نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
رواية أخرى لقصة تجنيد جاسوس سوداني لأمريكا
|
رواية أخرى لقصة تجنيد جاسوس سوداني لأمريكا ( 1 )
هاشم الإمام
كل الشخصيات والأحداث في هذه الأقصوصة منجورة نجر لاكن ممكن تلقاها في الواقع ، ما تعمل فيها حريف وتقول لي دي قاصد بيها فلان وللا عِلان فِهمتو يا متلقين الحجج .
..............................
عمك " ود رابح " راجلاً مربوع ونحيف ، عِلا قوي و إيديهو خشنات وكرعيهو مشققات من الحش ومسك الملود وجر الواسوق ، وشو مليح عِلا جايبلو سواد من الشقاوة والجري في الشمش ، فقران وحالتو تحنّن ، ساكن هو ومرتو ووليداتو في غرفة طين ضيقة فيها أربعة طاقات وقدامه راكوبة ، عندو غنمايتين وعنبلوك تحت البلوغ يلبلب اليوم كلو ، ودحشة خدرة لفّاخة مرّة مرّة بنقُل بيها التُّراب ، وكمان عندو تلاتة جدادات مظعمتات وديكاً ريشو منتوف ؛ لأنو عمك ود رابح ما عندو ميزانية ليهن و طالقن في الحلة ساكت مضايقات جداد الناس وعلوّل ِديَكْت الحلة ما تشوفن العوا تقوم . عمك ود رابح راجل بسيط و من الله ما خلقو ما طلع من الحلة ، مابيعرف كلام ناس البندر ولا بيفهمو ، مرّه واحد من الجنيات الساكنين في الخرتوم لقاهو مشنقل فوق عنقريبو قدام الراكوبة ، سلّم عليهو وقالو " صباح الخير " سكت وما ردّ عليهو السلام ، وكل مرّة يلاقيهو يقولو " صباح الخير " ما يرد عليهو السلام ، مرّه عمّك زهج من الولد دا خلاس وقالو : ها جنا ود رحمة الله إنت حاقر بي ولّ شنو ، علي الطلاق " صباح الخير " دا عبّاً لناس العُمدة ، شتم العمدة قام العمدة طردو من بيتو ، عاد مشى الخرتوم واشتغل مع خواجة ، وسمعنا قالو الخواجة ساقو معاهو اِمريكا ، علي الطلاق المنيكيد دا شِدّت الله ما ادّاهو اشتغل ظابط في الديش الأمريكي ذاتو .أها والله أسمعك تاني آلمطرطش تقول لي" صباح الخير " عِلا ألقطك بالعصا دي فوق راسك الغليد المشعِّف دا . عمك ودرابح فيهو خفة وما بِختا من رواشة شويّة مرّة جدي الفكي عندو عبور ( نعجة شابة ) أكلتلها قشة وقِبضت ، جدي قال لأحمد جنا ودرابح : أجِر نادي أبوك خلي يجي يحلل العبور دي ، عمك جا وضبح العبور جخ عِلا حرجمَ ، جا جدي وعاين للعبور وقال لود رابح : ضبحتها من حنكاته آلنجيض شيل الفطيسة أرميها برّة ، ودرابح خاف وقال للفكي :" والله آسيدنا الخويسة كتيلة والجنا زعبني " يعني السكين ما مطرّقة والولد لخمني ، فذهبت مثلاً لمن يُستعجل لعمل شيء فلا يحسنه . أها وكت الحكومة سوّت المدرسة في الحِلّة ناس اللجنة قالو لودرابح دخّل ولدك أحمد دا المدرسة إمكن ينجح ويتوظّف ينفعك وينفع أخوانو وأخواتو ديل ، وفعلاً دخل أحمد المدرسة وطلع نجيضاً ما بصاقع ، يجي أللوّل طوالي نامن دخل المدرسة المتوسطة ، ولامن دخل المدرسة المتوسطة بقى يساعد أبوه في الاجازات