|
ادب الزبالة ما بين عثمان ميرغني وحسين خوجلي
|
الصحافة السودانية تمتاز بعراقتها فصدور الصحف في السودان يعود الي صدور صحيفة حضارة السودان منذ امد بعيد,, والصحافيين السودانيين برعوا في مهنة الصحافة فكانوا اعمدة في كثير من الصحف العربية والعالمية والشواهد علي ذلك موجودة سابقا وحاليا ,, والان نجد في صحافتنا المحلية صحافة رغم تكتيم افواه الصحفيين بالمحاكم وكثرة العقوبات الا ان الصحافيين السودانيين مازالوا يبدعون ويقدمون الجديد والمفيد .. هناك ملاحظة ان بعض الصحف لاتعتمد علي التحقيقات الصحفية والتي هي اساس كل عمل صحفي الا انها تعتمد علي كاتب العمود والذي هو في الغالب مالك الصحيفة وعند احتجاب عموده تقلب الصحيفة فلا تجد ما تقرأه .. ومن خلال المتابعة اليومية للصحف وجدت ان هناك لعب خشب بين الكبار من الصحفيين ابعد ما يكون عن التنافس الصحفي والذي كان يجب ان يتوجه دعما للمواطن بعرض مشاكله بطريقة تطرح معها حلول حتي تساعد المسئول في اداء دوره بلا تاخر ,, ولكنها ارادت غير ذلك .. ولدي شاهد بصحيفتين هما التيار التي يراس تحريرها الاستاذ المهندس عثمان ميرغني وصحيفة الوان التي يراس تخريرها الاستاذ حسين خوجلي .!! وتعجبت من الاتهام المباشر من عثمان ميرغني لزملائه في مهنة الصحافة بتلقي العطايا من النظم الحاكم بما سماه "الزبالة" .. وتعجبت اكثر من همز اشار بطرف خفي من صفحة "اسرار" بصحيفة الوان ان الذي تحدث عن ادب الزبالة وتوجه بقلمه نحو صغار الزبالين قد انتابته صحوة "صلاح مؤقتة" في اشارة غامزة الي الاستاذ عثمان ميرغني!!!
|
|
|
|
|
|
|
|
Re: ادب الزبالة ما بين عثمان ميرغني وحسين خوجلي (Re: Hussein Mallasi)
|
اهلا بالكاتب في صحيفة الصحافة ملاسي .. الملاحظ ان كلمة الاستاذ عثمان ميرغني كانت في عموده "بالتيار" يوم الجمعة 5 اغسطس الموافق 5 رمضان .. وان "الوان " نشرت الحكاية اعلاه يوم السبت 6 اغسطس الموافق 6 رمضان .. فهنا يتبادر سؤال "عادي " لماذا لم يرد الاستاذ عثمان عن هذا الكلام ؟؟
| |
|
|
|
|
|
|
Re: ادب الزبالة ما بين عثمان ميرغني وحسين خوجلي (Re: أمير فتحي)
|
الاخ العوض وضيوفه.. طاب نهاركم بعيدا عن صلات القرابة... اعتقد ان هذا البوست يستحق نقاش طويل وعميق ليس في شخوص عثمان ميرغني او حسين خوجلي لكن في حال الصحفي السوداني ذات نفسه وما يجي واحد يقول لي تجوع الحرة ولّا تشبع عموما لظرف طارئ ... اواصل غدا إنشاء الله لكم جميعا ودي
| |
|
|
|
|
|
|
Re: ادب الزبالة ما بين عثمان ميرغني وحسين خوجلي (Re: على ميرغني)
|
اهلا بالاستاذ علي ميرغني .. اتفق معاك ان هذا البوست يشمل اكثر من طرف منهم الصحفيين ونزاهتهم .. ويهم طرف مسئولية رئاسة التحرير ومسئوليتها عن طاقم صحيفته .. وما راي رؤساء التحرير حول مل يثار حول هذا الامر .. وما راي الاستاذ عثمان ميرغني في طاقم صحيفته وما رائه فيما خطه الاستاذ حسين خوجلي .. وهل اذا اتهم صحفي زملائه يستطيع ان يبرئ ذمته ؟؟ وكل سنة وانت بخير اخي علي ورمضان كريم ..
