|
|
 ناصر جبريل .... مبــروك البنيـــــة
|
رزق أخونا الوجيه ناصر جبريل بالبنت الثانية عصر أمس ( عملية قيصرية ) . رغد السعادة لا تفارق محياها بزيارة أختها .
ناصر ألف حمد لله على سلامة المدام ومبروك البنية وتتربى في عزكم إن شاء الله .
ألف حمد لله على السلامة أختى ســلافة . وألف مليون مبروك الأمورة وبالله كتري لينا كده من البنات ديل أصلو عندنا أولاد كتااار ما شاء الله .
تخريمة :
ناصر أها يا أخوي من هسه حاجزين ، ما تجي ناطه لينا غادة عبد العزيز دي تقول حاجزه أنا عارفها ليك كويس .
أها ذي ما قلت ليك سميها ( ميــادة ) . مليون مبروك مرة أخرى .
|
|
 
|
|
|
|
|
|
|
 Re: ناصر جبريل .... مبــروك البنيـــــة (Re: أبو الحسين)
|
صديقي الشفيف أبو الحسين
الناطق الرسمي باسم حكومة الصحافة
تحية عسكرية ســيدي ، ، ،
وينك يا أبو الحسين مشتاقين . ....
عقبال عندك كده ببنية كمان .
| Quote: وتشكرات صديقي عماد يا بشير الخير... |
الشكر لله صديقي وربنا يبشرك بالجنة إن شاء الله . كن معنا لنحتقل يوم بعد يوم بالامورة الجديدة .
أحترامي .
| |
|
|
|
|
|
|
|
|
|
Re: ناصر جبريل .... مبــروك البنيـــــة (Re: Raja)
|
النبيلة رجاء
نهارك قشطة إن شاء الله ، ، ،،
| Quote: الأعزاء طارق وسلافة |
رجاء مالك يا أختي اليوم مع الصباح كده !! إنت شاربه حاجة  . المولدة لي ناصر مش طارق . ( طارق ) ده يبقى عمها . هسه كده زعلتي ناصر منك قال لي يعني أنا ما عاجبها .  .
شكراً كثيراً عزيزتي على مرورك الراقي وعقبال ما نفرح ليك كده إن شاء الله . ( بس بعدين لازم أكون معزوم ) .
| |
|
|
|
|
|
|
|
|
|
Re: ناصر جبريل .... مبــروك البنيـــــة (Re: Raja)
|
العزيزة الكريمة رجاء
صباحك نور وزهور ، ، ،،
| Quote: تخريمة: شاربة شاي بي لبن.. هو منعووه |
لا .. لا ... بس قالوا بسمن !!!!
| Quote: ودي وشكري ليك يا عماد وتعيش وتفرح بالعندك كمان |
ولك أميرتي كل الود والتقدير والإحترام . والله يا رجوية إنا العندي ماشاء الله ولله الحمد كلهم أولاد ( 4 ) قولي ما شاء الله . علشان كده قلت أعرس واحدة تاني تجيب لي بنت بس شقيقتي منى خوجلي قعدت لي عديل كده وحلفت طلاق ما أعرس حتى ولو جبتهم ( 11 ) ولد ( فريق كرة قدم ) . أها نعمل شنو ما ياها أختي الكبيرة قلنا نسمع كلامها ونخت الكرة واطة .
مـودتـــي مــرة أخرى ســيدتي .....
| |
|
|
|
|
|
|
|
|
 Re: ناصر جبريل .... مبــروك البنيـــــة (Re: salma subhi)
|
الكاتبة الكبيرة البرينسيسة ســلمى
صباحك ســعيد إن شاء الله ، ، ،،
الله يبارك فيك يا سلمى ...
| Quote: ودايماً عماد بوستاتك يعلن فيها ميلاد الفرح |
الفرح يوجد حيث تكوني سلمى ... فأنت دوماً ما تزرعي الفرح في دواخلنا بتعابيرك وبوستاتك الحلوة والشيقة وتقودينا إلى عالم آخر فيه المحبة والتفاني والمتعة ... كوني دوماً بخير .
تسلمى يا ستي وجمعاً إن شاء الله ...
مـودتـــي ....
| |
|
|
|
|
|
|
|
|
|
Re: ناصر جبريل .... مبــروك البنيـــــة (Re: ناصر جبريل)
|
أخي وصديقي الحبيب ناصر
 | Quote: اخي عماد الان فقط استطيع أن امارس حقي في الحزن |
لا .. لا ... لا أخي ناصر ، لم يعد للحزن موضعا ، ميادة جاءت لتغسل الأحزان من حياتك فلا تحملها أكثر من طاقتها البسيطة ، جاءت لتزرع الورود فرحاً لا الأشواك حزاناً . تنسم من أريج ريحانها وتمتع برؤية براءتها وتذكر قدرت الله العظيم في تكوينها ودعك عن حزن الزمن لانه ماضي لا يفيد فلو كان الحزن يعيد لنا عزيز فقدنا لزرفنا الدم بدلاً عن الدموع حزناً وإعتصرنا القلب ألماًً عليهم ولكنها سنت الحياة ولنا في حبيبنا المصطفى عليه أفضل الصلاة والسلام عبره وعبر . هنيئاً لمن حمد الله . ومكانك في القلب محفور وفي الوجدان محفوظ . مودتــــي . . .
| |
|
|
|
|
|
|
|
|
 Re: ناصر جبريل .... مبــروك البنيـــــة (Re: غادة عبدالعزيز خالد)
|
Quote: يا عماد أنا حجزت من البوست الفات
فتش ليك بنية تانية |
أهاااااااا ، شفت يا ناصر الكنت خائف منه أهو حصل . يا أخوي أنت الوليه دي واخداها مقاوله ولا شنو ؟!! شوف يا ناصر البنية دي غاتيو لو ماحجزتها لينا سأعلنها حرب لن تنتهي . وحروبنا يا غادة نحن اسألي منها ( د. رشا سالم ) عارفاها كويس خليناها تتخلى عن معتصم وتمبس في غمضة عين ، أها أعملي حسابك وأبقي عشرة على العندك وإلا .......... .
Quote: بس منتظرة سلافة خيتي دي تقوم بالسلامة
علشان نحدد يوم سد المال وكدة يعني |
الكلام كلام رجالة يا غدويه ، ونحن ناصر ده عارفنو كويس كلمة ذي السيف . وما بيخذلنا إن شاء الله .
مـــودتـــــي .....
| |
|
|
|
|
|
|
|
|
 Re: ناصر جبريل .... مبــروك البنيـــــة (Re: خالدة البدوي)
|
خلــود
صباح الخير عليك ، ، ،،
| Quote: العاقبة عندكم عماد |
آآآآآآمييييييييين يا رب العالمين ...
** تخريمة :
تعرفي يا خلود في موضوع كنت عايز أقوله ليك هنا بس شايف غادة دي قاعدة متحركة كده خائف أقوله تجي ناطه لينا كمان ، أها خليهو الموضوع هسه هنا بنتلاقا هناك أحسن أصلو الحيطة ليها ودان وعيون كمان . ...
مــودتــــي ...
جــودي مشـتاقين ....
| |
|
|
|
|
|
|
|
|
|
Re: ناصر جبريل .... مبــروك البنيـــــة (Re: عاطف عمر)
|
| Quote: ناصر أها يا أخوي من هسه حاجزين ، ما تجي ناطه لينا غادة عبد العزيز دي تقول حاجزه أنا عارفها ليك كويس . |
سلامات يا عماد
غادة دي خليها ساى
قلنا تمشي تخطب بت أخونا طارق لإبني باعتبارها ( عمة العريس )
وحياتك لمن شافت العروس ( استخسرتها ) في ولدي وقالت ليهم جاية تخطب لى ولدا .
