|
(عرضة) تعيد سودانياً من السعودية في اليوم الثاني لوصوله إليها!
|
أعادت (عرضة) سودانياً من المملكة العربية السعودية في اليوم الثاني لدخوله المملكة، بعد أن ضبطته الشرطة وهو (يعرض) على أغنيه للحماسة بالشارع العام. وقال هاشم عيسي - من أبناء منطقة الكاملين - إنه دخل إلى المملكة السعودية لأداء العمرة وحاول (الزوغان)، فكان في طريقه من الرياض متجهاً إلى منطقة الكبر، وفي الطريق قام سائق الحافلة بتشغيل شريط للفنان علي إبراهيم اللحو، وأعجبته أغنية حماسة، فطلب من السائق أن يتوقف، وأخذ عصا ونزل من الحافلة وبدأ (يعرض)، مما لفت أنظار الشرطة التي سألته عن فعلته فأجابهم بأنه حن إلى البلد، وطلبوا منه أوراق دخوله واتضح انه لا يحمل أقامه فأعادوه الي البلاد.
صحيفة الأهرام اليوم
|
|
|
|
|
|
|
|
Re: (عرضة) تعيد سودانياً من السعودية في اليوم الثاني لوصوله إليها! (Re: فيصل أحمد سحنون)
|
يا جماعة إيقاع الدلوكة ده بيحرك أي سوداني وطبعا عندنا نحن في العيلفون والدبيبة خاصة له وقع خاص جدا فو الله الواحد فينا يسمع إيقاع الدلوكة ده يقوم ينطط من محلو ويقولو ليك الزول ده هاش ،،، بس الظاهر صاحبنا ده هاش لمن نسى نفسو عديل كده . غايتو ربنا يعوضو مرة تانية بي عمرة وزوغه .. لكن بتاع البص بالغ في علي إبراهيم ده ..
تحياتي : ياسر العيلفون
| |
|
|
|
|
|
|
Re: (عرضة) تعيد سودانياً من السعودية في اليوم الثاني لوصوله إليها! (Re: فايزودالقاضي)
|
Quote: مرة جاني احساس اني محتاج اصرخ صرخة شديدة وانا في شارع الستين بجدة فقمت قفلت قزاز العربية وعاينت يمين شمال وبالمرايا عيانت للخلف مالقيت زول فقمت صرخت شديدة اراحتني فترة طويلة ..لكن الحمدلله مقيم ومجدد الرخصة والاستمارة والشارع فاضي .. |
ود القاضي ربنا يحفظك لو جاك ا لاحساس ده تاااني ماتقوم يوم تخش ليك في عامود يقوم أب صلعة ده يختك فوق ---------------------- بعد الشر عليك
| |
|
|
|
|
|
|
Re: (عرضة) تعيد سودانياً من السعودية في اليوم الثاني لوصوله إليها! (Re: سيف النصر محي الدين)
|
Quote: نا مابتاع عروض ولا عرضات لكن مرة جاني احساس اني محتاج اصرخ صرخة شديدة وانا في شارع الستين بجدة فقمت قفلت قزاز العربية وعاينت يمين شمال وبالمرايا عيانت للخلف مالقيت زول فقمت صرخت شديدة اراحتني فترة طويلة ..لكن الحمدلله مقيم ومجدد الرخصة والاستمارة والشارع فاضي .. |
سلام صاحب البوست وزوارك الكرام
الزول ده عايز فرصة عشان يتكلم عن عربيتو اللانسر المضغوطة
| |
|
|
|
|
|
|
Re: (عرضة) تعيد سودانياً من السعودية في اليوم الثاني لوصوله إليها! (Re: فيصل أحمد سحنون)
|
يا فيصل .. يا زول انا مرة جيت ماشي بي شارع طالع من تجاه الخرج .. لقيت ليك اتنين وقفين ليك الدفـار ومشغلين ندى القلعــة .. وصقرية ليها عجاجة ... وقفنا عربيتنا نحن كنا اتنين .. ونزلنا ليك علي الجماعة ديل .. واجبناهم .. لانهم متعونا شديد .. المهم واحد فيهم لما شافنا نقزنا معاهم .. طوالي ملص ليك عراقيهو .. وقال إلا يتباطن للناس اللابسين بناطلين ديل .. اصلو ما لقينا لينا حاجة .. فتشت الضهرية لقيت ليك مشترك بتاع البطارية .. اديتو لي اخوهو قلت ليهو ارجم الزول دا .. دقاهو ليك دق العيش حتين الزول بقى كويس .. لانو بي صراحة الزول دا نشف عديل وكنكشف وبقى يرجف ..
| |
|
|
|
|
|
|
Re: (عرضة) تعيد سودانياً من السعودية في اليوم الثاني لوصوله إليها! (Re: tmbis)
|
Quote: فتشت الضهرية لقيت ليك مشترك بتاع البطارية .. اديتو لي اخوهو قلت ليهو ارجم الزول دا .. دقاهو ليك دق العيش حتين الزول بقى كويس .. لانو بي صراحة الزول دا نشف عديل وكنكشف وبقى يرجف .. |
والله ياعمك ربنا مرقك من الناس ديل كان ممكن يطلب يباطنك ويديك بسلك البطارية ده شحطة يامن كان تعرف حاجة مع البنطلون ده تحياتي تمبس
| |
|
|
|
|
|
|
Re: (عرضة) تعيد سودانياً من السعودية في اليوم الثاني لوصوله إليها! (Re: فيصل أحمد سحنون)
|
هههههههههها
يا فيصل قصتك دي ذكرتني قصة من الادب العالمي قريتها زمان اظنها في سلسلة الكتاب الاخضر و انا طفلة، عن المزمار السحري و الجرذان* (ملخص القصة موجود ادناه).
العبرة من القصة كان عواقب عدم الالتزام بالوعود، لكن ممكن نقيف في النص الاول من الحكاية لحدي ما لملم الجرذان، و نطلع لينا بعبرة تانية للبوليس السعودي.
و الله بوست جميل، يا حليلنا ياخ
* بالله ما يجيني زول ناطي يقول لي انتي قصدك انه السودانيين جرذان وما ادراك، لووول
________________________________________ تدور القصة حول مدينة أبتليت بكثرة الجرذان حتى أتت على المواد الغذائية في المدينة ، فأعلن أمير المدينة عن جائزة مجزية لمن يستطيع إنقاذ اهل المدينة من الموت جوعاً . أتى الأمير رجلٌ من خارج المدينة وإتفق معه أن يقوم بالمهمة ووعده الأمير بالجائزة إن تمكّن من ذلك . وقف الرجل في صباح اليوم التالي في ساحة المدينة وأخرج مزماراً من جيبه وبدأ العزف عليه . وما أن سمعت الجرذان صوت المزمار حتى خرجت من جحورها وحضرت إلى الساحة ، وأخذ الرجل يمشي ويزمّر والجرذان تتبعه حتى وصل البحر القريب من المدينة ، فدخلت الجرذان البحر وغرقت وكانت نهايتها وخلاص المدينة من شرّها . وفي اليوم التالي حضر الرجل إلى الأمير ليطالب بالجائزة فنهره الأمير وأنكر عليه الجائزة وطرده شرّ طردة . ولمّا أصبح صباح اليوم الذي بعده وقف الرجل في ساحة المدينة ثانيةً وأخرج مزماره من جيبه وأخذ يعزفُ لحناً آخر فأخذ شباب وأطفال المدينة في التجمع حوله في الساحة ، وبدأ الرجل يسير نحو البحر وهو يزمّر والشباب والأطفال خلفه ، فعلم الناس أن مصير أولادهم الغرق فذهبوا إلى الأمير يستنجدون به . ولمّا علم الأمير بالأمر ذهب إلى الرجل ذي المزمار يتوسّل إليه ويعتذر وأعطاه الجائزة صاغراً فتوقّف الرجل عن الزَّمر . source http://www.ahewar.org/
| |
|
|
|
|
|
|
Re: (عرضة) تعيد سودانياً من السعودية في اليوم الثاني لوصولهلله إليها! (Re: عماد الشبلي)
|
طيب وكت الحكايةجابت على ابراهيماقول لكم دي: ابن اخونا اسمه عبدالرحمن التكيلي بموت في "ياغزلية". عدينا ليه 10 أشرطةكلهاياغزلية بالجنبتين وهاك ياعرضة في كل ملف . في يوم منالأيام أحضرابنه الشاي لضيوف حلوا عليه.تعثر الولد وقع وكسر العدةودفق الشاي. التكيلي خطف اقرب بسطونةوخفس على المسكين ليفتك به. "دا يا###### بالك وين؟" أجاب الولد: والله يابا كنت بغني في"ياغزليةوسرحت". "اكان كدي معليش".
| |
|
|
|
|
|
|
Re: (عرضة) تعيد سودانياً من السعودية في اليوم الثاني لوصولهلله إليها! (Re: MOHAMMED ELSHEIKH)
|
سلام يا اخونا فيصل وحكاية اخونا دا زكرتني حكاية حصلة هنا في محطة العشرين وتحديداً أمام قصر الشباب والاطفال العربات الماشيه من ام درمان لكبري النيل الابيض مرات بيوقفوها عشان يمررو العربات الجاية من الخرطوم وماشيه طوالي علي بانت اها بتاع المرور وقف العربات الخاشه من ام درمان علي الكبري وبيمرر في الجاية من الكبري علي بانت في واحد من اصحاب العربات دي مغشل شريط و دلوكتو في السماء ومهبوجه هبج شديد واغنية جلد عدييييل بصوط راجل غناي في نفس اللحظة دي جاء واحد قاطع برجلينو سمع الدلوكه والغنيه عجبتو وحاتك طار فوووووق ودق الارض وبقي ينقز ويعرض في نص الزلط في اللحظة دي بتاع المرور بقي يمرر في العربات عشان تخش الكُكبري عارف الحصل شنو ؟!!!! بتاع العربية الفيها الشريط رفض بتاتاً يتحرك و الشارع جاط بتاع المرور جاهو قال ليهو :- يا اخينا ما تتحرك ياخ مالك عربيتك دي نصيحة ومدوره !!! صاحب العربية قال ليهو :- قسماً من هنا ما اتحرك ولا شبر انت دايرني اقطع للزول عرضتو !!!؟ بتاع المرور قطعو ايصال بي 30 جنيه .
اها شِن قولك ؟ هذا مع التحية
| |
|
|
|
|
|
|
Re: (عرضة) تعيد سودانياً من السعودية في اليوم الثاني لوصولهلله إليها! (Re: سفيان بشير نابرى)
|
Quote: ونفوس السودانيين واضحة واسعة وضوح الصحراء وسعتها ، وخلقهم لين صاف لين ماء النيل وصفائه ، وفيهم رجولة تكاد تقرب من درجة الوحشية ، وهم في ساعات الذكرى والعاطفة يجيش الشعور على نبرات كلماتهم وسيماء وجوههم حتى تحسبهم النساء والأطفال ، وتلك ميزات لا مكان لها في حساب العصر الحاضر ، وإن كان لها أكبر الحساب في نفوس الأفراد الشاعرين وفي تقدير الفن والشعر والحضارة . |
رحم الله معاوية محمد نور. سنظل سودانيين نعتز ونفتخر بسودانيتنا علي مر الدهور والأجيال. التحية للجميع...
| |
|
|
|
|
|
|
Re: (عرضة) تعيد سودانياً من السعودية في اليوم الثاني لوصولهلله إليها! (Re: محمد عمر الفكي)
|
لك الشكر اخي محمد على هذا الحديث الطيب عن اهلي في العيلفون وفي الدبيبة وفعلا ً هم مسكونون بالإبداع وخاصة في مسالة العرضة دي ناس الدبيبة ما بتلحقو .. وكيفما وقد أنجبت تلك المنطقتين عباقرة الفن في بلادي كعميد الفن السوداني الفنان الإنسان احمد المصطفى وايضا سفير الأغنية السودانية الفنان سيد خليفه وايضا كروان الحقيبة مبارك حسن بركات وإمبراطور الاغنية الشعبية الحماسية خلف الله حمد وايضا لا يفوتنا ان نذكر المبدعين عبد الله يوسف وود عشيب ( ثنائي الدبيبة ) والمنطقة تعج بالفن والفنانين وهذا على سبيل المثال لا الحصر ،،، أما إذا تحدثنا عن الشعر يكفينا فخرا شاعرنا محمد ود الرضي ( تنبيه الغافلين ) ويكفينا فخرا احمد محمد الشيخ الجاغريو فهؤلاء من شعراء بلادي الذين شكلو وجدان فئة كبيرة من فئات الشعب السوداني المختلفة على مر الازمان والاجيال .... تحياتي : ياسر العيلفون
| |
|
|
|
|
|
|
|