الثنائي/ د.( محمد جعفر +الصادق حسن).. بجمهورية مصر في الثمانينيات...تجربة ثرة يجب أن لا ننساها

Quote: " ضربة أسيوط..وماذا عن مشروع " ثود" عاطف..طراوه..رباب..و ود بربر دمتم اولا: حول ضربة اسيوط خلال يومين سنمدكم بالماده كاملة من احد الذين اكتوا بنارها وعاشوها ,,حيث اننا لم نعاصرها بل عشنا هامش تداعياتها واثارها ..اضافة الى ان ود الكاشف احسن من يحكي عن ذلك. ثانيا: يجب ان نتفق اولا ان مشروع "ثود"هو مشروع حتى اللحظه لم يجري تطبيقه على ارض الواقع حملوه وبشروا به جموع من الذين امنوا به منهم من قضى نحبه ومنهم من ينتظر وبذلوا فيه من التضحيات ما لا يمكن ان يوصفه بشر . ثالثا :ان موضوع البوست ومارشح منه من مواضيع مقاربه لا تنسجم ومناقشة المشروع وقياسات صلاحيته من عدمها والى ماذا يفضي المشروع وهل مازال المشروع يشكل لنا حلمنا المرتقب ام ماذا ؟.. لكن عموما وحتى لايتشابه علينا البقر "حيث تمت نقاشات استمرت ردحا من الزمن " ..والخامس على مرمى حجر أو كما قال ابومكاوي . رابعا: ماأوردته في مداخلتي بخصوص البرنامج الوطني الديمقراطي كان القصد منه تبيان التباين في الظرف المكاني والزماني لحملة لواءه "من ايزو و دود في احراش الجنوب لحدي جريس وبهاء في صحراء الشمال وما بينهما " ومن "زمن ناس عبد الخالق لحدي زمن الشاب الاتولد سنة86 وقام ربط الصيوان بتاع ندوة الاهليه الاتكلم فيها سليمان حامد بعد نيفاشا "الزوول بنفذ في تكليف" يعني عمره عشرين سنه منها سنتين رضاعه ونقول 18 سنه فهم الحاصل شنو ودا عشان نوضح ان مشروع "ثود" مستمر لحدي لحظة تقديم طلب الشاب للعضويه. لكن في السياق الحكايه اصلها من ماجا الاستقلال سنة 56 وصحي الساهموا فيهو ناس كتار ..لكن أهل البرنامج الوطني كسحوا الجماعه التانيين ... لعب دور كبير في المسأله دي : الشي الحاصل في العالم من حولنا مد اشتراكي ..تحرر وطني ..والاسثعمار يجرجر اذيال هزيمتو ودا كان بداية تحسس الشعوب المنا نحن لنعرف الظلم ودا مربط الفرس ...الظلم جهتو نوعو عنوانو ودا المدخل للعدل . وهو المدخل السوي للتطور الوطني الديمقراطي ..عشان كدا ناسنا كومم كان بيكبر يوم ورا التاني لحدي ماحسدوهم الجماعه التقليديين والمملوصين منهم بعد داك وجانا عبود الاخد عرضته لحدي ما ناسنا برضو وآخرين ساهموا في كنسه ... وجات اكتوبر وارتفعت اسهم الشيوعيين والديمقراطيين وكل ذوي الضمائر الحيه نتيجه منطقيه لوعي الشعب وحسو من الذي يتصدى للظلم ...برضو صد الظلم مفتاح لقلوب الجماهير ...عشان كدا لمن جو الجماعه ولقوا ليهم 12 واقفين ليهم في حلقم ما قدروا يصبروا عليهم ..وبرضوا قوى الاستناره هزمتهم في عقر دارهم وجاهم الزول البعرف سمهم " السكرتير العام للحزب الشيوعي"...وتاني قلبوها ودي القلبه الودتم التوج لحدي حسع ....وجات مايو واستشهد نفر من حملة لواء الثوره الوطنيه الديمقراطيه ..لكن ماشالوا بركتم معاهم .. وخلوها لينا عشان ند اوس بيها قوى الظلم ايا كان نوعه ....وتاني ببصيرتم ومباصرتم انتصروا لشعبهم وشهداءهم وماشيين في السكه نمد وركبنا السكه الموديه لتنفيذ المشروع .وماتهنينا بيها لانو المتامرين مازالوا في غيهم سادرون .واتت الظلاميه في ابشع صورها وما زالت ... مع بعض من حتى .... ومازال رفاق "اخوان" فاطمه يتبصرون طريقهم وقشا ماتعتر ليهم .الكلام دا كلوا علاقتو بتجربة مصر والبرنامج الوطني الديمقراطي ...انو البرنامج كان مستهدف من جهات كثيره عندها مصلحه في ظلم شعبنا واذلاله ....بيبقى الانحياز لبرنامج زي دا بوري مدى بعدك او قربك من شعبك دا بعموميات وليكن مقياسنا سويا....... الظلمومتر!