|
Re: نجوم الغد .. الحلقة الذهبية ! (Re: معتصم دفع الله)
|
النيل الأزرقي .. الأزهري .. الأنق .. راكوبة
تحية وتقدير
شيء ما يربط بينك وبين النيل الأزرق .. ولما كنا لا نشــاهد إلا من خلالك .. فقد أصبحت أنت نيلا أزرقا رقراقا الى دواخلنا ..
و المشاهدة عبر (( كوتك )) ورقراق الركوبةله رونق خاص .. ومتعة خاصة .. لأنك صياد ماهر ..
وبصراحة ما إستوقفني هو إدراجك الجمبــل للصور التصميمية أما الأغنيات فأمرها عجيب ..
وأعتقد أخي (( راكوبة )) أنك لا تعلم أنك رائع .. ولتعلم الآن ذلك .. أما روحك الإنتقائية فيها حسن الإختيار العام والخاص ..
فبمثلما أنك صاحب قضايا إنسانية فإنك صاحب حس في القضايا الوجدانية ..
ومن وجداني لوجدانك أرق سلام وأنقى تحية
=
| |
|
|
|
|
|
|
Re: نجوم الغد .. الحلقة الذهبية ! (Re: Soumeta)
|
يا شباب، ناس النيل الأزرق ديل ليه ما جابوا محمود عزالدين في الحلقة الذهبية؟
_____________________________________ مشكور كتير يا علاء الدين منصور يونس الشهير بتمبس! ومشكور كتير يا معتصم دفع الله... ياخ عقدتونا عديل كده!
| |
|
|
|
|
|
|
Re: نجوم الغد .. الحلقة الذهبية ! (Re: Sakotaweya)
|
سكوتاويييييييية،، إنتي برضو من رواد هذا البوست طوالي زي كدة،، اول غنية سمعتها ليها كانت إشتقت ليك،، لا حول الله،، عذبت الغنيه في روحها،، وانا كمان ما بعلق في الناس الغنايين بعد مرات،، بس قعدت ابحت،، لممممممن لقيت ليل الشجن،، و حاجات تانية تانية سمممحة،، عجبتني،، لكن كان ممكن تغنيها اجمل من كدة،، من العاجبني في سارة شديد إنو عندها ستايل حقها برااااااااها،،
اها و عافية دي كيف معاك،، قربت احبها قدر سارة،، ديل بنات يا سلاااام،،
| |
|
|
|
|
|
|
Re: نجوم الغد .. الحلقة الذهبية ! (Re: Rakoba)
|
كيتاَ في عمر الفاروقعمر الفاروق يا حاقد يا عديم الموهبة الولد ده ( محمد البدوي أبوصلاح ) فنان فعلا .. تعرف يا اشتر محمد غني الاغنيه الاولي كلمات العملاق بازرعة و الحان العبقري عثمان حسين في مقام سي بيمول الكبير و لحن الاغنيه في السلم فيهو انتقالات غريبة تتفاوت بين الخفوت و اللعب في منطقة الوسط و الصعود بي قفزة مفاجأة الي بعد الخامسة يا وهم الحتة بتاعت (والله كانت ديكـ سحابة ) .. دي لو الله وهب كروركـ .. ناس علوية باقات و حمادة جازولين .. مزمار داؤود ما كانو قدرو يضبطو نغمتها زي الولد ده خلي حسادتكـ دي و خلي النقد الانطباعي ده و امش ذاكر استماع اخونا راكوبة شكرا جزيلا علي الامتاع ده محمد البدوي ابو صلاح يغني بصوت مضبوط التون و يؤدي اداء عظيم لـ اغنيات مُلحنة اصلا في مناطق عالية داخل المقامات الموسيقية كيف لا وهي الحان العبقري عثمان حسين .. و محمد يبدو انه حفظ الاغاني من تسجيلات الاستاذ عثمان حسين الاخيره لانه لو كان قد حفظها من التسجيلات القديمة حين كان صوت عثمان حسين لاذال يتمتع بالقوه لكان اصابة الارهاق بشكل اكبر من متابعة اداء عثمان حسين لانه كان سيقلد التسجيل بحذافيرة كما يفعل الان اغاني عثمان حسين صعبة جدا و محمد يغني في منطقة لحنية ليست ملائمة لمدي صوتة الموسيقي .. لكن ذلكـ لا ينفي موهبتة الحقيقية في الغناء
| |
|
|
|
|
|
|
Re: نجوم الغد .. الحلقة الذهبية ! (Re: خدر)
|
فنانا طارق فعلا يمتلك الشاب موهبة، مستندة على فهم الأسرة الكبير للفن، وكما أشرت في تحليلك العلمي لأدائه، في بعض الأحيان نتعب معه أيضا نحن المستمعون ولكن إن شاء الله البلد موعودة بفنان حقيقي قادم بقوة. ويادوالفاروق
Quote: خلي حسادتكـ دي و خلي النقد الانطباعي ده و امش ذاكر استماع |
ولا تابع الرجاء
| |
|
|
|
|
|
|
Re: نجوم الغد .. الحلقة الذهبية ! (Re: Rakoba)
|
صباح العاااااااااااافية عافية و صوتها،،
البنات ديل ملوني امل كبيـر إنو ح يقل الإستهتار بغنانا السمح من قبل الاولاد و البنات البغنو ساي المرقو في الفترة الفاتت دي،، يا سلاااااااام عديل،،
تنبس،،
وووب علي ياخ،،
| |
|
|
|
|
|
|
Re: نجوم الغد .. الحلقة الذهبية ! (Re: Rakoba)
|
العزيزه سوميتا
والله البوست ده بقي لي زي شاي الصباح و العصر و المغرب و العشا .. عشان أنا بحب الشاي
والله ساره ابداع ... و فعلا ليها ستايل براها كده .. و لمن تغني بتغني من جوه ...
يا ريت ترسلي لي " اشتقت ليك " .. قدر ما فتشت غلبني ..
الغريبه انو ساره النور دي شاركت استاذ وردي في لقاء الإستقلال .. لكن عشان العرض كان في تلفزيون السودان العجيب ده .. لا إضاءه لا صوت .. كانت هي و أمال و وفاء شكلهن بائس جدا ..
و لا رايكم شنو ..؟
عافيه دي برضو لمن تغني بتذكر المطر و النسيم .. ما عارفه ليه .. و الله فن أصيل
أها يا سوميتا .. ما تنسي الأغنيه ..
تحياتي ليكي و لصاحب البوست و الجميع
| |
|
|
|
|
|
|
Re: نجوم الغد .. الحلقة الذهبية ! (Re: Rakoba)
|
دي ما حلقة ذهبية... ده بوست ذهبي عديييييييييييييييييييييييييييييل كده...
أنا غايتو معسكرة في ((الراكوبة)) دي جنب سوكوتاوية و سوميتة ديل.... إلى أجل غير مسمى..
الشاي وينو يا سوكوتاوية؟؟؟؟!!!!
| |
|
|
|
|
|
|
Re: نجوم الغد .. الحلقة الذهبية ! (Re: Kostawi)
|
المبدع راكوبة المبدع تمبس المبدع أحمد الريح
وكل الناس الجميلة بالبورد
أحيكم وأنتم تنثرون هذا الجمال هنا
صراحة دا أجمل بوست أدخل إليه منذ دخولي هذا العالم واصلو يا شباب الله يديكم العافية لانو بصراحة البورد محتاج للحاجات دي عشان نتطلع شوية من بوستات المشاكل والسياسة والقرف
إبداع مبدعين فعلاً
تشكرو يا شباب على المجهود الجبار
ابو شهد
| |
|
|
|
|
|
|
Re: نجوم الغد .. الحلقة الذهبية ! (Re: Rakoba)
|
والله يا راكوبه .. الشاي ده اساسي ...
المحس بيريدو الشاي .. لكن اظن حقي مشاتر شويه
العزيزه ممكونه ..
حبابك الف .. في البوست الكلو جمال في جمال
اها هاك ده شاي الظهر .. بس كان باريتي الشاي حقي .. تاني ما بتنومي ...
أها فتكم بي عافيه يا ناس الجمال
| |
|
|
|
|
|
|
Re: نجوم الغد .. الحلقة الذهبية ! (Re: Rakoba)
|
. لســــــــــــــــــــــع ما شبعت من صوتها .. عافية حسن ..الله يديها العافية ،،
يا راكوبة طلعت من إنديينا ومريخابي ؟؟
شــــــكرا كتير أخونا تمبس خليتنا نشوف الروائع ده بالصورة .. .
| |
|
|
|
|
|
|
Re: نجوم الغد .. الحلقة الذهبية ! (Re: Soumeta)
|
البوست ماخِشيت علقته فسبهو لى سببين اولا الزحمه وشخصى لايحب الزحمه والسبب الرئيسى انو مدون باسم راكوبه.. بس البركه فى تمبس ومعتصم واحمد الريح..
بعدين اجمل تعليق عشان الواحد يكتبو بيتاع البت (التبلدية) دى الاسمها (Soumeta)..
يابت ماترجلي..
الشى التانى انا من فتره كنت عايز استاذ الموصلى بى جنب فى عدة نقاط منها كثرت الاصوات الغنائيه الطافحه دى الايجابات والسلبيات وبالاضافه الى كمية نقه ..ونسبة لانى مابقدر افتح بوست فضلت الكلام ده يكون فى بوست نشأت بتاع (الموصلى فى اخر حوار معه) ؛لقيت البوست مشى الارشيف سكيت الصديق العزيز نشأت كده ده وحفيت وجريت وراهاو يرسل لى بكرى ماعارف الحاصل شنو .. اها لمن لقيت بوستكم ده الموضع اتذكرتو لكن الحماس الكان فينى خمد..
شغل حلو وجميل بس نحن عايزين الشباب ديل يبدو الطريق بسلم العلميه + على موهبتهم ممكن نقول انو الفن حيسترد عافيتو .. لكن حته مسابقه وجائزه وبعدها ترجع ريما لعادتها القديمه ده الخايفين منو.. النقه كتيره لكن لى قدام.. التحايا النواضر كل من ساهم فى هذا البوست لاسعاد الاخرين... من الاصوات العجبتنى صوت عافية وساره... لكن اكتر زول مميز فى رائى الا وهو (إسماعيل عبدالجبار ) عازف الكمان..
| |
|
|
|
|
|
|
Re: نجوم الغد .. الحلقة الذهبية ! (Re: معتز تروتسكى)
|
تروتسكي الجميل فعلاً العازف الماهر "إسماعيل عبدالجبار" لعب دوراً أساسياً في إيصال مواهب هؤلاء المبدعين الشباب إلى النور، بصبره وخبرته وحنكته في العزف على آله الكمان، بمصاحبة ياسر على الساكس والشاب الجميل ناجي على الأورغ. أوركسترا حقيقية من 3 أشخاص مبدعين أدوا بامتياز كبير كل الألحان التي قدمت من خلال السهرة. وإن شاء الله تسمع معانا قريب
| |
|
|
|
|
|
|
Re: نجوم الغد .. الحلقة الذهبية ! (Re: Rakoba)
|
يا اخواني راكوبه و تمبس
عليكم الله تدوا سوميتا الكود .. عشان تتحفنا بي أغنيه لي ساره
يا جماعه برنامج نجوم الغد ده ما فيهو تصويت ؟؟؟
كان حسي عملت تصويت لي ساره النور سريع سريع
تحياتي
| |
|
|
|
|
|
|
Re: نجوم الغد .. الحلقة الذهبية ! (Re: Rakoba)
|
السلام لكل مرتادي هذا البوست الرائع...
بالصدفة حضرت إعادة الحلقة الذهبية على قناة النيل الأزرق...و حقيقي...إستمتعت بيها إيما إستمتاع... و عرفت ليكم سر فوز الرائعة ( عافية ) ... عارفين ليه؟؟؟
لأنها بتغني بصدق و عمق و إحساس..و بتنفعل مع كلمات الأغنية...و بتحس بكل حرف تنطقه.. صوت رائع + إحساس حر... كان لازم يفوز...
شكراً يا ( راكوبة ) على البوست الحلو ده.. و شكراً يا ( تمبس ) على أغاني الحفظ... و...
يا ( عافية )...الله يديكي العافية قدر ما متعتينا...
| |
|
|
|
|
|
|
Re: نجوم الغد .. الحلقة الذهبية ! (Re: mamkouna)
|
الممكونة بالجمال فعلاً كانت الإعادة فرصة جيدة للكثيرين ممن فاتهم الحلقة الأولى، وكما يقال في الأعادة الإفادة وعافية تمتلك صوت جميل، وشاركت مؤخراً في مهرجان روائع المديح مع فنانين كبار مثل علي إبراهيم وعادل مسلم ووليد زاكي الدين، وأدت بطريقة جميلة معهم، وتم بثها أيضاً على النيل الأزرق.
