|
الحرب مدورة ... وقمة المنبر فى وادى تانى ..
|
الابادة العرقية مدورة هنا فى السودان .. لافى سوريا ولا ليبيا .. ولا افغانستان..
وقمة المنبر هذه عناوينها :
Quote: فنان سودانى يظهر فى اشهر برنامج سهرة بامريكا(Conann O'Brian) إختيار الزميل / كمال الزين مشرفاً على أضخم حملة إعلامية قطريه عربيه مبروك حبيب نورة .. .. .. اخيرا صدرت الروايـة مشروع السودان للفحص الجيني وجدل الهوية السودانية الأستاذة أسماء محمود والبروفيسور عبدالله النعيم في ندوة بواشنطون التحالف الديقراطى بمنطقة واشنطون يقيم ندوة سياسيه حول الاوضاع الراهنة ومستقبل البلاد الفساد الإداري بجامعة القضارف (توجد وثائق) كتاب عابد الله أزرق طيبة (2)/تأليف الباقر مالك الامين |
بره الشبكة ..
أخير قناة الجزيرة ..
|
|
|
|
|
|
|
|
Re: الحرب مدورة ... وقمة المنبر فى وادى تانى .. (Re: العوض المسلمي)
|
العوض و البشير كيفكم يا شباب
كدي خليكم من آمنة دي
رايكم شنو في العنوانين دي
Quote: فنان سودانى يظهر فى اشهر برنامج سهرة بامريكا(Conann O'Brian) إختيار الزميل / كمال الزين مشرفاً على أضخم حملة إعلامية قطريه عربيه مبروك حبيب نورة .. .. .. اخيرا صدرت الروايـة مشروع السودان للفحص الجيني وجدل الهوية السودانية الأستاذة أسماء محمود والبروفيسور عبدالله النعيم في ندوة بواشنطون التحالف الديقراطى بمنطقة واشنطون يقيم ندوة سياسيه حول الاوضاع الراهنة ومستقبل البلاد الفساد الإداري بجامعة القضارف (توجد وثائق) كتاب عابد الله أزرق طيبة (2)/تأليف الباقر مالك الامين |
مش ياهو كلام حميد ذات جهجهة تساب و غرق بلاد... و رادي الدندهوب الغادي امدرمان ينادي حبيب آه .. و حبيبي وين!!؟
و لّ ما ياهو الكلام؟
--------
للضمان كدا انا مقاطع مع المقلطعين يا العوض عشان ما تسألني سؤالك التعسفي داك .. و الفي ايدو القلم بكري ما آمنة في 6000 عضو هنا و في مليون بوست .. ليه بكري ما رفع واحد منها؟
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: HAIDER ALZAIN)
|
Quote: العوض و البشير كيفكم يا شباب
كدي خليكم من آمنة دي
رايكم شنو في العنوانين دي
|
تحياتي يا قيقراوي
معاك يا حبيب العناوين ما فيها واحد تناول الاحداث في ولاية جنوب كردفان لاسباب بعرفها سيد الحوش , يمكن لعدم وجود بوست فيهو حقائق , مفروض الناس تقراها او أي اسباب يعلمها رب العالمين وبكري بس .
خلط الفكرة الجيده بالافتراء هو المشكلة
في ناس في المنبر دا عندهم هوس اسمو عنصرية وتصفية عرقية والخ ...
أي مشكلة أو حرب حتى يتم تحويلها بقدرة قادر للمصطلحات اعلاه
يردموك بهبر ما انزل الله بها من سلطان
التقول الناس البتقرا في المنبر دا عايشين في المريخ .
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: قيقراوي)
|
اهلا قيقا يا زول هي الحرب بدت امس ولا اول امس ؟ حرب الجنوب ليها عشرات السنين ويوم واحد زول في الخرطوم عاب من شغله مافي يعني الدنيا بتمشي والحياة ما بتقيف عشان الحرب .. وبكري ما قصر ولا سحب يوست لزول بخصوص الحرب ولا طلع لائحة بوقف الكتابة عن جنوب كردفان ولكن زي صاحبة البوست دي تريد ان تلفت النظر وتقول بكري ما جايب خبر وفات عليها انه بكري وضع للفساد مكتبات وملفات بس الناس ما عائزة الا تشجب .. يابي الشجب ده كويس نجبربوا ؟ :)
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: قيقراوي)
|
بالفهم بتاع المقالات براها ودور قمة المنبر في الحدث فاتمني اخي قيقراوي ان يعرض اي زول هنا في المنبر بوست يخص ادارة المنبر في اي حدث حصل فيما سبق , عشان نشوف المعيار من حيث عدله او اختلاله .؟ لانه بالجد سياسة بكري ابوبكر من خلال متابعاتنا جميعا ترك الاعضاء ومناقشاتهم ولا يتداخل الا فيما ندر .. وبكري لايفتح بوست الا لخاصته فيما اعتقد ..
