سلام يا باشمهندس تعرف أنا من رأيك في موضوع مهند كلاعب يكون في التشكيلة بكون مستمتع مطمئن لله كدا
لعلمك يا خليل الفرق المنافسة للهلال دي بالمناسبة انا بشوف أنها عادية : لكن أجهزته الفنية تكتيكا عالي لذلك بكسبوا
وعندي قناعة تانية - أي مباراة يفقدا الهلال تلقى العلة من التشكيلة بعدي أصلو ما حصل إقتنعت بي نشة دا - بشة لاعب محلي ياخي دا يرجف كلو لا تقدر تعاين للكورة ولا لي رجفيهو
ومن هسي الله لو عايز يكسب لي قدام التشكيلة الأساسية ضروري يكون فيها مدثر ومهند من البداية إنشاء الله أي واحد يكون برجل واحدة
09-20-2011, 03:21 PM
khaleel
khaleel
تاريخ التسجيل: 02-16-2002
مجموع المشاركات: 30134
مهند امس لعب كورة خلوني هو و هيثم استمتع بلعب الهلال بعد نص الشوط التاني زي ما بستمتع بكورة عالمية ما كان في تجليطات و باصات ضايعة كتير و استلام حريف و تهديفات حريفة و اختراقات من النص معاهم الود سادومبا بس تقول شنو لي ابو المش الخلانا نبلع حبوب الضغط قبل الكور لعب مهند و هيثم امس تحس بيهم زي الدايرين يوصلو رسالة لي جمهور الهلال و ادارة الهلال ، اتمنى انه تصريح البرنس بالاعتزال يكون جس نبض و مجرد رسالة اعلامية
09-19-2011, 07:15 PM
Abd Alla Elhabib
Abd Alla Elhabib
تاريخ التسجيل: 12-09-2005
مجموع المشاركات: 3806
Quote: بعدي أصلو ما حصل إقتنعت بي نشة دا - بشة لاعب محلي ياخي دا يرجف كلو لا تقدر تعاين للكورة ولا لي رجفيهو
يا راااجل!! بشة لاعب محلي !! السنة الفاتت الشال الهلال منو غير بشة واهدافه الافريقية سواء الاحرزها او الاتسبب فيها
بعدين يا خلي مهند دا و لاحظت برة السودان بلعب احسن من هنا عندو خوف من الجمهور ولا ما تعرف شنو دا غير انو ما بلعب ليك شوطين بنفس واحد احسن شي يتبادل هو وبشة وتوريه البجي نازل فيهم من برة بكون مرتاح و بلعب كويس
09-19-2011, 07:49 PM
زهير الزناتي
زهير الزناتي
تاريخ التسجيل: 03-28-2008
مجموع المشاركات: 12241
احرف ناس جو الهلال من كسلا حتي اسال الريس سعادته عمر علي حسن ..... شاويش ... كسلا واخيراً مهند ..... مهند لاعب مهاري لا يقل عن افذاذ الكرة السودانية .... وزي ما قال البوني يعامل الكورة زي الوردة ... وزي ما قالوا الشباب عنده مشكلة بتاعت ذهنية الاحتراف .... وفي حاجة بتكون تحت تحت الناس ما عرفنها ..... مرة لاقيت المعلق الكبير في محل العشاء .... قلت ليهو مهند ده الليلة لاعب بمزاج كده ماله .... الكلام ده كان بعد كورة جاب فيهو قونين وصلح اثنين .... قال لي ما فلان ده مافي في التشكيلة لانه بينهره ..... ما عارف صحة الكلام من عدمه وما حا اجيب الاسماء لانها ونسة والمجالس اسرار ..... المهم حصيلة الكلام الولد لعاب وعايز اهتمام من الجهاز الاداري والفني ... وللعلم هو الهداف التاريخي للهلال في افريقيا ..... للاسف ما شفت الشوتة ويا ريت الحرفاء ينزلوها لينا صورة عشان نستمتع
09-19-2011, 08:13 PM
مرتضى احمد عبد القادر
مرتضى احمد عبد القادر
تاريخ التسجيل: 12-30-2009
مجموع المشاركات: 2484
كانت ناقصة ال 5 سم وأصابع الحارس هي اللي رفعتا 5 سم دي.. كدي لاحظ لي التسديدة دي بي روااااقة وح تلاحظ .. انا غايتو شوفتها اثناء المباراة .. أكون بتخيل ؟
تخريمة : يا ود البشرى مهند أكتر لاعب وأحسن لاعب سوداني بيلغي وجود الجمهور بي بروده داخل الملعب خصوووصا في إستاد الهلال ..
