كتب الكاتب الفاتح جبرا المتوفرة بمعرض الدوحة
|
ما هذا يا بورداب الرياض .؟؟؟؟؟؟ (توثيق بالصور)
|
بكل أمانة عجزت الكلمات أن تعبر عن ما شاهدته اليوم من تكاتف وتوادود وإخاء لاخوة أحببتهم من داخل قلبي والله على ما أقول شهيد فالإبتسامة تكاد لا تفارق وجوههم ... والقفشات تملا المكان ..... كرم وحفاوة وجمال . لذا سأفرد ة للصور تلك المساحة القادمة فالصورة أصدق تعبير من مداد كلماتي التي وقفت عاجزة .. . وسأقوم بتزيلها تباعاً
|
|
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: صبري طه)
|
Quote: يا معتز فاتتك نهاية الحفل .. كانت رائعة بشكل غير عادي |
يا اخ كانت ليلة ولا اروع
بورداب الرياض حين يجتمعون
تجتمع كل قيم السماحة والالفة
والحب الذي لاحدود له
نعم تغدينا رغم ( فقد ) باسطة طارق ميرغني
وقراريص المحرب وسلطة فواكه يوسف السماني
ثم كان الطرب الشجي
طربنا حتى النخاع على انغام المبدع درماس
والمبدع ياسر العيلفون
ازدات فرحتي بلقاء كل بورداب الرياض وضيوفهم
الاعزاء
وبصفة خاصة الاخ الكريم معتز و اخونا ( فاوضني بلا زعل )
الاخ حسن الشايقي
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: ود الباوقة)
|
.. ياسلام عليك يازيزى وبركة بورداب الرياض القدرو يطلعوك من حوشك ! وياسلام على فنانا الكبير صاحب الصوت الاجمل والاروع عمار السنوسى وياعمار علييييييك الله كفاية غربة ياخ والله متعطشين نسمع صوتك الطروب فى الخرطوم ياخ !
شكرا يازيزى على البوست الجميل وتحياتى لكل بورداب الرياض !
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: معتز زيزي)
|
Quote: مثّلت الدكتورة داليا الشايقية بأغنية "يا مولاي" وأحرزت بها هدفين ...
ومثّل ود الباوقة الجعليين بأغنية "دخلوها وصقيرا حام" وأحرز هدف يتيم ... |
صبري
داليا لو لم تستعن بشحرفان لهزمتها هزيمة نكراء ( ههه )
نتقابل يوم الاربعاء باذن الله وربما معي الكرباج ...
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: ود الباوقة)
|
الاخ معتز انت زول فنان اهنيك على التصوير الذى يدل على الاحتراف اما بورداب الرياض ديل حاجه تانيه خالص ياخ انا بكون حاجه تانيه عندما التقيهم اليوم رغم حضورنا متاخرين لظروف ارتباط بضيوف ولكن استمتعنا بباقى الوقت الذى قضيناه مع البورداب وخصصنا منه جزء من فرحتنا بعيد ميلاد حفيدتنا منه مع احلى ناس نحبهم ونرتاح عندما نكون بينهم شكرا درماس اتحفتنا بروائع فنك وشكرا معتز للمره التانيه على هذا الابداع وانت تنقل لى ما فاتنا من يوم استقبال الاخ والزميل درماس
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: ود الباوقة)
|
Quote: علا ود الباوقة رامي يوسف .. ربنا يحفظهم...... |
... هههههههه ..دا شنو يا ود الباوقــة .. ؟
يظهــر في الصورة .. الشيخـة ..عـــلا ود الباوقــة .. وهي ممثلة صغار المؤتمر الوطني بتجمع الأمس .. والكومريد.. عبودي طـارق نقـد جناح الحركة بإستراحة المحمدية ليوم امس يعني زي ما شايفين الشريكين .. اقتسمو الكيكة .. ويبدو أن الشيخـة عــلا تعرف من أين تؤكــل الكسـرة