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: وليد محمد المبارك)
|
حيدر الزين و وليد يا اخوان رجاء للحظة انسوا كاتب البوست و صدقه او ريائه في مقاربة القضية رايكم شنو في القضية!؟ رايكم شنو في ( الحرب ) ابتداءاً
يا اخوان البموتوا ديل ( ناس ) بغض النظر عن اثنيتهم ما جرذان يا شباب ..
القضية انسانية في مقامها الاول ... و بتهابش حق ( انساني ) مقدس في كل الشرائع السماوية و الوضعية.
اكتبوا رائكم انتو خليكم من الحكم على اراء غيركم
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: قيقراوي)
|
سلامات يا قيقا ..
Quote: يا اخوان رجاء للحظة انسوا كاتب البوست و صدقه او ريائه في مقاربة القضية رايكم شنو في القضية!؟ رايكم شنو في ( الحرب ) ابتداءاً |
رأي حول القضية والحرب منشور ابتداءاً في اكثر من مكان بالبورد دا .. واكيد مافي زول بيؤيد الحرب والقتل والدمار تحت اي ظرف من الظروف الا صاحبة هذا البوست وشلتها من المتاجرين بالقضايا والحروب ومعاناة الناس واوجاعهم ..
ثم كيف ينسو كاتب البوست وصدقه وريائه في مقاربة القضية ؟ انتا من صحك وبي جدك يا قيقراوي .. ماهو القضية الاساسية في تناول امثالها ومن تطبل ليهم هي في القضايا دي وانه جزء من الازمة الحاكمة البلد سنين بعنصريتهم وجهويتهم الفارغة وتحوير اي قضية او نقاش لقضية عنصرية .. مشاكل السودان اساسا فجروها امثال تراجي مصطفي ومحمد سليمان وصبيانهم بشبش وامونة مختار من ناحية والطيب مصطفي واسحق فضل وكهنة الانقاذ من ناحية تانية ديلاك يشيلو ويختو في العنصرية والعرقيــة ويفرحو ويستبشرو باي اشكالية بانها بتفجر الصراع العرقي في البلد وعووك عييك وديلا بيفرح و برضو انهم نجحو يصرفو الناس عن فسادهم وانهم مجرد عصبة مرتزقة لتصوير الامر وكانه حرب معلنة بين اعراق السودان المختلفة وانهم جاءوا ليمثلوا قبائل بعينها شايلة السلاح لازاحة قبائل اخري وتنعكس الصورة انه اي جعلي او شايقي او دنقلاوي هو بالضرورة مؤيد لعصابة الانقاذ وكانهم الحامين حمى القبيلة زي الحاصل اليوم في ليبيا واليمن.. فبالضرورة القذافي وعلى صالح بيوصلوا رسالة انه انتفاضة الشعب ضدهم هي حرب قبلية مقصود بيها قبائلهم وانه على اهل قبيلتو وحلفائهم حمل السلاح بالاساس ليس دفاعاً عن القذافي ولا عبد الله صالح ولكن دفاعاً عن انفسهم اولاً .. التصور دا في السودان انتا قايلو ممكن يكون بعيد طالما دا خطاب امثال المعتوه المغيبة امنة مختار وتجار الحرب والبتجذبهم رائحة الدماء ناس محمد سليمان ومحمد الزاهد بتاع نيو سودان وغيرهم دا اذا اسقطنا من حساباتنا الكلام عن المهرجل الماعندو موضوع بشاشا البيدق الدلوكة وراء اي زول .. ديل مشروعهم الان وخطابهم في تحوير القضية الي جلابي وغير جلابي بيعكس نفس السياسة البيحاولوا يفرضها القذافي وصالح على شعوبهم .. وقت يجي محمد سليمان او الزاهد ومنعم فحولة يكون مشروعهم اقتلوا الجلابة لكي تعيشو او اطردو الجلابة من دولة السودان ليحلوا لكم العيش .. واذا كان الجلابي في فهمهم هو عرق ومجموعة قبائل بدون تمييز حايبقي انا دوري شنو في الموضوع دا ودورك انت والجميع وهم واقعين بين سندان عصابة الانقاذ ومطرقة العنصريين من تجار الحروب ومحترفي الفتن والاثارة .. مع وجود عناصر هشة فكرياص ونفسياص غير مستقرة مثل امونة مختار وتراجي شغالات بينفخن بالكير يؤججن النيران ويزغردن لاي قضية ان هلمو فقد اشتعلت وولعت العرقية.. تقول لي قضية .. دي هي نفسها القضية انو الناس دي تفهم انه العدو واحد والقسم السودان واحد والقاتل لاهل دارفور وكجبار والشرق وبورسودان والاعدم مجدي ورفاقه وضباط رمضان والشلع الناس باسم الصالح العام وشردهم هو واحد لا بيفرق بين مسيري ولا دينكاوي ولا زغاوي ولا بيجاوي و نوباوي ولا جعلي لا شايقي.. بيفرق عنده البينتمي لمشروعه وبس المعاهو بيكون في أمان والضد مصالحو هو ضد مصالحو ولو بقى حسن الترابي العراب الاوصلهم للحكم.. امثال كاتبة البوست وغيرها من المتلقواتية ناس بشبش وترجرج لابد ان يفهمو ويُفهمو سواء رضو او رفضو والتلميذ وقت يهمل ويتخن مخه الاستاذ بيضربو .. ما كراهية فيهو لكن عشان يوعيهو ويستفيد ويفيد
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: HAIDER ALZAIN)
|
شكرن يا حيدر يا زول يا زين
Quote: رأي حول القضية والحرب منشور ابتداءاً في اكثر من مكان بالبورد دا .. واكيد مافي زول بيؤيد الحرب والقتل والدمار تحت اي ظرف من الظروف الا صاحبة هذا البوست وشلتها من المتاجرين بالقضايا والحروب ومعاناة الناس واوجاعهم ..
|
زي حسيت بيك فهمتني اني عاوز امارس وصاية او استنطقك! ابداً و الله لكن تعليقي جا في سياق محدد، و اتمنى انو يتأخد في حدودو و اللهي ( البوست دا ) ما غيرو.. ما بملك حق عليك -و لا الصداقة ذاتو - انو اطالبك برأي .. شفت كيف؟ لكنانتو دخلتوا البوست دا لا تعليقاً عليه و لا موضوعو ... بل صاحبه ان في وجهة نظري انو " القضية " المطروحة فيه عادلة جداً
فعلاً البلد مولعة - بغض النظر عن زاوية الشوف - البلد مشتعلة و البورد و لا كأنو هنا!!
هل النظرة الانا بوافق فيها ( كاتب البوست دا ) صحيحة!؟
-----
باقي كلامك كلو تصدق موافقك فيهو مية المية .. لكن فسالةْ X او سفالة Y ما بتمنعني اشوف عدالة قضية ما .. و لّ شنو!؟
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: قيقراوي)
|
Quote: زي حسيت بيك فهمتني اني عاوز امارس وصاية او استنطقك! ابداً و الله لكن تعليقي جا في سياق محدد، و اتمنى انو يتأخد في حدودو و اللهي ( البوست دا ) ما غيرو.. ما بملك حق عليك -و لا الصداقة ذاتو - انو اطالبك برأي .. شفت كيف؟
|
ابداً يا حبيب .. ويستحيل اخد فهم زي دا او احس بيهو.. تعليقي رداً على كل من يقرأ او يعتقد انه المداخلات هنا لصرف النظر عن موضوع الحرب.. فبينت انه ابداً منشورة الاراء مني او من وليد نفسو الاعتقد انه فاتح بوست مخصوص للموضوع دا.. لكن المداخلات عدم اقتناع بموقف الزولة ورؤيتها هي وحقيقة صدقها - ودي الاعترضت انت عليها اساسا وقلت خلونا منها .. طيب القضية في محلها الواحد اتكلم عنها وزول جايينا يمثل ويزرف دموع التماسيح ان يا بكري ليه يآخ تحتفل بحبيب نورا او احمد جلاب ونحن عندنا قضية في جنوب كردفان ونوبة بيموتو وانه الحرب صعبة ونكيف مع بعض واهئ اهئ اهئ نيييييطك
اول شئ بالتاكيد بيكون ردي اني اقول ليهو كضاب ودموعك دي دموع فتنة بدلالة انك يىخ حايم وراء العنصرية وبتفتش ليها وتؤجج نيرانها ولو ما لقيتها بتالف وتزور عديل كدة وتنجر من راسك نجر اخضر وانك يا بني ادم ما الزول المفروض تقعد تنضم لينا ثبتو في المنبر العام كدة او ما تثبتو كدة لانك ببساطة غير معني الا بالحرب وما يؤدي ليها واعتقد انه دا البوست وموضوعه لو ما كان شئ تاني مثلاً انه اي زول يفتح بوست عن حرب او قتال نقول ليهو احسنت والله و done من سكات كدة لانه القضية لا تحتمل التعريف بي من هو صادق ممن هو كاذب يسعي بالفتنة .. لا اعتقد انه عدالة القضية واضحة لكن العاوز توضيح وبيان هم الناس الشايلين دلوكة العنصرية ديل الواحد يتابعهم بوست بوست مداخلة مداخلة كلمة كلمة لغاية ما يمسكو جادة الطريق او يكسسحو كالعادة شايف كيف!!
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: قيقراوي)
|
مرحب قيقا
Quote: اكتبوا رائكم انتو خليكم من الحكم على اراء غيركم |
انت يا حبوب مرفوع عنك الكلام ده ؟!
ما تكتب رائك وتخليك من الحكم علينا
Quote: يا اخوان البموتوا ديل ( ناس ) بغض النظر عن اثنيتهم ما جرذان يا شباب .. |
هل في زول قال انهم جرذان ؟! انت عاوز تقولنا الما قلناه يا قيقا
!!!!!!!!!!!!!!!
Quote: رايكم شنو في القضية!؟ رايكم شنو في ( الحرب ) ابتداءاً |
مع انو ده تقرير مرفوض لكن حا ارد ليك
ده رائي انا في القضية دي رحم الله عباده النوبة .. سكان البلاد الاصليين والاصيلين
Quote: حيدر الزين و وليد يا اخوان رجاء للحظة انسوا كاتب البوست و صدقه او ريائه في مقاربة القضية |
غير ممكن طبعا يا قيقا
راينا في القضية بنقولوا وكمان راينا في اي زول بفتح موضوع عن اي قضية برضو بنقولوا والناس عندها الحقوق دي وقاعده تقول ارائها فينا وما شفناك شبيت يوم في حلق زول مدافعا عنا
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: وليد محمد المبارك)
|
ولي يا ولي
Quote: مع انو ده تقرير مرفوض لكن حا ارد ليك
|
غلطان ما دام دي قرايتك لكلامي مفروض ما ترد كلو كلو الجابرك شنو!؟
عليك الله اكرمني بقراية رد لود الزين اعلاه .. عشان تكفيني و نفسك رهق التكرار و ما تمشي تجيب لي بوستاتك الكتبتها ..
انا كنت قاصد انو البوست دا فيهو " قضية " .. الناس تركز عليها .. بس ( بفتح الباء )
كلامي دا - لاحظ ( كلامي ) - مارقو للربى و التلاف .. لو غلط قول لي غلط .. و وريني الصاح
اما دي :
Quote: والناس عندها الحقوق دي وقاعده تقول ارائها فينا وما شفناك شبيت يوم في حلق زول مدافعا عنا
|
و قد لا تشوفني كلو كلو ..
لا اجيد الغنا المرهون يا حبيب او حسب نفسياتي ... المافي شنو
سمبلي - يا عملاتا - لاني ما قاعد اكتب منافحاً عن احد و لا مناكفاً لأحد حقك تفهم اني داخل هنا على عكس ذلك .. و لك كل الحق. لكن هل مطلوب مني اترك يقين ما عندي لظن ما عند الناس!؟
اصلو شنو هو!؟
قيل عافية يا فردة و برد نفسك
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: وليد محمد المبارك)
|
سـلام يا قيقراوي والشباب، وشكرا برضو يا حيدر على تعبيرك الضافي.. أنا يا قيقراوي عايز أجاوبك زي ما طلبت يعني دون النظر لكاتب البوست منو، لأنو في الحقيقة دا ما أول بوست يتفتح بالمعنى دا؛ فقد قرأنا بوستات كتيرة ما شاكلة يا بكـري ليه ما رفعت البوست دا وبترفع بوستات تانية ما مهمة.. أولاً البورد دا كان مستمر فترة طويلة دون أن تكون به هذه الإضافة، أي خاصية رفع عناوين بارزة ومينشيتات، وكان كل شي ماشي تمام، يعني مجرد ما تفتح البورد بتجيك العناوين بحسب آخر مداخلة، يبقى نقول ـ بلسان الناس الشايفين إنو العناوين دي حاجة مهمة وسمحة ـ نقول شكرا ليك يا بكري عليها.. أنا قلت بلسان الناس ديل لأنو بالنسبة لي أنا دي ما حاجة مهمة، فبكري ليس هو من يحدد لي أنا كقارئ أو عضو شنو الموضوع المهم أو الأقل أهمية، يعني أنا ويمكن كلكم ما بتقروا