|
شركة سوقطرة وأكل أموال المغتربين بالباطـــل
|
السلام عليكم..
لدي صديق اشترى قطعة أرض بالأقساط من شركة سوقطرة التي تعمل من داخل سفارة النصب والاحتيال المسماة بالسفارة السودانية بالرياض وذلك فيما يسمى بمخطط النخيل2
ـ وقد قام هذا الصديق بدفع الدفعة الأولى والبالغة مبلغ وقدره 6000 ريال سعودي ..
ـ ثم قام بعد ذلك بتسديد عدد 8 أقساط بمبلغ إجمالي وقدره 12000 ريال سعودي ( اثنا عشر ألف ريال سعودي) وذلك من إجمالي عدد الأقساط والبالغ قدرها 30 قسطاً..
مع العلم أن هذا الصديق لم يقم باستلام القطعة أو الاستفادة منها بأي صورة من الصور أو حتى مجرد معاينتها على أرض الواقع لظروف تواجده طوال هذا الوقت خارج السودان
ولظروف خاصة بهذا الشخص رغب في عدم مواصلة دفع الاقساط واسترداد ما قام بدفعه، أو بالعدم التنازل من القطعة لصالح شخص آخر قام باحضاره بمعرفته وأبدى هذا الشخص موافقته على شراء القطعة والقيام بكل ما يلزم من إجراءات واستكمال دفع الاقساط..
فكان رد الشركة المعنية : بأنو لا يحق لك عمل تنازل عن القطعة لأنو القطعة ( لسع ما بقت حقتك ) !!
وعندما طالبهم عندها باسترداد أمواله التي قام بدفعها.. لأنو هو فعلياً وعملياً لا يريد المواصلة في هذا الموضوع
كان الرد من قبل شركة سوقطرة بأنه لا يحق لك الحصول على أي جزء من أموالك إلا بعد انتهاء مدة المشروع !!
وعندها تقوم الشركة بخصم نسبة مئوية من المبالغ المدفوعة ثم تسليمه الباقي.. ( على طريقة موت يا حمار )
السؤال للمختصين والقانونيين وأي شخص صاحب تجربة مع هذه الشركة أو كل من أراد التداخل :
هل من حق هذه الشركة أو أي شركة أن تقوم بتوقيع الناس على عقود تكفل لها الاحتفاظ بأموالهم حتى انتهاء مشاريعها دون أي مقابل يحصل عليه هؤلاء الناس ؟؟ يعني لماذا انت ستحتفظ بأموال الناس عندك لسنوات دون أي مقابل يحصل عليه الشخص المشتري في يده جراء استلامك أو احتفاظك بهذه الأموال ؟؟
وهل مثل هذا النشاط الذي يجري على الأراضي السعودية متوافق ومتوائم مع القوانين المعمول بها في السعودية ؟؟
|
|
|
|
|
|
|
|
Re: شركة سوقطرة وأكل أموال المغتربين بالباطـــل (Re: محمد عبد الماجد الصايم)
|
Quote: في عقد وقّعت عليهو أول ما بديت .. أكيد مفصّل فيهو كل الإجراءات .. وتشوف الليكـ والعليكـ!! |
الأخ ود الصايم, اولا حتى ان هناك عقدا موقعا بين الطرفين فهل هذا العقد تنزيل من التنزيل ؟ ثانيابماذا ستتضرر الشركة ان غيرت اسم العقد من اكس الى زد ؟ لا سيما وان الراغب الجديد ملتزم بدفع متبقى الأقساط للشركة مع دفع كل الأقساط الذى قام بدفعها المالك الأول . المشكلة وين بالضبط ؟ ولا المسألة بس تعسف فى تعسف ؟
| |
|
|
|
|
|
|
Re: شركة سوقطرة وأكل أموال المغتربين بالباطـــل (Re: قلقو)
|
لو في عقد والموضوع ده مذكور فيهو ما عندو حل الا يعمل اتفاق من الباطن مع الزول الجايبو بدلو اما لو ما في عقد والموظف ده بيعمل حركات يمشي المحكمة بياخد فلوسو لكن طبعا اتوقع انو في عقد والحاجة دي مذكورة فيهو (دي ما بتفوت على اي محامي خريج جديد) والعقد شريعة المتعاقدين
| |
|
|
|
|
|
|
Re: شركة سوقطرة وأكل أموال المغتربين بالباطـــل (Re: محمد عبد الماجد الصايم)
|
الأخ / الهادي
رمضان كريم
انا تعاملت مع شركة سوقطرة في الخرطوم العمارات شارع 61
واشتريت منهم ارض في مخطط النسيم بالحاج يوسف واخر قسط لي شهر 9 الجاي باذن الله
والعقد مكتوب فيهو المطالبة بالمستحقات بعد تصفيةالمشروع وخصم المصروفات الادارية منها
عليه مراجعة البنود 6 / 7 من العقد تقريباَ ( لان العقد من الممكن يكون واحد بس يتغير اسم المشروع )
وبرضو ممكن صاحب الارض استخراج شهادة البحث بغرض البناء وبتكون مرهونة للشركة
انا ما عارف الشركة تابعة لمنو لكن من تعاملي معها ما صادفتني اي مشكلة والحمد لله
ولقد جلست مع مديرها في الخرطوم تقريباً يمني الجنسية انسان محترم جدا وايضا جلست مع المستشار القانوني والمدير المالي
والله ناس في قمة الاحترام وقابلوني بكل ادب واحترام وتمت الاجابة على كل الاستفسارات بكل وضوح
هنا في السفارة ما بعرف كيف التعامل والإجراءات لكن في السودان الامور كلها واضحة جداً والعقد واضح
ونصيحة للأخ صاحب القطعة ما يستعجل وعليه بالصبر وربنا يوفق الجميع
لك تحياتي واحترامي ،،،
ورمضان كريم عليكم جميعاً
أبو كريم
| |
|
|
|
|
|
|
Re: شركة سوقطرة وأكل أموال المغتربين بالباطـــل (Re: الفاتح خليل الفكي)
|
الأخ الفاتح خليل, بالرغم من وجاهة كلامك ومنطقيته لكن سؤآلى مازال قائما : ماهو الضرر الواقع على الشركة اذا ما غيرت العقد من اسم اكس الى زد من الناس طالما ان هذا الزد سوف يقوم بدفع كافة الألتزمات التى نص عليها فى العقد والتى من بينها ارجاع المبلغ الذى دفعه المالك الأول والمواظبة على دفع باقى الأقساط . اين المشكلة بالضبط ؟
| |
|
|
|
|
|
|
Re: شركة سوقطرة وأكل أموال المغتربين بالباطـــل (Re: قلقو)
|
Quote: الأخ الهادى , حقيقة لا أدرى الى متى سيظل مغتربونا بهذه....خلينا نقول الطيبة لأنو الدنيا رمضان وكدة . الم تتعظوا من لدغة مشروع سندس الوهمى ومديرها الصافى جعفر حتى تقعوا بين براثن شركة سوقطرة والتى اعتقد ان احد مساهميها مستشار الرئيس ووزير الخارجية السابق مصطفى عثمان اسماعيل ؟ علمكم فقط بأنها تعمل من داخل السفارة كان كفيلا بأن تعلموا بأنها شركة مملوكة لأحد اللصوص من رموز الحكومة . |
يا قلقو رمضان كريم.. كلمناهم يا قلقو من قبل، وكلمناهم بدل المرة ألف مرة، لكن الناس ما بتتعظ إلا عندما تقع الفأس في الرأس
وأنا برضي زيك مقتنع ومتيقن تماماً إنو طالما كان لهذه الشركة أو غيرها صلة بالسفارة السودانية معناها الموضوع مخستك تماماً
يا زول ياتو يوم السفارة كان قلبها على الناس أو يهمهما مصالح الناس ؟؟ ما ياهم كلهم بي ربطة المعلم كده حرامية وبياكلوا ناقة الله وسقياها
| |
|
|
|
|
|
|
Re: شركة سوقطرة وأكل أموال المغتربين بالباطـــل (Re: Elhadi)
|
Quote: الهادي يا عمكـ .. رمضان كريم بغض النظر عن الشركة هي منو أو مجالا شنو في عقد وقّعت عليهو أول ما بديت .. أكيد مفصّل فيهو كل الإجراءات .. وتشوف الليكـ والعليكـ!!
الأكيد إنو (أغلب) شركات التقسيط بتكون (كل) الشروط لصالحها!! |
ود الصايم يا فردة، رمضان كريم
أنا عارف أنو في عقد، وصاحبي ده كلمني بحكاية العقد دي..
لكن هل أي تعاقد أو عقد هو صحيح يا ود الصايم ويجب أن تخضع له الناس ؟..