09-20-2011, 06:56 AM
khaleel
khaleel
تاريخ التسجيل: 02-16-2002
مجموع المشاركات: 30134
Quote: كانت ناقصة ال 5 سم وأصابع الحارس هي اللي رفعتا 5 سم دي.. كدي لاحظ لي التسديدة دي بي روااااقة وح تلاحظ .. انا غايتو شوفتها اثناء المباراة .. أكون بتخيل ؟
عمر الفاروق
عيدك مبارك
لو مهند محظوظ كانت الكورة دي دخلت
كان سيتم عرضها علي كل مواقع اجمل اهداف كرة القدم في العصر الحديث
09-20-2011, 06:58 AM
khaleel
khaleel
تاريخ التسجيل: 02-16-2002
مجموع المشاركات: 30134
Quote: احرف ناس جو الهلال من كسلا حتي اسال الريس سعادته عمر علي حسن ..... شاويش ... كسلا واخيراً مهند ..... مهند لاعب مهاري لا يقل عن افذاذ الكرة السودانية .... وزي ما قال البوني يعامل الكورة زي الوردة ... وزي ما قالوا الشباب عنده مشكلة بتاعت ذهنية الاحتراف .... وفي حاجة بتكون تحت تحت الناس ما عرفنها ..... مرة لاقيت المعلق الكبير في محل العشاء .... قلت ليهو مهند ده الليلة لاعب بمزاج كده ماله .... الكلام ده كان بعد كورة جاب فيهو قونين وصلح اثنين .... قال لي ما فلان ده مافي في التشكيلة لانه بينهره ..... ما عارف صحة الكلام من عدمه وما حا اجيب الاسماء لانها ونسة والمجالس اسرار ..... المهم حصيلة الكلام الولد لعاب وعايز اهتمام من الجهاز الاداري والفني ... وللعلم هو الهداف التاريخي للهلال في افريقيا ..... للاسف ما شفت الشوتة ويا ريت الحرفاء ينزلوها لينا صورة عشان نستمتع
شكرا زناتي
هذه مشاكل تدريب ومشاكل اختصاصي نفسي
بعدها سيقود مهند الهلال بعد ترجل البرنس
09-19-2011, 08:22 PM
Magdi Ahmed Elsheikh
Magdi Ahmed Elsheikh
تاريخ التسجيل: 03-11-2008
مجموع المشاركات: 7720
لاعب مهاري يجيد المحاورة والاختراق بجانب تمريراته المتقنة
وتسديداته القوية ..
حبيبنا خليل لو متابع عبد الله السفاح تجد تحليلاته وافيه وكافيه عن نفسي اتكيفت جدا عندما شاهدته في التلفزيون وهو يتحدث مفروض يكون محلل رياضي كثير من قراتنا له نجدها شافية وكافية وتغطي احداث المباراه في كلمات موجزة مثال لاعب مهاري : معناها يجيد الكنترول والتحضين لكرته لاعب يجيد المحاورة والاختراق : معناها مفتاح لعب وله حلول فردية لاعب تمريراته متقنه : معناها يجيد الباص القاتل وفي كثير من المباريات يفعلها لاعب لابد منه في التشكيلة لان طريقة لعب الهلال لعب طويل وسريع للاستفادة من سرعة سادمبا وكاريكا ودا اسلوب وطريقة واحده للهلال لذلك اي فريق يحاول السيطرة على هيثم مصطفى لحجب الباصات الطويلة والتلغرافات التي يرسلها للمهاجمين فتقل خطورة الهلال ولكن عند وجود مهند الطاهر تكون هنالك حلول اخرى وهي التهديف خارج ال 18 وال 45 ياردة واذا وجدت متابعه ونسميها فلونج يمكن احراز الكثير من الاهداف لان ضرباته قوية وكثيرا يتعامل معها الحارس بامساكها على دفعتين او ارتداد العارضة لها مثل الكره التي تعامل معها سادمبا بضعف شديد وكان بكون هدف ولا اروع لاعب هادي عند دخوله دائما يتغير شكل اداء الوسط وتصبح الكره ممرحله لاعب يلعب حسب امكانياته لكي يغطي نقص القوه والالتحام الذي يفتقدة الهلال يحتاج له كثيرا في وسط الملعب ومشكلته نفسيه اكثر من كل شيء لان لاعب يدرك امكانيته جدا