| |
|
|
|
|
|
|
Re: نجوم الغد .. الحلقة الذهبية ! (Re: Rakoba)
|
إستغفرتك يا مالك روحي أنا سمعت ألحان الربيع بتغني سارة النور لالا .. سمعت سارة النور بتغني ألحان الربيع عارفين إحساسي كان كيف ؟؟ زي الزول العندو فوبيا المناطق العالية تحس بجسمك خفيف وراسك تقيل ومنمل غايتو البت دي دخلتني في قشعريرة ما أظن وماعاوز أمرق منها قريب أنا متأكد السمعتو ده ما صووت يكون الضــوء المســموع الذي يتغلغل ولا يستأذن ؟؟ أو إنسياب البُــرء في الروح العليلـــة . . دقيقــــة راكوبة ياود يا أحمر الله يديك العافية تمبس والله لو ما هلالابي كنت أقول أنك أ جمل زول في الدنيا معتصم دفع الله لك أسمي آيات الشوق الجميل مثلك الله يخليكم كلكم
| |
|
|
|
|
|
|
Re: نجوم الغد .. الحلقة الذهبية ! (Re: Rakoba)
|
. يا اللـــــــــــــــــــــــــــــــــه عليكم .. راكوبة .. تمبس .. Soumeta .. شكرا ليكم كتيـــــــــــــــــــــــــــــــر على هذه الروائع .. بتكتلوا ليكم زول غايتو .. ساره دي فعلا مباااااااااااااااااالغة يا عزوز .
| |
|
|
|
|
|
|
Re: نجوم الغد .. الحلقة الذهبية ! (Re: Rakoba)
|
غاليتنا سوميتا
ياخي بالغتي في دي ... البت دي أبدعت
انتي عارفه أنا و زوجي العزيز عاملين انقسام في البيت ..
هو من المصوتين لي عافيه حسن ..
و أنا شابكاهو ساره بس .. و اسمي ساره اها شفتي شابكاهو ساره ساره ساره
المسكينه حنين .. متحيره ديل مالهم يا الله .. الخوفه تنسي كلمه بابا و تقول عافيه
أنا جايه معاي بالحلاوه
تاني بقول ليك ابدعتي ..
تحياتي
| |
|
|
|
|
|
|
Re: نجوم الغد .. الحلقة الذهبية ! (Re: tmbis)
|
الاعـــــزاء .. عبد الله الحبيب .. ريماز.. لسه ما عرفت ليك معناها شكلك ح تنتظر كتير معاي. لؤي .. إن شاء الله تكون حفظت بالاكواد المرفقة. سارة شاطر . سكوتاوية.. البنية دي لقيته في موقع اثيوبي وعجبتني شديد.. نادية عثمان .. أنت الروعة تفوتك وين ؟ د. عبد الله الصديق .. الموت مع الجماعة عرس وانا كمان اشكرك يا بدرالدين الوجيه .. اشكرك لمن تقتنع. اميمة الفرجوني .. تبراك العافية مكان ما تقبلي. محمد محي الدين .. زي بدر الهلال بصوت سعد الحاج مرفقة .. واعتبره هدية مني ليك. عزيز عيسى .. انا موردابي من الموردة .. بس عندي اصحابي من مدني البنية دي اثيوبية وعاجباني شديد جدا. يامووووو .. أبوي بقى بتاع خيانات كوليـــل ..أنت اجمل برضو ، واعصر الفراش شديد بكري اسماعيل .. بحاول بقدر الامكان ادرج كل الملفات بتاعت الفيديو المعاي. ياسر عبد القادر .. انا برضو بهديها لي ( راكوبة وثابت الاتنين ) يا موووو .. شغل نضيف وهاجر الصغيرة برضو جيل واعد .. وح يكون ليها وزنها في الساحة أميمة .. ومال نقدر نصطاد كيف في المياه الاقليمية دي أحمد الريح .. كدا كويس علشان صحتك .. مش احتمال تبقى شيوعي نوبي .. التحية ليك أنت كمان وإذا ما بتقدر على الحاجات دي .. جيب معاك ( بنج ) خضر الطيب .. سمح الغناء في خشم سيدو .. واكيد الشوف عندك بيفرق كتير. سمسم .. الله يخليك لي الجرسة دي أنت كوزتاوي.. شكرا يامارشال محمد خليل .. سلامات وفعلا البوست جميل جدا ، وجميل فعلا بي ناسو الاضافو ليهو نكهة. نيازي مصطفي .. ليك الف شكر كمان. هوزي .. مشتاقين شروووم.. كيفك ؟؟ واتمدد على راحتك وكلنا متمددين معاك. حاتم ابراهيم .. يازول تحت الخدمة أأمر بس . تروتسكي .. البركة في الجميع عامل كمنجتك السمحة دي. سكوتاوية .. ياخي سوميتا دي بتقلع عديل كدا .. حنك بس ممكونة .. كويس أنو الوصفة ريحتك في الحفظ ، وتحياتي معاك لعافية الصوت الخرافي. ثــــابت .. تعرف كان بتجي ( زي بدر المريخ الهلا ).. انا طوالي بقلب ببقى كوز. سمسم .. يخليك لي يارب .. وإن شاء الله يا ضلنا تنفعك نفع شديد. شكرا تاني ياحاتم إبراهيم
راكوبة .. شكرا للبوست الدسم جدا .. وللتحريض الجميل ، ورسل الحاجات بي سرعة بنديك فرصة بتاعت تلاتة ايام بس بعداك احتمال كبير الواحدج يأجر ليهو طيارة خاصة ويجيك
| |
|
|
|
|
|
|
Re: نجوم الغد .. الحلقة الذهبية ! (Re: tmbis)
|
Quote: تروتسكي الجميل فعلاً العازف الماهر "إسماعيل عبدالجبار" لعب دوراً أساسياً في إيصال مواهب هؤلاء المبدعين الشباب إلى النور، بصبره وخبرته وحنكته في العزف على آله الكمان، بمصاحبة ياسر على الساكس والشاب الجميل ناجي على الأورغ. أوركسترا حقيقية من 3 أشخاص مبدعين أدوا بامتياز كبير كل الألحان التي قدمت من خلال السهرة. وإن شاء الله تسمع معانا قريب
|
راكوبه انت اقعد غشقش فينى كده لمن واطاتى تصبح..
-------------------------------------------------- tmbis
والله ياحليلك ياتمبوسه بركه الشفناك حي.. قلت ياربى الزول ده لقى شنو اصلو مابسلوا.. قايتو انت لو بقيت حنفولى الا نشوف لينا درب تانى معتصم ظاااتو بتشوتو عشان كده نتجهز لكل الاحتمالات ونبل راسنا.... ياجنا ورينى الحاصل عليك شنو عبرنى؟؟
Quote: عامل كمنجتك السمحة دي. |
خلاص بعزف ليك عليها لمن تكتر الخيرات تكون قاعد تتعشى مع الحاجه (ست الريد) كده لو مامع نسيانها ده ودتك الماسوره..
Quote: راكوبة .. شكرا للبوست الدسم جدا .. وللتحريض الجميل ، ورسل الحاجات بي سرعة بنديك فرصة بتاعت تلاتة ايام بس بعداك احتمال كبير الواحدج يأجر ليهو طيارة خاصة ويجيك |
ياهو الانتظرته.. ولا اقول ليك طيارتك دى ابقى اصل بيها هنا وقضى ليك اجازه حلوه..بعدين ارجع احتمااااااااااااااااااااااااااااال تلقاهين.. و اها زى بدر الهلال الهلا احب المورده ظاااااااااااااتو.. مورداب احبكم.. ووب علينا تانى...
| |
|
|
|
|
|
|
Re: نجوم الغد .. الحلقة الذهبية ! (Re: Sakotaweya)
|
سؤال يبقى ملحاً لماذا تشفر مثل هذه القناة طالماأن السودان يحتاج لمثلها لعكس الكم الهائل من الجمال الذي يزخر به
هل الفضائية السودانية عكست ثقافة السودان وإبداعاته للمتلقي غير السوداني بل للسوداني نفسه إذا لماذا التشفير
مع حب وتقدير عظيمين للجميع أطالب بعدم تشفير هذه القناة وألح على فك التشفير فهل من مجيب ومساند لهذا الرأي
| |
|
|
|
|
|
|
Re: نجوم الغد .. الحلقة الذهبية ! (Re: Sakotaweya)
|
سؤال يبقى ملحاً لماذا تشفر مثل هذه القناة طالماأن السودان يحتاج لمثلها لعكس الكم الهائل من الجمال الذي يزخر به
هل الفضائية السودانية عكست ثقافة السودان وإبداعاته للمتلقي غير السوداني بل للسوداني نفسه إذا لماذا التشفير
مع حب وتقدير عظيمين للجميع أطالب بعدم تشفير هذه القناة وألح على فك التشفير فهل من مجيب ومساند لهذا الرأي
| |
|
|
|
|
|
|
