|
|
|
 Re: حوار مع مدير النظام العام ولبنى أحمد حسين (جريدة الوطن ) (Re: محمد صباحى)
|
لبنى ماذا حدث ؟
الشرطة دخلت علينا في صالة كانت تستضيف حفلا فنيا الاسبوع الماضي وقتادت 12 فتاة
كيف كانت الملابس ؟
الملابس كانت عادية .
ماذا حدث بعد أقتيادل النظام العام بالمقرن؟
أنا أصريت علي استدعاء محامي وقد أحيلت أورقي الي للكحكمة المختصة وقد ينفذ الجلد فور صدوره من المحكمة .
ماذا حدث للفتيات الاخريات؟
عشر فتيات نفذ بحقهن الجلد .
| |
 
|
|
|
|
|
|
|
|
Re: حوار مع مدير النظام العام ولبنى أحمد حسين (جريدة الوطن ) (Re: محمد صباحى)
|
مدير النظام العام
ما الرواية بالضبط ؟
بناء علي بلاغ من مواطن بان هناك حفلة في صالة تجاوزت المواعيد المحدة بالقانون
تحرك تيم من 7 أفردا بقيادة ملازم.
ماذا فعل هذا التيم ؟
دخل فرد واحد من افراد المباحث وواجهم بان الساعة 11 ونصف وان الحفل مستمر .
الحفل كان مختلطا وبعض الفتيات كن يلبسن زياً فاضحاً وقد كان قوام الحفل سودانيين واجانب
وواحدة منهن كانت تشرب الشيشة .
كم عددهن؟
داخل القاعة كان هناك نحو 30 شخصاً
| |
|
|
|
|
|
|
|
|
|
Re: حوار مع مدير النظام العام ولبنى أحمد حسين (جريدة الوطن ) (Re: محمد صباحى)
|
صباحي
صباحاتك
يا جماعة الاخ العميد دا اشرحو ليهو المشكلة وين او خليهو يورينا نحنا المشكلة وين
يعني شنو حفلة استمرت حتى الساعة 11 و نصف
حلايب بقت مصرية مثلاً
و يعني شنو بتشرب في شيشة و لا لابسة شنو كدا ما عارف
ياخي دي مش خياراتها الشخصية
يعني انا افهم انو البوليس يتدخل مثلاً اذا في واحدة قاعدة هناك غصباً عنها او مغصوبة انها تلبس الحاجة الهي ما دايرة تلبسها او بيشربو فيها حاجة بالغلط مثلاً
او افهم اكتر انو الحفلة تتفرتق تحت مادة انو ازعجوا المواطن الاشتكى دا
لكن ما بافهم انو يجلدو ليهمزول في القصة دي كلها
الراجل ا فهموهو
قولو ليهو انو بي كلامو دا زي الدفن البير عشان يمشي يحفرو جمب المستشفى
نحنا مشكلتنا مع القانون دا زاتو ياخ مش مع تطبيك ليهو
يعني مافي زول قال ليكم اتبليتو عليها مثلاً و هي ما كانت لابسة بنطلون ( و دا ما لبس فاضح بالمناسبة يا سيادة العميدة لانو ضابطاتك لحدي قريب دا و يمكن لي يوم الليلة كانو بيلبسوهو و بنات الثانوي برضو بيلبسوهو ... فرجاءاً ضبط المصطلحات و كدا)
نحنا مشكلتنا مع جنس التحشر القانوني بتاعكم دا لكنه يبقى تحشر برضو
| |
|
|
|
|
|
|
|
|
|
Re: حوار مع مدير النظام العام ولبنى أحمد حسين (جريدة الوطن ) (Re: زياد جعفر عبدالله)
|
يعنى شنو مختلط
كانوا فى انداية ما كانوا فى مكان عام تحت سمع وبصر الناس
الرئيس بحضر حفلات مختلطة وبرقص
رئيس القضاء بحضر حفلات مختلطة وتزوجت بنته فى حفل مختلط
مدير الشرطة قاعد يحضر حفلات مختلطة
التلفزيون السودانى قاعد يعمل حفلات مختلطة وينشرها وينشفها ويكويها وفيها رقيص
تلفزيون النيل الازرق يوميا بعرض فى حفلات مختلطة ويوم الخميس كاميرته بتمشى الاعراس وتنقلها لينا وبحضروها المسؤولين كلهم
