براتب (400) ريال : هل نرى خادمات منازل سودانيات قريباً في السعودية ؟!

Quote: كان انت ما سمعت انا سمعت ما شفت المركبين كاميرات المراقبه في غرفهن والحمامات كان انت ما شفته انا شفت

احمد الزبير يا حبيب .. تحياتي
كلامك الفوق دا أن كلو ما انكرته
التحرشات موجودة والاعتداءات والاغتصاب ... الخ
بس أنا ضد حاجتين أولها دا ماسبب تمنع من اجله هؤلاء النسوة من العمل
أي واحدة بتفكر تجي أكيد لها دوافعها ومسبباتها
وأكيد حتكون عارفه المخاطر دي كلها ..
كلامك فيهو تعميم والتعميم بهذا الشكل مخل جدا
يعني أفهم من كلامك دا كل الخادمات في السعودية
اتعرضن لما ذكرته سابقا ... ما أظن
اذكر ليك قصة عبد اللطيف جميل الذي تزوج بخادمته
لأنه مريض ومحتاج للرعاية
وحتى لا يدخل في الحرام والخلوة ..... الخ
تزوج بها وهناك قصص من الاحسان للخادمات كثيرة
يمكن الاستشهاد بها في هذا المجال..
ما نقطع ارزاق الناس اي واحدة تخرج للعمل وهي عارفه مخاطر
عملها هنا يبقى اكيد حتكون زولة قوية
ليه ما اعترضت على استجلات ممرضات مثلا
قبل فترة وزارة الصحة تعاقدت مع 200 خريجة سودانية
وحضرن بدون محارم .. أها ديل معصومات من الاعتداءات
احمد الزبير يا أخوي ما تبقى زي صاحبنا
اليا دوب جاي من السودان داااك أكيد سمعت بالنكتة بتاعة البطحه
دي عاد النصيحة ما بقدر احكيها ليك هنا
لكن ممكن اجدعها ليك باص ثروووووووووووووو
السعوديين بشر فيهم الصالح وفيهم الطالح
يعني البنات ديل يموتن ولا شنو؟
في بلدن مطاردات ووقت الله فتح ليهن باب رزق
عايزين تقفلوه عليهن...
ولعملك اصحاب الرواتب الصغيرة ديل
والله بعملوا قروش أحسن من ناس البدل والقمصان



تحياتي