| |
|
|
|
|
|
|
Re: ادب الزبالة ما بين عثمان ميرغني وحسين خوجلي (Re: Hussein Mallasi)
|
Quote: الاخ العوض وضيوفه.. طاب نهاركم بعيدا عن صلات القرابة... اعتقد ان هذا البوست يستحق نقاش طويل وعميق ليس في شخوص عثمان ميرغني او حسين خوجلي لكن في حال الصحفي السوداني ذات نفسه وما يجي واحد يقول لي تجوع الحرة ولّا تشبع عموما لظرف طارئ ... اواصل غدا إنشاء الله لكم جميعا ودي |
أتراه يقصد ما كتبه عثمان؛ أم ما جاء بألوان؟!!
| |
|
|
|
|
|
|
Re: ادب الزبالة ما بين عثمان ميرغني وحسين خوجلي (Re: Hussein Mallasi)
|
Quote: أتراه يقصد ما كتبه عثمان؛ أم ما جاء بألوان؟!! |
ملاسي .. الموضوع ما موضوع عثمان ولا حسين الموضوع لماذا دائما يوصف الصحفي في بلادنا بأنه زبال وهي دلع لمرتشي ماكتبه عثمان سبقه اليه زهير السراج في صحيفة السوداني.. عندما كانت بالجد صحيفة الهوية الجامعة.. وانا لمن دخلت هذا البوست.. دخلت من منطلق ان الزبالة ليست المرض انما عرض لعدة امراض يعاني منها الصحفي نقول اولاً... الحكومة عايزة الصحفي يكون ضعيف ماديا حتى تسهل السيطرة عليه الناشرون (اصحاب الصحف) عايزين صحف تحقق اكبر عائد مادي... علشان كدا مرتبات الصحفيين اقل من البغسل العربات في شارع النيل (مع كل احترامي له) المسؤلون.. يهمهم تجميل صورتهم رغم قبحهها .. طبعاً ادوات التجميل هي الاعلام .. وتجميل القبيح يحتاج قطعاً لجراحة تجميل وتغييب ضمير وتغييب الضمير يحتاج لزول فاسد او ما فاسد لكن ظروفو يمكن تساعد في افسادو يبقى برضو الصحفي لازم يكون مرتبو ضعيف جدا ورغم اني دخلت مهنة الصحافة في العشرة سنوات الأخيرة .. لكني عرفت المآسي التي يعيشها الصحفيون ونواصل
| |
|
|
|
|
|
|
Re: ادب الزبالة ما بين عثمان ميرغني وحسين خوجلي (Re: على ميرغني)
|
Quote: ملاسي .. الموضوع ما موضوع عثمان ولا حسين الموضوع لماذا دائما يوصف الصحفي في بلادنا بأنه زبال وهي دلع لمرتشي ماكتبه عثمان سبقه اليه زهير السراج في صحيفة السوداني.. عندما كانت بالجد صحيفة الهوية الجامعة.. وانا لمن دخلت هذا البوست.. دخلت من منطلق ان الزبالة ليست المرض انما عرض لعدة امراض يعاني منها الصحفي نقول اولاً... الحكومة عايزة الصحفي يكون ضعيف ماديا حتى تسهل السيطرة عليه الناشرون (اصحاب الصحف) عايزين صحف تحقق اكبر عائد مادي... علشان كدا مرتبات الصحفيين اقل من البغسل العربات في شارع النيل (مع كل احترامي له) المسؤلون.. يهمهم تجميل صورتهم رغم قبحهها .. طبعاً ادوات التجميل هي الاعلام .. وتجميل القبيح يحتاج قطعاً لجراحة تجميل وتغييب ضمير وتغييب الضمير يحتاج لزول فاسد او ما فاسد لكن ظروفو يمكن تساعد في افسادو يبقى برضو الصحفي لازم يكون مرتبو ضعيف جدا ورغم اني دخلت مهنة الصحافة في العشرة سنوات الأخيرة .. لكني عرفت المآسي التي يعيشها الصحفيون ونواصل |