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: tmbis)
|
ههههههههههههههههههههه
Quote: يظهــر في الصورة .. الشيخـة ..عـــلا ود الباوقــة .. وهي ممثلة صغار المؤتمر الوطني بتجمع الأمس .. والكومريد.. عبودي طـارق نقـد جناح الحركة بإستراحة المحمدية ليوم امس يعني زي ما شايفين الشريكين .. اقتسمو الكيكة .. ويبدو أن الشيخـة عــلا تعرف من أين تؤكــل الكسـرة |
مبالغة
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: Rawia)
|
معتز زيزي أنت رجل مبدع وفنان بمعنى الكلمة .... اما بورداب الرياض فهم كالنجوم التي تلالات في عز الظهر في يوم امس فقد كانو نجوماً ما أستطعت أن أسمو لهم بالرغم من أني صدحت في سمائهم ولكنهم ظلو بعاد عني بحلو شمائلهم وطيب معشرهم ولسان حالي يقول انتم السماء بدت لنا واستعصمت بالبعد عنا .. اخي الحبيب هشام درماس فقد زبنا طرباً من غناك فكم كنت رائعاً أخي هشام بالرغم من ما صاحب الحفل من قصور في الجانب الموسيقي وفي جانب تقنية الصوت فقد أستطعت أن تتخطى كل هذه الهنات وتحلق بنا في سماوات الإبداع فلك مني كل الحب والتقدير وأكيد حا نتقابل .. فكانت ليلة ما منظورة وليلة ويا لها من ليلة .. والأروع فيها انني إلتقيت بعدد كبير من بورداب الرياض لاول مرة وبدون ذكر الأسماء فكانو مصدر فرحتي وتشريفي بمعرفتهم اما البورداب الباقين فكم أثلجو صدري بلقاءهم بعد طول غياب فمنهم من طال بنا الأمد بلقائهم وامس كحلنا اعيننا بلقائهم الجميل فلهم مني كل الود والتقدير .. وكلكم كنتو حلوين أخوتي بورداب الرياض وإن شاء الله مجتمعين بالخير وعلى الخير دوماً ... تحياتي : ياسر العيلفون
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: ABUHUSSEIN)
|
Quote: معتز بلاى لو سمحت ادعم لينا الصور بالاسامى عشان ما ننداح من طرف |
... لنا حق النشر ولكي حق الإندياح ود الباوقة لابس عمة وإسماعيل جلابية بيضاء مكوية ومعاوية سرحان وتمبس أخر واحد قام في الغداء ووزير الري قاعد حارس المسبح والريس أبوجهينة دائماً في حوار وأنا شايل كاميرا ... يتخيل لي قربت ليك الحكاية
Quote: ياسلام عليك يازيزى وبركة بورداب الرياض القدرو يطلعوك من حوشك ! |
يا مزمل ... طلعوني من حوشي ومن طوري كمان ... حلوين حلا ...
Quote: الاخ معتز انت زول فنان اهنيك على التصوير الذى يدل على الاحتراف |
يا المحراب ... يعني (تمبس) بعد دا يضايير ....!!!!
Quote: إنت و بوستك دا الإتنين محتاجين لي وقت و روقة |
أبوحسين ... صدقني المشاعر والأحاسيس أكبر من القلم والورقة أنا قبلك حاولت أصوغ مقدمة بسيطة فعجزت ... تعال عاين بس وأملا عيناك بهذا الجمال ...
شكراً ليك يا راوية ... والشكر لكل البورداب على حسن الحفاوة والأستقبال
Quote: معتز زيزي أنت رجل مبدع وفنان بمعنى الكلمة .... |
والشكر ليك يا ياسر يافنان وبالجد أنت مبدع وصاحب صوت قوي وتطريب عالي ... حفظك الله
Quote: و الله وجـيـه............ غايتو مفروض تدفع لي معتز دا حاجة كويسة صورة 100% |
الصور كتيرررة ... وخصوصا صور البروفايلات البدفع كويس بنزل ليهو صورته ...
