|
|
|
 Re: الخضر يدعم ثم يدمر قطاع الدواجن (Re: على ميرغني)
|
في الاسبوع الفات الخضر قال ان الولاية ساهمت براس مال في شركتين لانتاج الدواجن
وقال انو ح يستقبل مستثمر عربي اعتقد انها شركة (امهات) السعودية
ووعد بانو ح يبحث مع المستمثر زيادة اعمالهم في السودان
الخضر تحدث كثيراً عن نجاح شركة ميكو التي دخلت مرحلة انتاج الكتاكيت دخل السودان
بدلاً عن استيرادها او استيراد البيض الملقح
ولحدي هنا نقول انو دا شغل صاح ويمكن يجيب فائدة
لكن الخضر امس ضبح التور وكسر الزير
| |
 
|
|
|
|
|
|
|
|
Re: الخضر يدعم ثم يدمر قطاع الدواجن (Re: على ميرغني)
|
الخضر امس قال انو حيستورد (1500) طن فراخ شهريا زايد كميات من الطماطم لفترة ثلاثة شهور
القرارات دي ماعايزة خبير اقتصادي علشان يكشف انها مضرة جدا بالمنتج
وبدون اي تفاصيل كتيرة.. الخضر ح يقنع المستثمر الأجنبي دا كيف بضخ اموال جديدة
وهو شايف الحكومة بتسهل للمنافس الخارجي.. وترفع عنو الجمارك
وشئ تاني مهم.. اصلاً فائدة البيوت المحمية هي انتاج الخضروات
في اوقات شح الانتاج المتعلق بفصول السنة والمناخ
والخضر قال هو ح يوفر الف بيت محمي جديد..
طيب اذا انتج بتسمح باستيراد طماطم من اثيوبيا مثلا ...
واثيوبيا لا فيها رسوم محلية ونفيايات ورسوم مرتبات ضباط المحليات وكمان اسعار الكهرباء فيها أقل
يعني قطعاً تكلفة الانتاج بسيطة جداً
طيب منو ح يدخل في تجربة البيوت المحمية
بالمناسبة سعرها اتضاعف من 24 مليون الى 45 مليون
بينما تكلفتها لحدي ما تصل بورتسودان (8.5) مليون جنيه
| |
|
|
|
|
|
|
|
|
|
Re: الخضر يدعم ثم يدمر قطاع الدواجن (Re: على ميرغني)
|
وتضريبة بسيطة
الخضر قال انو ح يستورد (1500) طن، يعني (1.5) مليون كيلو فراخ، وبحسب كلام الخضر سعر الكيلو دولارين
يعني ولاية الخرطوم ح تستورد كل شهر فراخ بقيمة (3) مليون دولار
طيب اذا في الاسبوع الفات محافظ بنك السودان طلب من البنوك المركزية العربية
ايداع (4) مليار دولار في بنك السودان
علشان يقابل بيها الشح في العملة الحرة بعد ذهاب بترول الجنوب
الكلام دا يبقى مافيهو معقولية نهائياً وأكيد الدول العربي ح ترفض هذا الطلب
معقولة زول يديك مليارات الدولارات علشان تشتري بيها فراخ
يا اخي الخضر دا بالغ عديل كدا
ولسع المبالغات في بقية قراراتو
| |
|
|
|
|
|
|
|
|
|
Re: الخضر يدعم ثم يدمر قطاع الدواجن (Re: على ميرغني)
|
الخضر قال انو طلب من مجلس الوزراء رفع الجمارك وضريبة القيمة المضافة عن بعض المنتجات المستوردة
من ضمنها تقاوى البطاطس ومركزات العلف يتاع الدواجن
يا جماعة انتو مش الجمارك والضرائب دي شأن اتحادي
يعني الولاية ما عندها سلطة عليهو
ولو قلنا فرضا كا يجوز مع بعض الكراهية ان تطلب ولاية من المركز هذا الطلب
مش الجمارك والضرائب دي داخلة في الميزانية ودي تمت اجازتها قبل سنة من مجلس الوزراء والبرلمان
طيب كيف يمكن للسلطات التنفيذية الغاء شئ اجازو الجهاز التشريعي
واكتر من كدا
لماذا رفع الجمارك والضرائب عن الفراخ لصالح ولاية الخرطوم
في حين انو السلطات رفضت تسعير الدواء..
ايهم اهم رفع الجمارك والضرائب عن مدخلات الانتاج الزراعي والصناعي المهم لكل الولايات
ولا بس النظر في كماليات ولاية الخرطوم
ايهم اهم كماليات بعض سكان ولاية الخرطوم ولا ضروريات سكان الـ 13 ولاية الأخرى
| |
|
|
|
|
|
|
|
|
|
Re: الخضر يدعم ثم يدمر قطاع الدواجن (Re: على ميرغني)
|
ويبدو ان مكلة الخضر الرجال الذين حوله ومستشارية
الخضر قال ان مياه الفيضان غمرت الجروف وقللت من انتاج الخضر
الغريبة انو الفيضان هذا العام متوسط وماغطى كل الجروف
وحتى لو قلنا انو غطاها.. كم تبلغ نسبة الجروف هذا بالنسبة للاراضي الزراعية
بالولاية.ز وهل يأتي الفيضان كدا فجاءة بس.. ولا الشئ دا بيحصل كل عام في نفس الوقت
واين دور وزارة الزراعة الولائية هنا
| |
|
|
|
|
|
|
| |
فيس بوك
تويتر
انستقرام
يوتيوب
بنتيريست