والمدرب كثيرا مايضعة في دكة الاحتياطي ويدفع بالاعب خليفة في وسط الملعب وليس يكون له دور فعال لا في الدفاع ولا في الوسط دائما استمتع بالاعب مهند وطريقة توغله نحو المرمى ينساب كالنسيم (نسايم الليل ) ويرجم الشياطين بصواريخه ... مفروض ميشو يبني خطتة على وجود هذا اللاعب دائما في الملعب وان يعطيهو الثقة وان يشرف علية طبيب نفسي لان مشكلة مهند كلها نفسيه نفسيه نفسيه دا اذا وجد طبيب نفسي للهلال . . . هيثم خطف واحدة بالجنبة ضربت في القائم لمن ميلت معاها( وجع هيثم رجع ) شكلي بقيت هلالابي ياخليل
09-20-2011, 03:43 PM
khaleel
khaleel
تاريخ التسجيل: 02-16-2002
مجموع المشاركات: 30134
Quote: لاعب هادي عند دخوله دائما يتغير شكل اداء الوسط وتصبح الكره ممرحله لاعب يلعب حسب امكانياته لكي يغطي نقص القوه والالتحام الذي يفتقدة الهلال يحتاج له كثيرا في وسط الملعب ومشكلته نفسيه اكثر من كل شيء لان لاعب يدرك امكانيته جدا والمدرب كثيرا مايضعة في دكة الاحتياطي ويدفع بالاعب خليفة في وسط الملعب وليس يكون له دور فعال لا في الدفاع ولا في الوسط دائما استمتع بالاعب مهند وطريقة توغله نحو المرمى ينساب كالنسيم (نسايم الليل ) ويرجم الشياطين بصواريخه ... مفروض ميشو يبني خطتة على وجود هذا اللاعب دائما في الملعب وان يعطيهو الثقة وان يشرف علية طبيب نفسي لان مشكلة مهند كلها نفسيه نفسيه نفسيه دا اذا وجد طبيب نفسي للهلال .
يا سلام عليك يا وليد
روشتة من معلم اوفيت وكفيت
09-20-2011, 07:04 AM
khaleel
khaleel
تاريخ التسجيل: 02-16-2002
مجموع المشاركات: 30134
Quote: بعدين يا خلي مهند دا و لاحظت برة السودان بلعب احسن من هنا عندو خوف من الجمهور ولا ما تعرف شنو دا غير انو ما بلعب ليك شوطين بنفس واحد احسن شي يتبادل هو وبشة وتوريه البجي نازل فيهم من برة بكون مرتاح و بلعب كويس
مبروك ود البشري
هذه مسئولية مدرب اللياقة مهند كان يلعب الشوطين بنفس واحد
هزم لنا الزمالك وحرس الحدود واحرز الهدفين في مازيمبي
لا بديل عن مهند ان تخلص من الباص الخاطي
09-20-2011, 07:09 AM
khaleel
khaleel
تاريخ التسجيل: 02-16-2002
مجموع المشاركات: 30134
Quote: مهند امس لعب كورة خلوني هو و هيثم استمتع بلعب الهلال بعد نص الشوط التاني زي ما بستمتع بكورة عالمية ما كان في تجليطات و باصات ضايعة كتير و استلام حريف و تهديفات حريفة و اختراقات من النص معاهم الود سادومبا بس تقول شنو لي ابو المش الخلانا نبلع حبوب الضغط قبل الكور لعب مهند و هيثم امس تحس بيهم زي الدايرين يوصلو رسالة لي جمهور الهلال و ادارة الهلال ، اتمنى انه تصريح البرنس بالاعتزال يكون جس نبض و مجرد رسالة اعلامية
حمد فتح الرحمن
امنياتي ان اراك مرة اخري في الدوحة
مهند وهيثم اعادو لنا ذكريات حمد والديبة
اتمني ان يتواصل المشوار
09-20-2011, 08:30 AM
الصادق صديق سلمان
الصادق صديق سلمان
تاريخ التسجيل: 07-11-2006
مجموع المشاركات: 4010
أنا ما بنفرق بين مهند وبشة - البرنس دا كلامو براهو لأنو هلالابي عديل ولو يقعد في البيت ما بيلعب لأي فريق خاصةً البوفية المفتوح دا مابخشو زاتو مهند حريف وفنان وشوات وبشة قلبو حار وبسجل بالراس وبخلق مساحات جيدة لي نفسو في دفاعات الخصوم.
