|
Re: نهواه لا زلنا .. إنه الهلال وكفى! (Re: motaz)
|
ميزو يا حبيب .. أخباركـ ياخ والشباب؟ الإفريقية دي بنخشها تاني إن شاء الله ووراها لحدي الكأس بإذن رب كريم! والضربة الما بتكتلنا بتقوينا نمش لي قدام!
مبروكـ ياخ الريس الجديد وعقبال اللي في بالي إن شاء الله! وتحياتي لكل الشباب عندكـ!
| |
|
|
|
|
|
|
Re: نهواه لا زلنا .. إنه الهلال وكفى! (Re: baha eassa)
|
كم نظرنا هلال ما شاقنا غير هلالو ما اظنو زلال يروينا غير زلالو
كبير في الانتصار و كبير حين تلقاك الهزائم كبير في كل حين
شكرا محمد عبد الماجد كنت اريد للمريخاب ان يكونوا معنا و نحن ننتصر ونمضي في المنافسة الي الامام لكنهم اختاروا ان ان يكون مقامهم هناك عند منطقة الخروج من المنافسة كأنهم نسوا انها مستديرة. كنت اريدهم ان يكونوا كبارا في هذا اليوم لان المقام في حق السودان ليس مقام للشماتة انه اسم السودان و الهلال يلعب في تونس لانه نادي سوداني فقط سوداني فقط سوداني لنا جميعا
المريخاب الفرحين بخروج الهلال من دور الاربعة كالاطفال تصغر في عيونهم الامور الكبيرة.
حملت الهلال الي ذلك المجد اقدام السودانيين و عزيمة الرجال
سيفعلها الهلال مرة و سيكون بدرا في يوم قادم
طه جعفر
| |
|
|
|
|
|
|
Re: نهواه لا زلنا .. إنه الهلال وكفى! (Re: نجلاء سيد أحمد)
|
الهلال لعب كورة..كبيرة يا ود الصايم.. اداء رجولي...وحرفنة..وتكتيك.. وهي في نظري..افضل مباراة يلعبها في الابطال برغم الهزيمة...
وقطع نفس التوانسة عديل.. ونتمني ان يسيروا في هذا النهج...وما يستعجلوا الانتصار..
كأس شنو..وصفر شنو؟؟؟
الهلال كبير...كبير ..كبير..وهم زاتهم عارفين كده.. شايلين سبحهم الصفراء دي...
بلاي التوانسة كلهم مع الترجي.... ومن يسمون انفسهم صفوة شامتين علي الهلال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
Re: نهواه لا زلنا .. إنه الهلال وكفى! (Re: ABUHUSSEIN)
|
Quote: زي كلامك دة يا ود الصايم الخلانا بدون كورة في افريقيا .. ومعاك كلام الصحف الرياضية الماعندها موضوع غير انها تطبل للهلال والمريخ واللاعبين حتي انهم صدقوا |
تيكت إيزي يا بهاء .. أنا هسي جبت سيرة لاعب هنا؟ أنا بتكلم عن الهلال .. الكيان الأزرق الاسمو الهلال في عضمو عمروا الهلال ما كان واقف على لاعب ولا رئيس .. الهلال جمهور أولا!
بعدين قصة (التطبيل) دي راجع نفسكـ فيها شوية! الصحافة الرياضية يهديكـ أمش أكتب ليهم كلامكـ دا!!
| |
|
|
|
|
|
|
Re: نهواه لا زلنا .. إنه الهلال وكفى! (Re: ABUHUSSEIN)
|
Quote: حملت الهلال الي ذلك المجد اقدام السودانيين و عزيمة الرجال سيفعلها الهلال مرة و سيكون بدرا في يوم قادم |
يا سلام ياخ! شكرا أستاذ طه على المداخلة النجيضة دي!
سبحان الله .. الهلال غالب نحن فرحانينن ومغلوب المريخاب فرحانين! قدر الهلال أن يُسعد جميع الجماهير!!
شكرا ياخ لوجودكـ هنا!
| |
|
|
|
|
|
|
Re: نهواه لا زلنا .. إنه الهلال وكفى! (Re: ABUHUSSEIN)
|
Quote: بلاي التوانسة كلهم مع الترجي.... ومن يسمون انفسهم صفوة شامتين علي الهلال |
نذار ما تبالغ ياخ! أصلوا ما شفت لي واحد يشجع الليلة فريق كيني وبكرة مع نيجيريا وبعدوا مع تونس ثم الجزائر!!
بالمناسبة ديل ما بشجعوا المريخ! ديل اسمهم مشجعي (عكس الهلال)! زي قصة معارضة المعارضة
| |
|
|
|
|
|
|
Re: نهواه لا زلنا .. إنه الهلال وكفى! (Re: الكباشى البكرى)
|
مَنْ غير (الهلال) يعطي لهذا الشعب معني أن يعيش ويفتخر شكراً لكم ، لعبتم وابدعتم ومتعتم .. ولكن ..!! هذه هي حال الكرة . مابتدي حريف يـ أولادنا نحن فخورون بما بذلتموه من جهد .. سنظل نفاخر بكم ما حيينا
شكراً حبيب الكل ود الصايم
Quote: يكفينا أنك هلاليا (هلالابيا) |
وصدقاً أنك هلالابي وكفي ..
| |
|
|
|
|
|
|
|