|
Re: هذا اللاعب سيكون له شان كبير في الهلال السوداني (Re: Mutwali Malik)
|
سلامات يا متوكل .. اي نعم توريه خفيف ورشيق جدا وحركتو كويسة .. لكن على ما اعتقد انو كان غرض التسجيل علشان يتلحق للبطولة .. متابعتي لي توريه خلال الفترة الفاتت وبالرغم من حركتو المزعجة .. لكن لحدت الآن بحس انو في عدم تجانس بينو وبين وسط الهلال والشق الهجومي .. في كل مباراة اشاهده بقعد احسب لي توريه عدد التمريرات الخاطئة .. بالذات البتنقطع وتسبب ازعاج في الهجمة المرتدة .. في مباراة الأمس اتحرك بشكل مقلوب باللعب بالناحية اليمين . ويقوم بالتحضير للناحية الشمال .. ودي ما عارف فلسفته شنو لحدت الآن عند ميشو .. هل علشان يكون قريب لي بكري المدينة واللا الفهم شنو؟ الزول دا رجلو شمال في هدف طلعو مدافع الاتحاد من الشبكة .. لانو الكورة كانت في قدم ابراهيما اليمين وحلك لما يستعدل .. لاحظ حتى الهدف الجميل جدا البتحكي عنو .. كان نتاج دوران كامل من الناحية اليمين .. وتحضير .. ولا وصل في اللحظة المفروض يهدف فيها .. كان جسمو كلو فقد التوازن لكن فكرتو غلبت على كل شي وكان الهدف الجميل .. فلاحظ لو كان الزول دا استلم الكورة من الناحية الشمال ممكن كان يعمل شنو ؟؟ امكانية التهديف عندو عالية جدا .. بس للاسف من غير تركيز .. يعني زي ما تقول واحدة تصيب لكن تقع في يد الحارس او تضرب في واحد من المدافعين .. وواحده تخيب .. تمشي كان بعيد جدا من المرمى .. الولد دا نجيض .. لكن يجب وبسرعة جا معالجة التوالف بينو وبين خط الوسط خاصة هيثم مصطفى .. والحذر من الباصات العرضية .. الدور الممتاز ما مشكلة ولا فيهو حد ممكن يستثمر الباصات العرضية الخاطئة دي .. لكن في الدوري الافريقي باص واحد بس ممكن يكلفنا الكتير .. في ملاحظة تانية .. إنو بحتفظ بالكورة كتير .. وين المحترف التاني أوتوبونج .. ا شايف ليهو اي خبر ..
|
|
|
|
|
|
|
العنوان |
الكاتب |
Date |
هذا اللاعب سيكون له شان كبير في الهلال السوداني | Mutwali Malik | 08-06-11, 12:16 PM |
Re: هذا اللاعب سيكون له شان كبير في الهلال السوداني | tmbis | 08-06-11, 01:44 PM |
Re: هذا اللاعب سيكون له شان كبير في الهلال السوداني | Mutwali Malik | 08-06-11, 02:08 PM |
Re: هذا اللاعب سيكون له شان كبير في الهلال السوداني | Mutwali Malik | 08-06-11, 02:21 PM |
Re: هذا اللاعب سيكون له شان كبير في الهلال السوداني | Mutwali Malik | 08-07-11, 10:17 PM |
Re: هذا اللاعب سيكون له شان كبير في الهلال السوداني | mutwakil toum | 08-07-11, 10:29 PM |
Re: هذا اللاعب سيكون له شان كبير في الهلال السوداني | Ahmed Alrayah | 08-08-11, 06:46 AM |
Re: هذا اللاعب سيكون له شان كبير في الهلال السوداني | Ahmed Alrayah | 08-08-11, 06:52 AM |
Re: هذا اللاعب سيكون له شان كبير في الهلال السوداني | mutwakil toum | 08-08-11, 09:01 AM |
Re: هذا اللاعب سيكون له شان كبير في الهلال السوداني | عبدالله السفاح | 08-08-11, 09:22 AM |
Re: هذا اللاعب سيكون له شان كبير في الهلال السوداني | Mutwali Malik | 08-08-11, 12:50 PM |
|
|
|