت منذ الساعة الرابعة عصراً ما حدا بهم للتظاهر احتجاجاً. من جانبها، أوضحت الأمانة العامة لولاية الخرطوم، أن انعدام المركبات العامة لمدينة أم درمان تسبب فيه حادث مروري وقع بجسر الانقاذ، إضافَةً لتزامن ذلك مع تخريج ضباط الكلية الحربية بأم درمان مما أدى لتكدس المركبات القادمة إلى مواقف الخرطوم، وقال مصدر بالأمانة لـ (الرأي العام)، إن رجال المرور عالجوا الموقف بالكوبري، فيما أوضحت حكومة الولاية أن د. عبد الرحمن الخضر وجه جميع بصات الولاية وبعض المركبات العامة لانقاذ الموقف.
وكان حادث مروري وقع عصر أمس في جسر الانقاذ بين حافلة ركاب كانت في طريقها من الخرطوم إلى أم درمان - سوق ليبيا لعطل ميكانيكي، أدى لانحرافها ودخولها في المسار المعاكس مما أدى الى اصطدامها بعربة أخرى وعربة حافلة ثالثة. وأفاد (المكتب الصحفي للشرطة)، أن الحادث نتج عنه إصابة (10) من ركاب الحافلات الثلاث، فيما أدى الحادث الى قفل جسر الانقاذ أمام حركة المرور من الثالثة وحتى الرابعة مساءً، مما أحدث اختناقاً مرورياً بكوبري النيل الأبيض، فيما تم اسعاف المصابين لمستشفى السلاح الطبي لتلقي العلاج وحالتهم مستقرة.
| |
|
|
|
|
|
|
|
|
|
Re: لا توجد مظاهرات في الخرطوم (Re: مرتضى احمد عبد القادر)
|
Quote: معتصم
ازيك
قبل فتره كتب الشواف معاويه عبيد الصائم بوست عن مظاهرات في شارع المشتل بالرياض ولاني كنت قريب جدا للموقع مشيت ومشطت ليهو الشارع وكتبت انه الاحوال هادئه ليخرج البعض ويقول ان المظاهره كانت في تقاطع الجزار مع اوماك
يعني ما عندها علاقه بشارع المشتل
طبعا الشواف كالعاده عمل رايح
|
فدياس زغت من البوست داك جيت هنا
اها المنطقة ديك اكان فيها مظاهرات ولا لا
ياخ انت منو .........بساط طائر ..كل مرة قادى
امة محمد كنت قريب كنت قريب..انت ما تكون
قريب من مرض وجوع البشر ..يا مؤمن ..
بعدين انت مش دخل زول اسمو احمد موسى
وعصرك عصرة (زيتونة) مالك عمل فيها عندك
ملاريا..واشتغل ليك حصة جغرافيا عدييييل لخط
سير المظاهرات ..عملت رائح
بخصوص شواف شايف الفكرة عاملة ليك قلق
يازول انا شفت براى ..امة لا اله الا الله حضور فى
ذلك اليوم (التاريخى) اريتك اكان كنت معانا
ياخ ...
كتب احمد موسى للماكوز فدياس..وعمل غمران
Quote: ياخوي
شارع المشتل بتقاطع مع شار الجزار في مكان ما
وللعلم اليوم كان نقاش شباب الحلة
الهم قريب من شارع الجزار
مربع (6) إمتداد البراري
وفاتح على شارع أوماكـ
اليوم كان نقاشنا حول (من أين أتي هؤلاء)
والكلام كان حول إنو الشباب البدوا المظاهرة ما من اولاد المربع
وبعده دخولا معاهم اولاد المربع
(وللعلم) تم إعتقال عدد من أبناء المربع
بعضهم كان يسير بشكل طبيعي في حيهم
أها يعني كون المظاهرة دي طالعة من شارع المشتل مابالضرورة تكون طالعة من بدايته
وإنت لمن جيت (للعلم) كان بعد نزول البوست
ولحظتها كانو هم (داخل) إمتداد ناصر |
| |
|
|
|
|
|
|
|
|
|
Re: لا توجد مظاهرات في الخرطوم (Re: معاوية عبيد الصائم)
|
الغريبة إنها مظاهرات إحتجاجاً على عدم وجود مواصلات
سبحان الله المناضلين عايزنها تنادي بإسقاط الحكومة
مناضلين فشنك و كذب و ضلال
الراجل كتب بوست بما شاهد
و الأغرب إنو وكالات الأنباء قدرت عدد المتظاهرين بالعشرات
يعني خيبة أكتر من إنها بطولة
| |
|
|
|
|
|
|
| |
معتصم محمد صالح
ندى صالح الطيب
فدياس نجم الدين
احمد محمد بشير
محمد إبراهيم علي
حسبو عكاشة
خالد خليل محمد بحر
محمد قرشي عباس
محمد على حسن
Ahmed Abdallah
حيدر حسن ميرغني
طارق الجبلابى
صلاح غريبة
محمد عادل
عمر ادريس محمد
أسامة عبد الجليل
حسين يوسف احمد
محمد النيل
خالد العبيد
ناصر المحسى
haroon diyab
حسن حماد محمد
Amani Al Ajab
محمد أبوالعزائم أبوالريش
Abdlaziz Eisa
فيصل محمد خليل
Ahmed musa
Aymen Tabir
salah awad allah
فايزودالقاضي
محمد المسلمي
مرتضى احمد عبد القادر
محمد عبد الماجد الصايم
عبد الخالق امن الله
باسط المكي
Ahmed Elyas
Kostawi
ahmed haneen
د.محمد بابكر
ABUHUSSEIN
فيس بوك
تويتر
انستقرام
يوتيوب
بنتيريست