|
مهزلا داخل مطار الخرطوم فى صالة الوصول ؟؟؟؟؟؟؟
|
مع موسم الاجازات وعودة المغتربين الى الوطن لقضاء اجازات الصيف يحدث داخل صالة الوصول فى مطار الخرطوم ما الا تصدق العيون ولا العقل ؟؟؟؟؟؟؟
تصدقوا انوا اى رحل قادم من سودانير يتخلف العفش يصل المسافر ولاتصل امتعت هل يعقل ؟؟؟؟
انا شخصينا تعزبت اكثر من 5 ايام منذ وصولى قادم من دبى فى اجاد عفشى وكثيرين مثلى القادم من ابوظبى وجدة والرياض والخ ؟؟؟؟؟
السؤال ؟؟؟؟
هل هذا حال مطار الخرطوم الدولى فى موسم الاجازات ومن هو المسؤل عن هذا ؟؟؟؟؟؟
اين الحل ؟؟؟؟
والله بجد مهزلا يا سودانير .....
|
|
|
|
|
|
|
|
Re: مهزلا داخل مطار الخرطوم فى صالة الوصول ؟؟؟؟؟؟؟ (Re: ود الباوقة)
|
Quote: انا مرة عندي شنطة مفروض تجي الرياض مشت اليمن
وهاك يا مساسكة من المطار للبيت اسبوع
كامل حتى لقينها
فعلا مهزلة ... |
إن شاء الله تكون كلمته الدود اب زنود (اسد العرب) عشان يحل ليك المشكلة؟
كويس إنكم بتعانوا زي بقية خلق الله...
والمهازل التانية كيف يا عمر؟
بالله عليك الله اديني حاجة واحدة ماشه صاح وما مهزله
فيما بعد سودان 30 يونيو 1989
ود الباوقة كيفك ......... واركز
| |
|
|
|
|
|
|
Re: مهزلا داخل مطار الخرطوم فى صالة الوصول ؟؟؟؟؟؟؟ (Re: خالد درق)
|
Quote: هل هذا حال مطار الخرطوم الدولى فى موسم الاجازات ومن هو المسؤل عن هذا ؟؟؟؟؟؟
اين الحل ؟؟؟؟
والله بجد مهزلا يا سودانير ..... |
دا ســـودان الانقاذ بعد 22 سنة من الحكم عندك حل من اثنين: Love It Or Leave It
وبعد شوية موية ماف وكهرباء ماف .... الخ الخ
اسي البتعمل فيهو دا ما ياهو المظاهرات زاتها يا صفوة
ابقى مارق بس ... ودق خروج نهائي لغاية الحال ما يتغير يااااخ
| |
|
|
|
|
|
|
Re: مهزلا داخل مطار الخرطوم فى صالة الوصول ؟؟؟؟؟؟؟ (Re: خالد درق)
|
حمد الله علي السلامة يا خالد بركة الما ضيعوا ليك واحد من عيالك ... العفش مقدور عليهو.
تعرف يا درق ... اخر مرة سافرت بي سودانير كان قبل اكتر من عشره سنوات و حلفت ما اسافر بيها تاني طالما في خطوط طيران تانية بتمشي السودان دا.
ياخي ديل لطعونا في المطار تلاتة ساعات منتظرين طيارة جاية من القاهره فيها قطعة غيار مطلوبة لي طيارة تانية معطلة في جدة علي الرغم من انو كانت وجهتنا الي ابوظبي. دا كوم والمضيفة القالت لينا: بالله الداير موية من هسه يتكلم نحن ما فاضيين للمشية و الجية، و بالله موضوع بندول دا ما تفتحوهو لي، كلنا مسخنين و راسنا واجعنا.
احمدك يا رب
| |
|
|
|
|
|
|
Re: مهزلا داخل مطار الخرطوم فى صالة الوصول ؟؟؟؟؟؟؟ (Re: ناصر احمد الامين)
|
يبدوا يا اخي بان العدوى قد اصابت بقية الخطوط حيث تخلفت احدى شنطي وانا قادم بالاماراتية ترانزيت الى الخرطوم
وعند استكمال اجراءات المطالبة والتى كانت ممتازة للأمانة فوجئت بان من لديهم اكثر من ستة حقائب لم تصل الخرطوم
وبعد يومين اتصلوا بى عشان استلم شنطتى المتخلفة فى دبي لقيت ليك الصالة مليانة شنط متخلفة يجي كدى حمولة طيارتين
فعلا مهزلة واكثر وما خفي اعظم
| |
|
|
|
|
|
|
Re: مهزله داخل مطار الخرطوم فى صالة الوصول ؟؟؟؟؟؟؟ (Re: خالد درق)
|
** ابو يوسف.. ** سلام ,, حمداً لله على الوصول وتكحيل النظر بست الهوى والطراوه "بحرى".. ## إذا كانت هذه الواجهه وهذا التعامل الذى يتم مع القادميين!!!؟؟؟ ## فمابالك بما ستواجهه مع الجهات الرسميه الأُخرى والخاصه بالجبايات عشان تتخارج !!!؟؟؟ ## لماذا لايعتصم كل القادميين بالمطار حتى يتم الرضوخ بإستعجال إحضار عـفـشـهـم؟؟؟ ## ياخالد :- ماكنت كويس بتمشى ماليزيا,, تركيا,, تايوان ,, مصر إى دوله تحترمك كسائح ومن دون ضياع شنط أو جبايات وحرق دم وأعصاب ,, ولكن للأسف بلدك لاتحترمك وبالرغم من ذلك تستنزفك بالجبايات وتأشيرة الخروج "من بلدك" وتساسق يومى للمطار من اجل شنطة ملابسك وهداياك الى أن تنقضى إجازتك أوتوكل شخص لإستلام ملابسك , دا إذا أساساً الشنطه وصلت ومالقيتا ملحوسه فاضيه..
## اه اه اه يـــابــــلــــد ### تستقبل بنيها بطريقه تجعلهم ينفرون من الحضور إليها!!!!
** فى البلاد الى تحترم البشر بغض النظر عن من هُم هؤلاء البشر "رعاياها أو وافدين إليها" مثل هؤلاء المسؤوليين يتقدمون بإستقالاتهم قبل أن يُقالوا لتقصيرهم فى أداء مهام عملهم.. (ودام الود بيننا)
| |
|
|
|
|
|
|
Re: مهزلا داخل مطار الخرطوم فى صالة الوصول ؟؟؟؟؟؟؟ (Re: معتصم محمد صالح)
|
كل الخطوط التانية عادتها سودانير في محطة الخرطوم عشان كده أي سفرة للسودان تعمل الآتي: غياراتك ومتعلقاتك الشخصية وأوراقك المهمة تخليها في شنطة الهاندباق السبعة وللا 10 كيلو البيدوك ليهاوتدخلها معاك الطيارة ودي على الأقل بتديك فسحة كم يوم لحدي ما تصل الشنط ما تعمل زي المغتربين تحشي الهاندباق هدايا وحاجات ماليها لازمة أصلا الهاندباق عملوها للمقالب الزي دي
| |
|
|
|
|
|
|
Re: مهزلا داخل مطار الخرطوم فى صالة الوصول ؟؟؟؟؟؟؟ (Re: معتصم محمد صالح)
|
Quote: دا كوم والمضيفة القالت لينا: بالله الداير موية من هسه يتكلم نحن ما فاضيين للمشية و الجية، و بالله موضوع بندول دا ما تفتحوهو لي، كلنا مسخنين و راسنا واجعنا. |
لا أستغرب تصرف المضيفه .. فالطيور على أشكالها تقع ..
المهم حمدا لله على سلامة الوصول .. وان شاءالله تقضي اجازه طيبة مع الأهل ينسوك موضوع العفش ده ..
انا غايتو 15 سنة ما سافرت بسودانير ده .. كانت زعله وحليفه منها ..
الله يعين ركاب هذا الطائر المجنون ...
| |
|
|
|
|
|
|
Re: مهزلا داخل مطار الخرطوم فى صالة الوصول ؟؟؟؟؟؟؟ (Re: Dr. Ahmed Amin)
|
Quote: ياالبشاري .. في حاجات كده ماليها علاقة بالانقاذ دي عادات سودانية اصيلة متجذرة قبل الانقاذ ..والانقاذ ذاتها لو عملت انقلاب ماتقدر تغيرها ..
|
ههههههههههههه ود القاضي قلت تخت العفش مكانك وتركب مكان العفش دي اجمل فكرة بحاول اعملها . . كابتن خالد الف حمدا لله على السلامة يازول في مره مشيت السودان بطائرة سودانية وصلت من غير شنطة وعندي امانات شايلها في يدي ومصاريف وحاجات مهمه احترت اوصلها كيف للناس ملابس مافي وانت عارف اهم شيء المغترب يمشي للناس قاشر ومحشش ( متجنصص ) وساعة دهبية في يدك الشمال اها اعمل شنو ومافي واحد في البيت بيلبس مقاسي المهم لقيت جلابية قديمة كنت ناسيها اسمها الرجالة تطير لو تذكرها ( نص كم ) من الزعل لبستها وكمان رفعت جزء منها ووضعته تحت الاباط ومشيت في الشارع من الزعل عشان اسلم ناس الحلة حاجاتهم الشافوني قالو وليد اتلحس ... بالجد مهزلة
Quote: انا غايتو 15 سنة ما سافرت بسودانير ده .. كانت زعله وحليفه منها ..
الله يعين ركاب هذا الطائر المجنون ... |
ومن اليوم داك عاهدت نفسي بان لا اركبها مره اخرى تاني لو اركبها اكون عوير زي ود القاضي هههههههههههه
. . ياخالد بالله تحياتنا لكل ناس الحلة وكل من يسألك عنا
| |
|
|
|
|
|
|
Re: مهزلا داخل مطار الخرطوم فى صالة الوصول ؟؟؟؟؟؟؟ (Re: معتصم محمد صالح)
|
Quote: دا كوم والمضيفة القالت لينا: بالله الداير موية من هسه يتكلم نحن ما فاضيين للمشية و الجية، و بالله موضوع بندول دا ما تفتحوهو لي، كلنا مسخنين و راسنا واجعنا. |
Quote: لو عايز تمشي سياحة للدول المجاورة فعليك بحجز مقعد لعفشك وانت تركب محل العفش صدقني تمشي سياحة لدول المنطقة مجاناً وعفشك ينتظرك في الخرطوم عزيز مكرم .. |
تحياتي يا درق .. وكفارة ياخ!!
| |
|
|
|
|
|
|
Re: مهزلا داخل مطار الخرطوم فى صالة الوصول ؟؟؟؟؟؟؟ (Re: محمد عبد الماجد الصايم)
|
أنا شكلى كنت محظوظ سافرت بسودانير مرتين فقط مره من جدة للخرطوم تأخرت الطائرة ساعتين لكن وصلنا نحن والعفش والمره الثانية من الخرطوم تأخرت ساعة ونصف ووصلنا برضو نحن والعفش ، يعنى مقارنة ببقية الأخوان أنا بعتبر نفسى محظوظ لكن حصل قدامى موقف جميل ونحن مسافرين من جدة للخرطوم واحد من الركاب أعطى المضيف براد صغير فيهو أنسلين عشان يضعه ليهو فى الثلاجة لكن للأسف المضيف رجعه ليهو وقال بكل برود ماعندنا ثلاجة فى الطائرة وعاشت سودانير
| |
|
|
|
|
|
|
Re: مهزلا داخل مطار الخرطوم فى صالة الوصول ؟؟؟؟؟؟؟ (Re: رانيه محمد الشيخ)
|
في إحدى السفرات - وفي مطار مومباي - وتحديداً في عام 2003 / 2004
وجدت إحدى شركات الطيران المرموقة التي تنتمي إلى إحدى دول الخليج العربي - تمارس نفس هواية تأخير العفش بشكل متكرر
لكن الفرق أنهم يدفعون تعويضاً فورياً للمسافر يشتمل على:
- ثمن لملابس بديلة لحين وصول الشنطة - تكاليف السفر بقطار الدرجة الأولى (3 رحلات) من وإلى مدينة المسافر وذلك بغرض الحضور للمطار في تاريخ محدد لاستلام العفش ثم العودة إلى المدينة مرة أخرى - تعويض عن التأخير
| |
|
|
|
|
|
|
Re: مهزلا داخل مطار الخرطوم فى صالة الوصول ؟؟؟؟؟؟؟ (Re: رانيه محمد الشيخ)
|
سأل احد الركاب موظف الوكالة وكان مصري الجنسية بالله الطيارة السودانية بتجي متين عشان ما نقعد في المطار ساي فقال المصري ( سودانير دا ايه ) دي اسمها العروسة تجي على كيفها وتروح على كيفها
وفي مرة احتار مضيفي سودانير من ذلك الخواجة الذي دائما يصادفونه وهو يستقل سودانير وعملوا معاه لقاء عن سر اعجابه بسودانير فقال الخواجة : ان سودانير اضمن طائرة في العالم حيث لا يمكن للخاطفين ان يحددوا وجهتها وموعد وصولها
| |
|
|
|
|
|
|
Re: مهزلا داخل مطار الخرطوم فى صالة الوصول ؟؟؟؟؟؟؟ (Re: Zomrawi Alweli)
|
انا من 10 سنوات قاطعت سودانير لكن حدث لي في مطار الخرطوم قبل عامين وصلت بالسعودية وكان الدنيا اخر رمضان رمضان العفش وصل لكن عمال المطار بطلعوا العفش من السير زي شوالات العيش يرموا فيها بره السير استلمت شننطتي الاولي شكيت انها اتفتحت ودا كان صاح الشنطة التانية كانت مشروطة عدييييييل في البيت فتحت الشنط لقيت انو الجماعة لطشوا جوال جديد بي عدتو كاملة من شنطة ومن الشنطة التانية شالوا ليهم كيس فيهو كريمات وشامبوهات وعطور زوجتي
| |
|
|
|
|
|
|
Re: مهزلا داخل مطار الخرطوم فى صالة الوصول ؟؟؟؟؟؟؟ (Re: ذواليد سليمان مصطفى)
|
خالد سلامات
طال ما الشغلة بقت زكريات مع سودانير انا عندي معها حكاية ما اظن مرت بي زول في مرة من المرات وانا مسافر طائرة جدة ــ بورتسودان
ودي طبعا رحلة واحدة في الاسبوع الاحد بس مشينا المطار حسب الموعد
الساعة السادسة مساء قالوا لينا مواعيدها اتغيرت الي 11 مساء وسوف نقوم بالاتصال بكم في حالة تغير الزمن مره اخرى
اخدنا تكسي قلنا نمشي السوق ونرجع مشينا وجينا الساعة التاسعة والنصف
لقينا قالوا الطيارة جاءت وشالت الركاب الموجودين واتخارجت وطبعا تاني رحلة لبورسودان الا الاحد القادم
اها يا البحر جاك زووووووووووول
| |
|
|
|
|
|
|
Re: مهزلا داخل مطار الخرطوم فى صالة الوصول ؟؟؟؟؟؟؟ (Re: خالد العطا)
|
يا خالد حمدلله على السلامة
يازول انت كنت وين وكت كنا بنسكل بي هنا
يا خالد يا أخي فرضت علي الظروف هسع السفر بالسودانية الطيارة اتاخرت والناس عينهم طلعت والشفع خربوا المطار شافع اتشعبط في توصيلات الكمبيوتر بتاع الصالة قطعهم خلى موظفين المطار يلوصوا والشافع واهله معذورين قاعدين اليوم كله في المطار وزهجوا يا خالد الناس قاعدة من الصباح الطيارة وصلت المغرب واحد في باب الطيارة زهجان المضيفة قالت ليه البوردنغ باس لو سحمت قال ليها (زحي ......دينكم) المضيفة غلبها تسوي شنو الطيارة الوحيدة البنزل مضيفنها مطار أبوظبي ويخشوا السوق الحر ويشتروا موبايلات ويعبوا شنط ويرجعوا الطيارة تاني وشوف عيني الطيارة الوحيدة البعرف ركابها إذا اقعلت من الخرطوم ولا ما اقعلت قبل موظفي سودانير في المطار وهم معذورين الطيارة في الجو الركاب بكونوا عرفوها بالاتصالات بالمعارف وموظفي سودانير ما عارفين حاجة الطيارة الوحيدة الخدماتها زي الزفت ومضيفيها معدومي الرحمه يبخلوا على اطفال رضع بجرعة موية ويلطعوهم بالساعات وما يدوهم مويه الا بعد الكونكشن والاقلاع من مطار الدوحة رغم انهم شايلنهم من ابوظبي وهم قاعدين بالساعات في المطار واكتر منها جوه الطيارة السخنة وريحتها جاز زي بابور الحبوبات الطيارة الوحيدة الما فيها سيت نمر وتركب تقعد فيها زي الدفار والناس تتجارى لحجز الكراسي والقوي ياكل الضعيف ولو مره اشتغلوا بنظام السيت نمبر يشتغلو شغل الضر مع الركاب وكانهم اعداءهم الشفع جنب الشبابيك يفتحوا ويقفلوا لمن تتطشش والعزابة والفترانين في وسط العائلات والزهجانين منه يرموه جنب الحمامات ومره لقيت عروسين جداد خاتين العروس وسط الكراسي قدام مع عزابة والعريس اخر الطيارة المسكين بي حنته يحاحي في الشفع
يا خالد حصلت مشكلة كبيرة في المطار وسببها انو الهنود بتاعين البوابة قعدوا يتمسخروا في السودانين ويشتموا فيهم ومن سوء حظهم كان في سوداني بعرف لغتهم وقامت شمطه بعد ما ترجم كلامهم وماذنب السودانين والسودان عشان يتكلم الناس فيه بسوء وينالوا من كرامتنا كله بسبب سودانير العهرت أسم السودان وفضحتنا وخلت رؤوسنا في الواطه
تقول لي عفشك اتاخر يا خالد مره من المرات التعيسة في الطيارة في مره معاها طفل رضيع اصرت المضيفة تاخد منها الشنطة الفي يدها شرحت ليها المره المسكينة انو الشنطة فيها بامبرز وحليب خاص لطفلها المابرضع رضاعة طبيعية وادوية تخصه المضيفة قالت ليها تلقيها قدامك وفي عريس تعيس حدد يوموا وجايب شيلته معاه وشابات جايات لعرس وشايلت قشرتن ولوازمها معاهن وصلنا المطار وكافحنا حتى السير يا خالد السير اشتغل شيء لساتك عربات وشيء مقاعد حمامات وشيء ملفلف ما تعرفه شنو والله يا خالد وصادق معاك شفت باب ايوه باب ببي ضلفتين جا ماري بالميزان والناس مستنية عفشها ما ظهر منه حاجه حتى لبن الطفل المسكين ما جا والله يا خالد الناس ديل كلهم مرقوا مافي زول جاته حاجة والله قعدنا 9 ايام وخسرنا قروشنا وطار عرس العريس والمره ام الرضيع رجعت بعد يومين بطيران الاتحاد والبنات صاحبات العرس دقشن سعد قشرة وكنا كل يوم بنتلاقى ونحكي قصصنا وياريت برضه عفشنا لو ما جا جانا مكسر مبهدل وحالته بالبلى اصلوا شاحننو في كارقوا والغايظني انو في الميزان ما اتسامحوا معانا وحاسبونا على اي زيادة ورغم انو وزني كان ناقص لكن شلت لي لي زول وزني بقى 56 كيلو دفعوني الستة كيلو ديل وجابوا لي عفشي بالكارقو
ناصر
Quote: دا كوم والمضيفة القالت لينا: بالله الداير موية من هسه يتكلم نحن ما فاضيين للمشية و الجية، و بالله موضوع بندول دا ما تفتحوهو لي، كلنا مسخنين و راسنا واجعنا. |
مره في السودانية ماشه الدوحة ومنها للخرطوم الناس زهجت وعطشت طلبوا موية المضيفة شايله عبوه بتاعت مويه وكباية بلاستيك واحدة تسقي منها وصارة وشها وتنقنق قلت ليها يا أخي ما معقول غيري الكباية قالت خليهم يتجوغروا هم لاقنها لمت فيها مره سمعتها فارغة ومقدودة وادتها من قعر الحلة لمن قامت جارية وقامت مظاهرة في الجو جوه الطيارة وكان ما الكابتن عاقل يعلم الله كان حصل شنو ما عارف ، الناس اخلاقهم بتكون ضيقة والمضفين قليلين ادب
| |
|
|
|
|
|
|
Re: مهزلا داخل مطار الخرطوم فى صالة الوصول ؟؟؟؟؟؟؟ (Re: عبدالعزيز حسين عبدالرحيم)
|
قبل كدا حكي لي صاحبي وكانوا ماشين الخرطوم من الدوحة المهم بعد الطيارة اقلعت والمضيفة بتوزع في الوجبة شافت ليها حريم بتعرفهم طبعا خلت شغلها وبتستفسر عن سبب رجوعهم الخرطوم فاتضح ليها انو مسافرين بكاء امهم تعال شوف المضيفة اتفكت في البكاء جعير من امو مع اهل المتوفية والطيارة اتقلبت بيت بكا عديل . قال ليك ما باقي الا الكابتن عشان يجي يشيل الفاتحة معاهم .!
| |
|
|
|
|
|
|
|