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: ابو جهينة)
|
يوم ولا اروع مشحون الق وابداع والفه ومحبه
مشكور كل من سطر حرفا فيصفحة تلكم الامسية
الشكر موصول لكل الحضور بجابن المبدعين الذين شرفوا الحفل
هشام درماس وعمار السنوسي وجلال الصحافةوالبوردابي ياسر العيلفون
الشكر بالطبع موصول للبوردابي الجديد لنج
الفنفن معتز زيزي ..
نظام كسير تلج وكده...!!!
طارق ميرغني والاسره الخرطوم/الرياض وبالعكس
انتو ويييييييييييين صلاح غريبه امبارح
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: طارق ميرغني)
|
Quote: طارق ميرغني والاسره الخرطوم/الرياض وبالعكس
انتو ويييييييييييين صلاح غريبه امبارح |
اخوي طارق ميرغني
مفروض اكون معكم وكنت اول من بادر بالمشاركة
ومع برنامج سفري ظهر لي برنامج اخد وقتي كله
المهم في الجايات نتلاقى
* بعدين قصة
طارق ميرغني والاسره الخرطوم/الرياض وبالعكس
دي ماركة مسجلة لي انا وبس .... فما تخلينا .. ندخل فيها محكمة العدل الدولية ولاهاي واوكامبو وكدة
تسلم يا غالي على السؤال
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: ABUHUSSEIN)
|
كيف ماتكون ليلة عمر وقد شرفها الصوت الشجي عمار السنوسي رفيق غربتي في ليبا حيث كنت امتلك له شريط غنائي كان مؤنس وحدتي هناك في البلد البعيد الغابر الموحش الذي لاتكسر وحشته تلك سواء" خلاص ياقلبي كان خاصم مصيرو يعاتبو خليهو. الفنان درماس يستحق اكثر من هذا وكان بودنا الحضور ولكن سفريتنا للرياض للأسف بداية الأسبوع القادم حيث نتوقع الأخ هشام بعسير قريبا. تحياتي لكم جميعا
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: ود الباوقة)
|
Quote: الشيخـة ..عـــلا ود الباوقــة .. وهي ممثلة صغار المؤتمر الوطني بتجمع الأمس .. والكومريد.. عبودي طـارق نقـد جناح الحركة بإستراحة المحمدية ليوم امس |
هههههه
تامبا
ما مشيت بعيد كلهم كماردة ...
شكرا على التصحيح
والله يا تامبا اول مرة انداح بالشكل دا
يا اخ انتو ناس حلوين حلاوة
عيني باردة ....
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: ود الباوقة)
|
والله يا شباب كالعادة الما حضر ليهو لمـة بورداب رياضابية ... عمرو الاسفيري كلو ضايع .. شكرا يا زيزي يا معتز انو اتلاقينـا .. وشكرا لكمرتك الجامدة جدا ولي زواياك الاحترافيــة .. التحية لي استاذ هشـام درماس لوجوده بيننا واعادنـا إلى زمن الغناء الذي يخاطب الحواس والوجدان .. ويسري في الدم مع الشرايين .. والله انا بقترح يا بورداب الشغلانة دي .. تقرنوهـا لينا بي اي حاجة سريعة كدا .. إن شاء الله تعملو ليك واحدة كدا يوم السبت دا يا الاحد .. تعملوها ديين للجمعة الجاية .. يعني بي صورة أوضح : خلاص اعتمدنا اللمـة يوم الجمعة .. لكن عشان الجمعة بعيدة جدا .. خلونـا نعمله يوم السبت دا ولحدت الجمعة بعداك الباقي نتمو غلاط ..
بالليل طبعـا ..
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: محمد سنى دفع الله)
|
حبيبنا معتز زيزي .. شكراً للمبدع هشام درماس الذي جمل أمسيتنا .. ورحل بنا إلى عوالم الجمال والطرب الأصيل .
والتحيات لكل بوردب الرياض الجميليين ..على رأسهم صديقي المبدع ياسر العليلفون ذلك الجميل الذي يرحل بي إلى عوالم أحن إليها كثيراً ، أما عمار السنوسي ذلك الجميل الطروب .. فهو أينما يحل يحضر الجمال ..
والله الصور مبالغة ياخي .. والله الواحد أطمن أنو شباب وأنو القميص الكاروهات الأحمر .. طلع دسيس عديل كده ياخي ..
دم بخير ياصديقي ،
أخوك/ الأرباب
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: Khalid Saeed)
|
حبيبنا السني .. التحيات لك ولكل الأسرة ..
أنا ليهم بدور كلام .. دخلوها وصقيره حام .. أستبد بي الطرب .. وهزني إيقاع الدلوكة .. وصوت حبيبنا هشام ومن قبله حبيبنا ياسر ..جعل لي جناحين .. فعرضنا كما لم نعرض من قبل ..
والله صدقت يا أبو الحسين .. معتز زيزي .. يستحق عشوة كاربة ..
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: Khalid Saeed)
|
Quote: والله صدقت يا أبو الحسين .. معتز زيزي .. يستحق عشوة كاربة .. |
حبيبنا ود الأرباب ... . . كم كنت جميلاً تلك الليلة ... مرح وبشوش ملأت جوانحنا طرباًبتفاعلك العفوي ... فتلك اللقطة الرائعة أنت صانعها فأنا لم أقم سوى بتوثيقها .... كما أبدع الرائعين درماس وود العليفون ... أبدعت أنت ولكن بلغتك الخاصة ... فكنت فاكهة المناسبة ... وكل الأخوان الطيبين أخجلونا بطيبتهم وحفاوتهم . . بس براي كدا قعدت أتخيل ... اللقطة دي لو كان جنبك ود الصائم ....!!! خيال . . والقادم أحلى بإذن الله
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: داليا الكباشى)
|
شكرآ بورداب الرياض..شكرآ .ضيفنا العزيز لتلبية الدعوة الفنان هشام درماس..الشكر لكل ألحضور الذى زين المكان.
وبصراحة سعدت جدآ بك بلقاك اخى العزيز معتز وأنت إضافة جيدة لبورداب الرياض وعجبتنى فيك روحك الطيبة والملكة فى فن التصوير
كل سنة وأنت طيبة يا منة الله حفيدة ألأخ/خالد المحرب وألأخت عفاف أبوحريرة..كان ألأحتفال بعيد ميلادهارائع بيننا أكد لنا فعلآ أننا أسرة واحدة
شكرأ ضيفنا الكريم ألأخ الفاضل خالد حيمورة لحضورك معنا هذا الحفل الجميل.
الفنان ياسر العلفون أبدعت وخاصة فى ست البيت.
الجميل درماس كنت رائع ويامولاى آه من غلبى.
كل الحضور جميل وفرح إلا من غياب بعض ألأعزاء لظروف خاص(معتصم دفع الله واسرته)
إفتقدنا ليمو وعبداللطيف بكرى والشايقى ومحمود بكر..
ومحمد عبدالجليل صلاح شتات يوسف أبوجيدة.وعمر الفروق
وكثير من البورداب ألجميلين...
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: داليا الكباشى)
|
فعلا : ما هذا يا بورداب الرياض ؟!؟! ليه هذه الخيانات الموثقة بالكوم ؟! وما هكذا تورد الابل يا جماعة الخير ؟!
شكراً زيزي ، فقد عوضتنا ما فاتنا من خيانات لمة الأحبة أمس الجمعة ، والتي يطرشنا ويعمينا ؟!
معليش .. الجايات أكتر ، والعتب على حملة مشاعل الدعوة؟!
لك الشكر مجدداً أخي معتز ، صور أكثر من رائعة .
مودتي ،
( ليمو )
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: داليا الكباشى)
|
Quote: غايتو أنا القميص دة عذبني عديل كدة ... والدليل آلووولو |
حبيبنا صبري .. أفيدك أنه بعد مشاورات .. وبعد ما شفنا الصور الفنانة دي .. وبعد أن تم التباحث مع حبيبنا أسماعيل عباس .. لقد قررنا أن تكون الكاروهات .. موضة صيف 2011م ...
وبمناسبة أغنية يامولاي .. طبعاً .. نحنا قومنا بواجبنا كمشجعين إنحيازاً إلى عكير الدامر .. يعني النتيجة الحققته د. داليا .. على ود الباوقة .. كانت مطعمة .. ونحنا نطالبكم في أول لقاء .. تكون مبارات الرد بعيدة عن المناوارت .. يعني تجيبوا لينا أغنية للنعام أدم .. ونجيكم بي أغنية لخلف الله حمد .. عشان تكون النتيجة معتمدة ..
بالمناسبة نمرة 2 : عليك الله البسبوسة رايك فيها شنو ..
تحياتي، أخوك/ الأرباب
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: Khalid Saeed)
|
Quote: زميل البورض ما خليت برتكانه حايمه ما قشرتها :) |
ايوة يا زميلة امس كنت في غياب ود الصايم شغال مساعدة للاخوان .. كنت قاعد اقشر في البرتكان .. كلما اقشر برتكانة امرره علي يدي اليمين لاقرب واحد قاعد جمبي .. غايتو انا اكتر زول اتظلمته اقشر في البرتكان والجماعة ياكلو .. اقوليك حاجة ..؟ ولا اتغديت زاتووو ..
Quote: وبمناسبة أغنية يامولاي .. طبعاً .. نحنا قومنا بواجبنا كمشجعين إنحيازاً إلى عكير الدامر .. |
اقوليك حاجة يا ارباب .. انا طبعا عندي طعـن في النتيجة دي .. لانو الفريق الخصم كان من ضمن لاعبيه مصطفى شحرفان .. وشحرفان مشهور إنو لعبو خشن جدا .. اقترح انو تعيدو المباراة دي .. لانو ود الباوقة فعلا كان ماسورة كبيرة فشلنا قدام شحرفان والزميلة داليا
Quote: بالمناسبة نمرة 2 : عليك الله البسبوسة رايك فيها شنو .. |
يا ارباب .. انتو البسبوسة دي كانت كاتم صووت ..؟ ياخ انا شايف الصواني بتاعت الفرن .. الشباب يدخلو ويمرقو بيها .. بتمشي تجاه السماعة بتاعت الساوند التانية لي جوه كدا .. وبعداك بتاخد ليها لفه في الاتجاه القاعد فوقو ابو حسين . ثم تختفي .. وفجاة ما نعرف ليها اي خبر ..
يعني تاني نجيب بسبوستنا وبرتكانا معانا واللا شنـو ..؟
الكان مندوب الحلويات منو امس من المؤمنين .. ؟ مش قاليك المؤمن حلبي ..؟
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: معتز زيزي)
|
الصور قطعت
معناها عشاء الفنانين قطع
أذن الوداع لهذا البوست بعد التحية للجميع وصاحبه المصور البارع معتز
غايتو يا ياسر العيلفون ما قصرت تب من شكل صورتك غنيت لهم وابدعت بدون عشاء فنانين يا طويل العمر ههههه.
التحية لهذا الرائع الفنان المبدع دوما عمار السنوسى
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: إبراهيم عبد الحليم)
|
Quote: اللقطة دي لو كان جنبك ود الصائم ....!!! خيال |
كانت بقت زي ملاحة المصريين .... عرفتوها كيف ولا اقول ؟؟
والله يا خالد الارباب لقطه انما ايه وانا اقترحها صوره للبروفايل
لان بتاعة البروفايل عاملك رجل كبير قدر شحرفان "الذي يبدو انه لم يفطر ببنجر هذه الجمعه"
بعدين يا د. داليا يسمنا من برتكان تمبس الوزعوا للجماعه
انت يا معتز زيزي وين صور الجماعه الرقصوا ...؟؟؟؟؟
المره دي طبعا باسطه" نهي " استبدلتها المواطنه بي كيك ونسيناهو في البيت
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: معتز زيزي)
|
Quote: هيع وتاني هيع أنزل باقي الصور ...؟؟؟ ولا أقول مافي خليها مستورة...!!! |
.. أقوليك حاجة يا زيزي .. عادي جدا ممكن انكرك حطــب .. بعدين شفت ليك مصوراتي بتمقلب ..؟ ياخ انا قاعد اقشر في البرتكان للاخوان .. كان علي شمالي عمران .. وعلي يميني ايمن دياب وعلي اليمين شديد اسماعيل عباس وخالد سعيد الارباب ..
خلي واحد في الجماعة ديل يجي يقول تمبس اتغدى معانا ..
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: tmbis)
|
Quote: كاتم صوت شنو ياخ ...؟؟؟؟ شوف صور صبري قبل وصول البسبوسة و بعدها .....!!!! ياخ لونو فتح ...... والصقرية دي الناس جابو ليها طاقة من وين....؟؟؟ أسي ود الباوقة دا بدون بسبوسة بقدر إمشي ... خليها الصقرية.... |
طيب معناته كان في خيانات .. ياخ انا ضربت لي تلاتة قطع بس .. بعدين زي ما قلت ليك الصحانة بتاعت البسبوسة دي كانت بتطلع بالجه اليمنى من الملعب وبتتعكس بالجهة بتاعت ناس صبري دي وبتضرب باص بيني في الجهة بتاعت اسماعيل عباس وابوجهينة .. والزميلة سامية حامد كانت بتضرب باص طويل مرات في المنطقة بتاعت راس الحربـة
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: awad okasha)
|
Quote: ذكرتني "شرير والبرتقالة" فى سيرة البرتقال أتمنى أن لا يمر دكين - ولو على سبيل الصدفة- فيرى هذا الكوت فيدلو بدلوه :) |
يا وليد دكين اتجه نحو العالمية يازول .. موضوع البرتكان دا كان (فقه ضرورة) وأدوات مرحلة ..
Quote: شنو يا عمك الخيانات دي.. كنت تقول لينا عوووك ياخ ... |
ما إنت مكبر اللفـة .. والله زي قشير برتكان الأمس دا .. قريبات دي اصلو ما تلم في يوم زيو ..
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: tmbis)
|
Quote: اقوليك حاجة يا ارباب .. انا طبعا عندي طعـن في النتيجة دي .. لانو الفريق الخصم كان من ضمن لاعبيه مصطفى شحرفان .. وشحرفان مشهور إنو لعبو خشن جدا .. اقترح انو تعيدو المباراة دي .. لانو ود الباوقة فعلا كان ماسورة كبيرة فشلنا قدام شحرفان والزميلة داليا |
حبيبنا تامبا ... بالنسبة للنتيجة .. فقد أثر غياب رأس الحربة الأرباب المحرب على الفريق تأثير مبالغة .. كما نجد أن شحرفان إستغل المساحات وأبرز مهارات .. جعلت من المهاجم داليا .. يستفيد من كل الفرص لتعديل النتيجة . ود الباوقة بصراحة .. بدأ المبارة بي نطة مميزة .. خلت جماهير المدرجات .. يفرحوا فرح شديد ويمنوا نفسهم بي صغرية قلما يجود الزمان بمثلها .. لكين يبدوا أن اللياقة كانت عامل اساسي في النتيجة .. لأنوا لاحظنا ود الباوقة بعد الـ 10 دقائق الأولى أكتفي بالصفيك فقط.
Quote: ياخ انا شايف الصواني بتاعت الفرن .. الشباب يدخلو ويمرقو بيها .. بتمشي تجاه السماعة بتاعت الساوند التانية لي جوه كدا .. وبعداك بتاخد ليها لفه في الاتجاه القاعد فوقو ابو حسين . ثم تختفي .. وفجاة ما نعرف ليها اي خبر ..
يعني تاني نجيب بسبوستنا وبرتكانا معانا واللا شنـو ..؟ |
تعرف ياتامبا .. أبو الحسين أداني صحن فاضي .. قال لي دخل الصحن ده معاك المطبخ .. وأنا مع الإندياح والجو الفرايحي ده .. شلته الصحة .. ومصدق يامؤمن ماشي أوديهو المطبخ .. لمن وصلته المطبخ .. إكتشفت أنو الصحن بلاستيك .. يعني عادي ممكن كان يرميوه في برميل الزبالة .. فقلته لي بت أبو الحسين .. يظهر أبوك داير ليه زيادة بسبوسة .. ولكين أتحرفن شوية .. على كل حال شيلي الصحن البلاستيك الفاضي ده .. وأمليهو بسبوسة .. ووديهو لي أبوك .. غايتو للضمان المره الجايه .. جيب معاك بسبوسبة وكيك بدل حق ناس طارق النسوه في البيت ..
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: ismeil abbas)
|
ده كلووووووو كلوم.. وويكة عمران كوم تاني.. ويكة لم أشهد لها مثيلاً في حياتي.. انخدع (الشايقي) و(شحرفان) بـ(الملاح الأخدر).. وننتظر شهادة علاء تمبس في هذا الخصوص.. وأدامها الله من جلسة ومحبة واجتماع على الخير دائماً.. ـــــــــــــــــــــــــــــــــــــــــــــ والله ناس مروي بعد السد.. بقوا يعملوا شرائح الزيتون في سلطة الخضار.. ويا لها من نقلة وطفرة..
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: أيمن دياب)
|
Quote: وبعد أن تم التباحث مع حبيبنا أسماعيل عباس .. لقد قررنا أن تكون الكاروهات .. موضة صيف 2011م ... |
نعم لقد إعتمدنا ذلك...شعار المرحلة.....كاروهات ألأرباب وخد وهات.وربنا يجعل أيامنا كلها مناسبات.
بصراحة يا خالد إنت زول صاحبى عارفك دائمآ بتحب تقعد جنبى فى المناسبات عشان نبتهج سوى لكن بالله تانى يجيبوا ألأكل ما تقعد جنبى بضيعنى بالضحك وإنت تاكل.
عايز عرضة نحن ناس العباسة والعرضة..عايز بطان تلقانا قدام...
يا.... بصراحة القميص كان شارق الناس وفى ناس ماقدروا يعبروا..وتمبس بنطلونو بتاع الجنز خطير ..بالله مسكنى ليك قال لى رايك فى البنطلون ده شنو..قلت ليهو خطير لكن البخلينى أعاين لتحت شنو بالله قدانا قد بالبنطلون
مزيدآ من الفرح والقمصان والبناطلين عايزنا نغير نمشى نجيكم تانى موضه....الجلابيه ما بنخليه..
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: ismeil abbas)
|
Quote: بعدين يا د. داليا يسمنا من برتكان تمبس الوزعوا للجماعه
|
د شريف الراجل الظريف جاء ومعه كيسين واحد برتقال والثانى موز ومنه برتقالات وقعت فى غضب الله وبقت فى يد تمبس. أنا كنت قاعد جنب تمبس بقشر البرتقال ده ماشاء الله زى الما حصل شىء تقريبآ زى مهارته فى السمك الشغلانية ما واحدة.
خالد سعيد قرض الموز التقول فيهو جينات قرديه.......ومرة يعمل لينا فيها حاوى يطلع الموزة من جيبو.....عالم سحره.
بنشكر د/شريف والذى معه.
