نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 اكملت بناء البيت ولكن للاسف هذا ما حصل ... احذرو ذلك الخطأ
|
كنت قد شيدت بيتى على اساس ان يكون استثمارى من دورين
وعانيت ما عانيت فيه حتى يكتمل
وعندما اكتمل وعرضت الاربعة شقق التى فيه للايجار
ارتفع سعر الدولار فجأة ولم يعد الايجار مجد لان اساس خطتى كانت قائمة على اسا تحويل الجنيه الى دولار او اى عملة عربية كالريال السعودى مثلا ونسبة لفقد الجنيه قيمته امام العملات الاجنبية فقد تاكلت قيمة الاجار الى اكثر من 40% تقريبا مما جعلنى اندم على اقبالى لى تلك الخطوة وقلت فى نفسى لو تم استثمار هذا المبلغ خارج السودان لكان ذلك اجدى وانفع لذلك انا احذر الاخوة المغتربين يجب ان لانفكر بطريقة تقليدية ونمطية فى الاستثمار فى السودان وفقاعة العقار فى طريقها الى الانفجار فى السودان وستغرق الكثيرين ان لم ينتبهو خاصة فى ظل الانهيار الاقتصادى القادم فاحذرو احذرو احذرو
|
|
 
|
|
|
|
|
|
|
|
Re: اكملت بناء البيت ولكن للاسف هذا ما حصل ... احذرو ذلك الخطأ (Re: Ahmed musa)
|
| Quote: وعندما اكتمل وعرضت الاربعة شقق التى فيه للايجار |
يا زول إنت في الأربع شقق ولا أنا الكنت ناوي أعملهم 8 شقق! ولكن لما شفت المسألة بدت تخستق - بدءا بدبي وصولا إلى الرياض والطائف وأركويت... - تريثت! يتخيل لي لو عملنا استقصاء لآراء من ينوون البناء في السودان، سنجد أن أكثر من تسعين في المائة منهم ياملون في استثمار أجزاء من منازلهم في الإيجار، دون أن يتساءلوا من سيؤجر كل هذه الشقق والبيوت! أموظفو المنظمات الدولية أم موظفو الداخل؟
ما جدوى إيجار شقة تكلف حوالي 300 مليون جنيه بـ800 ألف - إن وجد المستأجر؟ هذه الشقة ستسترجع قيمتها - في حالة ثبات قيمة العملة - بعد 34 سنة وهذا استثمار لا جدوى منه.
وهناك أشكالية جديدة بدأت تظهر في العاصمة مثمثلة في صعوبة تسييل العقارات. إذ يبدو أن عروض البيع أكثر من طلبات الشراء.
شكرا أخي عادل على هذا البوست المفيد الذي أتمنى أن تتحفنا فيه بتجربتك الثرة ونصائحك القيمة.
| |
|
|
|
|
|
|
|
|
|
Re: اكملت بناء البيت ولكن للاسف هذا ما حصل ... احذرو ذلك الخطأ (Re: احمد التجانى احمد)
|
يعني هسع ان اوقف الببني فيهو ده
بإعتبارو ما ح يجيب راسمالو ؟
كان في اتفاق ان الإستثمار العقاري مضمون اكثر من الإستثمار في الحديد أو في الزراعة
هسع مافي مضمون ، لأن أي حاجة صارت ما بتجيب ثمنها
هسع مكلف زول يبحث لي عن شقة صغيرة
قال كل الشقق المعروضة في الرياض والطائف والصفا والعمارت تؤجر بالدولار
والحد الأدنى 400 دولار في الشهر لأصغر شقة
| |
|
|
|
|
|
|
|
|
Re: اكملت بناء البيت ولكن للاسف هذا ما حصل ... احذرو ذلك الخطأ (Re: أبو ساندرا)
|
Quote: هسع مافي مضمون ، لأن أي حاجة صارت ما بتجيب ثمنها
|
مافي معلوم...
لأن تجربتي اقسي من تجربة صاحب البوست....ومع ذلك سأحاول
مرة اخري...
يا ابا ساندرا...يا زول واصل بناك...ساكت...وبعد تنتهي
منو كان بعتو بجيب ليك في الدوحة دي زاااتا...مالك ومال
المؤجرين...وحبوبتي ماتت....وامس كسرت ايدي...والتحويل
ما جانا والله...والطعمية البارح حرقت...وآخرتا يقولوا ليك
أعلي ما في خيلك اركبو...ويسدوا عليك باب بيتك...كاو كرو
في وشيك...كان طفرت عليهم بي كرباج اوب...وكان خليتهم
المغصة تكتلك...
| |
|
|
|
|
|
|
|
|
|
Re: اكملت بناء البيت ولكن للاسف هذا ما حصل ... احذرو ذلك الخطأ (Re: nazar hussien)
|
الأخ عادل
الف مبروك الانتهاء من تشييد البيت و دا في حد زاتو انجاز كبير و هدف لأغلبية المغتربين.