نقول يارب الكاس ويرفعوا برنس الكرة السودانية هيثم مصطفى وبس
الصادق
09-20-2011, 08:37 AM
الحاج حمد الحاج
الحاج حمد الحاج
تاريخ التسجيل: 03-29-2008
مجموع المشاركات: 4800
تعرف يا خليلو مشكلتنا شنو كسودانيين عموما وهلالاب خصوصا؟ بنقعد نتذكر ليك حاجات كده حصلت ونقول يا ريت وللا حاجات حصلت وما تكررت ونعيش على الذكرى
يعني زي قون صبحي في الزمالك واحلى الأهداف حتى الآن وقون كرنقو في الحضري والتلاتة في الأهلي المصري وفي 2007 ابراهيم عوض كتب: والله لو كان كورة خالد جوليت خشت كورة جوليت في آخر دقيقة مع النجم الساحلي في نصف النهائي أها دي ياها ذااااتا زي كلامك: لو كان كورة مهند دخلت ولو كان الثعلب ما جاب فينا قون في 87 ولو كان لاراش حسب قون وليد طاشين
لو كان ولو كان ولو كان وياريت ياريت ياريت دي ياها شغلتنا السودانيين بنحب نعيش على الذكرى ونبكي على الأطلال
وأخواننا المريخاب برضو زي ما عارف لسة عايشين على بيضة الديك ديك وكاس مانديلا الجابوهو بالحظ داك ^__^
معليش دخلت فيك شمال لكن دي اعتبرها مذكرات هلالابي سابق وقرفان وقنعان من خيرا في الكرة السودانية
تحياتي واحترامي
09-20-2011, 03:52 PM
khaleel
khaleel
تاريخ التسجيل: 02-16-2002
مجموع المشاركات: 30134
Quote: يعني زي قون صبحي في الزمالك واحلى الأهداف حتى الآن وقون كرنقو في الحضري والتلاتة في الأهلي المصري وفي 2007 ابراهيم عوض كتب: والله لو كان كورة خالد جوليت خشت كورة جوليت في آخر دقيقة مع النجم الساحلي في نصف النهائي أها دي ياها ذااااتا زي كلامك: لو كان كورة مهند دخلت ولو كان الثعلب ما جاب فينا قون في 87 ولو كان لاراش حسب قون وليد طاشين
لو كان ولو كان ولو كان وياريت ياريت ياريت دي ياها شغلتنا السودانيين بنحب نعيش على الذكرى ونبكي على الأطلال
محمد جلال
هلا بيك
الم تسمع الشفيع وهو يقول
الذكريات في كل ليلة
توحي للحبايب اشياء كثيرة
فمن يغني يذكر خليلا
ومن يعبد وقد طال ليله
فتلذكرونا كثيرا او قليلا
الذكري تجمعنا ونمرح طويلا
09-20-2011, 03:48 PM
khaleel
khaleel
تاريخ التسجيل: 02-16-2002
مجموع المشاركات: 30134
Quote: حبيبنا خليل لو متابع عبد الله السفاح تجد تحليلاته وافيه وكافيه عن نفسي اتكيفت جدا عندما شاهدته في التلفزيون وهو يتحدث مفروض يكون محلل رياضي كثير من قراتنا له نجدها شافية وكافية وتغطي احداث المباراه في كلمات موجزة
تسلم حبيبنا وليد ود من ذوقك
وان أصبت في تحليلي فذلك بعض من ما عندكم
09-20-2011, 05:03 PM
المعز ادريس
المعز ادريس
تاريخ التسجيل: 05-18-2009
مجموع المشاركات: 1569
عاين الكرت دا يا خليل.. إلتواء في الضهر و الركبتين!
