القصة الكاملة لـ( خاتي النقة ) قبال تجغم كبايــة العرقـي ،،،!!

مرحبا Guest
اخر زيارك لك: 05-20-2024, 02:47 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثالث للعام 2011م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
08-17-2011, 12:36 PM

HAIDER ALZAIN
<aHAIDER ALZAIN
تاريخ التسجيل: 12-27-2007
مجموع المشاركات: 22434

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: القصة الكاملة لـ( خاتي النقة ) قبال تجغم كبايــة العرقـي ،،،!! (Re: HAIDER ALZAIN)

    الشول بت حسب الله .. حبوبتها للمسخوتة خاتي النقة السمت نفسها لولا.. داك العيد مشت الصعيد تعيد مع راجل بتها الشافوها الاسمو الباقر .. الباقر العتالي غير الخمرة ماعندو شغلة .. يقوم مع النجمة يشد كاروهو يلقط رزق وليداتو .. يجي راجع مع الغيبة شايل كيس عيشو ولحيمتو والخديرات اللقطهن .. ومعاهن قزازة السجم ..
    الشافوها اول ايمها العروس نضمت مع الباقر ونقت في راسو عشان يخلي السجم دا.. وقت زهج منها مسكها هبّدهاليك ديك يا الهبدة ودقاها رقدها عيش.. من يومها تاني خشمها وعندها .. يجي تسوي العشاء للوليدات ينوموا وهو يكون قاعد في الحوش فاتح الرادي وخاتي السجم قدامو ويجغم .. اول من يستوى تخت لو عشاهو ياكل وينوم ويقوم الصباح شغال تور ساقيــة بس..
    اها العيد دا بيبقي ليهو التغيير الوحيد علا برضو ما بيختا فيهو السجم.. بيقولك اللحم دا البيهضمو غير موية النار دي شنو..
    يومها الشول الجات ولا عمنها اول مرة تعيد في الصعيد بلعت في اللحم زين .. الشية نص استواء نفخت ليك الشول دايرة تقتلها.. وغلبها تب واتدودرت وعيونها جحصت .. وقت مرق الباقر سمع الجوطة ومرق من ديوان الرجال لقي الوليدات بيشدو في كاروهو .. :
    دا شنو يا جنا!! مودي الكارو دا وين؟!
    - داير اسوق حبوبتي الشول الشفخانة ؟
    - مالها بتوديها الشفخانة
    - عندها نفاخ بطنها قربة بس .. وامي الشافوها رسلتني جبت لها شوية بيبسي من ناس الماذون من البيبسي الجابو ليهم ولدهم احمد من البندر عشان العيد علا برضو ما نفعها .. والشافوها قالت مافي حل الا نوديها الشفخانة
    - كمال الحكيم مابيفتح الشفخانة هسع يوم العيد .. بعدين النفاخ ماعندو دواء.. دواهو معاي انا نزل الكارو دا من ضهر الحـمـار واديهو موية وربطة قصب .. النمشي اشوف الشول

    مشي الباقر الديوان وجاء صاد شايل قزازة السجم بتاعتو ومشي على الشول حماتو .. ازيك يا خالتي الشول !
    - الله يسلمك يا الباقر ..
    - يا خالتي والله نفاخ اللحم دا عندو علاج واااحد اكان عاوزاهو ولا حكيم لا شئ دا علاج بلدي ومضمون
    - ومالو يا ولدي اديني ليهو قالوا الارضة جربت الحجر
    - ِعلا مُر شديد يا خالتي .. الا تسددي نخريك وتقرطعيهو مرة واحدة
    - ياولدي المضطر يركب الصعب

    عاين الباقر لي مرتو الشافوها واداها حدرة وهي بتمد ليهو كباية الشاي الفاضية .. عباها عرقي زت ومداها للشول .. الشافوها وقالوا الضايق عضت الدبيب يخاف من مجر الحبل.. بغم ما قالتها ..
    بعد ما قرطعت الشول الكباية.. اتمددت ونامت ديك يا النومة ما صحت الا العِصيير .. تضحك سن سن وتتكشم كيفن ماهي مبسوطة.. وتدعي للباقر :
    الله يديك العافية يا الباقر يا وليدي .. الله يبارك فيك كيفن ما فشيتني وروحت مني النفاخ .. والله دواك دا كيفن ماهو ناجع الا كان اشيل تيرابو معاي البلد .. وبقت خاشة تدعي للباقر مارقة تدعي ليهو
    وقت الشافوها زهجت كوركت فيها.. يمة انتي عارفة السقاكي ليهو الباقر دا شنو؟
    - ماهو دواء للنفاخ شنو يعني ؟
    - لا يا امي دي ماهو دواء دا عرقي .. خمرة يعني .. الباقر سقاكي الخمرة

    سجممممممي سجمممممي يا الباقر .. الله ما تغز فيك البركة.. الله لا تباركك تشربني الخمرة بعد شيبتي دي يا المسخوت .. شكيتك على الله .. الله يوريني فيك يا البتشربني الخمرة بعد بقيت حبوبة..

