|
كرسي كرسي زنقة زنقة اجدع اجدع.....!!!
|
اخبار لندن افادات بان عراب بيوت الاشباح والجزار الشهير نافع علي نافع قد تلقي جدعة كرسي علي الطائر من احد المواطنين السودانين في منافي الجن وشواطي الغربة البعيدة بعدما قفلت البلد وتربسها بني كوز بالقمع والظلم والتشريد والاغتصاب والتجويع والابادة.....!!! دقة وضرب ركب انقاذية جديرة ان نتروكب في حضرتها ونشوف عنف نافع علي نافع الذي التقطنا خبرياته منذ ان كان دكتورا في كلية الزراعة فقد كان احد الايادي التي تساعد عتاولة الاتجاه الاسلامي في كركبتهم وضربهم لبقية الطلاب...
|
|
|
|
|
|
|
|
Re: كرسي كرسي زنقة زنقة اجدع اجدع.....!!! (Re: عبدالكريم الامين احمد)
|
ولما كان الانقاذ هي العنف الذي يمشي علي قدمين ومنذ حضورها الاول الي الارض السودانية... عنف في كل اركان السودان شمالا وجنوبا وشرقا وغربا وبيوت اشباحا وجامعات ومعاهد عليا وكان السيخ هو السلاح الاعلي صيتا في كركبات الاتجاه الاسلامي والملتوف والهجوم الليلي علي غرف واوض الطلاب من كل الاتجاهات السياسية وحتي العزل منهم..... فهذه الجزئية توضح بان نافع سليل فكرة بنت سطوتها علي العنف والضرب الذي صار في ابشع صوره عندما انزوت الانقاذ عبر اياديها المرتجفة بالشرفاءفي غرف بيوتات التعذيب المظلمة التي كان نافع علي نافع عراب حقيقي ومنظر ومدبر ومنفذ..
| |
|
|
|
|
|
|
Re: كرسي كرسي زنقة زنقة اجدع اجدع.....!!! (Re: عبدالكريم الامين احمد)
|
نافع انسان مستفز في حديثه الموجه للاخر وظل طيلة فترة وجوده الكوني في باحة الانقاذ صوتا للغطرسة والاستفزاز وتحقير الاخرين والحط من قدرهم وكانه امتلك ذلك المليون ميل مربع الذي تقزم بفعل سياسات حزب نافع وصار كيلومترات منقوصه الروح والرياحان... والاستفزاز الشديد المفاجي والممصحوب بتخزين سيرة نافعلا الدموية (علي فضل وااااه يا علي فضل) واصحابه تجعل من مد اليد صوب اقرب الة حادة امرا ممكنا عندما يفور الانسان وهو في حضرة الغضب والاستفزاز والقهر والظلم.....
| |
|
|
|
|
|
|
Re: كرسي كرسي زنقة زنقة اجدع اجدع.....!!! (Re: عبدالكريم الامين احمد)
|
Quote: عايزين نشوف لينا واحد كرسي وصلحه
للحمار العندكم الاسمه امين حسن عمر ده!
ثاني بس كراسي طايره لمان يبطلوا سفر !! |
سلام يا تراجي ولو طرف وقعد يمارس الاستفزاز وتحقير ابناء هذا الوطن فحتما سياتيه الكرسي الطائر الذي يبدو جليا بانه الان صار واحد من اسلحة هذا الشعب الفضل امام غطرسة بني كوز فالمنافي والشواطي بما فيها الدوحة ملانة ياتراجي بالغاضبين والحانقين والقاعدين علي الهبشة...وغير مستعدين لسماع فارغ الكلام من بني كوز الذين تورمت ذواتهم بالغطرسة...
| |
|
|
|
|
|
|
Re: كرسي كرسي زنقة زنقة اجدع اجدع.....!!! (Re: عبدالكريم الامين احمد)
|
قيل في الاخراج الانقاذي بان الفتي النحرير الذي فلع بالكرسي ...والشكل عبر الكراسي هو نوع من الدشمان كثير التواجد في الحارة السودانية في الحفلات الي تاتي الي مرحلة لابد من الكاسوري عبر الكراسي وهو بمناسبة اخطر انواع الدشمانات كونك لاتستطيع تحديد من اين ياتيك الكرسي... قيل في اسرع (كحول تست) يخرجه الاعلام الانقاذي بان هذا الشاب سكران وشارب ويسكي من النوع الابو كرسي طائر... وهي لعمري اخراجات صارت ماركة مسجلة للانظمة الدكتاتورية القذافي وسيرة حبوب الهلوسة ضد ثوار ليبيا بو عزيزي السوداني الذي احرق نفسه في الماضي قيل بان ضارب عرق الجن... فهاهي مختبرات الانظمة الدكتاتورية الكحولية تضرب نواحي لندن وكان هذا الشاب عندما جدع الكرسي قال افففففففففففففف وفاح من تلك الافففففففففف رائحة الويسكي المعتق منذ قرون... قمة التغبيش والاحتيال والمسير في تحقير الاخر وكان الانسان عندما يغضب لظلمه ويعبر عن ذلك فهذا يعني بانه سكران
| |
|
|
|
|
|
|
Re: كرسي كرسي زنقة زنقة اجدع اجدع.....!!! (Re: عبدالكريم الامين احمد)
|
هاهي الانقاذ وقياداتها يدفعون اثمان ادارتهم الفاشلة لذلك البلد الحدادي الذي كان اسمه السودان..... تمرد وغضب وكراسي طائرة في نواحي لندن واصوات الكلاشنكوف تلعلع في دارفور وكردفان.... ومواطن سوداني منزوع الحقوق والامن والسلامة في كل ارجاء هذا الوطن لاينام الا في حضرة تطمينات من قيادة الشرطة عبر تلفاز التطبيل الذي يرسم لوحة جميلة لواقع قبببببببببيح
| |
|
|
|
|
|
|
Re: كرسي كرسي زنقة زنقة اجدع اجدع.....!!! (Re: Nader Abu Kadouk)
|
Quote: دوقوهو دقاهو البلا كمل......او كما قال......
ده نتاج طبيعي لعنف بني كوز......
الله يطلع ...........زي ماطلعو .... |
هلا يا كدوك الاخبار نقلت بان االراجل دقو دق العيشششششششش والتسوي كريت في بيوت الاشباح تلقاهو في كراكير لندن في شكل كرسي طائر....!!
وفعلنا كمل سكرنا وكمل اروع الرجال وعذب وقتل بكل دم بارد الشرفاء .... وزي ما قال صاحبنا الجنوبي حياهو الغمام خلي يطلع عينو انا مالك ومالو
| |
|
|
|
|
|
|
Re: كرسي كرسي زنقة زنقة اجدع اجدع.....!!! (Re: عبدالكريم الامين احمد)
|
Quote: انا كنت حاضر الندوة، واليكم انطباعيتي السفير السوداني لا يصلح ان يكون شيخ غفر من حيث اللغة، واختيار ال****ارات، ف****ارته غير لائقة نهائياً. نافع شخصية مستفزة، وحقيقة لسانه زفر ويستاهل الدق مصطفي عثمان ذكر بان زيارتهم لبريطانيا لشرح ترتيبات مرحلة ما بعد الانفصال للحكومة البريطانية، وأنهم دخلوا في الحوار مع الليبيين، والمصريين، والتونسيين بخصوص الثورات العربية، وفي واحد من الحضور قال له حتجيكم قريب ما تست****** قاسم شاب شجاع لم يتحكم في أعصابه من القاذورات التي أطلقها نافع عمار عوض سئل نافع ولم يستطع نافع الإجابة علي كل اسئلته، والله ياعمار اسئلتك قوية ومتينة محمد الأنصاري وعبدالملك العبيد تحدثوا عن مجمل الأوضاع في السودان بلغة جميلة وفيه وعى سياسي وتحليل منطقي لمجريات الأوضاع السياسية. هتفوا جميع النساء بالقاعة بعد ضرب نافع سقطت سقطت ياكيزان، التحية لنساء لندن الاماجد خالد الاعيسر وإمام محمد إمام، أسئلتكم لنافع خلتني أقول ليكم الناس في شنو والحسانية في شنو. رمرم سؤالك جميل لكن لم توفق في اختيار الألفاظ في شابة قالت ان المعارضة في لندن بتبيع في السودان للخواجات، لكن كلامها غير صحيح، لان الكلام دة ما بنطبق على كل المعارضة، وصلاح قوش باع السودان للأمريكان ونافع الآن ببيع في الجزء الأخر من السودان. رجل امن السفارة وليد، لاجي سياسي بلندن، ويحمي في افراد الحكومة يجب الوقوف حول هذا الأمر. محمد هارون، وفيصل الباقر تحدثوا عن حرية الصحافة وحرية الحركة والفكر، وقانون الصحافة. نافع كان كلامه غير مرتب بعد الضربة، لغته أصبحت محترمة شوية، لكن التركيز كان ضعيف، يعنى قال ****دالخالق محجوب وكان قاصد محجوب محمد صالح، وللصادق المهدي قال الامام الهادي، وقال انقلاب 1989 الغاشم طبعاً كلامه هنا صاح، لكن كان قاصد 1969، وأمثلة كثيرة جداً زى دة. مصطفي عثمان اجتهد جداً انو ما يتكلم الا بعد واحد من الحضور قال ان السؤال حقي دة داير يجاوب عليه المستشار وما داير نافع يجاوب عليهو لانو نافع ما بعرف، ونافع قال ليهو مبروك عليك المستشار، بلغة فيه حتى استخفاف بمصطفي عثمان. في شاب اسمو عاطف وواحد اسمو محمد التوم، اول مرة أقابلهم، فلهم التحية فهم خير مثال للدبلوماسي السوداني، فتعاملهم مع الحضور كان بطريقة سودانية أصيلة. كنت خايف زول من معارفي يشوفني في السفارة ويقول انا بقيت كوز ههههههههه، لكن لمن لقيت عدد كبير من السياسيين في لندن قاعدين في الندوة، اطمئنت بالنسبة لي اول مرة ادخل السفارة من ما جيت لندن في سنة 1996م. الندوة قالوا حتبدا 8.30، لكن بدأت متاخرة حوالي 9.10 مساءً نافع اضرب الساعة 9.55 م الندوة استمرت حوالي ساعة واربعين دقيقة بعد الضربة. انا ما عارف الدعوة أتسربت كيف للمعارضة، لانو السفارة ما اتعودنا منها دعوة السودانيين ببريطانيا، وبعد الحصل دة ما اظن يدعوا زول تاني نصرالدين حسن |
| |
|
|
|
|
|
|
Re: كرسي كرسي زنقة زنقة اجدع اجدع.....!!! (Re: طارق ميرغني)
|
كيكي إزيك ياخ عليك الله إنت صدقت إنه الزول الضرب نافع مخمور ؟؟؟
ديل ما بغلبهم شيء لازم يألفوا اي قصة ويحبكوها ويصدقوها ويجدعوها ليكم في اي ملف عليك الله هسه إسلوب نافع ده إسلوب زول يفترض إنه يكون في موقع مستشار رئيس جمهورية ؟؟؟ وداوشننا دكتور دكتور ؟ القلم الما بزيل بلم ده اخير عدمو جلافة الزول ده خسارة يتحسب مع المتعلمين المثقفين الدبلوماسيين والله صحي
| |
|
|
|
|
|
|
Re: كرسي كرسي زنقة زنقة اجدع اجدع.....!!! (Re: اسماء الجنيد)
|
Quote: عليك الله إنت صدقت إنه الزول الضرب نافع مخمور ؟؟؟
ديل ما بغلبهم شيء لازم يألفوا اي قصة ويحبكوها ويصدقوها ويجدعوها ليكم في اي ملف عليك الله هسه إسلوب نافع ده إسلوب زول يفترض إنه يكون في موقع مستشار رئيس جمهورية ؟؟؟ وداوشننا دكتور دكتور ؟ القلم الما بزيل بلم ده اخير عدمو جلافة الزول ده خسارة يتحسب مع المتعلمين المثقفين الدبلوماسيين والله صحي |
هلا يا اسماء وتحياتي.. وبالتاكيد حكاية السكر ده كذبة كبيرة ومحاولة مبكرة لاغتيال شخصية هذا الشاب السوداني واخراج هذا الفعل من كونه ردة فعل حقيقي من انسان طبيعي وطبعا مستحيل اصدق فرية وكذبة زي دي علي الاطلاق... ونافع يدفع ثمن خطابه واسلوبه وعمايله التي تراوحت ما بين الاشراف علي التعذيب الي درجة القتل وتحقير والاستخفاف بالاخر فعشان كده اي ردة فعل متوقعة كرسي... بنية... ام دلدوم... كلاشنكوف كل وراد في ظل تواجد ظلم وقمع وتنكيل
| |
|
|
|
|
|
|
|