بمعنى أنو سؤالي هو عن مدى قانونية وشرعية وأخلاقية إنك كشركة تشيل قروش من زول وتحجزا عندك وتستفيد منها دون أي مقابل يحصل عليه هذا الشخص صاحب المال، لأنه لم يقم باستلام قطعة الأرض بطبيعة الحال.. وهو الآن يريد استرداد أمواله "مع إقراره بحفظ حق الشركة من مصاريف إدارية وخلافه" لكنه يصطدم بعقبة العقد الذي تتحدث عنه أنت الآن.. ألا ترى في مثل هذا التعاقد جور وإجحاف ما بعده إجحاف يا ود الصايم؟؟
بالعربي : هو ما عاوز القطعة، وعاوز قروشه الدفعها، وموافق على حفظ حق الشركة وما يمكن أن تكون قد تكبدته من خسائر ومصاريف بالحق والعدل.. يبقى ما هو معنى الكلام الفارغ بإلزامه بالانتظار حتى انتهاء مشروع الشركة ؟؟
| |
|
|
|
|
|
|
Re: شركة سوقطرة وأكل أموال المغتربين بالباطـــل (Re: Elhadi)
|
Quote: لو في عقد والموضوع ده مذكور فيهو ما عندو حل الا يعمل اتفاق من الباطن مع الزول الجايبو بدلو اما لو ما في عقد والموظف ده بيعمل حركات يمشي المحكمة بياخد فلوسو لكن طبعا اتوقع انو في عقد والحاجة دي مذكورة فيهو (دي ما بتفوت على اي محامي خريج جديد) والعقد شريعة المتعاقدين |
محمد إبراهيم .. إزيك
حا يعمل اتفاق من الباطن كيف يا محمد على حاجة ( لسع ما بقت حقتو) بحسب رد الشركة ؟؟
هو زول دافع قروش لكنه لا يملك من أمره أي شيء بخصوص هذه القطعة، فكيف يستطيع أن يجري عليها أي نوع من الاتفاقات أو التعاقدات؟؟
لو عندك مشتري من النوع ده، يعني البوافق على أن نبيع له الهواء جيبوا لينا طوالي خلينا ندرعا ليهو في رقبتو ونخارج صاحبنا ده
بالنسبة لقصة العقد أنا زي ما قلتا لي ود الصايم فوق أنو أيوة هناك عقد بهذا المعنى كما يقول صاحبي هذا، لكني حاججته بأن لا يرضخ لهذا العقد المجحف للغاية في شروطه.. ونصحته إذا كان هناك أكثر من متضرر مثله فيمكنهم محاولة جرجرة هؤلاء اليمنيين أمام الجهات العدلية في السعودية عسى ولعل أن يلفتوا نظرهم لممارسات تجري على أرضهم إن لم ينجحوا في استرداد أموالهم، لأنه لن يخرج لا بحق ولا باطل أمام أي جهة سودانية ليقيني بتواطؤهم على نهب أموال المغتربين السودانيين، وبالعدم يستعوض الله فيما ذهب من ماله لكني لم ولن أشجعه أبداً على مواصلة دفع أموال بهذه الكيفية يا محمد..
| |
|
|
|
|
|
|
Re: شركة سوقطرة وأكل أموال المغتربين بالباطـــل (Re: Elhadi)
|
Quote: لكن هل أي تعاقد أو عقد هو صحيح يا ود الصايم ويجب أن تخضع له الناس ؟.. |
الهادي يا حبيب .. الله أكرم ياخ! تصوم وتفطر على خير ومبروكـ العشرة الأواخر
_ أي عقد توقع عليهو تكون ملزم بشروطه! أما قصة مجحف وظالم وأخلاقي دي قبل ما توقع! عشان كـدا المفروض تقرا المكتوب كوووويس قبل ما تتورط!!
| |
|
|
|
|
|
|
Re: شركة سوقطرة وأكل أموال المغتربين بالباطـــل (Re: محمد عبد الماجد الصايم)
|
Quote: انا ما عارف الشركة تابعة لمنو لكن من تعاملي معها ما صادفتني اي مشكلة والحمد لله
ولقد جلست مع مديرها في الخرطوم تقريباً يمني الجنسية انسان محترم جدا وايضا جلست مع المستشار القانوني والمدير المالي
والله ناس في قمة الاحترام وقابلوني بكل ادب واحترام وتمت الاجابة على كل الاستفسارات بكل وضوح
|
i agree وبالمناسبه في كبري بين سوبا شرق وسوبا غرب تم توقيع عقده وبالتالي ستكون نخيل 2 وغيرهادقايق من الخرطوم
| |
|
|
|
|
|
|
|