الكبيرة ، علوّت ما يبطِّل من المدرسة يشتري الليمون بالجملة من جنينة العمدة ويبيعو في سويق الديم ( ديم القراي ) يشتري هدوم المدرسة ويضمن مصاريفو . في آخر المتوسطة أحمد بدا يسمعلو طراطيش كلامن مو فارزو ولُو عارف شِن نفرو زي : ناس الهامش وناس المركز ، وثقافة الهامش وثقافة المركز والحداثة وما بعد الحداثة ، و جنس الشغاليت دي لامن دخل الثانوي في أتبرة .أها زي الكلام الكبار دا كتر في الثانوي وشعر إنو ناسو جايبِلهُن فلهمة علي الطلبة وعاملين فيها مثقفين والحكاية دي عجبتو بلحيل والجماعة ما قصرو ملولو راسو بجنس كلام : الطبقة العاملة والاشتراكية والبروليتاريا وهلم جرا وكمان ملولو قلبو حقد على المجتمع وعلى الأغنياء . باختصار كدا نامن الزول دا دخل الجامعة بقى من الرفاق وقبادي في الحركة الطلابيّة . وفي الجامعة اتسعت علاقاتو وبقى يمشي الرحلات مع أولاد الخرتوم وبنات الخرتوم الحناكيش وفترت علاقتو بالحلة وناس الحلة وخلّا كلام ناس الحلة وبقى يعوج خشمو و يقول لك : " لاكين ما بالغت يا جلال " ،و " أديو في حنانو " ومرّه مرّه يحشرلو كلمه كلمتين انقليزي ، وكمان بقى يجغّم البيرة الساقطة ويحضر حفلات العجكو .
اِبق معنا للقصة بقيّة
|
|
|
|
|
|
|
العنوان |
الكاتب |
Date |
رواية أخرى لقصة تجنيد جاسوس سوداني لأمريكا | Hashim Elemam | 08-10-11, 06:53 PM |
Re: رواية أخرى لقصة تجنيد جاسوس سوداني لأمريكا | BAKTASH | 08-10-11, 07:04 PM |
Re: رواية أخرى لقصة تجنيد جاسوس سوداني لأمريكا | Kostawi | 08-10-11, 07:11 PM |
Re: رواية أخرى لقصة تجنيد جاسوس سوداني لأمريكا | Hashim Elemam | 08-10-11, 07:23 PM |
Re: رواية أخرى لقصة تجنيد جاسوس سوداني لأمريكا | Elbagir Osman | 08-10-11, 08:47 PM |
Re: رواية أخرى لقصة تجنيد جاسوس سوداني لأمريكا | Kostawi | 08-10-11, 08:56 PM |
Re: رواية أخرى لقصة تجنيد جاسوس سوداني لأمريكا | Elbagir Osman | 08-10-11, 08:56 PM |
Re: رواية أخرى لقصة تجنيد جاسوس سوداني لأمريكا | Hashim Elemam | 08-10-11, 09:41 PM |
Re: رواية أخرى لقصة تجنيد جاسوس سوداني لأمريكا | HAIDER ALZAIN | 08-10-11, 10:34 PM |
Re: رواية أخرى لقصة تجنيد جاسوس سوداني لأمريكا | Kostawi | 08-10-11, 10:45 PM |
Re: رواية أخرى لقصة تجنيد جاسوس سوداني لأمريكا | HAIDER ALZAIN | 08-10-11, 11:07 PM |
Re: رواية أخرى لقصة تجنيد جاسوس سوداني لأمريكا | سيف النصر محي الدين | 08-11-11, 00:50 AM |
Re: رواية أخرى لقصة تجنيد جاسوس سوداني لأمريكا | Hashim Elemam | 08-11-11, 05:04 AM |
Re: رواية أخرى لقصة تجنيد جاسوس سوداني لأمريكا | Hashim Elemam | 08-11-11, 05:05 AM |
Re: رواية أخرى لقصة تجنيد جاسوس سوداني لأمريكا | Hashim Elemam | 08-11-11, 09:39 AM |
Re: رواية أخرى لقصة تجنيد جاسوس سوداني لأمريكا | النذير حجازي | 08-11-11, 12:00 PM |
Re: رواية أخرى لقصة تجنيد جاسوس سوداني لأمريكا | Hashim Elemam | 08-11-11, 12:09 PM |
Re: رواية أخرى لقصة تجنيد جاسوس سوداني لأمريكا | النذير حجازي | 08-11-11, 12:33 PM |
Re: رواية أخرى لقصة تجنيد جاسوس سوداني لأمريكا | عمار عبدالله عبدالرحمن | 08-11-11, 12:46 PM |
Re: رواية أخرى لقصة تجنيد جاسوس سوداني لأمريكا | النذير حجازي | 08-11-11, 01:33 PM |
Re: رواية أخرى لقصة تجنيد جاسوس سوداني لأمريكا | النذير حجازي | 08-11-11, 01:35 PM |
Re: رواية أخرى لقصة تجنيد جاسوس سوداني لأمريكا | Balla Musa | 08-11-11, 02:08 PM |
Re: رواية أخرى لقصة تجنيد جاسوس سوداني لأمريكا | HAIDER ALZAIN | 08-11-11, 02:17 PM |
Re: رواية أخرى لقصة تجنيد جاسوس سوداني لأمريكا | Kostawi | 08-11-11, 02:32 PM |
Re: رواية أخرى لقصة تجنيد جاسوس سوداني لأمريكا | Osama Mohammed | 08-11-11, 03:01 PM |
Re: رواية أخرى لقصة تجنيد جاسوس سوداني لأمريكا | Hashim Elemam | 08-11-11, 03:49 PM |
Re: رواية أخرى لقصة تجنيد جاسوس سوداني لأمريكا | Hashim Elemam | 08-11-11, 03:56 PM |
Re: رواية أخرى لقصة تجنيد جاسوس سوداني لأمريكا | Hashim Elemam | 08-11-11, 04:31 PM |
Re: رواية أخرى لقصة تجنيد جاسوس سوداني لأمريكا | النذير حجازي | 08-11-11, 06:03 PM |
Re: رواية أخرى لقصة تجنيد جاسوس سوداني لأمريكا | النذير حجازي | 08-11-11, 06:29 PM |
Re: رواية أخرى لقصة تجنيد جاسوس سوداني لأمريكا | عمار عبدالله عبدالرحمن | 08-11-11, 06:43 PM |
Re: رواية أخرى لقصة تجنيد جاسوس سوداني لأمريكا | Hashim Elemam | 08-11-11, 07:19 PM |
Re: رواية أخرى لقصة تجنيد جاسوس سوداني لأمريكا | Balla Musa | 08-11-11, 07:27 PM |
Re: رواية أخرى لقصة تجنيد جاسوس سوداني لأمريكا | Hashim Elemam | 08-11-11, 08:01 PM |
Re: رواية أخرى لقصة تجنيد جاسوس سوداني لأمريكا | Elbagir Osman | 08-11-11, 08:09 PM |
Re: رواية أخرى لقصة تجنيد جاسوس سوداني لأمريكا | النذير حجازي | 08-11-11, 07:37 PM |
Re: رواية أخرى لقصة تجنيد جاسوس سوداني لأمريكا | Hashim Elemam | 08-11-11, 08:26 PM |
Re: رواية أخرى لقصة تجنيد جاسوس سوداني لأمريكا | النذير حجازي | 08-11-11, 09:02 PM |
Re: رواية أخرى لقصة تجنيد جاسوس سوداني لأمريكا | Hashim Elemam | 08-11-11, 11:15 PM |
Re: رواية أخرى لقصة تجنيد جاسوس سوداني لأمريكا | Hashim Elemam | 08-12-11, 11:53 AM |
Re: رواية أخرى لقصة تجنيد جاسوس سوداني لأمريكا | HAIDER ALZAIN | 08-12-11, 02:34 PM |
Re: رواية أخرى لقصة تجنيد جاسوس سوداني لأمريكا | Osama Mohammed | 08-12-11, 04:34 PM |
|
|
|