|
|
|
 Re: أيها الناااااااااس ... السلطانة نانسي عجاج الآن على قناة النيل الأ (Re: singawi)
|
عبد الرحمن
كل ثانية وانت وأحبابك طيبين
سلطانة على المسلطننها على مزاجهم وسمعهم
والريد قسم يا عينيا
والسلطنة خشم بيوت .. في سلطان الكيف ( ود عماري وكدا ) ودا ما عندنا معاهو قضية
وفي سلطان عمان حفظه الله ونفع به العباد والبلاد .
وفي سلطانة الطرب مدار حديثنا . ودي عشان أوصل ليك سلطنتها خليني أستعين بصديق
في واحدة من القرى الطرفية زماااان وكت كتابي الأول الأستاذ قال للأولاد قولو وراي .. عاااا عنب
الفصل كله ردد عااااا عنب ... طالب شليق سأل الأستاذ : يا أستاذ العنب دا هو شنو
الأستاذ ذاتو ما شاف العنب اتحرفن وقال .. العنب دا يا ولد .. مليض .. وما مليض .. نبق.. وما نبق
لكنو حلللللوووووو .. أها يا صاحبي .. السلطنة دي .. مليض .. وما مليض .. نبق .. وما نبق
لكنها حللللللوووووة .
تحياتي
| |
 
|
|
|
|
|
|
|
|
Re: أيها الناااااااااس ... السلطانة نانسي عجاج الآن على قناة النيل الأ (Re: singawi)
|
الاخوة الكرام سلام
شخصياً من المعجبين بنانسي عجاج وصوتها وطريقتها في الأداء ، لكن ما شايفين انو سلطانة دي كتيرة عليها شديد ... او ممكن نقول دا لقب ممكن تناله بعد 10 سنين كه لو اجتهدت.
نانسي سادتي ما زالت في محطة التقليد لم تخرج منها حتى الآن ، وعندما قرأت اسم السهرة "مع نانسي" جلست لأستمع اليها في اغنياتها ، ولكن للأسف ما زالت تردد في اغنيات الغير ، وقد كانت السهرة تستحق ان يطلق عليها اي شئ غير مع نانسي ، ويمكن حتى أن يطلق عليها .. أغاني الآخرين بصوت نانسي
| |
|
|
|
|
|
|
|
|
|
Re: أيها الناااااااااس ... السلطانة نانسي عجاج الآن على قناة النيل الأ (Re: معتصم عيدروس)
|
| Quote: وعندما قرأت اسم السهرة "مع نانسي" جلست لأستمع اليها في اغنياتها ، ولكن للأسف ما زالت تردد في اغنيات الغير ، وقد كانت السهرة تستحق ان يطلق عليها اي شئ غير مع نانسي ، ويمكن حتى أن يطلق عليها .. أغاني الآخرين بصوت نانسي |
شكراً معتصم
وهذه هي كل الأغنيات التي غنتها في الحفل
وبذات ترتيب الغناء في الحفل :-
رفقة - ملك لنانسي
مرحبتين بلدنا- غير ملك لنانسي
فلق الصباح - غير ملك لنانسي
يهديك يرضيك - غير ملك لنانسي
اندريا- ترات سوداني عالجته نانسي
بلداً هيلى أنا- ملك لنانسي
داري عينيك عينيك داريها- غير ملك لنانسي
البهجة فى عينيك - غير ملك لنانسي
اهلا بيك مرحب بيك - ملك لنانسي
شقى ومجنون - غير ملك لنانسي
و يا سنجاوي
و يا شباب كلكم كل عام و انتم بخير
| |
|
|
|
|
|
|
|
 Re: أيها الناااااااااس ... السلطانة نانسي عجاج الآن على قناة النيل الأ (Re: سفيان بشير نابرى)
|
Quote[red| Quote: ]: وعندما قرأت اسم السهرة "مع نانسي" جلست لأستمع اليها في اغنياتها ، ولكن للأسف ما زالت تردد في اغنيات الغير ، وقد كانت السهرة تستحق ان يطلق عليها اي شئ غير مع نانسي ، ويمكن حتى أن يطلق عليها .. أغاني الآخرين بصوت نانسي |
شكراً معتصم
Quote: وهذه هي كل الأغنيات التي غنتها في الحفل
وبذات ترتيب الغناء في الحفل :-
رفقة - ملك لنانسي
مرحبتين بلدنا- غير ملك لنانسي
فلق الصباح - غير ملك لنانسي
يهديك يرضيك - غير ملك لنانسي
اندريا- ترات سوداني عالجته نانسي
بلداً هيلى أنا- ملك لنانسي
داري عينيك عينيك داريها- غير ملك لنانسي
البهجة فى عينيك - غير ملك لنانسي
اهلا بيك مرحب بيك - ملك لنانسي
شقى ومجنون - غير ملك لنانسي |
الاخ سنجاوى وناس البوست
عيد سعيد وكل عام وانتم بخير
انا اعتقد نعطى الفنانة الراقية نانسى بعض الوقت حتى تصل لما تصبوا اليه. اكيد بطاقمها الفنى خبراء ومستشارين لتوجيه المسار خصوصا وان الوضع الفنى فى السودان تغير كثيرا والفنانين الشباب على راسهم محمود عبدالعزيز وفرفور تغنوا بالمسموع ثم تدريجيا حبة حبة دخلوا غناهم. فقد يكون الوضع الحالى يجبرك شوية للاسف تبدا من وراء القوون.
انا لاحظت تطور فى الفرقة الموسيقية وحضور مسرحى مبالغة وفنون شعبية بصراحة حاجة جميلة
مزيد من التوفيق
طبعا الحب لمن يخش القلب بعد ده الحيران بخشو دوامة السلطان ههه
| |
|
|
|
|
|
|
|
|
|
Re: أيها الناااااااااس ... السلطانة نانسي عجاج الآن على قناة النيل الأ (Re: mekki)
|
الأحباب / معتصم عيدروس
سفيان نابري
إبراهيم عبد الحليم
مكي
كل ثانية وأنتم وأحبابكم بخير وعافية
كلامكم على العين والرأس .. ودا المطلوب من كل مبدع
لازم يضع بصمته الخاصة ، ويحفر اسمه بأظافره
متفقين ولكن .. يا عذولي هاك عيوني .. ويا عيوني إنتو أفتو
كدي ركزوا معاي في الصورة دي
السمحة نوارة فريقنا جات الحفلة لابسة بلوزة سوسن ، وإسكيرت أماني ، وجزمة منال . وخاتم حنان
منو البقدر يقول للقمرة تلت التلاتة كم ... وبعدين القمرة ست الإسم ذاتها ما قاشرة بي ضوء الشمس السألها منو بس بقت على السلطانة .. يا أحباب السلطانة دي سلطانة في عضمها والباقي كلو تفاصيل .
| |
|
|
|
|
|
|
| |
7abib_alkul
Sidgi mattar
باسط المكي
معتصم عيدروس
سفيان بشير نابرى
إبراهيم عبد الحليم
mekki
فيس بوك
تويتر
انستقرام
يوتيوب
بنتيريست