|
|
 Re: خيال علمي:عطاء مفتوح: داير اعمل انقلاب على السلطة في الخرطوم..!! (Re: Kabar)
|
طيب القصة دي ح تتمول كيف؟..
اشارة مهمة للغاية: مافي انقلاب واحد قام في السودان عندو تمويل.. كلهم مقاطيع و مفلسين و عينهم طالعة..و عشان نكون واضحين من هدا الحين.. انقلابي فيهو تمويل و عالي جدا..و على بالحلال تعريفة ما اديكم ليها.. فاهمين ولا لأ؟.. كلامي ده مقصود بيهو الزلنطحية.. المنتظرين يركبوا موجة الإنقلاب بعدين.. يحلفوا لي بي شرف امهاتهم انو ثورتي دي شافوها في الحلم ولا فكي مطرطش حدثم بيها من باب النبوءات الكاذبة.. ناسي الح يشتغلوا معاي كلهم مسجلين.. عشان كده شوفوا ليكم مكان ضهب تاني .. غايتو..نواصل في المهم..
من خلال دراستي للشخصية السودانية وجدت انها بتحب اكل الفول المصري..و لقيت انو 92 في المية من نسبة الشعب السوداني.. الفول المصري موجود في حياتو بطريقة او بأخرى (ياخي ديل لو مشيت تعمل فحص دم للملاريا..بتجيك حبة فول مصري طايرة).. طيب و بعدين.. الفول ده نسمموا؟.. بالطبع لأ..و قلنا ليكم مافي زول ولا زولة ح يتكتل في الإنقلاب ده.. فكرة الفول المصري يا شباب.. لقيت انو السودانيين بيستخدموا قرابة ربع المليار قدرة فول في السودان..اها القصة دي انا استفدت منها..و مشيت كلمت بيها ناس الماكدونالد..و قلت ليهم مافيش ماكدونالد منتشر في السودان.. عشان كده انا اعمل معاكم صفقة..الربع مليار قدرة فول دي.. ممكن تعملوا بدلها ربع مليون محل ماكدونالد.. اها الجماعة..قالوا لي يا مستر محمد نور كبر.. المحلات دي نشغل فيها منو؟ و نجيب لحمة من وين قدر ده؟ قلت ليهم اللحمة هينة.. و بقر البقارة في السودان اكتر من الهم في القلب.زاما بخصوص العمالة.. قلت ليهم العمالة المحلية هبطرش (خريجين و خريجات سادين عين الشمس بالعطالة)..و ما عندكم مشكلة في الحتة دي..و ح نشغلهم ليكم بربع القيمة..و ح تغطي معاهم و معاكم و معاي..و من باب الوطنية حلفت ليهم بالطلاق .. لازم الفول يكون من ضمن الوجبات التي يقدمها ماكدونالد لشعبي العزيز..عشان نحافظ على القيمة الرمزية للفول محبوب الشعب..
القصة دي ناس ماكدونالد رحبوا بيها..و قبضت فيها التمن (نصيبي في الغنائم)..و الباقي صرفتوا في تمويل تكنلوجيا الإنقلاب بتاعة السوفت وير..
برضك مشيت لناس الإدارة الأمريكية..و قلت ليهم يا شباب فكرة البترول دي بقت ما جايبة حقها.. عشان كده عندي ليكم فكرة.. انتو عندكم فكرة بتاعة نفايات نووية.. و نحن عندنا صحراء كبيرة قدر الليلة و بكرة.. اها تعالوا شيلوا جزء من الصحراء دي.. تعالوا استغلوا جزء منها..و الباقي لازم تحفروا ترع من النيل..و تسقوهو..و تزرعوه..و بعدين تسوا لينا مدينة زي بتاعة لاس فيقاس (مدينة القمار الأولى)..لأنو الوطن العربي و الأفريقي.. ما فيهو مدينة زي دي..اها قام واحد من اباطرة الكازيينوهات (يازول الراجل واصل..و عندو كمكمية كازينو في العالم)..و قال لي: كده ح تضرب لي البزينس بتاعي يا مستر كبور؟..جريت بتاع السي اي ايه على جنبه..و قلت ليهو اخير عيال العرب يجوك في امريكا و يسوا ليك القاعدة هناك..و لا اخير يكونوا بعيد منك؟..الراجل رجف رجفة بسيطة..و رجع قال لزولهم.. يازول انت ذاتك ح تكون شريك في المدينة دي..و نحن ح نكلم ليك الإخوة العرب ينفعوك هناك..و المسالة دي بتمليها ضرورة امنيه خاصة بحماية مصالح الشعب الأمريكي (يازول الأمريكان ديل يمين بالله من ما يجيبوا ليهم سيرة الأمن الوطني دي.. خلاص ده حد الكلام عندهم)..
الفكرة دي برضو قبضنا منها حقنا و حق الجماهير..و الباقي استغليناهو في تمويل المشروع..(مشروع الإنقلاب)..
كبر
(قائد الإنقلاب في ذات نفسو، حد عندو مشكلة؟)..
|
|
  
|
|
|
|
|
| العنوان |
الكاتب |
Date |
| خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-01-11, 10:02 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-01-11, 10:04 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-01-11, 10:07 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-01-11, 10:10 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-01-11, 10:13 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-01-11, 10:15 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-01-11, 10:17 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-01-11, 10:24 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-01-11, 10:40 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-01-11, 10:46 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-01-11, 10:51 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | سفيان بشير نابرى | 09-01-11, 10:57 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-01-11, 11:08 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-01-11, 11:14 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | باسط المكي | 09-01-11, 11:30 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-01-11, 11:32 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-01-11, 12:05 PM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | احمد ضحية | 09-25-11, 03:41 PM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | البحيراوي | 09-01-11, 11:35 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Barakat Alsharif | 09-01-11, 12:20 PM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-01-11, 12:43 PM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-01-11, 12:53 PM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-01-11, 01:29 PM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-01-11, 01:40 PM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-09-11, 09:34 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-09-11, 09:37 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | رشا احمد | 09-09-11, 11:33 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-17-11, 06:09 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-17-11, 06:12 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | Kabar | 09-17-11, 06:16 AM |
| Re: خيال علمي:عطاء مفتوح: داير اعمل انقلاب على السلطة في الخرطوم..!! | ادم الهلباوى | 09-25-11, 08:59 PM |
|
| |
Kabar
فيس بوك
تويتر
انستقرام
يوتيوب
بنتيريست