هيييييييه دنيا
نهايتو
نسوي شنو ؟؟ نتحمل بس
ما نحنا برضو الكبار
| |
|
|
|
|
|
|
|
|
|
Re: ناصر جبريل .... مبــروك البنيـــــة (Re: زرياب كنيش)
|
Quote: غادة دي خليها ساى
قلنا تمشي تخطب بت أخونا طارق لإبني باعتبارها ( عمة العريس )
وحياتك لمن شافت العروس ( استخسرتها ) في ولدي وقالت ليهم جاية تخطب لى ولدا .
|
و الله يا عاطف ما
إستخسرتها في ولدنا محمد الأمين
علا بس البنية عجيتني شديد
و قلنا نديها الخيار بث
و الله يا حليل بيت العرس
.
.
عاطف, ناصر,طارق, زرياب,
سعدية, القلب النابض, سلافة
جعل الله ايامنا و ايامكم كلها أفراح
غادة
| |
|
|
|
|
|
|
|
|
 Re: ناصر جبريل .... مبــروك البنيـــــة (Re: عاطف عمر)
|
أخي الكريم عاطف
ســلامي وإحترامي ....
تسلم من كل بلى وتسلم من غاده دي كمان ...
Quote: غادة دي خليها ساى
قلنا تمشي تخطب بت أخونا طارق لإبني باعتبارها ( عمة العريس )
وحياتك لمن شافت العروس ( استخسرتها ) في ولدي وقالت ليهم جاية تخطب لى ولدا . |
تعرف يا عاطف يا أخوي غادة دي أنا عارفها ليك كويس من زمن بوستيها بتاع الحفلة داك ، بس بي صراحة كده إنت غلطان ما لقيت ألا غادة دي التوديها ليهم علشان تخطب ليك .. يا أخي إن شاء الله كان تودي بنت الجيران أحسن ليك عمة شنو يا أخوي أها جابت ليك الهواء وطرشقت ليك البالونه ذي دي يا أخوي ما عندها ضمان . هسه كمان جات ناطة لي بي جاي غايتو أنا ناصر ده بقدر عليهو بس الله يكافينا شرها ساكت غادة دي .... 
Quote: هيييييييه دنيا
نهايتو
نسوي شنو ؟؟ نتحمل بس
ما نحنا برضو الكبار |
كلام عقل يا عاطف بس غادة دي بالذات ما بنفع معها ذي كده دي لازم الواحد يديها ليك العين الحمراء علشان تهمد شوية وتفضي لينا الجو شويه كده .  
سعدت كثيراً بمرورك ولك إحترامي ...
| |
|
|
|
|
|
|
|
|
|
Re: ناصر جبريل .... مبــروك البنيـــــة (Re: عماد محمود علي)
|
Quote:
رزق أخونا الوجيه ناصر جبريل بالبنت الثاني |
ناصر
ابو رغد
الف مبروك
تتربى المولودة الجديدة في عزكم
وأنقل تهانى الأسرة من الرباط للمدام
وقول ل( رغد )..خلى روحك رياضية ..وتقبلى المنافسة الجديدة بطيبة خاطر
وشكرا للعزيز / عماد ..على هذا الخبر السعيد
| |
|
|
|
|
|
|
|
|
 Re: ناصر جبريل .... مبــروك البنيـــــة (Re: omer abdelsalam)
|
صديقي القائد العام لقوات الصحافة الجوية
سـلام عسكري ســيدي ، ، ، ،،
شكراً جزيلاً على مرورك الجميل بس يا ريس عايزنك كده في خدمة :
أنا شايف غادة دي زودتها حبتين كده ، أها بالله جهز العدة والعتاد لزوم إستاندباي علشان يا غرق يا جيت حازما . غادة دي لازم نوريها العين الحمراء . عايزين ضربه في مقتل كده علشان تاني ما تفرفر .
إشتياقي ســيدي ....
| |
|
|
|
|
|
|
|
|
|
Re: ناصر جبريل .... مبــروك البنيـــــة (Re: Muna Khugali)
|
ملكتنا النبيلة شقيقتي العزيزة منــــو
مشـتـاقيييييييين ، ، ،،
الله يبارك فيك يا منو ويطرح البركة في صغيرتي الكبيرة ( آية ) وعقبال كده ما نشوف جديدها إن شاء الله .
شكراً عزيزتي على مرورك الجميل مثلك ....
مـودتـــــي ، ، ،،
| |
|
|
|
|
|
|
|
|
|
Re: ناصر جبريل .... مبــروك البنيـــــة (Re: Hatim Gubara)
|
| Quote: لكن بنات الناس ديل تشيلي او تحجزي فيهم |
زرياب
يا أبو الجيكيتات السود
كمان جاي تزرزرني هنا
في بيت السماية؟
عجايب
أها حردانة, و ما حأقول كلمة
.
.
أنا عاوزة المحامي بتاعي
ناصر
سلافة كيف أصبحت؟
و البنية إن شاء الله تمام
غادة
| |
|
|
|
|
|
|
|
|
|
Re: ناصر جبريل .... مبــروك البنيـــــة (Re: طارق جبريل)
|
Quote: والله اهو نحن بنحاول نتعايش مع الموت
رحمة الله على الجميع |
حقيقة يا طارق
صعب حينما يلتقي الفرح
بعميق الحزن في ذات الوقت
فلا تعرف تحزن
أم تقفز من الفرح...
أحس بحيرة ناصر و مشاعرة المتزعزة
ما بين فرحة إبنته الجميلة
و ما بين حزنه على أمه و أخيه
لاكن ما العمل يا أخي
فهذه هي الدنيا
و هذا هو الكون
و نحن بندور و إياه
على فكرة
حاولت الإتصال بكم للعزاء
كان يوجد جرس و لم يرفع أحد التيلفون
خالص العزاء و الأمنيات الصادقات بالصبر و الرفاء
غادة
| |
|
|
|
|
|
|
|
|
|
Re: ناصر جبريل .... مبــروك البنيـــــة (Re: عامر تيتاوى)
|
الأخ الحبيب عماد محمود دائماً وأبداً وفي والأيام أثبتت لي بما لا يدع مجالاً للشك بأنك رجل حبوب
وإجتماعي من الدرجة الأولي وعبرك نرسل أجمل التبريكات لاخونا ناصر جبريل ونقول له الف مبروك
البنية وإنشاء الله تكون من المستورات وتتربي في عزكم .
| |
|
|
|
|
|
|
|
|
|
Re: ناصر جبريل .... مبــروك البنيـــــة (Re: هاشم أحمد خلف الله)
|
التهااااااااااااني العذبه تتراقص حيااااااااالي،،،
مبرووووووووووووك ،،ناصــــــــــر & ســـــــــــلافة،،،
مبرووووووك آل جبريل بهذة الوردة الجديدة التي تفتحة في بستاااان
العائلة الكريمة،،،،،،،،، وحمدا علي السـ ألف علي ـــــــلامة،،،
،،،،أخوكم أبا قصي،،،،
ودوما لك أخونا أبوحساااااااااام التحية
| |
|
|
|
|
|
|
|
|
 Re: ناصر جبريل .... مبــروك البنيـــــة (Re: مجدي عبدالرحيم فضل)
|
أخي الحلو أبو قصي
ســلام كتييييير ، ،،، ،
يا راجل وين الوعد بقيت ذي أبو مازن ولا شنو !!! منتظرين الجيه .
عقبال ليك كده بأخت لي قصي وأها من حسه إن شاء الله لو جات بت حاجزين قبل ما تجي كمان غادة ناطه لينا تاني . بس بيني وبينك دي حتى لو حجزنا قبلها ح تجي تقول ليك أنا عندي حق الفيتو . .
شكراً عزيزي على مرورك الطيب .... ســلامي للاسرة الكريمة طرفكم .
| |
|
|
|
|
|
|
|
|
|
Re: ناصر جبريل .... مبــروك البنيـــــة (Re: هاشم أحمد خلف الله)
|
صديقي الوجيه الأنيق هاشم
إشتياقي ومودتي عزيزي ،،،،،
Quote: الأخ الحبيب عماد محمود دائماً وأبداً وفي والأيام أثبتت لي بما لا يدع مجالاً للشك بأنك رجل حبوب
وإجتماعي من الدرجة الأولي |
هذا قليل من ما عندكم عزيزي فهو ما تعلمته وأتعلمه منكم عبر كل مرة إلتقي بكم فيها ، فمنكم نتعلم وبكم نستفيد ، وكما قال الحبيب ( ص ) فحامل المسك أما أن تباع منه واما ان تجد منه ريحة حسنه وانتم كحامل المسك ســيدي ...
شكراً عزيزي على هذا الإطراء الذي لا أستحقه والذي هو أنتم أهل له ، إحتــرامي وتقديري ســـيدي ....
كن بخير ، ، ،،
| |
|
|
|
|
|
|
|
|
|
Re: ناصر جبريل .... مبــروك البنيـــــة (Re: عماد محمود علي)
|
| Quote: غادة دي لازم نوريها العين الحمراء |
الجنرال/ عماد
تمام يافندم
مايهمك ..بس ورينى غادة دى ساكنة وين ؟
جيش الصحافة الباسل على اهبة الإستعداد
وجاهز للإجتياح مقر اقامة غادة وتحديد اقامتها الجبرية فى منزلها
واسر كافة طاقم الحراسة , وتسليمهم الى جنابكم
وكمان لو عاوز نجيب ليك معاهم ناصر جبريل وبقية الشلة المتمردة على قيادتى الإمتداد والصحافة ..ماعندنا مانع .
بالنسبة لناصر ماتخاف نحن محرشين ليهو رغد من أيام ماكانت معانا في المغرب
مورياه العين الحمراء
| |
|
|
|
|
|
|
|
|
|
Re: ناصر جبريل .... مبــروك البنيـــــة (Re: omer abdelsalam)
|
أخي وصديقي القائد العام لقوات الصحافة المسلحة
ســلامي عسكري ســيدي ، ، ،
| Quote: مايهمك ..بس ورينى غادة دى ساكنة وين ؟ |
ياها المحريه فيك ياجنتلمان ، وده برضو عشمنا فيكم ، أها شوكة الحوت دي ساكنه في أمريكا وباقي التفاصيل برسلها ليك إيميل علشان ما تقوم تهرب .
Quote: جيش الصحافة الباسل على اهبة الإستعداد
وجاهز للإجتياح مقر اقامة غادة وتحديد اقامتها الجبرية فى منزلها
واسر كافة طاقم الحراسة , وتسليمهم الى جنابكم |
قدها وقدود ياريس وأنتم أهلُ لها .
| Quote: وكمان لو عاوز نجيب ليك معاهم ناصر جبريل وبقية الشلة المتمردة على قيادتى الإمتداد والصحافة ..ماعندنا مانع . |
ما بتقصر يا هميم بس جيب لي غادة دي كده براها خليني النفش غلي فيها . أما صاحبك ناصر فده خليهو رغد هاده ليك حيله شغال داده ساكت لحدي ما رفع الراية البيضاء ، تعرف ناصر ده غايتو يومين ثلاثة كده براه بجي مسلم نفسه غسيل الهدوم والمكوه والطبيخ وغسيل الصحانة خلوهو ليك مشاي يكلم نفسه ، غايتو رغد ده أنا عافي عنها مش مدياه عين حمراء بس دي عامله ليهو إشارة عديل كده صاحبنا واقف عود بس . غايتو يارغد كنت عايز أزوجك ولدي بس بالشافيه بتعمليهو في باباك ده خلاني أشوف ميادة يمكن تكون أحسن بس عليك الله يارغد أبوك ده ماترحميهو خالص ده معزبنا جنس عذاب من السودان أها حقنا كله نحن خليناهو ليك تخليصهو لينا منو بالحته . وياريت كمان تشوفي لي ولد غادة ده وتمشيهو علي على الصراط المستقيم هم وأمه وتوريهم الويل وسهر الليل علشان تفارق دربنا .
