|
|
 Re: انتو سيف الإسـلام القذافي ده شغـال شنو ؟؟ (Re: أمير فتحي)
|
فتشت في كل محركات البحث ما لقيت أي حاجة تحمل أي إشارة لمسمى رسمي لوظيفة سيف الإسلام القذافي خلاف أنه نجل الرئيس الليبي
وبعدين يا اخوانا ليبيا دي ما بلد صغيرة من حيث المساحة يعني ولا هي بلد صغير كذلك من حيث الإمكانات..
دولة قدر الليلة وبكرة.. ياخ معقولة بس !! انعل ابو التخلف زاتو
آآه اتذكرتا..
انحنا برضو في السودان (البلد الأكبر من حيث المساحة)
عندنا برضو حالة مشابهة اسمها خال الرئيس أو الخال الرئاسي..
وداك برضو خاشي بالطول والعرض في أمور "الدولة"، وهو يفتي في كل الأمور من لبس السيدات إلى تغيير العملة إلى عمل الدولة السياسي والعسكري، خال رئاسي موسوعي فات الكبار والقدرو ماشاء الله تبارك الله..
وقطع شك قد تكون هناك حالات أخرى من أقارب الرئيس وربما حتى جيرانه وأولاد حلته يدخلون بالطول والعرض في أمور "الدولة" دون اختصاص أو دون حتى وجود مسمى لوظيفة رسمية في هيكل الدولة الوظيفي..
وباستثناء مشيخات الخليج باعتبارها"أنظمة عشائرية في الأساس" وديلاك ما داسينها وحتى مسمى الدولة في بعض الأحيان بيكون مستمد من اسم الجد..
الحالة دي في بلدان زي السودان وليبيا ممكن نسميها شنو ؟؟
في النظام المصري السابق كانوا يعطون مسمى رسمي لنجل الرئيس جمال مبارك "أمين السياسات بالحزب الوطني" ومع ذلك كان دوره وتدخلاته من الأسباب الرئيسية لانهيار النظام المصري برمته على رأس أبيه..
* نسيت برضو أن أذكر الحالة الاستثنائية لعائلة آل الصادق المهدي أنجال وكريمات ونسايب وكل من يدور في فلك العائلة هو بالضرورة صاحب حظوة ونصيب..
| |
 
|
|
|
|
Elhadi
أمير فتحي
فيس بوك
تويتر
انستقرام
يوتيوب
بنتيريست