بوست مفيد و اشكرك عليه.
ادى تحسن الحالة الاقتصادية نتيجة لعائدات البترول قبل الانفصال الى زيادات الاستثمارات الداخلية و الخارجية مما أدى الى دخول الكثير من الأجانب الى البلاد و بالتالي زيادة الطلب على الشقق المفروشة و الايجارات خاصة في مناطق شرق الخرطوم و لما كان عدد المعروض من الشقق قليل كانت الايجارات مرتفعة بل و أكثر من القيمة الحقيقية بكثير ، نتيجة لانفصال الجنوب و تأثر الاقتصاد كثيرا بتوقف عائدات النفط و هروب الكثير من المستثمرين قل الطلب على الشقق و خلال تلك الفترة كان هناك عدد كبير تحت التشييد مما زاد من العرض و نزلت قيمة الايجارات و بما ان الكثير من اصحاب الشقق ما زالوا يحلمون بايجارات عالية فان الكثير من الشقق اصبح خالي و البعض تجاوب مع السوق و خفض قيمة الايجار..اذا تعافى الاقتصاد (ودي صعبة جدا على الأقل في الاجل القصير) فالاستثمارالعقاري هو ملاذ آمن خاصة للمغتربين اذ أن اي استثمار آخر يحتاج أن يكون المستثمر مشرف بنفسه عليه و الا قد يتعرض لخسائر كبيرة.
الزراعة استثمار مربح و لكن كماذكر السيد / حسن ابراهيم مالك في لقاء معه فهي تحتاج لمال قارون و صبر أيوب و عمر نوح.
| |
|
|
|
|
|
|
|
|
|
Re: اكملت بناء البيت ولكن للاسف هذا ما حصل ... احذرو ذلك الخطأ (Re: Ahmed musa)
|
الاخوان فخرى واحمد موسى
مرحب بمروركم الانيق
وعارف يا فخرى تضح انه الاستثمار فى السودان بكل اشكاله طلع مقلب لان هذا السودان ليست له هوية اقتصادية وسياسية للك فليس هنالك تخطيط ولا يحزنون وكل شئ ماشى بالبركة وزى ما قال المرحوم محمد طه محمد احمد ( ودى الحاجة الوحيدة الكان صادق فيها على حسب تقديرى ) قال الحكومة بتاعة الانقاذ دى ما عندها خطة ولابرنامج ولاهدف وتهمل بمبدا رزق اليوم باليوم يعنى يركبو عرباتهم ويجو القصر الجمهورى الصباح ويشوفو الفى النصيب شنو ويعملوه وبكرة كمان يوم زى ده بالضبط .
الاخ احمد موسى الصراع مع الجهات الرسمية والمحلية والغير يبدا من قولة تيت وقبال ما تدق طورية فى ساس البيت
اوريك كيف
تابع بعد قليل
| |
|
|
|
|
|
|
|
|
|
Re: اكملت بناء البيت ولكن للاسف هذا ما حصل ... احذرو ذلك الخطأ (Re: عادل عبدالعزيز عبد الرحيم)
|
الطفرة الكبيرة والمبالغ فيها في اسعار الإيجارات من 2005 وحتي 2009 أغرت كثير من الناس لدخول عالم الإستثمار العقاري وللأسف دي ظاهرة سودانية الناس تنتظر لحدي ماحاجة تنجح وبعد كدا الأعمي شايل المكسر ولكن للأسف الفقاعة دي طرشقت بسرعة وورطت كتير من الناس وأسي للأسف كتير من الشقق مقفولة في إنتظار القادم الذي لن يأتي
ماحصل في الفترة ديك كان حالة إستثنائية هو دخول أعداد كبيرة من المنظمات وقوات اليونميد وعودة الحركة الشعبية للخرطوم بعد نيفاشا بالإضافة لتكاثر شركات البترول وشركات الخدمات وغيرها وكان الطلب عالي جدا والمعروض قليل لدرجة إنو السماسرة كان بدقوا الأبواب في أحياء شرق الخرطوم عارضين علي الناس ترك منازلهم وإيجارها مقابل مبالغ خرافية أغرت الكثيرين لإيجار بيوتم والذهاب لمناطق أخري كأمدرمان وبحري وبعضهم توجه للقاهرة لأن مقابل إيجار فيلا في الطائف أو الرياض يمكن أن تعيش ملك في القاهرة وتوفر تلتين المبلغ.
