|
Re: هل تكون الإشـــــــــتراكية هي الحل ؟؟؟؟ (Re: أحمد ابن عوف)
|
.
د. سيف النصر محي الدين
رمضان كريم وتصوم وتفطر على خير ,,,
Quote: لدولة في السودان تنتهج نهجا نيوليبراليا فيما يتعلق بمنح القطاع الخاص الريادة و السيادة الكاملة في رسم التوجه الاقتصادي للدولة و فيما يتعلق بتقليل الانفاق على الخدمات الاساسية و دعم الطبقات الأكثر فقرا و تهميشا، و في نفس الوقت تخالف هذا النهج فيما يتعلق برفع القيود على النشاط الاقتصادي و رفع يدها عنه و ترك أمر تنظيمه للمنافسة الحرة. في أعتى الدول الرأسمالية لا يترك الفقراء وحدهم نهبا لقوى السوق لتلتهمهم بل تقوم الدولة بدعم تعليمهم-الأساسي على الأقل- و علاجهم و غذاء اطفالهم. فلماذا يؤمن الكيزان ببعض كتاب الرأسمالية و يكفرون ببعضه؟ |
في السودان الحكومة شريك ظاهر أو خفي في كل أنشطة الناس الاقتصادية أحدهم بالغ في الونسة وقال حتى ستات الشاى بشيلوا منهم قروش _ إذا مستوي التحصيل تحت كل المسميات نشط جدا _ طيب شنو الخدمة البلاقاها المجتمع من القروش البدفعة دي , وفي نفس الوقت الدعم مرفوع عن التعليم والصحة وكل الخدمات الاساسية المفروض تتقدم للمواطن , فبتبقي المسألة كأنو المواطن ده بدفع جزية لقعادوا مع الناس ديل , بلاحظ في كتير من الكتابات أو البرامج الحوارية إنو أثر السياسات الاقتصادية دي الناس ما بتتكلم عنو بتفصيل , في كلام عائم دائما عن الذكاة و صناديق الدعم والمجتمع ووو ... لما نشوف النتيجة الوصلنا ليها والفرق بين ناس بتكلموا انو السودان ده جنة الله في الارض و تشوف تقرير زي الاتعرض في الجزيرة يأخي كانو القصة في بلدين ما لي أى وأحد منهم علاقة بالتاني , وبالتالى الدولة البتتهرب من دورة والمجتمع البفشل يحقق الحد الادني من التوازن بخلى الواحد يفكر أنو الناس ديل بدل ما ينتظروا ذكاة ودعم وصناديق ووو _ كلام الناس الايده في الموية _ مفروض حقوقهم دي تكون قانونية تلتزم بيها الدولة نفسها تحت أى مسمي إشتراكية أو غيره المهم تكون (((حق ))) وليس منّة .
------------------------------------- ولك أطيب تحية ,,,
|
|
|
|
|
|