|
Re: الاهلية المتوسطة امدرمان (Re: أمين محمد سليمان)
|
Quote: عندي صورة للاستاذ حسين سعد سانسخها في البوست قريبا |
يا أخي دا كان أنبل وأحب أستاذ لقلوب التلاميذ في زمنا..
في أستاذ شايفكم إتذكرتو ليه كم لقب لكن في لقب تحت تحت ما كان منتشر شديد أطلقو عليه أولاد عبد المنعم وهو (اخر الشهر) لو كان الأخ حاجب مساعد من المشاركين كان ورانا مناسبة اللقب..
وفي أستاذ تاني كنا ملقبنو لقب طبعا ً هو الوحيد الما عارفو في يوم من الأيام عملت لي لبطة مع صديقنا إيهاب نصر عجيب ومشى إشتكاني للأستاذ دا وجلدوني جلدة بت كـ ــلـ ـب لمن رجعنا الفصل قلت ليه الليلة خلي أستاذ (.......) يشيلك في راسه..صاحبناولا صدق ومشى نقل الكلام بي ضبانته وعمل لي فتنة قدر الليلة وبكرة بيني وبين الأستاذ لمن قال ليه سامي بقول عليك كدا..الأستاذ جابني في المكتب الكان وراء المسرح وجاب |إيهاب وقال لي إنت بتقول علي شنو ..قلت ليه بقول عليك أستاذ فلان ..والأستاذ يكرج في سنونو ..بطل إستهبال بتقول شنو..ولا شي..اخر حاجة قال لي مش بتقول الـ..... قلت ليه الــ... دا منو؟؟ قال لي ما انا انا انا ...قلت ليه اول مرة اعرف والله..الأستاذ ضحك وقال لي قوم يا مجرم أمشي وإنت يا إيهاب بطل نقيل كلام وبعد المدرسة سكيت صاحبنا دا لي خشم باب بيتهم الكان مقابل باب المدرسة من الجهة الشرقية..تعرف يا ود الخليفة إيهاب دا وأخوه إيميل فاتحين جنبنا دكاكين في شارع كرري قبل فترة طويلة مشيت اشتري لي سيراميك لقيت ليك الزول محكر قااااااعد عرفته رغم أن السن عمل عمائل وأخوانا الأقباط بتظهر عليهم عمايل العمر سريع..بعد ما اشتريت وجاملني سألته عرفتني قال لي كيف ما أعرفك..
أما عن الأساتذة..
أستاذ عمران دا جلدني جلدة لاتنسى حارقاني لي يوم الليلة لكن بيني وبينك أنا كنت أستاهل..
أما ود المدني قسماً بالله أتذكر بوضوح شديد أول حصة درسنا ليها وكان معظمها عن قرية (ود الحداد) مسقط رأسه الذي يحبه لدرجة التقديس ..حكى لينا عن ناسها وبهائمها وعن كل تفاصيلها..عصرنا عصر الجن في الأنقليزي..كنا عاملين فيها مفتحين..اتذكر واحد دفعتنا من الناس الظراف جداً كنا ملقبنو (جني فيل) كان لمن يكون في قراية يقوم يبرطم بكلام بعرفه براه وهو قاعد في الكنبة الأخيرة..كلنا كنا مقتنعين إن الزول دا خواجة عديــــــــــل حتى أستاذ محمد المدني كان ما عنده شك..غايتو أول يوم نزلت في مطار بومبي وانا متوجه للدراسة ما أتذكرت شي ولا شخص إلا أستاذ ود المدني وأستاذ عادل الكانو بقول لينا الكلام البندرسكم ليه دا حا تحتاجو ليه بعدين ولو ما ركزتو حا تندمو..
فعلاً نسينا أظرف أستاذ أستاذ محجوب صاحب المقولة المشهورة لمن الناس تتجمع حوله وقت التصحيح وهو جالس..ويقول بصوته الغريب..مالكم تكأكأتم علي كتكأكؤكم على ذي جِنةِ هيا إفرنقعوا..
أستاذ عبد المنعم الكتيابي..أدين له بفضل كبير ليس لأنه عمي وخالي لكن لأنه مربي حقيقي حريص على نجاح تلاميذه لا يترك مهمة التدريس حتى في البيت....اتذكره وهو يقرأ علينا قصيدته الشهيرة أمدرمان في طابور الصباح ويختمها بطريقته المميزة (وتعود ترن أنا أمدرمان أنا أمدرمان أنا أمدرمان)
أستاذ محمد مساعد كان زول غير أنه شاطر جداً كان زول لا يميل للعنف أبداً ولا يميل للعقاب وطريقته في المعاملة أن يبادلوه بالإجتهاد..
أستاذ مجدي بتذكر ليه موقف طريف ونحن في الجمعية الأدبية لمن إتحولت من الحوش الغربي للجزء الشرقي محل المسرح وجو أولاد بيت المال وإترصو لينا في الحيطة وهرشونا وهرشوا اساتذتنا وأستاذ مجدي قال لينا إنتو ما رجال ما تتصرفو معاهم...ونحن من رجالتنا قعدنا نهرش ونحن قاعدين في مكانا...ههههههه
بعد فترة جانا وشو منخشم ولابس نضارة (قطع شك يكونو لمو فوقو مطرف)
أستاذ كمال الشيخ لمن كان يقفل مننا في حصة الرياضيات ما كان بعاقب ولا يجلد ولا يهرش بس كان يجدع الطبشيرة ويحرد الحصة..
أما أستاذ قصي كان مشهور بأنه لمن يقول ليك أقلب يدك ويجلدك بالمسطرة معناها تقنع من يدينك يومين تلاتة..
الفتنا كان صديقي ابراهيم عيسى صالح ربنا يفرج عنه بركة هذا الشهر العظيم...الفتنا التاني كان الخلوق جداً هاشم الريح السنهوري..
الشطار في الفصل طبعاً حسن مكرم ودا كان جارينا من أولى إبتدائي..ومعاوية..وإبراهيم مصطفى ودا كان جايينا محول من الكمبوني وطبعاً نحن كنا شايفنو خواجة عيونو خدر وأيضاً مصطفى عثمان حسين من بيت المال وسميح مختار ربنا يرحمه سمعت قبل وقت طويل أنه توفي إلى رحمة مولاه وعلي عبد الغفار الذي كان يتلو القراّن في الجمعية الأدبية (توفي غرقاً) وكان من الأصدقاء المقربين هو وصديق العمر عادل يوسف صالح عبد المحسن من أولاد القلعة وعمار جعفر الياس من اولاد القلعة..والأنسان الشاطر والمهذب والخلوق سيف الأسلام خالد عمر إبن أخ المقرى المشهور عوض عمر (هذا الرجل نسيج وحده) ومحمد يونس من أولاد الهجرة(محمد يونس دا كنا انا ومجموعة داخلين معاه صندوق بقروش نوفرها من حق الفطور أتذكر يوم صرفة واحد مننا مشينا الهجرة بالعجلات نصرف وعاوزين نجي قالبين حلويات سلا قام حنكنا وادانا بدل القروش جريو) وسليمان مالك السراج من أولاد الدباغة وفكري إبراهيم ابو مرين من المسالمة..
أذكر من الدفعة طارق حسن العطا ومعاوية والزين وإيهاب يوسف حمدتو (كان جنو يقول ليك تعال قاويني وكان عندي مجموعة كبيرة بتعتقد في إنه مافي زول يقدر يلاويني ولا يقاويني..لكن المقاواه (كر وفر))
وهناك كثيرين سأأحاول اتذكرهم..
بإختصار متذكر مكان جلوس كل واحد من اولاد الفصل بالنفصيل...متذكر أغرب دافوري وقت الفسحة وبين الحصص في البرندة البين أولى وتانية وتالتة سوار الدهب الكورة كانت ممكن تكون دومة او حجر...يا أخي |أستهلكنا كترة جزم..
الأهلية بلا تحيز تميزت عن غيرها بالنظام الشديد والحفاظ على القيم والتهذيب والمستوى الأكاديمي..كما ذكر واحد من الأخوان شارة الأهلية كانت أشهر شارة يرتديها تلميذ تجلب الإعجاب والغيرة..
طابور الصباح تفتيش يشمل الشعر والأظافر وحتى الملابس الداخلية..
المتأخرين كانو ينطو بالحيطة الجنوبية مكان الحمامات ويلبدو لحدي ما يتحرك الطابور ويالشبابيك جوك ناس بالله الحمامات دي كانت بتشيل كترة خلق..شخصيا كنت بنط بشباك الفصل وألبد في الفصل وما تقولو كنت بتأخر طوالي لأني ليوم الليلة الناس بتضايق مني في مسألة الإلتزام بالمواعيد لكن تقول شنو (بتحصل في ارقى العائلات ههه) وشبابيك سوار كانت فاتحة جنوب ..يوم بس جدعتا الشنطة ودخلت رجليني أستاذ محمد المدني اعتقلني من الرجلين وباقي جسمي بره وهو شابكني إنت منو وانا عامل ميت فكيت منو وجري علي الباب خشيت مع الطابور ولي يوم الليلة ما أظنه عرف..(مفكر ازورو في ابو كدوك) وأعتذر ليه عن كل الشقاوة ووجع القلب الجبناه ليه..
بجيك تاني لأن الأهلية دي كانت محور حياتنا ولا زالت..
|
|
|
|
|
|
|
العنوان |
الكاتب |
Date |
الاهلية المتوسطة امدرمان | ود الخليفه | 08-22-11, 11:46 PM |
Re: الاهلية المتوسطة امدرمان | ود الخليفه | 08-22-11, 11:48 PM |
Re: الاهلية المتوسطة امدرمان | النصرى أمين | 08-22-11, 11:51 PM |
Re: الاهلية المتوسطة امدرمان | ود الخليفه | 08-23-11, 00:15 AM |
Re: الاهلية المتوسطة امدرمان | ود الخليفه | 08-22-11, 11:57 PM |
Re: الاهلية المتوسطة امدرمان | ود الخليفه | 08-23-11, 00:09 AM |
Re: الاهلية المتوسطة امدرمان | ود الخليفه | 08-23-11, 00:21 AM |
Re: الاهلية المتوسطة امدرمان | Osama Mohammed | 08-23-11, 00:36 AM |
Re: الاهلية المتوسطة امدرمان | الفاضل يسن عثمان | 08-23-11, 00:19 AM |
Re: الاهلية المتوسطة امدرمان | ود الخليفه | 08-23-11, 00:31 AM |
Re: الاهلية المتوسطة امدرمان | ود الخليفه | 08-23-11, 01:07 AM |
Re: الاهلية المتوسطة امدرمان | ود الخليفه | 08-23-11, 01:14 AM |
Re: الاهلية المتوسطة امدرمان | ود الخليفه | 08-23-11, 01:20 AM |
Re: الاهلية المتوسطة امدرمان | ود الخليفه | 08-23-11, 01:22 AM |
Re: الاهلية المتوسطة امدرمان | ود الخليفه | 08-23-11, 01:27 AM |
Re: الاهلية المتوسطة امدرمان | سامى عبد الوهاب مكى | 08-23-11, 07:03 AM |
Re: الاهلية المتوسطة امدرمان | فيصل نوبي | 08-23-11, 07:42 AM |
Re: الاهلية المتوسطة امدرمان | ود الخليفه | 08-23-11, 10:18 AM |
Re: الاهلية المتوسطة امدرمان | ود الخليفه | 08-23-11, 10:22 AM |
Re: الاهلية المتوسطة امدرمان | ود الخليفه | 08-23-11, 10:27 AM |
Re: الاهلية المتوسطة امدرمان | ود الخليفه | 08-23-11, 10:31 AM |
Re: الاهلية المتوسطة امدرمان | ود الخليفه | 08-23-11, 10:16 AM |
Re: الاهلية المتوسطة امدرمان | سامى عبد الوهاب مكى | 08-23-11, 10:53 AM |
Re: الاهلية المتوسطة امدرمان | المر | 08-23-11, 11:06 AM |
Re: الاهلية المتوسطة امدرمان | المر | 08-23-11, 11:26 AM |
Re: الاهلية المتوسطة امدرمان | سامى عبد الوهاب مكى | 08-23-11, 11:39 AM |
Re: الاهلية المتوسطة امدرمان | المر | 08-23-11, 12:12 PM |
Re: الاهلية المتوسطة امدرمان | محمد الواثق | 08-23-11, 03:06 PM |
Re: الاهلية المتوسطة امدرمان | Osama Mohammed | 08-23-11, 03:58 PM |
Re: الاهلية المتوسطة امدرمان | حمزه بابكر الكوبي | 08-23-11, 05:05 PM |
Re: الاهلية المتوسطة امدرمان | mohamed hussein | 08-23-11, 07:43 PM |
Re: الاهلية المتوسطة امدرمان | ود الخليفه | 08-23-11, 09:30 PM |
Re: الاهلية المتوسطة امدرمان | ود الخليفه | 08-23-11, 09:34 PM |
Re: الاهلية المتوسطة امدرمان | ود الخليفه | 08-23-11, 09:41 PM |
Re: الاهلية المتوسطة امدرمان | ود الخليفه | 08-23-11, 09:49 PM |
Re: الاهلية المتوسطة امدرمان | ود الخليفه | 08-23-11, 09:58 PM |
Re: الاهلية المتوسطة امدرمان | المر | 08-25-11, 12:14 PM |
Re: الاهلية المتوسطة امدرمان | لؤى | 08-23-11, 10:48 PM |
Re: الاهلية المتوسطة امدرمان | لؤى | 08-23-11, 11:11 PM |
Re: الاهلية المتوسطة امدرمان | ود الخليفه | 08-23-11, 11:12 PM |
Re: الاهلية المتوسطة امدرمان | ود الخليفه | 08-23-11, 11:22 PM |
Re: الاهلية المتوسطة امدرمان | ايمان بدر الدين | 08-23-11, 11:39 PM |
