Quote: لقد بدأنا فى الرجوع واحدا تلو الاخر ( دى لغة فصحى
سلام منال
طيب موية العريضة الحيشربها منو ؟ من الاجحاف انه يخلوا الموية دي كلها لي كاتولي وهناي هناي براهم الضحك بشرطهم كان كدا بصراحة ما ممكن تكون المبادئي لا تجزأ شعار نفرين بس من مائة مميز
مافي كتير بس اصحابنا في المراعي قرروا انه " العديد من اتجاهات رايهم تقول بانشاء موقع جديد " وترك سودانيز اون لاين بما حمل , لانه هم اكتر من مائة كاتب مميز
Quote: المحيرني قيقراوى الموقّع مع الاحباء قاعد في المنبر اكتر من بكري وود الصايم ..الزول ده ماعنده مبادئ ولا شنو ؟!!..
والله الشهيد قيقا حير "باتا" زاتا في مقاس شبشبه ^_^ اتخيل دا النعي بتاع عرس الشهيد قيقا
الشهيد الخامس: قيقراوي
اسباب الوفاة: اشهد الله انه استبسل ايما استبسال و لبس الحزام الناسف غير مرة و كل مرة الزرار ما يشتغل حتى سماه البعض "بالشهيد الحي" و ظل يكرر التساؤل عن جدوى حرمان السكاكين بدعوى الاحتراز لمن شقها و سكين بالنص ومات وهو واقف يقطر باسيورده حرفا حرفا مرددا قول نيكوس كازنتزاكيس"لا أخشى شيئاً ، ولا آمل في شيء . أنا حر" و سقط مضرجا في دماءه الاسفيرية و نعاه محبوه و بكوه بالدمع السخين.
انتهي النعي لكن قيقا كما ديجانقو وكابتن ماجد عاد اليهم من جديد ^_^
07-02-2011, 08:38 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: فى عريضه عايزين لينا زول يشرب مويته ,,, لووووووووووووووووولز
و الله ما شاء الله يا منال .. بقيتي تتكلمي في السياسة
ياخ لو عارفين كدا كان زمااااااان عملنا لينا عريضة اون لاين.. و عملنا ليها برنت آوت و بليناها وشربنا مويتا .. المافي شنو هو انت قايلة!؟ في سبيل توسيع قاعدة المشاركة السياسية كلو يهون ياخ!
سلامات يا ناس
07-02-2011, 08:40 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: " العديد من اتجاهات رايهم تقول بانشاء موقع جديد "
.. موقع جديد عودنـا راكب ركبـة شديدة جدا .. ويستمر مسلسل سودانيزاونلاين الموقع المميز الذي كلما تلاتة أربعة تنفار يحسوا بي انهم تميزين يعملوا ليهم بورد للديمقراطيات واسقاط الحكومات .. ومعارضة كتـاب سودانيزاونلاين وصاحبه .. فسرعان ما يموصو البورد ويشربوا مويتو .. ويلفو ويجو راجعين تاني ..
يا تامبا النقطة الاثرتها دي بالزات تم الرد الضافي عليها استتباقا بالقول
ـــــ سيقول البعض هذه تجربة فاشلة خاضها بعض المنشقين عن سودانيزأونلاين و فشلوا أقول لهم تلك التجارب كانت تجارب فردية هذه التجربة ما يميزها أنها تضم أكثر من مائة كاتب من أميز كتاب سودانيز أونلاين
اسباب الوفاة: اشهد الله انه استبسل ايما استبسال و لبس الحزام الناسف غير مرة و كل مرة الزرار ما يشتغل حتى سماه البعض "بالشهيد الحي" و ظل يكرر التساؤل عن جدوى حرمان السكاكين بدعوى الاحتراز لمن شقها و سكين بالنص ومات وهو واقف يقطر باسيورده حرفا حرفا مرددا قول نيكوس كازنتزاكيس"لا أخشى شيئاً ، ولا آمل في شيء . أنا حر" و سقط مضرجا في دماءه الاسفيرية و نعاه محبوه و بكوه بالدمع السخين.
Quote: مافي كتير بس اصحابنا في المراعي قرروا انه " العديد من اتجاهات رايهم تقول بانشاء موقع جديد " وترك سودانيز اون لاين بما حمل , لانه هم اكتر من مائة كاتب مميز
التحية للمميزين أينما حلّوا
ـــــــــ من الأسكلا وحلا .. قام من البلد ولّى
والمافي شنو ؟
07-02-2011, 09:33 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: أقول لهم تلك التجارب كانت تجارب فردية هذه التجربة ما يميزها أنها تضم أكثر من مائة كاتب من أميز كتاب سودانيز أونلاين
.. معليش يا اساسي خلي المتميزين ديل يمسحوها لي في وشي .. الواحد بقى يكتب سااكت .. لكن اقوليك حاجة ..؟ دا برضو تميز مني .. طالما انا بكتب كلام من غير ما اعرف واكتشف انو المتميزين رادين علي .. بي اكتر تميزيه .. انا المضحكني الحتة بتاعت التميز دي .. في واحد فاكيها في روحو هنا دا قام قال قبل كدا إنو البورد دا هم الشهروهو .. وهو تحديدا عندو ناس بتدخل علشان تقرا ليهو هو بس .. علما انو كتابتو هو كلها عبارة عن احي انـا .. وسجمي رسمي .. وتعالي لي يا البلال .. إلخ كان بالغ خالص .. يقوم يتم الباقي شتيمة وقلة أدب .. بي تميزو دا كلو تخيلو انو عمرو في المنبر دا ما تم ليهو تلاتة أربعة سنوات .. ..
اكتر من مية كاتب مميز ..؟ طيب فضل لينا كم كاتب مميز هنا دا .. هخلاص حقو يشيلو تراجي وآمخنة مختار وقريمان واستيف .. والباقر جكس وبخارين وطراوة .. علشان نقعد نحن في الصقيعة .. نقعد ساكت من غير مميزين ..
07-02-2011, 12:02 PM
عصام دهب عصام دهب
تاريخ التسجيل: 06-18-2004
مجموع المشاركات: 10401
قائمة التمييز " انكلود اساسي" انا للان محتار الزول العينه قوية ووقع لي علي الوثيقة دا منه , غايتو عنده ضمير في اني مميز لكن كمان يركبني البوكس بدون ما يشاورني التوثيق للموقعين واهم بند في الوثيقة انه الواحد يتوقف عن الكتابة , والغريب في الامر كمية من الموقعين "قدوا السلك" بقيادة الرائع قيقا , وبيكتبوا عادي في البورد علي اعتبار انه التوقيع اتساق مع المبادي الا انه التوقف عن البورد حار شوية
07-02-2011, 12:13 PM
اساسي اساسي
تاريخ التسجيل: 07-20-2002
مجموع المشاركات: 16468
Quote: علي اعتبار انه التوقيع اتساق مع المبادي الا انه التوقف عن البورد حار شوية
..
.. ملحوظـة: اذكر ..فيما يذكر النايم .. إنو مؤسسة منبر سودان فور ال .. كانت من ضمن عضوية سودانيزاونلاين .. وبعد ان تركت الموقع .. قامت بتأسيس المنبر الحالي .. وتم إرسال دعوات للجميع .. للانضمام وحدث ما حدث من احاديث وقتها على شاكلة .. رسلنا .. ما رسلنا رسلنا ما رسلنـا .. الشاهد في الأمر أن موقع سودان للجميع قام كموقع بتاع تميز .. بالرغم من ما احتوته الديباجة الظاهرة من اسمه .. بعداك .. كان الرش بالكوم .. فقد عايشنا كيف تم مجازفة الأخوان .. خدر .. وعصام جبر الله .. وكيف أن السلطات المختصة وقتها قامت برميهم خارج السيرفر زي الما حصل حاجة .. عليه .. اخشى ما اخشى ان غير المتميزين حال انهم فكروا مجرد تفكير أن ينضموا غلى موقع التميز .. يتم مجازفتهم .. وركلهم من الخلف .. بنفس الطريقة التي تم بها ركل صديقي محمد عبد الماجد الصايم .. من موقع التميز السودان للجميع ..
بالمناسبة: الواحد يعرف كيف نفسو متميز او غير متميز .. ما هو المعيار ..؟
07-02-2011, 12:59 PM
humida humida
تاريخ التسجيل: 11-06-2003
مجموع المشاركات: 9806
تعرف يا اساسي .. مجرد ما بدت حملة الابادة الجماعية دي رسلت لاخوي طويل العمر .. قلت ليهو بترضى لاخوك انه يوصم مع هذه الفئة .. و نحن بتوع الاتوبيس يا ريس .. قام قال لي خلاص .. ارجع ..
07-02-2011, 01:07 PM
اساسي اساسي
تاريخ التسجيل: 07-20-2002
مجموع المشاركات: 16468
Quote: مجرد ما بدت حملة الابادة الجماعية دي رسلت لاخوي طويل العمر .. قلت ليهو بترضى لاخوك انه يوصم مع هذه الفئة .. و نحن بتوع الاتوبيس يا ريس .. قام قال لي خلاص .. ارجع ..
رجعك ساكت بدون ما يسألك من شهادة " السربون " ما تكون مزور شهادة لنضدن ولا اكسفورد او اي كان اسمها
07-02-2011, 01:05 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
اول امبارح وحده بوردابيه فتحت بوست وادت ليك فيهو المتميزين على اجنابهم (بتعجبنى عجب البت دى )
قمت جيت انا اتحكرت فى البوست نظام قاعده امسك بوستات البنات لووووووووووووووووولز وفى ظرف عشرة دقايق عملت تلاته مداخلات وكميه من الوشوش الضاحكه الماليها لازمه
يقوم شنو تجى وحده بوردابيه داخله من المتميزين تدينى ليك كلمتين لمن خجلتنى نظام شنو انا كنت مع المتميزين وبقيت مع الخيانه ,, قمت برااااااااحه شلت شباشبى وطلعته
ممكن اجيب الرابط يا استاذ
07-02-2011, 01:27 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: اما عمك ود الصائم دا طردوهو من المعاينات .. لعدم اللياقة الطبية
.. ايوة يا قيقا انا قصدت دي بالضبط .. لكن خاني التعبير بس .. حسع تعرف كلما اشوف ليك ميلودي افلام يجيبو ليك الاعلان بتاع الراقص مع الذئـاب .. بستحضر ليك ود الصائم طوالي وهو مركول بالخـلاف ..
أم الاجنبي ..
07-02-2011, 01:15 PM
Rawia Rawia
تاريخ التسجيل: 11-23-2002
مجموع المشاركات: 8396
Quote: كانت المرأة الستينية تعبر ساحة الفريق وكان صبيان الفريق في ذات اللحظة يلعبون مباراة في كرة القدم و( دون قصد ) من أحدهم إرتطمت بها الكرة في وجهها فألمتها وصلت الحاجة لبيتها و( بدون قصد ) أو جرياً على عادة الشكوى تألمت بأن ضرية الكرة على خدها لا تزال تؤلمها انزعج إبنها وزمجر وهدد وتوعد " الضربك منو يا أمي ؟؟ تقومي هسع توريني ليهو " " يا ولدي خليناهو لى الله " " أبداً يا أمي ما بنخليهو لى الله آخد ليك حقك بضراعي " لم تجد الحاجة بداً من الإذعان لإبنها المزمجر الهادر الغاضب ، ذهبت معه لذات الساحة وذات الصبيان ، أوقف الإين الهمام لعب الصبية بأن
" منو فيكم الضرب أمي ؟؟؟ هو لو راجل صحي ما يندسا وسطكم يجيني هنا بنفسو " تقدم إليه أحدهم مفتول العضلات وأجابه "أنا الضربت أمك " " إنت كان راجل أضربا تاني " لم يكذب الولد خبراً و ( قاصداً متعمداً هذه المرة ) طااااااااااااخ ضرب الحاجة المسكينة كفاً على صدعها إلتفت الإبن الهمام المزمجر ناحية أمه
" خلاص يا أمي خليناهو لى الله "
________________
الطرفة مهداة للمميزين العائدين طوعاً عدا الصديق العزيز قيقاراوي
07-02-2011, 10:29 PM
احمد التجانى احمد احمد التجانى احمد
تاريخ التسجيل: 11-11-2006
مجموع المشاركات: 3155
الحبيب الحبوب اساسى ارجو ان تكون والاسرة بخير من فوائد الاجازة فى السودان انه مطالعة البورد بتبقى من اخر اولوياتك زى الاهتمام بالاستماع لفرقة جاز البوليس فى العقودات البوست ما فاهم فيه اى حاجة غير انكم بتطاعنوا فى قيقا وود الصايم وكاتولى اما منغصات الاجازة فى السودان منع الشيشة فى الاماكن العامة
Quote: بركة يابا الاستثنيتني ياخ! لاني بصراحة لا شايف طرفة و لا عارف ملاءمتها للموقف كلو كلو
فشكراااااان جزيلن يا فردة
عادي يا صديق من الله خلق الطرف فيها البايخ بوخ وفيها الظريف شديد فيها الموجع المؤدي لإنكارها وفيها الجميل المؤدي لتبنيها وفيها البتجي مكان الوجع وفيها الما بتلم كلو كلو
نسوي شنو ؟؟ ما ياها الدنيا وياكم أصحابنا
إن خابت هذه تصيب الأخرى
07-03-2011, 04:04 PM
ممدوح أبارو ممدوح أبارو
تاريخ التسجيل: 02-27-2008
مجموع المشاركات: 3162
بركة الشفناك طيب، و جيت جارى (تذيع البيان، ما عارف الزول الدخل السجن منو، رقم صفر بتاعكم ؟؟)..
عمك بكرى ما بشتغل بى كلامنا، رغم إنو مرات بيكون فيه بعد نظر (رغم إنى ما عندى علاقة بتاعت تلفون و قطائع مع أى زول فى المنبر ده)..
شوف المداخلة دى فى البوسط ده:
Quote: تحياتى ياعمر سعد
المنبر خرب من زمان، و الناس الفيها الفايدة رحلت..
الآن أصبح كل شئ واضح لبكرى و للجميع، فمثلاً: لو إختار شخص من الكتاب الممتازين فى سودانيز أون لاين ( محايد، حقانى، شجاع ) مائة شخص تسببوا فى إنحـ.طاط المنبر..
سيتفق عليهم 99% من الكتاب المحترمين، أصحاب الرسالة و الوعى الكامل بأزمات الوطن..
عليه الحل عمل إنقلاب:
* و ذلك بإنشاء منبر موازى، يتم فيه تسجيل الكتاب المحترمين ( الذين يدفعون الحوار، ينؤون عن المهاترات و الأساءات، و لا يستخدمون الأساليب الحـ.قيرة التى يتألم منها
الجميع، ...) و من ثم ترك المنبر القديم لمصيره المحتوم.. يعنى ((( سفينة إنقاذ))) لمن ظل قابضاً على جمر الوعى و الموضوعية و حريص على وضع الحق و الوطن فوق الأهواء...
والله يا جماعة انا بدعم فكرة التميز دي بي شدة .. شريطـة انو .. يعملو نظام ألوان .. يعني بي صورة أوضح : مميز شديد في الموقع .. يدوهـو في بروفايلو تاج ويكتبو عليهو عضو مميز شديد بي تاج ويكتبو عليهو لونو اصفر .. مميز نص .. نص .. يدوهو (نص) تاج ويكتبو عليهو نص مميز لونو بيج .. مميز (تك) .. يدوهو ف بروفايلو (دربوكه) .. ويكتبو عليهو (تك) .. والتك هنا يا غير مميزين .. هو القطعة الصغيرة في الدربوكة أو الايقاع والتي تصدر الصوت الاشدة .. تكاكــة .. النوع دا يدوهو خاطف لونين .. اها نجي للجد .. طالما انو البورد بتاع تميز وحركات زي دي .. لازم كمان يجيبو ليهم حراس .. إن شاء الله حراس نوايا .. ما فارقة الحراس ديل مهمتم يكونو شايلين صاقع بتاع انتي فايروس .. وواقفين في خشم باب السيرفر وذلك بحيث إنو اي (ربـاطي) ما يجي داخل مع الكيلو بايتات الداخله ..
مسالة الالوان دي ح نسترسل فيها .. الناس تشيل الصبر بس ..
07-04-2011, 07:02 AM
دينا خالد دينا خالد
تاريخ التسجيل: 06-26-2006
مجموع المشاركات: 8736
المنشق اساسى .. نطالب بالقبض على اساسى ومحاكمته .. كل الاعضاء خلف دور وراء اساسى يسكوهو كما سكاه الحلبى من قبل .. وياتو به للتمام هنا حيا او ميتا ! (ما لم يقله الريس فى خطبة النور ) ...
النجيييضة :: لسته ذى السم .. مية اميز عضو فى عين العدو .. تحت شعار Life's Good قلت لى ما وقعت ؟؟؟؟ هناك تزوير لوووووووووب هو تزوير فى التوقيع ولا خرخره .. لووووووووب التحيه لنوريغا الذى احضر اقصد قيقا .. فقد كان اشجعهم على الاطلاق .. ولاااااااا غتاها بى قشات ولا فلهمة وانت يا اساس المنبر مسئول من الخير العريضة بالانجليزى لييه ؟؟ .. لغير الناطقين بها ؟
كنت عايزه افتح بوست بخصوص اللسته لانو فى واحده من اميز المميزين خرقت الاتفاقية من الغيظ وكتبت لى فى بوست اتارشف ومعليش لو قولتها حاجه ما قالتهالانى بصراحه لسه ما شفت التعليق القواله الجاتنى قالت لى ديل مش الكانو بدافعو عنك لما قالوا ولد ؟؟ لووووووووووووووووب ولا كتر خيرهم كلميهم بالله فى غيابهم الجميل اولا لانو عملية التحويل العملوها لى كانت فاشلة .. تانيا لانى ما شغاله بى انى ولد ولا بت دى . الرجالة تطيير . ومن هنا وقدام كل زول يمسك دفاعاتو عليه ما تلزمنييييش يا حبه .. ولو احتجتى بوست بنفتحو تستاهليهو والله ..
ــــــــــــــــ سؤال اخير يا ساسنا .. العريضة تبنت الاحتجاج السلمى ولا المقاومة المسلحة ؟.. وانا اقول بكرى دا مشى الصين ليييه .!!
07-04-2011, 07:12 AM
tmbis tmbis
تاريخ التسجيل: 10-19-2002
مجموع المشاركات: 24862
يا أساسي وتمبس ياخي إنتو كمان ماتاخدكم نشوة النصر وكده
تعرف أنا ماكنت عارف حاجة إسمها ناس مقاطعين البورض ده ذاتو ولولا القائمة أعلاه لما عرفنا ذلك فلذلك أخوانا اللي في القائمة دي برضو مايفكونا في روحهم وفينا وحسب ما جاء اعلاه إنهم مميزين وكده فوالله لولا هذه القائمة لما علمنا بتوقف أحدهم وقد اعتدنا في البورض أن يغيب فلان وتلقى الناس مجلياهو ليك فجأة كده يقوم واحد فاكي بوست عن إنو فلان غائب وماعارف أيه فكويس إنو من قائمتكم دي عرفنا إنو في ناس مقاطعين وبرضو عرفنا إنو في ناس أعضاء معانا هنا ده وكلكم مع بعض محتاجين تورو الشعب السوداني الفضل إنو في حاجة إسمها بورض قال مقاطعين قال وقال مناصرين قال- والله صحي
07-04-2011, 08:23 AM
محمد عمر جبريل محمد عمر جبريل
تاريخ التسجيل: 08-27-2009
مجموع المشاركات: 2263
على الرغم من عدم معرفتنا( برقم صفر) هذه الحركة، كل الدلائل تدل على إنها حركة نسوية بالمقام الأول و هذه هى الأدلة:
* رأس القائمة و التى تضم ال 7 أهل التميز زاطوو من النساء، رغم محاولة التمويه و وضع القائمة Up side down..
* عدد النساء فى قائمة ال 7 أكبر من عدد الرجال ( مع الوضع فى الإعتبار إنو الأخ خدر و الأخ خليل ح ياخدوا One user name، بطبيعة الحال)..
* ضمت مجموعة التميز 90% من نساء المنبر، و لم تترك سوى القليل، الأمر الذى يدل على سطوة العنصر النسائى..
ملحوظة: نسبة النساء المتميزات فى المنبر لا تتعدى فى أفضل الإحصائيات ال 20%، بمعنى وجود أنثى واحدة بين كل خمسة متميزين، لكن فى قائمة المائة نجد أن النسبة أعلى بكثير..
نتوقع ثورة من النساء خارج القائمة بقيادة د. X ، ت ، د ... و بعض النساء الثوريات (ما من ثور، لكن العربى صعب زى ما إنتو عارفين)..
لم يظهر فى القائمة عدد كبير من الرجال المتميزون و أصحاب الشخصيات القوية أمثال م، ك، ع، د و آخرين كثر، مما يوحى بأن إستبعادهم تم بعد دراسة متأنية لمستقبل النساء
فى حلف المائة..
سأعود لقوائم مشابهة فى محاولة جادة لسبر أغوار الظاهرة، فترقبونا...
07-04-2011, 05:41 PM
Abuzar Omer Abuzar Omer
تاريخ التسجيل: 07-26-2008
مجموع المشاركات: 2109
يا دينا اتكلمي عديل... انا سارة علي رديت في بوستك وما تقنعيني انك ما قريتي .. وقصة قلنا وقالوا انسينا منها عندك كلام مباشر لي قولي ما عندك بطلي شغل الفرفرة والمطاعانات واتجاوزيني.. ثم شنو قصة الغيظ الخلتني اكتب؟ لو انتي ولو البيجيبو ليك القوالات ما متابعين ما تفتوا وتتفاصحوا.. موقفي الفتحت بيه بوست عن المقاطعة وانسحب ببين موقفي وما بهمني تعرفوا انتي وقوالينك..اكتب ما اكتب اشخبط انطط ما شئ بيخصك.. عندك حدود تلزميها ما مسموح ليك تتجاوزيها معاي...
Quote: يا دينا اتكلمي عديل... انا سارة علي رديت في بوستك وما تقنعيني انك ما قريتي .. وقصة قلنا وقالوا انسينا منها عندك كلام مباشر لي قولي ما عندك بطلي شغل الفرفرة والمطاعانات واتجاوزيني.. ثم شنو قصة الغيظ الخلتني اكتب؟ لو انتي ولو البيجيبو ليك القوالات ما متابعين ما تفتوا وتتفاصحوا.. موقفي الفتحت بيه بوست عن المقاطعة وانسحب ببين موقفي وما بهمني تعرفوا انتي وقوالينك..اكتب ما اكتب اشخبط انطط ما شئ بيخصك.. عندك حدود تلزميها ما مسموح ليك تتجاوزيها معاي...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
اساسي
فايزودالقاضي
Habib_bldo
قيقراوي
tmbis
الامين موسى البشاري
محمد عبد الماجد الصايم
عصام دهب
humida
Rawia
فيصل نوبي
عمر الفاروق
محمد حيدر المشرف
Magdi Ahmed Elsheikh
ناصر البطل
تبارك شيخ الدين جبريل
محمد إبراهيم علي
عاطف عمر
احمد التجانى احمد
ممدوح أبارو
Abuzar Omer
محمد يوسف الزين
دينا خالد
أبوعبيدة محمد الأمين
محمد عمر جبريل
الخير محمد عوض
سارة علي
HAIDER ALZAIN
عمر صديق
فيس بوك
تويتر
انستقرام
يوتيوب
بنتيريست