يا علي واصل براحتك فالموضوع يستحق هذا النقاش ,, ولكن قبل ذلك قل لنا لماذا يتهم الصحفيون زملائهم بصفات هي موجودة فيهم ؟؟ بدليل عدم انكار من قيلت في حقهم بتلميح هو اقرب للتصريح ؟؟ كدي اول خلينا نشوف رائك فيما قاله الاستاذ حسين في حق الاستاذ عثمان اولا ثم ننتقل لما بعدها ولا شنو؟؟
| |
|
|
|
|
|
|
Re: ادب الزبالة ما بين عثمان ميرغني وحسين خوجلي (Re: العوض المسلمي)
|
Quote: كنت أعلم أن حديثه سيقتصر على ما جاء بعمود عثمان. |
اقتصر حديثي ف ما جاء بحديث المدينة لانه تكلم صراحة وسمى الاشياء بمسمياتها اما ما كتب في الوان، وبالمناسبة أجزم ان حسين خوجلي لم يكتبه، اقول انه كلام عام بدون تحديد وشخصياً لا اعلم من هو الوزير المقصود بالحوار قطعاً شهادتي عن عثمان مجروحة لكن اقول ان العرب كانت تستدل على الريح بالعشرق الزجل وكمان ان المصطفي عليه الصلاة والسلام.. ورغم عدم انقطاع الوحي عنه حينها قال لعامله صاحب (هذا لكم وهذا اهدي لي) ما معناه اقعد في بيت ابوك بعدين نشوف البهدي ليك منو اقول خلونا نستدل بالقصة الاخيرة عن إمكانية ارتشاء عثمان الذي يملك حالياً صحيفة عمرها عامان ولا زالت احوالها المالية صفر كبير واعلم تمام العلم ان السيارة التي يقودها عليها اقساط شهرية كبيرة وأعلم ان منزله لا زال غير مكتمل وآخر ما بناه فيه تم بجزء من مستحقاته عن اسهمه في صحيفة السوداني وتقول السيرة الذاتية لعثمان ميرغني انه عمل بالسعودية لفترة تزيد عن العشرة سنوات في شركة ارامكو وما ادراك ما ارامكو ةتقول انه ايضا كان يملك شركة علوم الكمبيوتر عندما لم تظهر كمبيوتر مان نفسها في السودان وعثمان ميرغني خبير في البرمجة بصورة اكبر من خبرته في الصحافة وصراحة كدا لو كان عثمان ميرغني (زبال) كان على الاقل الموضوع دا ظهر في حال التيار واصبحت مثلها مثل اخريات قفزن بالزانة وفاتن الكبار والقدرن ـــــــــــــ مرة اخرى اقول لك ان شهادتي في عثمان مجروحة.. لكن هذا راي فيه ــــــــــــــ الاخ العوض
Quote: ولكن قبل ذلك قل لنا لماذا يتهم الصحفيون زملائهم بصفات هي موجودة فيهم ؟؟ بدليل عدم انكار من قيلت في حقهم بتلميح هو اقرب للتصريح ؟؟ |
اراك توصلت لنتيجة، لكن عدم الانكار ربما يكون لعدم الاطلاع على المكتوب اصلاً عثمان ميرغني قل ان يقراء بقية الصحف... وليس لديه سكرتير حتى يطلعه على ما يكتب في الصحف لكن اقترح عليكما انت وملاسي مراسلته في بريده الالكتروني لمعرفة ردو
| |
|
|
|
|
|
|
Re: ادب الزبالة ما بين عثمان ميرغني وحسين خوجلي (Re: على ميرغني)
|
Quote: اراك توصلت لنتيجة، لكن عدم الانكار ربما يكون لعدم الاطلاع على المكتوب اصلاً عثمان ميرغني قل ان يقراء بقية الصحف... وليس لديه سكرتير حتى يطلعه على ما يكتب في الصحف لكن اقترح عليكما انت وملاسي مراسلته في بريده الالكتروني لمعرفة ردو |
الاخ علي لم اتوصل لشئ بل باحث عن الحقيقة وسط ما يكتب .. وبقية الحديث صعب تصديقه لان المواطن العادي يتابع اكثر من صحيفة حسب مقدراته فكيف بريئس تحرير ؟؟ واذا كان ما ذكرت صحيحا فهذا معيب في حق الاستاذ عثمان ..
| |
|
|
|
|
|
|
Re: ادب الزبالة ما بين عثمان ميرغني وحسين خوجلي (Re: على ميرغني)
|
Quote: اهلا بالاستاذ علي ميرغني .. اتفق معاك ان هذا البوست يشمل اكثر من طرف منهم الصحفيين ونزاهتهم .. ويهم طرف مسئولية رئاسة التحرير ومسئوليتها عن طاقم صحيفته .. وما راي رؤساء التحرير حول مل يثار حول هذا الامر .. وما راي الاستاذ عثمان ميرغني في طاقم صحيفته وما رائه فيما خطه الاستاذ حسين خوجلي .. وهل اذا اتهم صحفي زملائه يستطيع ان يبرئ ذمته ؟؟ وكل سنة وانت بخير اخي علي ورمضان كريم |
أثني وبشدة
الموضوع مهم شكرأ كتير العوض المسلمي
| |
|
|
|
|
|
|
Re: ادب الزبالة ما بين عثمان ميرغني وحسين خوجلي (Re: haroon diyab)
|
Quote: وبالمناسبة أجزم ان حسين خوجلي لم يكتبه، |
تجدني اوافقك الي حد بعيد اخي علي ميرغني في هذه النفطة
فزاوية (اسرار الوان) التي يرد فيها مثل هذا الكلام
يشارك في تحريرها وتجميع معلوماتها الزملاء المحررون
كل حسب مصادره سواء كانت صادقة ام كاذبة
في الفترة ما بين 96ـ99 شاركت بكثافة في هذه الزاوية
وكانت مؤثرة جدا وقراؤها لن تحصهم عددا
وبها ضرب تحت الحزام وتصفية حسابات وغفر الله للجميع
واعتقد ان بين الاستاذين الجليلين عثمان وحسين صداقة ومحبة بل ان عمود حديث المدينة اول ماظهر في الصحافة
السودانية كان بأخيرة الوان وانا شاهد علي ذلك فقد كنت في السكرتارية والعزيز عثمان ميرغني يأتينا في الجريدة
عصر كل جمعة ليسلمني مقاله المقروء جدا ليعانق قراء الوان مع اشراقة شمس السبت من كل اسبوع.
عليه لا اظن ان الاستاذ حسين علي علم بما كتب في صحيفته وهذه طبعا من عيوبه الكبيرة رغم انه من رؤساء التحرير
القلائل الذين لايتخلون عن محرريهم امام جرجرة المحاكم ويتصدي بكل قوة ويتحمل كامل المسئولية عما ينشره الصحفيون
يعني رجل صنديد ولايتملص او يرمي بمحرريه في اركان الحراسات ومخافر الشرطة.
| |
|
|
|
|
|
|
Re: ادب الزبالة ما بين عثمان ميرغني وحسين خوجلي (Re: د.محمد حسن)
|
Quote: عضة حسين اكثر ايلاما من خربشة عثمان |
عرفنا انو ألوان عضت عثمان بالكلام النشرتو .. لكن عثمان خربش ألوان في شنو لو قلت يادكتور في حديث المدينة والكلام عن الزبالة ... تبقى إتهمت ألوان بالتزبل
Quote: عثمان الذي يعتبر بذرا بالنسبة لحسين |
أفرز يادكتور ... المقارنة في ياتو مجال
| |
|
|
|
|
|
|
Re: ادب الزبالة ما بين عثمان ميرغني وحسين خوجلي (Re: العوض المسلمي)
|
ملاسي وضيوفه
ما قالته صحيفة حسين خوجلي واضح أن المقصود به هو عثمان ميرغني.
لا أعرف العلاقة بين ما كتبه على ميرغنى عن عثمان ميرغني، وعن دفع التهمة عنه.
بالواضح كده، هل هناك ما يمنع مليونير من الإرتشاء، يعنى عادي ممكن يكون عندك قروش الدنيا كلها وبرضو تاخد رشوة في اطار (البحر ما بيابي الزيادة).
شرحو:
عثمان ميرغني شن هجوماً على صغار الزبالة فلم يستطيعوا أن يردوا عليه لأنهم (صغار الزبالة)
حسين خوجلي شن هجوماً على كبار الزبالة فلم يستطيعوا الرد عليه لأنهم (كبار الزبالة)
| |
|
|
|
|
|
|
Re: ادب الزبالة ما بين عثمان ميرغني وحسين خوجلي (Re: Hussein Mallasi)
|
Quote: الاستاذ خالد المنسي رمضان كريم وكل سنة وانت طيب .. اتمني ان اسمع راي الصحفيين في هذا الامر .. |
ورمضانك كريم يا مسلمي بين رائحة فرش السيارات الجديدة ( لنج ) لنج هذه لأننا من عهد ماقبل الثورات أقصد من الحارة السادسة وانت طالع... بس شنق بنطلونك ما يخمشك فرع يشرطو
متابع للبوست وليت المسار يكون في اتجاه تعم منه الفائدة والعظة
متابعين
رمضان كريم... أذكرونا كلما هطلت مطر تزيح الغبار عن الصحافة
تحياتي ومودتي
| |
|
|
|
|
|
|
Re: ادب الزبالة ما بين عثمان ميرغني وحسين خوجلي (Re: خالد علي محجوب المنسي)
|
Quote: عثمان ميرغني شن هجوماً على صغار الزبالة فلم يستطيعوا أن يردوا عليه لأنهم (صغار الزبالة)
حسين خوجلي شن هجوماً على كبار الزبالة فلم يستطيعوا الرد عليه لأنهم (كبار الزبالة) |
مدام هناك هجمات وهجمات مرتده او حتى هجمات ومجموعات تشاهد من المساطب الجانبية فهذا دليل عافيه او ان الصحافة في طريقها للتعافي
ــــــــــــــــــــــــــــــــــــــــــــــــ العوض تحيات طيبات
| |
|
|
|
|
|
|
Re: ادب الزبالة ما بين عثمان ميرغني وحسين خوجلي (Re: الصادق اسماعيل)
|
Quote: شرحو:
عثمان ميرغني شن هجوماً على صغار الزبالة فلم يستطيعوا أن يردوا عليه لأنهم (صغار الزبالة)
حسين خوجلي شن هجوماً على كبار الزبالة فلم يستطيعوا الرد عليه لأنهم (كبار الزبالة) |
معني هذا انك اخي الصادق تتهم الكل بالتزبل ؟! ورمضان كريم يا الصادق ود اسماعيل ..
| |
|
|
|
|
|
|
Re: ادب الزبالة ما بين عثمان ميرغني وحسين خوجلي (Re: الصادق اسماعيل)
|
Quote: لا أعرف العلاقة بين ما كتبه على ميرغنى عن عثمان ميرغني، وعن دفع التهمة عنه. |
يا هداك الله .. الزول لمن يرتشي بيرتشي علشان يصلح حالو طيب اها انا شرحت ليك حال عثمان ميرغني صحيفة لسع ماقامت من الوطا .. ماليا طبعاً ـــ وبيت ليهو اكثر من ثلاثة عقود او اربع ولسع ما تم وسيارة بالتقسيط في حين ان البعض الآخر جرايدهم ـــ الله يرحم جعفر بخيت ـ مات قبل ما يشوف القفز بالزانة الصحي صحي
QUOTE]وبرضو تاخد رشوة في اطار (البحر ما بيابي الزيادة).
| اصلا وينو البحر عشان نكوس الزيادة ارجو تكون فهمت قصدي شنو[
| |
|
|
|
|
|
|
Re: ادب الزبالة ما بين عثمان ميرغني وحسين خوجلي (Re: العوض المسلمي)
|
العوض المسلمي ...سلام
يظل الأستاذان عثمان وحسين من أروع وأنقى الأقلام الجريئة في بلادي ، وهما لعمري يمارسان مهنة الصحافة كما ينبغي وليت صغار الصحافيين (يرتقون) الى مصاف هاذان العملاقان ...ثقافة وجرأة وإقدامأً ...
أما حكاية الزبالة دي فلم نلحظ أن لانت لهما قناه في أداء رسالتهما القوية طوال عمرهما في هذا المجال
| |
|
|
|
|
|
|
Re: ادب الزبالة ما بين عثمان ميرغني وحسين خوجلي (Re: Hussein Mallasi)
|
ملاسي... مبروكات عليك العشرة التانية
Quote: من هم يا علي ميرغني الصحفيين المرتشين القافزين بالزانة الذين تقصد؟!! |
يا اخوي خج الانتخابات خليتو بقيتو على خج البوستات كمان يا أخي انا ماذكرت انو في صحفيين مرتشين ... دي كوتيشن من مداخلة الأخ الأنا رديت عليهو صحي الغرض مرض
| |
|
|
|
|
|
|
Re: ادب الزبالة ما بين عثمان ميرغني وحسين خوجلي (Re: على ميرغني)
|
العوض
Quote: اسي وضيوفه
ما قالته صحيفة حسين خوجلي واضح أن المقصود به هو عثمان ميرغني.
لا أعرف العلاقة بين ما كتبه على ميرغنى عن عثمان ميرغني، وعن دفع التهمة عنه.