Re: الاهلية المتوسطة امدرمان | لؤى | 08-23-11, 11:47 PM |
Re: الاهلية المتوسطة امدرمان | لؤى | 08-23-11, 11:58 PM |
Re: الاهلية المتوسطة امدرمان | لؤى | 08-23-11, 10:58 PM |
Re: الاهلية المتوسطة امدرمان | لؤى | 08-24-11, 00:26 AM |
Re: الاهلية المتوسطة امدرمان | محمد مكى محمد | 08-24-11, 01:48 AM |
Re: الاهلية المتوسطة امدرمان | أمين محمد سليمان | 08-24-11, 03:21 AM |
Re: الاهلية المتوسطة امدرمان | بدر الدين احمد موسى | 08-24-11, 07:18 AM |
Re: الاهلية المتوسطة امدرمان | سامى عبد الوهاب مكى | 08-24-11, 07:46 AM |
Re: الاهلية المتوسطة امدرمان | حاتم الياس | 08-24-11, 09:29 AM |
Re: الاهلية المتوسطة امدرمان | حاتم الياس | 08-24-11, 09:45 AM |
Re: الاهلية المتوسطة امدرمان | محمد مكى محمد | 08-24-11, 12:43 PM |
Re: الاهلية المتوسطة امدرمان | حاتم الياس | 08-24-11, 02:00 PM |
Re: الاهلية المتوسطة امدرمان | ود الخليفه | 08-24-11, 05:21 PM |
Re: الاهلية المتوسطة امدرمان | ود الخليفه | 08-24-11, 05:30 PM |
Re: الاهلية المتوسطة امدرمان | ود الخليفه | 08-24-11, 05:35 PM |
Re: الاهلية المتوسطة امدرمان | ود الخليفه | 08-24-11, 05:38 PM |
Re: الاهلية المتوسطة امدرمان | لؤى | 08-24-11, 06:27 PM |
Re: الاهلية المتوسطة امدرمان | لؤى | 08-24-11, 06:39 PM |
Re: الاهلية المتوسطة امدرمان | ود الخليفه | 08-24-11, 09:13 PM |
Re: الاهلية المتوسطة امدرمان | ود الخليفه | 08-24-11, 09:16 PM |
Re: الاهلية المتوسطة امدرمان | ود الخليفه | 08-24-11, 09:22 PM |
Re: الاهلية المتوسطة امدرمان | ود الخليفه | 08-24-11, 09:30 PM |
Re: الاهلية المتوسطة امدرمان | ود الخليفه | 08-24-11, 09:35 PM |
Re: الاهلية المتوسطة امدرمان | ود الخليفه | 08-24-11, 09:40 PM |
Re: الاهلية المتوسطة امدرمان | ود الخليفه | 08-24-11, 09:44 PM |
Re: الاهلية المتوسطة امدرمان | حمزه بابكر الكوبي | 08-24-11, 10:00 PM |
Re: الاهلية المتوسطة امدرمان | ود الخليفه | 08-24-11, 10:20 PM |
Re: الاهلية المتوسطة امدرمان | ود الخليفه | 08-24-11, 10:35 PM |
Re: الاهلية المتوسطة امدرمان | لؤى | 08-25-11, 00:21 AM |
Re: الاهلية المتوسطة امدرمان | mohamed hussein | 08-25-11, 08:19 AM |
Re: الاهلية المتوسطة امدرمان | سامى عبد الوهاب مكى | 08-25-11, 12:54 PM |
Re: الاهلية المتوسطة امدرمان | لؤى | 08-27-11, 10:50 AM |
Re: الاهلية المتوسطة امدرمان | sumah | 08-27-11, 12:51 PM |
Re: الاهلية المتوسطة امدرمان | دبس | 08-28-11, 00:25 AM |
Re: الاهلية المتوسطة امدرمان | لؤى | 08-28-11, 01:08 PM |
Re: الاهلية المتوسطة امدرمان | لؤى | 08-28-11, 01:22 PM |
Re: الاهلية المتوسطة امدرمان | Osama Mohammed | 08-28-11, 01:59 PM |
Re: الاهلية المتوسطة امدرمان | دبس | 08-28-11, 08:29 PM |
Re: الاهلية المتوسطة امدرمان | mohamed hussein | 09-02-11, 01:33 AM |
Re: الاهلية المتوسطة امدرمان | دبس | 09-02-11, 04:37 AM |
Re: الاهلية المتوسطة امدرمان | Osama Mohammed | 09-02-11, 03:39 PM |
Re: الاهلية المتوسطة امدرمان | محمد ميرغني خليفة | 09-07-11, 12:23 PM |
Re: الاهلية المتوسطة امدرمان | ود الخليفه | 09-08-11, 01:42 PM |
|
|
|