أذكر أنا جيت السودان في منتصف 2007 معار للعمل في فرع الشركة في السودان فوجدت الشركة مؤجرة لي شقة في المنشية بي 3000 دولار في الشهر والله من الدهشة إستكثرتها علي نفسي لأن نص المبلغ ممكن يؤجر أفخم شقة في مدينة أوسلو مطلةعلي البحر والجبال المكسوه بالخضرة مقارنة بي عمارة المنشية أول ما تطلع من الباب أول منظر تقع عيني عليهو قدام العمارة كوشة قدر الضربة الغنم من الصباح سارحات فيها دا غير الإزعاج والفوضي .
إتخيل أسي نفس الشقة بألف دولار ما تلقي زول يأجرا
| |
|
|
|
|
|
|
|
|
|
Re: اكملت بناء البيت ولكن للاسف هذا ما حصل ... احذرو ذلك الخطأ (Re: أسامة البلال)
|
الاخوان مدثر صديق ومحمد الامين موسى
حبابكم عشرة فى شقتنا دى البقت راكوبة وفى الخريف كمان
تعرف يا محمد الامين طيب انك عدلت عن رايك لانو تكلفة البنيان زاتها فى ارتفاع وخاصة بعد ارتفاع اسعار الدولار مما ادى الى زيادة اسعار الحديد وباقى المستلزمات .
اما زيادة الاسمنت الفجائية دى قيل نسال عنها على كرتى وكده
اما زيادة اجور العمالة فقيل لنا نسأل عنها على عثمان القسم البلد بلدين وطرد الجنوبيين اللذين كان يمثل عدد وافر منهم عمالة تعمل فى حفظ توازن السوق بتاع العمالة وبعد خروجها حصلت الزيادة فى الايدى العاملة مما ادى الى ارتفاع سعر الطوب وعمال اليومية .
دة غير ارتفاع تكاليف الحياة نفسها مما اضطر المقاولين الى رفع سعر المتر الطولى والعرضى فى البناء والتلييس وحتى فى الجير والسيراميك وغيره .
اها انا بعد ما ارفع تكاليفى بمتواليه هندسية فى تاسيس البيت اجى اخفض ايرادى بمتوالية هندسية برضو بسبب تحويل ايراد الايجار للريال السعودى
والله جنس محن الله يلعن ابوه ده استثمار وده بقى استخسار عديل كده
ولا كيف ؟؟؟؟
| |
|
|
|
|
|
|
|
|
|
Re: اكملت بناء البيت ولكن للاسف هذا ما حصل ... احذرو ذلك الخطأ (Re: عادل عبدالعزيز عبد الرحيم)
|
Quote: الحبيب نذار حسين
شكرا على مساهمتك المفيدة
لكن يا صاحب شكلك ممكون ولو فيك جماعة ودوك على درب المحكمة وتلتلوك فى دفع الايجار
نرجو ان تحكى لينا بالتفصيل نحن جداد فى المجال ده
عشان نعمل حسابنا وكده |
حكايتي مع المؤجر...بت عم حكاية ود شيقوق البحكي فيها هنا في البورد
دا...بس ناقصة سجن مدني...
وافتكر ود شيقوق حا ينهيها بي هروب يونس...وانا زاتي هربو مني...
واكتشفت ليك قدر ايش ممكن سيد الحق ينظلم...من العدالة...
نصيحتي ليك المحاكم في قضايا الايجارات ما تصلا ...اتنازل...اعمل تسوية
صلح اي شي الا تنتظر حكم محكمة...لأنو حتي لو حكمو ليك...ورجعوا ليك
حقك...بتلقاه حق الفول والسجائر الصرفتو في المساسق ما بغطيه ليك..
انا المؤجر طردني عديييييييل...ومن بيتي...ومرقت ضنبي خنجر
هسي مفكر جااااادي...ابيع البيت واللي خلفوه..
| |
|
|
|
|
|
|
| |
عادل عبدالعزيز عبد الرحيم
كمال ادريس
فخرالدين عوض حسن
Ahmed musa
محمد الأمين موسى
مدثر صديق
احمد التجانى احمد
أبو ساندرا
nazar hussien
الحاج حمد الحاج
محمد علي شقدي
أسامة البلال
فيس بوك
تويتر
انستقرام
يوتيوب
بنتيريست