Re: نجوم الغد .. الحلقة الذهبية ! (Re: othman mohmmadien)
|
الأخ عثمان القناة استثمار خاص براديو وتلفزيون العرب، والمجال مفتوح لأي سوداني أو جهة سودانية لتأسيس قناة مماثلة في الطرح وأن تكون مفتوحة، علماً بأن الهيئة العامة للإذاعة والتلفزيون شريك أيضاً في مشروع قناة النيل الأزرق بنسبة 50% على ما اذكر. فالتشفير يضمن موارد إضافية للقناة لمساعدتها على الكلفة الإنتاجية العالية خاصة للبرامج الترفيهية والرياضية المختلفة التي تقدمها. وللأسف نحن في عصر " إدفع لتشاهد" ولا توجد أي طريقة أخرى للاستمتاع بالبرامج التلفزيونية المميزة حول العالم أجمع إلا بالدفع وحده! والله المستعان
| |
|
|
|
|
|
|
Re: نجوم الغد .. الحلقة الذهبية ! (Re: Rakoba)
|
الأعزاء راكوبة وتمبس
شكراً على المجهود الرائع ودايماً خاربين طبعنا بالحاجات الحلوه دي الواحد يبقى اليوم كلو شايل السماعات فوق راسووو لمن اضنينا بقت توجعنا بس الواحد ما بيمل من الروائع دي وفي إنتظار المزيد.
طلب صغمبتوتي كده: بالنسبة للأغنيتين النازلين في بداية البوست (بعد الصبر)و (قسم بي محيك البدر) بصوت الرائع محمد بدوي الأغنيتين نازلين بالريل بلير وما لقيت اي طريقة احفظ بيها الأغنيتين في الجهاز فياريت لو تمدونا بلك الحفظ علشان الواحد يطمن ويسمع بي مزاج.
لكم مني كل الود ،،،،،،،،،، أبو الشووش......
| |
|
|
|
|
|
|
Re: نجوم الغد .. الحلقة الذهبية ! (Re: الملك)
|
Quote: لا حووووووووووووولة انا قاعد فى البوت تقريباً تلاتة ساعات ونص وما عارف أقول ليكم شنو
غايتو الله يديكم العافية |
ومين سمعك يا ملك بوست شحمان "على قول منعم شوف" ومسبك
غايتو ربنا يحفظكم
حتى الوغد خدوري كان صاااح نمان غلط
Quote: عمر الفاروق يا حاقد يا عديم الموهبة الولد ده ( محمد البدوي أبوصلاح ) فنان فعلا .. تعرف يا اشتر محمد غني الاغنيه الاولي كلمات العملاق بازرعة و الحان العبقري عثمان حسين في مقام سي بيمول الكبير و لحن الاغنيه في السلم فيهو انتقالات غريبة تتفاوت بين الخفوت و اللعب في منطقة الوسط و الصعود بي قفزة مفاجأة الي بعد الخامسة يا وهم الحتة بتاعت (والله كانت ديكـ سحابة ) .. دي لو الله وهب كروركـ .. ناس علوية باقات و حمادة جازولين .. مزمار داؤود ما كانو قدرو يضبطو نغمتها زي الولد ده خلي حسادتكـ دي و خلي النقد الانطباعي ده و امش ذاكر استماع
اخونا راكوبة
شكرا جزيلا علي الامتاع ده محمد البدوي ابو صلاح يغني بصوت مضبوط التون و يؤدي اداء عظيم لـ اغنيات مُلحنة اصلا في مناطق عالية داخل المقامات الموسيقية كيف لا وهي الحان العبقري عثمان حسين .. و محمد يبدو انه حفظ الاغاني من تسجيلات الاستاذ عثمان حسين الاخيره لانه لو كان قد حفظها من التسجيلات القديمة حين كان صوت عثمان حسين لاذال يتمتع بالقوه لكان اصابة الارهاق بشكل اكبر من متابعة اداء عثمان حسين لانه كان سيقلد التسجيل بحذافيرة كما يفعل الان اغاني عثمان حسين صعبة جدا و محمد يغني في منطقة لحنية ليست ملائمة لمدي صوتة الموسيقي .. لكن ذلكـ لا ينفي موهبتة الحقيقية في الغناء |
اااااااااااي يا خدوري دا الشغل
البابووور جااااز خلللي اليشتغل والشغل بالجاااااز خلللي اليشتغل
ينصر دينك يا اوصطااااز نفيييسا
| |
|
|
|
|
|
|
|