تمبس قال ما فى زول بجى يمسكو إنو إتغدا..فعلآ تمبس ده أنا فى الصفرة مرة القاهو جنبى ومرة جنب ودالباوقة ومرة جنب حمزاوى زى ود الموية ما بتقدر تقبضو...عارف بعمل فى شنو.
فى لقطة فاتتنى لو كانت عندى كاميرة كان تكون لقطة الموسم من داليا لتمبس...بصراحة اللقطة رائعة وفيها جمال... تقديرى للجميع.
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: هاشم أحمد خلف الله)
|
حبيبنا الغالي أبو الخلد ...
Quote: خالد سعيد كتب: حبيبنا صبري .. أفيدك أنه بعد مشاورات .. وبعد ما شفنا الصور الفنانة دي .. وبعد أن تم التباحث مع حبيبنا أسماعيل عباس .. لقد قررنا أن تكون الكاروهات .. موضة صيف 2011م ... |
يا سلام ياخ .. الواحد بالطريقة دي حيشرد عديل كدة ...
Quote: خالد سعيد كتب: وبمناسبة أغنية يامولاي .. طبعاً .. نحنا قومنا بواجبنا كمشجعين إنحيازاً إلى عكير الدامر .. يعني النتيجة الحققته د. داليا .. على ود الباوقة .. كانت مطعمة .. ونحنا نطالبكم في أول لقاء .. تكون مبارات الرد بعيدة عن المناوارت .. يعني تجيبوا لينا أغنية للنعام أدم .. ونجيكم بي أغنية لخلف الله حمد .. عشان تكون النتيجة معتمدة .. |
إنت عارف أنا عملت المنافسة بين ود الباوقة ود. داليا .. والنتيجة طبعاً طلعت لصالح الشايقية ... لكن لو قُمت دقست وعملتها بين خالد المحرب ود. داليا .. غايتو الشايقية لو رئيس الاتحاد والحكم بقوا منّهم ما أظن يغلبوا ... ياخي عمّك دة قدّم عروض .. ياها ذاتا بختم الشركة "دخلوها وصقيرا حام" .. تقول لي عمّك الماسورة ود الباوقة ...
Quote: خالد سعيد كتب: بالمناسبة نمرة 2 : عليك الله البسبوسة رايك فيها شنو .. |
يا سلام ياخ .. تصدّق حتى تاريخ هذه السطور خشمي طاعم ... تسلم الأيادي
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: ABUHUSSEIN)
|
Quote: أبو حسين كتب: كاتم صوت شنو ياخ ...؟؟؟؟
شوف صور صبري قبل وصول البسبوسة و بعدها .....!!!!
ياخ لونو فتح ...... |
ياخي كانت فرصة سعيدة إنو الواحد يلتقي بيك ويشيل منّك حبة بسبوسة كتذكار ... وكيف لوني ما يفتح ياخ ؟! تسلم الأيادي
ــــــــ لازم الواحد يجاهد في البسبوسة بعد ما تمبس مرقنا بقد القفة من التحلية دة حالتو ود الصايم غائب
وعلى حسب الروايات قالوا لمّا يتلموا مع بعض روماريو وبيبيتو ما بيلحقوهم !!!
| |
|
|
|
|
|
|
Re: ما هذا يا بورداب الرياض .؟؟؟؟؟؟ (توثيق بالصور) (Re: هاشم أحمد خلف الله)
|
Quote: انخدع (الشايقي) و(شحرفان) بـ(الملاح الأخدر)..
|
يا ايمن
اصبر ... تستخف بي ملاحنا الاخدر؟؟
تاني باسطه يسمك ...!!!
انت ما شفت الشايقي غاطس لي نص كمو في الملاح
ولا درماس كان بيغني للخدار وهو بياكل في الملاح
بالله يا مغتز لو عندك صوره لدرماس والشايقي "فريق الشوايقه " وهم غاطسون في الملاح نزلا لينا
...!!!
يا ابو حسين اسال خالد المحرب الضاق الكيك امبارح..؟؟
| |
|
|
|
|
|
|
|