|
|
 Re: مهزلا داخل مطار الخرطوم فى صالة الوصول ؟؟؟؟؟؟؟ (Re: خالد العطا)
|
يا خالد حمدلله على السلامة
يازول انت كنت وين وكت كنا بنسكل بي هنا
يا خالد يا أخي فرضت علي الظروف هسع السفر بالسودانية الطيارة اتاخرت والناس عينهم طلعت والشفع خربوا المطار شافع اتشعبط في توصيلات الكمبيوتر بتاع الصالة قطعهم خلى موظفين المطار يلوصوا والشافع واهله معذورين قاعدين اليوم كله في المطار وزهجوا يا خالد الناس قاعدة من الصباح الطيارة وصلت المغرب واحد في باب الطيارة زهجان المضيفة قالت ليه البوردنغ باس لو سحمت قال ليها (زحي ......دينكم) المضيفة غلبها تسوي شنو
الطيارة الوحيدة البنزل مضيفنها مطار أبوظبي ويخشوا السوق الحر ويشتروا موبايلات ويعبوا شنط ويرجعوا الطيارة تاني وشوف عيني
الطيارة الوحيدة البعرف ركابها إذا اقعلت من الخرطوم ولا ما اقعلت قبل موظفي سودانير في المطار وهم معذورين الطيارة في الجو الركاب بكونوا عرفوها بالاتصالات بالمعارف وموظفي سودانير ما عارفين حاجة
الطيارة الوحيدة الخدماتها زي الزفت ومضيفيها معدومي الرحمه يبخلوا على اطفال رضع بجرعة موية ويلطعوهم بالساعات وما يدوهم مويه الا بعد الكونكشن والاقلاع من مطار الدوحة رغم انهم شايلنهم من ابوظبي وهم قاعدين بالساعات في المطار واكتر منها جوه الطيارة السخنة وريحتها جاز زي بابور الحبوبات
الطيارة الوحيدة الما فيها سيت نمر وتركب تقعد فيها زي الدفار والناس تتجارى لحجز الكراسي والقوي ياكل الضعيف ولو مره اشتغلوا بنظام السيت نمبر يشتغلو شغل الضر مع الركاب وكانهم اعداءهم الشفع جنب الشبابيك يفتحوا ويقفلوا لمن تتطشش والعزابة والفترانين في وسط العائلات والزهجانين منه يرموه جنب الحمامات ومره لقيت عروسين جداد خاتين العروس وسط الكراسي قدام مع عزابة والعريس اخر الطيارة المسكين بي حنته يحاحي في الشفع
يا خالد حصلت مشكلة كبيرة في المطار وسببها انو الهنود بتاعين البوابة قعدوا يتمسخروا في السودانين ويشتموا فيهم ومن سوء حظهم كان في سوداني بعرف لغتهم وقامت شمطه بعد ما ترجم كلامهم وماذنب السودانين والسودان عشان يتكلم الناس فيه بسوء وينالوا من كرامتنا كله بسبب سودانير العهرت أسم السودان وفضحتنا وخلت رؤوسنا في الواطه
تقول لي عفشك اتاخر يا خالد مره من المرات التعيسة في الطيارة في مره معاها طفل رضيع اصرت المضيفة تاخد منها الشنطة الفي يدها شرحت ليها المره المسكينة انو الشنطة فيها بامبرز وحليب خاص لطفلها المابرضع رضاعة طبيعية وادوية تخصه المضيفة قالت ليها تلقيها قدامك وفي عريس تعيس حدد يوموا وجايب شيلته معاه وشابات جايات لعرس وشايلت قشرتن ولوازمها معاهن وصلنا المطار وكافحنا حتى السير يا خالد السير اشتغل شيء لساتك عربات وشيء مقاعد حمامات وشيء ملفلف ما تعرفه شنو والله يا خالد وصادق معاك شفت باب ايوه باب ببي ضلفتين جا ماري بالميزان والناس مستنية عفشها ما ظهر منه حاجه حتى لبن الطفل المسكين ما جا والله يا خالد الناس ديل كلهم مرقوا مافي زول جاته حاجة والله قعدنا 9 ايام وخسرنا قروشنا وطار عرس العريس والمره ام الرضيع رجعت بعد يومين بطيران الاتحاد والبنات صاحبات العرس دقشن سعد قشرة وكنا كل يوم بنتلاقى ونحكي قصصنا وياريت برضه عفشنا لو ما جا جانا مكسر مبهدل وحالته بالبلى اصلوا شاحننو في كارقوا والغايظني انو في الميزان ما اتسامحوا معانا وحاسبونا على اي زيادة ورغم انو وزني كان ناقص لكن شلت لي لي زول وزني بقى 56 كيلو دفعوني الستة كيلو ديل وجابوا لي عفشي بالكارقو
ناصر
Quote: دا كوم والمضيفة القالت لينا: بالله الداير موية من هسه يتكلم نحن ما فاضيين
للمشية و الجية، و بالله موضوع بندول دا ما تفتحوهو لي، كلنا مسخنين و راسنا واجعنا. |
مره في السودانية ماشه الدوحة ومنها للخرطوم الناس زهجت وعطشت طلبوا موية المضيفة شايله عبوه بتاعت مويه وكباية بلاستيك واحدة تسقي منها وصارة وشها وتنقنق قلت ليها يا أخي ما معقول غيري الكباية قالت خليهم يتجوغروا هم لاقنها لمت فيها مره سمعتها فارغة ومقدودة وادتها من قعر الحلة لمن قامت جارية وقامت مظاهرة في الجو جوه الطيارة وكان ما الكابتن عاقل يعلم الله كان حصل شنو ما عارف ، الناس اخلاقهم بتكون ضيقة والمضفين قليلين ادب
|
|
 
|
|
|
|
|
| العنوان |
الكاتب |
Date |
 مهزلا داخل مطار الخرطوم فى صالة الوصول ؟؟؟؟؟؟؟ | خالد درق | 07-05-11, 07:30 AM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | ود الباوقة | 07-05-11, 07:36 AM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | خالد درق | 07-05-11, 07:48 AM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | الامين موسى البشاري | 07-05-11, 07:52 AM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | الامين موسى البشاري | 07-05-11, 07:41 AM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | خالد درق | 07-05-11, 07:55 AM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | ناصر احمد الامين | 07-05-11, 08:13 AM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | خالد درق | 07-05-11, 08:19 AM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | حامد محمد حامد | 07-05-11, 08:30 AM |
 Re: مهزله داخل مطار الخرطوم فى صالة الوصول ؟؟؟؟؟؟؟ | عبدالكريم أحمد الامين | 07-05-11, 08:24 AM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | فايزودالقاضي | 07-05-11, 08:25 AM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | bashir adam abdalla | 07-05-11, 08:40 AM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | Hisham Ibrahim | 07-05-11, 08:49 AM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | على محمد على بشير | 07-05-11, 09:04 AM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | معتصم محمد صالح | 07-05-11, 09:25 AM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | محمد جلال عبدالله | 07-05-11, 09:46 AM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | Dr.Elsadig Abdalla | 07-05-11, 09:51 AM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | Dr. Ahmed Amin | 07-05-11, 09:47 AM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | وليد عبد اللطيف | 07-05-11, 10:09 AM |
 Re: مهزلا داخل مطار الخرطوم فى صالة الوصول ؟؟؟؟؟؟؟ | ندى صالح الطيب | 07-05-11, 10:13 AM |
 Re: مهزلا داخل مطار الخرطوم فى صالة الوصول ؟؟؟؟؟؟؟ | محمد عبد الماجد الصايم | 07-05-11, 09:58 AM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | محمد سرالختم مدثر | 07-05-11, 11:38 AM |
| Re: مهزله داخل مطار الخرطوم فى صالة الوصول ؟؟؟؟؟؟؟ | د.محمد بابكر | 07-05-11, 11:58 AM |
| Re: مهزله داخل مطار الخرطوم فى صالة الوصول ؟؟؟؟؟؟؟ | د.محمد بابكر | 07-05-11, 12:34 PM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | سامى عبد الوهاب مكى | 07-05-11, 01:15 PM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | رانيه محمد الشيخ | 07-05-11, 12:12 PM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | Hani Arabi Mohamed | 07-05-11, 01:41 PM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | Zomrawi Alweli | 07-05-11, 01:54 PM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | عثمان الشيخ | 07-05-11, 02:52 PM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | ذواليد سليمان مصطفى | 07-05-11, 09:49 PM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | خالد العطا | 07-05-11, 10:26 PM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | عبدالعزيز حسين عبدالرحيم | 07-05-11, 11:26 PM |
| Re: مهزلا داخل مطار الخرطوم فى صالة الوصول ؟؟؟؟؟؟؟ | محمد الخاتم | 07-06-11, 00:34 AM |
|
| |
فيس بوك
تويتر
انستقرام
يوتيوب
بنتيريست