حفلات نجوم الغد كلها مختلطة وتنقل على الهواء مباشرة فى كل البيوت واشادوا بيها السودانيين
كمال حسن بخيت رئيس التحرير حضر عمر البشير حفل اولاده وكان مختلط
الناس ديل مدير النظام العام والشرطى الرسلوهو ده من السودان ولا من بلد تانى
تعيش رجبا ترى وتسمع عجبا
| |
|
|
|
|
|
|
|
|
|
Re: حوار مع مدير النظام العام ولبنى أحمد حسين (جريدة الوطن ) (Re: wadalzain)
|
Quote: يعنى شنو مختلط
كانوا فى انداية ما كانوا فى مكان عام تحت سمع وبصر الناس
الرئيس بحضر حفلات مختلطة وبرقص
رئيس القضاء بحضر حفلات مختلطة وتزوجت بنته فى حفل مختلط
مدير الشرطة قاعد يحضر حفلات مختلطة
التلفزيون السودانى قاعد يعمل حفلات مختلطة وينشرها وينشفها ويكويها وفيها رقيص
تلفزيون النيل الازرق يوميا بعرض فى حفلات مختلطة ويوم الخميس كاميرته بتمشى الاعراس وتنقلها لينا وبحضروها المسؤولين كلهم
حفلات نجوم الغد كلها مختلطة وتنقل على الهواء مباشرة فى كل البيوت واشادوا بيها السودانيين
كمال حسن بخيت رئيس التحرير حضر عمر البشير حفل اولاده وكان مختلط
الناس ديل مدير النظام العام والشرطى الرسلوهو ده من السودان ولا من بلد تانى
تعيش رجبا ترى وتسمع عجبا |
والله صحيح..
طيب المكاتب ما مختلطه..
المواصلات مختلطه..
الطيارات البيسافروا بيها دي ما مختلطة..
والجامعات مختلطه..
ايه الغريب في الاختلاط؟؟
وبعدين كلام لبني وسمعته في البي بي سي قالت قوة من حوالي عشرين عسكري..
والصاله فيها عدد اكبر..
ليه ده كله؟؟
يعني ده بلاغ كيدي؟؟
ولا ده تنشيط للحملة ومحاولة تخويف واثبات وجود؟؟
ممكن تنزل لينا الحوار كامل؟؟
شكرا علي المجهود..
| |
|
|
|
|
|
|
|
|
 Re: حوار مع مدير النظام العام ولبنى أحمد حسين (جريدة الوطن ) (Re: Muna Khugali)
|
العميد ابوبكر: طبقنا قانون الزي الفاضح والرقص المختلط
لبنى: لـبسي كان عاديا.. واحالـونـي للمـحـاكمـة
كتب: عادل سيد أحمد
تواجه الصحفية لبنى أحمد حسين، عقوبة الجلد أو الغرامة، بعد أنْ ألقت السلطات القبض عليها، في حفل مسائي بإحدى صالات الرياض، مع عدد من الشباب والشابات. «الوطن» تحركت في اتجاهين، لإستجلاء الموقف.. خاصة بعد أنْ أبدت شبكات التلفزة والإذاعة ومواقع الإنترنت، اهتماماً بالغاً بالقضية.. والتي ستنظر فيها المحكمة، خلال الأيام القادمة.
لبنى
٭ الأستاذة لبنى، تحدثت لـ «الوطن» وفق الحوار الآتي:
٭٭ ماذا حدث؟؟!.
- الشرطة دخلت علينا، في صالة، كانت تستضيف حفلاً فنياً، الأسبوع الماضي، واقتادت 21 فتاة.
٭٭ كيف كانت الملابس؟؟.
- الملابس كانت عادية.
٭٭ ماذا حدث، بعد اقتيادك للنظام العام بالمقرن؟؟.
- أنا أصريت على استدعاء محامي.. وقد أحيلت أوراقي للمحكمة المختصة.. وقد ينفذ الجلد، فور صدوره من المحكمة.
٭٭ ماذا حدث للفتيات الآخريات؟؟.
- عشر فتيات، نُفذ بحقهن الجلد.
مدير النظام العام
العميد أبو بكر أحمد الشيخ، مدير شرطة أمن المجتمع... دار معه الحديث، على النحو الآتي:
٭٭ ما الرواية بالضبط؟؟!.
- بناء على بلاغ من مواطن، بأنَّ هناك حفلة، في صالة.. تجاوزت المواعيد المحددة بالقانون... تحرك «تيم»، مكون من «7» أفراد، بقيادة ملازم.
٭٭ ماذا فعل هذا التيم؟؟.
- دخل فرد واحد من أفراد المباحث.. وواجهم بأن الساعة 11 ونصف... وأنَّ الحفل مستمر..
الحفل كان مختلطاً... وبعض الفتيات، كن يلبسن زياً فاضحاً.. وقد كان قوام الحفل، سودانيين وأجانب.
وواحدة منهن كانت تشرب الشيشة.
٭٭ كم عددهن؟؟.
- داخل القاعة كان هناك نحو «30» شخصاً.
٭٭ كم عدد اللواتي تم اقتيادهن لمباني أمن المجتمع؟؟.
- «9» فتيات، كن يرتدين زياً فاضحاً.
٭٭ ولكن، ما المواد في مواجهة هذه الحفلة؟؟.
- المادة «7» من قانون النظام العام «تجاوز الزمن، والرقص المختلط»..
أما الفتيات، فقد فتحت بلاغات في مواجهة الـ 9 بنات، بالأرقام 2605، 2606، 2607.
كما تم تدوين بلاغ تحت المادة 152 «قانون جنائي»، هي المادة التي تتحدث عن «الزي الفاضح». والعقوبة في مواجهة هذه المادة الجلد أو الغرامة.
٭٭ ماذا حدث، بعد ذلك؟؟.
- تم اطلاق سراحهن بالضمانة العادية، عدا المتهمة لبنى أحمد حسين، «31» سنة، تسكن الخرطوم شرق، بحانب فتاتين، لم تستطعا احضار ضامن.
٭٭ وماذ بشأن صاحب الصالة.. فني «الساوند سيستم»... فقد تم اقتيادهما، كذلك؟؟.
- تم اطلاق سراحهما، بعد أنْ كتبا تعهداً بألا يتكرر تجاوز الزمن.
٭٭ في اليوم التالي، تم تقديم الثلاث بنات، بمن فيهن لبنى.. للمحاكمة؟؟.
- نعم.. وقضت المحكمة بالغرامة في مواجهة البلاغين 2606، 2607. أما البلاغ رقم 421، للمتهمة لبنى أحمد حسين، فقد ادعت المتهمة بأنها تحمل حصانة، بحكم عملها في «اليونميد».. فأمرت المحكمة بارجاع البلاغ للنيابة، لمزيد من التحريات.
٭٭ على ماذا استندتم في إلقاء القبض عليها؟؟.
- كانت تلبس بنطلون ضيق وبلوزة شفافة جداً.. قصيرة الطول ومشرشرة الأطراف، مع الكمر.
٭٭ كلمة أخيرة؟؟.
- أود أن أختم حديثي، بنقاط مهمة جداً:
- نحن لا نتعسف في تطبيق القانون، كما أن التيم الذي تحرك، ربما لا يعرف لبنى أحمد حسين.
- لم يكن هناك أي جنوبيات، كما ورد ببعض الإذاعات والمواقع الإلكترونية.
- لا توجد بنات، صغيرات سن، كما ورد.
- البلاغ الآن عند المحكمة، وهي التي ستصدر حكماً بالإدانة أو البراءة.
| |
|
|
|
|
|
|
|
|
|
Re: حوار مع مدير النظام العام ولبنى أحمد حسين (جريدة الوطن ) (Re: Muna Khugali)
|
Quote: والله صحيح..
طيب المكاتب ما مختلطه..
المواصلات مختلطه..
الطيارات البيسافروا بيها دي ما مختلطة..
والجامعات مختلطه..
ايه الغريب في الاختلاط؟؟ |
منى خوجلي وود الزين ...
إنتو ما نصيحين؟ تلفزيون شنو وطيارات شنو وبيت عرس شنو وبيت طهور شنو؟
طواف الكعبة - سواء كان في حج والاّ عُمرة - مش مختلط؟ والاّ نظامنا العام عندو فيهو رأي؟
يا ربي لا تمحنّا ولا تبلينا
| |
|
|
|
|
|
|
|
|
|
Re: حوار مع مدير النظام العام ولبنى أحمد حسين (جريدة الوطن ) (Re: Abdlaziz Eisa)
|
| Quote: العميد أبوبكر الحفل كان مختلطا |
السلام يغشاكم...