عافي عنك يابتي ....
| |
|
|
|
|
|
|
|
|
|
Re: ناصر جبريل .... مبــروك البنيـــــة (Re: انعام عبد الحفيظ)
|
Quote: جيش الصحافة الباسل على اهبة الإستعداد
وجاهز للإجتياح مقر اقامة غادة وتحديد اقامتها الجبرية فى منزلها
واسر كافة طاقم الحراسة , وتسليمهم الى جنابكم |
يعني أبوي يقبضوا عليهو
في السودان
و أنا في امريكا كمان
ده إيه الهم ده بس يا ربي؟؟
و كما قال الشاعر
أطير ويييييييين و أقع وين
.
.
.
| |
|
|
|
|
|
|
|
|
|
Re: ناصر جبريل .... مبــروك البنيـــــة (Re: غادة عبدالعزيز خالد)
|
عزيزتي غادة
مساءك سعيد وجميل ، ، ، ،
Quote: يعني أبوي يقبضوا عليهو
في السودان
و أنا في امريكا كمان |
البتعملو بإيدك يغلب أجاويدك .... أنا متأكد من إن أبوك برئ ومستهدف بس إنت جنيتي على نفسك براك بعمائل دي .
Quote: و كما قال الشاعر
أطير ويييييييين و أقع وين |
سلم تسلم ، أها الخيار ليك إنسحبي ذي رشا سالم وتكوني في أمان . ولا ترى عمر عبد السلام جاهز .
مـــودتــــي ....
| |
|
|
|
|
|
|
|
|
|
Re: ناصر جبريل .... مبــروك البنيـــــة (Re: انعام عبد الحفيظ)
|
العزيزة إنعام بت عبد الحفيظ
مساء الخير ، ،،،،
كيفنك أختي إنشاء الله كويس ، أها الصداع راح ولا لسه . غايتو جنس شبك ....
عقبال كده ما نفرح بيك يا إنعام قريباً جداً إن شاء الله .
شكراً على مرورك الذي أسعدني وصاحب المناسبة ... كوني بخير .
| |
|
|
|
|
|
|
|
|
|
Re: ناصر جبريل .... مبــروك البنيـــــة (Re: doma)
|
الخاااااااالة دوما
يا مائة ألف هلا ومليون مرحبا ، ،،
منورة البوست يا خاله ، ومشتاقين عديل كده ، ، ، ،
بزيارتك بيتنا نور وبقى كله زينه ...
شكراً ياخاله على مرورك الجميل وتهنئتك الرقيقة مثلك .
إحتــرامي وتقديري ســيدتي ......
| |
|
|
|
|
|
|
|
|
|
Re: ناصر جبريل .... مبــروك البنيـــــة (Re: عماد محمود علي)
|
| Quote: دي ساكنه في أمريكا وباقي التفاصيل برسلها ليك إيميل علشان ما تقوم تهرب . |
الجنرال المفدى / عماد
كدة المسألة بقت سهلة ..سوف ارسل لى غادة شقيقتى الصحفية / نجاة عبدالسلام المقيمة حاليا في ولايةنيو هامشير _ مانشيستر )
بس انت رسل لى على الإيميل كل طلباتك ..ونجاة حاتقوم بالواجب .
بينى وبينك نجاة ذاتها عندها وليد مقلبة اسمه ( عبدالرحمن ) عمره 5 سنوات ومن ألآن بتفتش ليهو على عروسة علشان تتفكه منو .
كان غادة بتخطب ليهو ..انا مسامحها ..وعفى الله عن ماسلف ياجنرال
| |
|
|
|
|
|
|
| |
أبو الحسين
محمد الأمين موسى
Raja
salma subhi
Tragie Mustafa
ناصر جبريل
خالدة البدوي
غادة عبدالعزيز خالد
عاطف عمر
omer abdelsalam
Muna Khugali
Hatim Gubara
طارق جبريل
حاتم هاشم
bint_alahfad
عامر تيتاوى
هاشم أحمد خلف الله
مجدي عبدالرحيم فضل
بدرالدين يعقوب
انعام عبد الحفيظ
معتصم دفع الله
doma
فيس بوك
تويتر
انستقرام
يوتيوب
بنتيريست