    وقت الشول تعبت واخدت ليها صنة كدة .. اتبسمت واتكشمت وهي تقول للباقر :
    دحين يا الباقر .. انتا دي الخمرة البيقولوها ويقولوا كعبة
    - آآي يا خالتي الشول
    - والله يا الباقر ولدي .. لا هي كعبة لاشئ .. فشت لي بطني بعد اتملن لحيمات ماهي كعبة يا الباقر اشربوها اشربوها يا ولدي .. ومرة مرة ادي خالتك معاك كبيبية وقت تتقل في اللحم ..!!


    واصلت حفصة ..:
    شفتي يا بتي .. دي حبوبتها لي خاتي النقة من يومها الجات من الصعيد قالوا قزازة العرقي ما بتفارق كراع عنقريبها .. خاتها هي والابريق جنب بعضهن .. بس تصلي العشاء .. وتجي بتها النسأ تعبئ ليها القزازة في بزة الشفع .. وتقوم الشول ترقد على ضهرها وهاك يا مق مق مق مق مق مق تمص للصباح

    أها لولا خاتيــة !!

    (عدل بواسطة HAIDER ALZAIN on 08-17-2011, 12:44 PM)
                  

العنوان الكاتب Date
القصة الكاملة لـ( خاتي النقة ) قبال تجغم كبايــة العرقـي ،،،!! HAIDER ALZAIN08-17-11, 11:05 AM
  Re: القصة الكاملة لـ( خاتي النقة ) قبال تجغم كبايــة العرقـي ،،،!! HAIDER ALZAIN08-17-11, 11:33 AM
    Re: القصة الكاملة لـ( خاتي النقة ) قبال تجغم كبايــة العرقـي ،،،!! HAIDER ALZAIN08-17-11, 12:36 PM
      Re: القصة الكاملة لـ( خاتي النقة ) قبال تجغم كبايــة العرقـي ،،،!! خالد المحرب08-17-11, 01:03 PM
        Re: القصة الكاملة لـ( خاتي النقة ) قبال تجغم كبايــة العرقـي ،،،!! HAIDER ALZAIN08-17-11, 07:34 PM
          Re: القصة الكاملة لـ( خاتي النقة ) قبال تجغم كبايــة العرقـي ،،،!! Ahmed Abdallah08-17-11, 07:52 PM
            Re: القصة الكاملة لـ( خاتي النقة ) قبال تجغم كبايــة العرقـي ،،،!! HAIDER ALZAIN08-17-11, 08:43 PM
          Re: القصة الكاملة لـ( خاتي النقة ) قبال تجغم كبايــة العرقـي ،،،!! محمد الطيب يوسف08-17-11, 07:53 PM
            Re: القصة الكاملة لـ( خاتي النقة ) قبال تجغم كبايــة العرقـي ،،،!! HAIDER ALZAIN08-19-11, 08:52 PM
          Re: القصة الكاملة لـ( خاتي النقة ) قبال تجغم كبايــة العرقـي ،،،!! سفيان بشير نابرى08-17-11, 08:05 PM
            Re: القصة الكاملة لـ( خاتي النقة ) قبال تجغم كبايــة العرقـي ،،،!! حيدر حسن ميرغني08-17-11, 09:07 PM
              Re: القصة الكاملة لـ( خاتي النقة ) قبال تجغم كبايــة العرقـي ،،،!! عبدالعزيز حسين عبدالرحيم08-17-11, 10:52 PM
              Re: القصة الكاملة لـ( خاتي النقة ) قبال تجغم كبايــة العرقـي ،،،!! HAIDER ALZAIN08-21-11, 07:32 AM
            Re: القصة الكاملة لـ( خاتي النقة ) قبال تجغم كبايــة العرقـي ،،،!! HAIDER ALZAIN08-20-11, 08:23 PM
              Re: القصة الكاملة لـ( خاتي النقة ) قبال تجغم كبايــة العرقـي ،،،!! د.نجاة محمود08-21-11, 09:03 AM
                Re: القصة الكاملة لـ( خاتي النقة ) قبال تجغم كبايــة العرقـي ،،،!! HAIDER ALZAIN08-28-11, 09:33 PM
                  Re: القصة الكاملة لـ( خاتي النقة ) قبال تجغم كبايــة العرقـي ،،،!! HAIDER ALZAIN09-07-11, 07:09 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de