سعادة العميد هل المحرم فى الاسلام الخلوة الغير شرعية ام الاختلاط؟؟
الحج مثلا وهل هنالك تدافع بالمناكب اكثر من الحج؟؟
اذا انت ومرتك جيتو وانا ومرتى جينا وفلان ومرته
وعلان واخته وجلسنا فى اى مكان ما الذى يمكن ان يحدث؟؟
والله لعمرى ما اضر الاسلام الا هولاء...
سعادة العميد انت من السودان الذى نعرف ام تخرجت من كوكب اخر؟؟
حسبى الله ونعم الوكيل،،،
| |
|
|
|
|
|
|
|
|
|
Re: حوار مع مدير النظام العام ولبنى أحمد حسين (جريدة الوطن ) (Re: محمد صباحى)
|
دا كلام شنو دا؟
| Quote: كانت تلبس بنطلون ضيق وبلوزة شفافة جداً.. قصيرة الطول ومشرشرة الأطراف، مع الكمر. |
هسى يا اخوانا ... العميد دا - أو أى بوليس تانى - ممكن يستحمّ الصباح ... ويلبس رسمى ... ويخت الكاب فى راسو ... ويركب عربية الحكومة ... ويمشى الشغل ... ويوقع فى التمام ... ويشيل البلاغ يمشى بيه المحكمة ... ويقيف قدام القاضى ... ويقلع الكاب ... ويخت يدّو فى المصحف عشان يأدى القسم ... بأن يقول "الحق" .... "كل الحق" .... "ولا شىء غير الحق" .....
بعد داك يقعد يتكلّم عن هدوم مرة بالطريقة الواردة دى؟
والله ياريتنى لو كنت فى السودان .... كان لبيت الدعوة بحضور المحكمة مخسوس ... عشان اتفرّج فى الكوميديا دى ....
وبعدين ما جاب سيرة الطرحة ولاّ الشال ولا الملفحة ... المصيبة الهى ملفلفة بيها فى حرّ السودان المؤلم دا ... ليه؟
تانى عندى سؤال:
| Quote: لمادة «7» من قانون النظام العام لا تجاوز الزمن، والرقص المختلط». |
القانون الجنائى لسنة 1991 سارى المفعول عرفناهو ... قانون النظام العام دا ... مش صدر قرار من رئيس الجمهورية بإلغاؤو من أبريل سنة 2000؟
سيادة العميد دا شغّال بيهو لى هسة كيف؟
شرطة النظام العام اتلغت وجات بدلا شرطة الأمن الإجتماعى ... دى عرفناها!
قانون النظام العام اتلغى فى نفس القرار ... وما جا بدلو أى قانون مقيد للحريات ومهين زى دا ... مش كفاية الإهانات الفى القانون الجنائى؟
... المهم ...
| |
|
|
|
|
|
|
|
|
|
Re: حوار مع مدير النظام العام ولبنى أحمد حسين (جريدة الوطن ) (Re: Tabaldina)
|
ياجماعة الخير الحكاية ببساطة (فى تقديرى الشخصى) يُمكن حصرها فى الآتى :-
عسكرى قرفان وزهجان من نبطشيته جا بأمر مع ضابط صغير (ملازم) متحمس ومشحون بالسوبرمانيه دخل على جماعة الحفلة وطلب منهم يوقفوها لتجاوز الزمن المسموح به (الساعه11م)
لم يستجيب الحضور لهذا الطلب وربما قام بعضهم باستفزازه بصورة أو أخرى ...عاد لقائده الملازم ليُخبره بفشله فى انجاز المهمه وما تعرض له من تهميش ...وكمحاولة لرد اعتبار للعسكرى من قائده حدث ما حدث ...
| |
|
|
|
|
|
|
| |
محمد صباحى
amin siddig
Amjed
زياد جعفر عبدالله
wadalzain
Muna Khugali
أبو الحسين
نصار
محمد أبوالعزائم أبوالريش
nazar hussien
سامى عتبانى
عبدالله كع
محمد على طه الملك
ناذر محمد الخليفة
Abdlaziz Eisa
صديق الموج
تبارك شيخ الدين جبريل
sourketti
بكرى ابوبكر
حاتم كاهن
فيس بوك
تويتر
انستقرام
يوتيوب
بنتيريست