المسعودية تشكر المحامين وتستقبل الابطال وتنوه ان المعركة مستمرة

Quote: عمرنت ود المسيد اليوم منذ ال 11 صباحا شهدت محكمة المسيد محاكمة الشباب المتظاهرين في " ألتي " و " المسعودية " قبل أيام تحديدا الجمعة وبالامس ... والشرطة أتت بكميات كبيرة فهل هذا رعب للشعب ؟؟ وكمان حركات شماسة لما جو إكوركوا لكن القاضي اداهم كلام ! ما قلنا الناس البتخش الجيش والشرطة ناس عقول ما عندها للأسف ودايما في بالها إيذاء الشعب وترعيبه ... وطال إنتظار الأهل واذا تسألنا لماذا إعتقلوهم لتظاهرهم بتحسين خدمات أبسطها مياه الشرب و هذه الأحداث ليست أول مرة وستتكرر كثيرا ؟ وكمان قالوا أطلقوها شباب بالفيس بوك .. الأخطر من كده قبضوا ناس أبرياء فمثلا واحد قفل دكانو ولقو في الشارع رفعوا في العربية واتنين شغالين في فرن وراقدين برضوا رفعوهم وواحد ماشي علي الصيدلية وواحد ماشي يجيب العشاء والبغيظ بخشوا في نص الحلة وفي واحد من بيتهم دايرين إطلعوا فأموا مسكتوا وقالت ما بتشيلوا مني ولدي وقاموا ضربوها في يدها اسع عليكم الله يا شرطة الشغب بتاعين الباقير والكاملين لو الموقف ده حصل لأم واحده فيكم بترضوا ؟ كمان شايلين بونبان و..الخ .. وطال الانتظار في اصدار الحكم .. لحدي قريب 4 عصرا بدوا افكوا في ناس من المسعودية كتار ومعروضاتهم ظاهرة وبسبب الواسطات محاميين وكده ! و ناس ألتي منهم براءة والباقيين غرامة مليون وسجن 3 شهور ؟؟ ده معقول فأين العدل أولآ وبعداك نتحدث عن القروش دي بتمشي وين ؟ يأخي الناس الخدمات تعبانة والاسعار بعد الانفصال ده صعب شديد والله ربنا ينتقم منكم .. باقي الشعب صحصح و يا ناس المسيد الدور بجيكم بي أنا ؟! والتغيير قادم يا سودان !! وقلم الظلم مكسور ... السكوت ما بنفع أبدا .. خلاص وصل حد السجارة نفس من شدة حرارتها ... الكلام كتير بس خلوكم عشرة علي الوطن .. والصور دي حصرية 7 hours ago · Unlike · 1 person