|
قال العلمانية فصل دين عن دولة قال .. هه
|
الجماعة ديل قدر ما يحاولو يفصلوا الدين عن الدولة يلقوا نفسهم ربطوا الدين بالدولة تااااانى انا غايتو بشوف إنو دا نفاق !!!!! أهن كيف!!!!!!!!!!!! الأمثلة الحية العملية والنظرية منها كتييييييييرة بتقابلنى.. القصة دى واحدة منها: واحد من أصحابى إنسان مهذب وكافى خيره شره زولا طيبان بالحيل وكل الناس تشهد بذلك هنا فى أمريكا دى راجع بى عربيتو من الباركن المهم فى واحد مسنوح سلباط كدى قال ليه : يازول أعمل حسابك هسع كنت ضربتنا وكدا يعنى (بالإنجليزى طبعا) زولنا الطيبان نزل عشان يتأكد إنو الامور تمام ما فى مشكلة لا ضربو ولا هبشو قال ليه Are you okay??? الزول المستهبل قال ليهو لا مافى حاجة خلاس أمش المهم زولنا إتأكد أنو مافى حاجة وفات.. يلا بعد يومين كدى زولنا المسيكين جاهو جواب من المحكمة على إساس إنو الزول المستهبل داك عمل بلاغ بتاع Hit & run المهم زولنا طبعا عمل محامى أمشى وتعال وجلسات قضايا وتعطيل من العمل وتكلفة محامى عالية والزول المستهبل قدر يجيب ليه إتنين شهود من مافى بيشهدوا زورا إنو الشاكى إنضرب والزول دا قام جارى وزولنا خسر القضية وأخد عقوبة probation لمدة سنة لا إيدو لاكراعو.. وفقد رخصة سواقتو لمدة منعته من وظيفته التى تعتمد على تلك الرخصة المهم وحاجات مؤلمة كتيرة
وطبعا الشاكى قافل على تعويض التأمين وكدا
ودخل العلمانية بالموضوع شنو؟؟؟؟؟؟
الشهود ... الشهود شهود الزور والحليفة الحلفوها أقسم بالله أن أقول الحق وكمان بعد رفع اليد اليمين فى محكمة المفروض أهم مؤسسة وأول مؤسسة يجب إنها تمنع خلط الدين بالدولة لانو فصل الدين عن الدولة مقصود بيهو القوانين وخاصة الدينية
إنت كيف تجيب زول يحلف حليفة دينية وترمى ليك واحد فى السجن وإنت أصلا ما بتقبل إنو الدين يكون جزء من الحكم؟؟؟؟
خلاص علمانية يجب ان تكون علمانية للنهاية يجب أن تكون الإثباتات فى الحكم على الناس بطريقة ما دية بحتة جيب كاميرت فيديو DNA 1+1=2 المهم إتصرفوا كلام الحليفة وعليا الطلاق دا المفروض يكون برفى الشارع هنا ما بنفع دا بر المحكمة
فصل دين يعنى فصل كامل
ما تكتب لى فى الدولار In God we trust والكلام ال ما راكب عدلو دا وهناك امثلة عديدة فى حكاية الفصل دى كلما تأتى مناسبة ح ننقلها ليكم
|
|
|
|
|
|