قذائف مهند ممكن تختصر الكتير لكن الأهم هو تغيير أسلوب الهلال في الإرسال الطويل و ارتداد الكرة و ولوج أهداف مباغتة و من ثم إحباط وراءه إحباط لذلك, لا بد من تغيير الأسلوب, و دا يتطلب وجود مهند كلاعب ثابت مع تحسين أخطاءه المتكررة! مهند أفضل من يحيل أسلوب الهلال من إرسال طويل إلي لعب ممرحل, إختراق, تجهيز موازي لتجهيز هيثم, قذائف, و فاولات رأس الخط المحتكرة بواسطة هيثم بلا طائل! لو كنت مكان ميشو كنت سوف أعتمد على ثلاث لاعبين في الوسط المهاجم, مهند في الناحية اليمنى (عشان يتغلغل و يشوت من الزاوية الشفتوها!), هيثم في الوسط, و كاريكا أو بشة أو أوتوريه أو حتى أوتوبونق من الناحية اليسرى, لأن أربعتهم ممكن يساهموا في التفكيك و الإنخراط و التجهيز من تلك الناحية, مع مع وجود مهاجم أوحد أماما (سادومبا أو بكري أو..).. دا طريق أفضل للتقدم نحو الكأس في رأي و فيه إستفادة أكثر من عامل الوقت, بدل ما نقعد نرسل لسادومبا (المحاصر) و سادومبا يضطر يلف و يرجع و يفتش و تضيع الفرصة تلو الفرصة, و يتنامى الإحباط و كمية من قارورات المياه و العرق!
Quote: قذائف مهند ممكن تختصر الكتير لكن الأهم هو تغيير أسلوب الهلال في الإرسال الطويل و ارتداد الكرة و ولوج أهداف مباغتة و من ثم إحباط وراءه إحباط لذلك, لا بد من تغيير الأسلوب, و دا يتطلب وجود مهند كلاعب ثابت مع تحسين أخطاءه المتكررة! مهند أفضل من يحيل أسلوب الهلال من إرسال طويل إلي لعب ممرحل, إختراق, تجهيز موازي لتجهيز هيثم, قذائف, و فاولات رأس الخط المحتكرة بواسطة هيثم بلا طائل! لو كنت مكان ميشو كنت سوف أعتمد على ثلاث لاعبين في الوسط المهاجم, مهند في الناحية اليمنى (عشان يتغلغل و يشوت من الزاوية الشفتوها!), هيثم في الوسط, و كاريكا أو بشة أو أوتوريه أو حتى أوتوبونق من الناحية اليسرى, لأن أربعتهم ممكن يساهموا في التفكيك و الإنخراط و التجهيز من تلك الناحية, مع مع وجود مهاجم أوحد أماما (سادومبا أو بكري أو..).. دا طريق أفضل للتقدم نحو الكأس في رأي و فيه إستفادة أكثر من عامل الوقت, بدل ما نقعد نرسل لسادومبا (المحاصر) و سادومبا يضطر يلف و يرجع و يفتش و تضيع الفرصة تلو الفرصة, و يتنامى الإحباط و كمية من قارورات المياه و العرق!
صباح الخير يا المعز
اوافق بشدة
لا بديل لمهند الا مهند
09-21-2011, 06:45 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
ياخي رقم ساكت مفروض مهند يكون داخل الملعب مره ياخليل عندنا واحد لابس نمره عشرة كان قاعد بره دخل الشوط التاني غير النتيجة الكوتش سليمان فارس كان متفرج دخل السياج وقال للمدرب عمري ماشفتش عشرة بتقعد بره يازول ضحكنا مدربنا جعفر عبد الرازق زعل وقال للاعب ادخلك من بداية المباراة ترقد لي برش ادخلك الشوط التاني تحرجني هههههههههههههههه
Quote: قذائف مهند ممكن تختصر الكتير لكن الأهم هو تغيير أسلوب الهلال في الإرسال الطويل و ارتداد الكرة و ولوج أهداف مباغتة و من ثم إحباط وراءه إحباط لذلك, لا بد من تغيير الأسلوب, و دا يتطلب وجود مهند كلاعب ثابت مع تحسين أخطاءه المتكررة!
09-21-2011, 06:52 AM
khaleel
khaleel
تاريخ التسجيل: 02-16-2002
مجموع المشاركات: 30134
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة