.. . (1) اعلن بيس تيانج وهو لاجئ من دولة جنوب السودان فى اسرائيل عن تعيينه رسميا قنصلاً عاما لجنوب السودان فى تل ابيب موضحا : انه تحدث مع عدد من كبار المسؤولين فى جوبا الذين وافقوا على ترشيحه للمنصب وقال تيانج : فى حديث له مع صحيفة هاارتس : انه كان يعيش فى اسرائيل كلاجئ منذ 6 سنوات تنقل بين ايلات وعدد من المستوطنات القريبة منها الامر الذى اهله للارتباط بعلاقات قوية ومتميزة مع اكثر من مسؤول اسرائيلى وهو مااسهم فى مصادقة جوبا وتعينه واقام تيانج بالفعل مكتبا قنصليا لرعاية شؤون دولة جنوب السودان الجديدة صبيحة الاعلان..
-------
غايتو لو بتم التعيين بالطريقة دى اخير تعينات ناس المؤتمر الوطنى ..!! ويبدو ان معظم ممن اعرفهم من ابناء الجنوب سيصبحون سفراء _كحد ادنى _ عما قريب :)
07-11-2011, 12:12 PM
Tabaldina
Tabaldina
تاريخ التسجيل: 02-12-2002
مجموع المشاركات: 11844
.. . (2) أعلنت جمهورية جنوب السودان رسمياً التشكيل الحكومي الجديد بقيادة سلفا كير رئيساً ومشار نائباً له وباقان وزيراً للسلام ودينق ألور للخارجية ونيال دينق للدفاع مع بقاء غالبية الوزراء في مناصبهم مع إجراء تعديلات طفيفة ببعض الوزارات.
----------
باقان وزير السلام ..!! غير يصلح وزير للطرق والكبارى والشربكة ما بنفع وشربكة لشربكة كان ياخد وزارة الرى ومياه النيل عشان يلخبطها مع زولنا الهرمنا فى وزارته دى ويجوطوا مع عيال بمبه ..
07-11-2011, 12:29 PM
دينا خالد
دينا خالد
تاريخ التسجيل: 06-26-2006
مجموع المشاركات: 8736
تبلـ دينا ... سلامات ومشتاقين ! والله كان ما ساى خجلانه كل يوم اقول افتح بوست اسال منك .. دا وقت تختفى فيه .. والبورد محتاج لمعلومات من كرفان من خشم اسيادها ؟؟ تبالغ !!
فى موضوعك طبعا بى جاى فى انفصال وبى هناك اسمها الدوله الجديدة هسه انا قايلاك داير تحكى طرايف بى جاى .. طرائف بى هناك اسمها طرائف الدولة الجديدة ..
ـــــــــــــــــ يعنى لو ما غيبتك وهجرتك للخرتوم دى عادى كان ممكن نلقاك وزير لكرفان فى دولة الجنوب .. عشان تزيد فلهمة زياده !
07-11-2011, 12:45 PM
Tabaldina
Tabaldina
تاريخ التسجيل: 02-12-2002
مجموع المشاركات: 11844
Quote: على زين العابدين .. انت رجل كاذب وتتحرى الكذب .. انا اكتب هذه السطور من الابيض وبعد ان استقبلت ضيوف قادمين من كادوقلى لحضور مناسبة هنا وانت لا تعلم تفاصيل ما يحصل ..
وتكتب اليوم :
Quote: تصدقى يوم ( انقلاب الحلو على هرون ) انا كنت فى قلب المدينة .. غايتو مرقنى قوة الاندكروزر :)
07-11-2011, 01:02 PM
على زين العابدين
على زين العابدين
تاريخ التسجيل: 06-04-2011
مجموع المشاركات: 1635
وكان الاخ / جعفر على قد رد عليك بالاتى فى ذات التاريخ :
Quote: تبلدينا دا اما كان نايم لمدة يومين اما كان في مأمورية او شغال ورديتين ورا بعض قام من نومو طوالي كابس النت. يكذب خبر إخلاء كادقلي من سكانها والتلفونات شغالة ياخ ما تكلف نفسك واتصل باي زول من كادقلي اذا كان فيها زول فضل اليوم. ما عندك تاجر قريبك هناك؟ بأخي احياء الرديف وحي الموظفين والملكية والبانجديد وحجر النار وتافري وزندية كلها فضت عن بكرة أبيها واهلنا نايمين في الخلا في الشعير والكويك والبرداب وفي الشارع علي الطريق الي كيكا مليان فارين من البلد الناس والدبابات والمدفعية الثقيلة تلعلع داخل الاحياء دا كلو يحصل وانت يا تبلدينا تقول لي ام دورين يا اخي ام دورين الآن تنعم بهدو تام في يد الحركة كما كانت قبل الاتفاقيتين في 2003 و2005 المشكلة في كادقلي العاصمة ذاتها يا اخي اصحي وتكون شجاع واحمد لك لو اعتذرت خاصة لينا نحن الاهلنا مشردين الان بعد اخفاق الحكومة التي ائتمونوها علي أرواحهم في توفير ادني الحماية لهم. ولم توفر لهم حتي اللواري رغم وقوعهم تحت نيران المدفعية التي وجهوها الي الجبال فوق رؤسهم. اعتذر ياخي واقرأ البوستات قبل المداخلة.
.. . يا عزيزنا زين العابدين اول مرة اقراء مداخلة الاخ جعفر على وان كان بقصد اننى نكرت اخلاء المدينة او ضربها فلابد اننى اخطأت فى الفهم او تحديد اليوم الذى اجتاحت فيه القوات المسلحة المدينة -------
بالمناسبة انا تاشيرة هجانه وهرون الاتنين ما مقنعات بالنسبة لى :)
07-11-2011, 06:16 PM
أبو ساندرا
أبو ساندرا
تاريخ التسجيل: 02-26-2003
مجموع المشاركات: 15493
تبلدينا سلام وده من طرائف الخرطوم فى جلسة ونسة جات سيرة شهر رمضان المعظم واحد من القاعدين على طول قال لو اصلو رمضان بجى فى سخانة ذى ده احسن من حسه الواحد يحصل جنسية السودان الجنوبى تحياتى
07-11-2011, 06:59 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20359
تبلدينا..حبابك يا ول ابا رمضام كريم.. حمد لله بسلامة الأهل ربطة..
من الطرائف بعد الإستقلال بتاع الجنوب انو البلد شعارها صقر الجديان..و صقر الجديان يتواجد في جنوب كردفان بكثرة.. لكن اليوم..و عمليا.. صقر الجديان اختفى..و اصبح الإنتوف و الطيارة الصينينة.. بتطير بدلا عنو في سمائنا..!
ما عارف شعارنا ح يكون شنو بالضبط..صقر الجديان ولا الإنتوف؟..
كبر
07-11-2011, 08:59 PM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة