|
جاوب بصراحة ......
|
في الدوري المحلي (الممتاز) .....
وفي مباريات الهلال والمريخ ضد الفرق الاخري ....
وأنت مريخابي هل تفرح اكثر لفوز يحققه المريخ
ام هزيمة أو تعادل للهلال ؟؟؟
والعكس أنت هلالابي هل تفرح لفوز يحققه الهلال
ام هزيمة او تعادل للمريخ ؟؟؟
|
|
|
|
|
|
|
|
Re: جاوب بصراحة ...... (Re: omer osman)
|
سلام عمر
أنا مريخابي
بفرح بي فوز المريخ أكثر
مباريات الهلال المحلية لو الهلال لاعب كويس بشجعوا كمان
الهلال لو لاعب دولياً ما بتقدر تفرزني مريخابي و لا هلالابي
تحياتي و إحترامي
| |
|
|
|
|
|
|
Re: جاوب بصراحة ...... (Re: ABUHUSSEIN)
|
بي صراحة شديدة جدا جدا...
انا هلالابي...
المريخ لو لاعب محليا ضد فريق الكمبو ...بشجع الكمبو وبفرح لي فوز الكمبو او تعادلو كفرحتي بفوز الهلال.. يعني فريق الكمبو محليا عندي يساوي الهلال...
خارجيا اشجع الهلال والمريخ والمنتخب الوطني بدرجات متفاوتة ولا ارضي لاي منهم الهزيمة... وترتيب حرارة التشجيع كالآتي:
الهلال اولا المنتخب الوطني ثانيا المريخ ثالثا
| |
|
|
|
|
|
|
Re: جاوب بصراحة ...... (Re: محمد عبد الماجد الصايم)
|
بصراحة كده انا بحب اسمع هزيمة الهلال او تعادله اكتر من مما افرح للمريخ باى انتصار ..
من الاخر كده مابحب اى خير* للهلال ..وبتمنى اقوم من نومي القى مافي حاجة اسمها هلال في السودان ..
ــــــــــــــــ *كاسات، انجازات ، تقدم في الكورة ..
| |
|
|
|
|
|
|
Re: جاوب بصراحة ...... (Re: عمر محمد ابراهيم)
|
بصراح
افرح لهزيمة او تعادل الهلال اكثر
لسبب بسيط فوز المريخ في الدوري الممتاز شي طبيعي لا يتوجب فرحة الا ان كانت المباراة ضد الهلال
وتعادل او هزيمة الهلال من اي فريق غير المريخ في الدوري الممتاز حاجة ما طبيعة
لانه الطبيعي انو الهلال والمريخ ينتصروا على كل فرق الممتاز والتعادل معها او الهزيمة منها هو الاستثناء الذي يستوجب الفرح ان حدث مع الهلال والحزن ان حدث مع المريخ
| |
|
|
|
|
|
|
Re: جاوب بصراحة ...... (Re: وليد محمد المبارك)
|
المريخ دا ضوقنا طعم الفرح بالانجازات الاقليمية و الدولية كاسات شفناها بي عيوننا ديل ما خبر !!
و الحكاية دي مأزمه اخوانا في الكرة الهلالاب و عشان كدا بشوفوا في كل نصر علي المريخ ، درع لخيبتهم.
الكبير .. كبير و الانجاز انجاز و ما اي كديس بنادوهو بي (مشمش) .. مثل مصري مترجم
المباريات المحلية دي بطلت اتفرج عليها بأمر من الطبيب و نصحني ب (توم اند جيري) بديلا.
| |
|
|
|
|
|
|
Re: جاوب بصراحة ...... (Re: ناصر احمد الامين)
|
قريبي عمر مسكاقمي
Quote: وأنت مريخابي هل تفرح اكثر لفوز يحققه المريخ |
فوز المريخ هي قمة السعادة ويجعلني اعيش في فرح دائم
Quote: ام هزيمة أو تعادل للهلال ؟؟؟ |
اما هذا فهو ما يسليني ويطربني ويجعلني اقهقهو بملأ فيا
| |
|
|
|
|
|
|
Re: جاوب بصراحة ...... (Re: وليد محمد المبارك)
|
Quote: بصراح
افرح لهزيمة او تعادل الهلال اكثر
لسبب بسيط فوز المريخ في الدوري الممتاز شي طبيعي لا يتوجب فرحة الا ان كانت المباراة ضد الهلال
وتعادل او هزيمة الهلال من اي فريق غير المريخ في الدوري الممتاز حاجة ما طبيعة
لانه الطبيعي انو الهلال والمريخ ينتصروا على كل فرق الممتاز والتعادل معها او الهزيمة منها هو الاستثناء الذي يستوجب الفرح ان حدث مع الهلال والحزن ان حدث مع المريخ |
وليد الشفت عبرت عني تماماً .....
| |
|
|
|
|
|
|
Re: جاوب بصراحة ...... (Re: omer osman)
|
يا جنابو زي ما قال زولكم فوق
انا بتمني الكوكب المريخ يتمحي خلي النادي
اي هزيمه للمريخ بتكون يوم الفرح عني
واتمني ليه الهزيمه في اي مباراه
والدمار الشامل وصاروخ يمحيه محي
| |
|
|
|
|
|
|
|