بالواضح كده، هل هناك ما يمنع مليونير من الإرتشاء، يعنى عادي ممكن يكون عندك قروش الدنيا كلها وبرضو تاخد رشوة في اطار (البحر ما بيابي الزيادة).
|
اها دا الكوتيشن الاختو انا من الاخ صديق اسماعيل ونصيحة لوجه الله .. ناس ملاسي ديل خبراء في الخج واللت والعجن أعمل حسابك ما يودروك وانت ود شيوخ ورجال صوفية ـــــــــــــــ مبروكات عليك عشرة المغفرة وعقبال العتق من النار
| |
|
|
|
|
|
|
Re: ادب الزبالة ما بين عثمان ميرغني وحسين خوجلي (Re: welyab)
|
ليس من حق حسين خوجلي..أو اياً من كتب الرد, أن يغمز و يهمز في رده الواضح على مقال عثمان ميرغني... عثمان ميرغني حديثه كان عام و لم يسم شخصاً بعينه..بل أنتقد ممارسة ذميمة في مهنته و هذا من حقه بل و من واجبه. أما ان يرد عليه احدهم بهذا الاسلوب الرخيص المقصود منه الابتزاز و اسكات عثمان ميرغني..فهو شيء مؤسف و مقرف طيب الكتب الكلام دا ما كتبو عن عثمان ميرغني من زمان ليه؟؟ إذا افترضنا انه صحيح؟...كاتبه شيطان أخرص وللا حرقته دعوة عثمان ميرغني للأمانة في العمل الصحفي؟ ... قال صحافة قال
| |
|
|
|
|
|
|
Re: ادب الزبالة ما بين عثمان ميرغني وحسين خوجلي (Re: بدر الدين اسحاق احمد)
|
العوض
سلام ورمضان كريم
دي مداخلة لي في بوست علي ميرعني
ولأنك من أبتدر فتح الموضوع ..جبتها هنا ..
Quote: أستاذ علي
سلام ورمضان كريم
محاور البوست ما واضحة ..لكن ممكن الزول يتكلم عطفا على كلام م/عثمان مرغني الما قدرت اقتبس منو ..
لكن قبل كدة خلينا نتكلم عن "أدب الزبالة"..
على الفهم المجرد للزبالة هو "الرشوة"..
وخليني أقول ليك الفساد وارد في أي مكان ..تمام؟ لكن الصحفي السوداني هو الأقل إرتشاءا خاصة على مستوى صحافة التحقيقات الهم المفترض الأكثر عرضة للرشوة ..ليه ؟
لأنو الصحافة السودانية تنقصها جدا الصحافة الإستقصائية القائمة على البحث والتقصي والجري وراء الحقائق ..وفضح الفساد .. والعقل بيقول الأكثر عرضة ـ وبدون تأكيدـ هم كتاب الأعمدة أو الملاك أو رؤساء التحرير بإعتبارهم الاكثر تأثيرا في الصحيفة المعينة والبتقدم ليهم معلومات في الغالب من فلان من حزب من جهة ألخ ..وبالمقابل برضو فيهم الشرفاءالهمهم يمرقوا الزمة والبنحازوا فقط للمواطن ، والصحافة السودانية صحافة خبرية بتعمد على الخبر في البيع وعلى أعمدة الرأي..ومهملة جهة التحقيقات ..والخبر غالبا متاح للجميع ..(اقصد الصحفيين ) عدا الإجتهادات الفردية البتخدم الخبر وتقدمو بطريقة مختلفة..
دليل تاني حتلقى مظاهر الثراء المفاجئ وغير المفاجئ نادرة جدا بين الصحفيين السودانيين ..
نرجع لكلام م/عثمان ميرغني عن المسؤول الوراهو قائمة باسماء الصحفيين البياخدو الفتات والسخر منهم المسؤول ومن بعدو عثمان ميرغني على قلة ما يأخذون ..، والسكت عليهو الوقت ده كلو وما قالوا إلا عشان يبين بطولة صحيفتو ، ده كلام قمة في الإزدراء بالصحفي ..يعني برتشي ..وكمان مبلغ هايف! والموضوع شائع جدا! ..معقول يا استاذ ؟!! طيب الجهة دي مادام بترشي الصحفيين وبمبالغ تــــــافهة دايراهم يغضوا الطرف عن شنو ؟ أكيد موضوع هايف ..بالعقل كدة ! ..إذا الأولى الفساد الحقيقي البتندفع فيهو الملايين عشان التغطية التعمية أين كانت اسمها ..وصحفيين القائمة الما معروفة تحت ياتو بند دي هم أولى بالإشفاق ..فبالله ما تسيب الفيل وتطعن في ضله ، وما عشان تنتصر لصحفيين عملوا تحقيق جيد في جريدتك تمسح الآخرين بجرة قلم .. |
| |
|
|
|
|
|
|