موضوع فقط لأن بكري ختّاهو فوق.. وأنا لسة شغال بالطريقة القديمة قبل وجود العناوين يعني برضو مباشرة بنمشي للبوستات بحسب ترتيبها وبختار المواضيع التي أود الإطلاع عليها، وبختار العايز أرد أو أعلق عليها وبخلي الباقي، وطبعا دا برضو أكيد بنطبق على كل الناس، ربما يكون منكم من يهتم للعناوين المرفوعة أو المقالات الخ.. ونسبة لكثرة المواضيع وقلة الزمن الواحد لازم يكون سيلكتيف خالص خالص، يعني أحيانا ناس كتار وأنا منهم بنقرا بإسم الكاتب وليس عنوان الموضوع بسبب قلة الوقت زي ما قلت..الخلاصة إنو بالنسبة لي أن (قمة المنبر) ما بتدي الموضوع أي قيمة مضافة أو تدلل على أهميتو وحقو نقلل من بوستات يا بكري الفعلة دي ويا بكري التركة ديك ونركز في المهم، تماما زي ما طالبت يا قيقراوي بسؤالك عن رأي الناس في الحرب الحاصلة، إذن يبقى دا هو الموضوع مش كتابة عنوان أو عشرة عناوين في أعلى المنبر.. تاني شنو؟: أيوة المنبر ليس هو مصدر الأخبار الوحيد بالمناسبة، وكثير من الأخبار هنا بتجي منقولة من الجرايد أو من مصادر لا يُسأل أصحابها عنها ولا (عما يفعلون!).. والمقالات أيضاً بل أن طريقة عرض المقالات في مواقع أخرى أسهل للقراءة من صفحة المقالات بسودانيز.. يبقى بنتفق معاك إنو البوستات التفاعلية هي المهمة، ونرجع تاني ونقول إنو أهميتها تأتي من الكلام المكتوب والرأي المطروح لا من وجودها أعلى المنبر أو من ترديدها كلام من نوع قالت مصادري أو رشحت تسريبات إلى غير ذلك من الترهات.. أخيراً في مرات كتيرة كان أنصار الحكومة برضو بحتجو بدعوى إنحياز بكري للمعارضة في مسألة رفع البوستات.. تحية للجميع..
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: Isa)
|
Quote: سـلام يا قيقراوي والشباب، وشكرا برضو يا حيدر على تعبيرك الضافي.. أنا يا قيقراوي عايز أجاوبك زي ما طلبت يعني دون النظر لكاتب البوست منو، لأنو في الحقيقة دا ما أول بوست يتفتح بالمعنى دا؛ فقد قرأنا بوستات كتيرة ما شاكلة يا بكـري ليه ما رفعت البوست دا وبترفع بوستات تانية ما مهمة.. أولاً البورد دا كان مستمر فترة طويلة دون أن تكون به هذه الإضافة، أي خاصية رفع عناوين بارزة ومينشيتات، وكان كل شي ماشي تمام، يعني مجرد ما تفتح البورد بتجيك العناوين بحسب آخر مداخلة، يبقى نقول ـ بلسان الناس الشايفين إنو العناوين دي حاجة مهمة وسمحة ـ نقول شكرا ليك يا بكري عليها.. أنا قلت بلسان الناس ديل لأنو بالنسبة لي أنا دي ما حاجة مهمة، فبكري ليس هو من يحدد لي أنا كقارئ أو عضو شنو الموضوع المهم أو الأقل أهمية، يعني أنا ويمكن كلكم ما بتقروا موضوع فقط لأن بكري ختّاهو فوق.. وأنا لسة شغال بالطريقة القديمة قبل وجود العناوين يعني برضو مباشرة بنمشي للبوستات بحسب ترتيبها وبختار المواضيع التي أود الإطلاع عليها، وبختار العايز أرد أو أعلق عليها وبخلي الباقي، وطبعا دا برضو أكيد بنطبق على كل الناس، ربما يكون منكم من يهتم للعناوين المرفوعة أو المقالات الخ.. ونسبة لكثرة المواضيع وقلة الزمن الواحد لازم يكون سيلكتيف خالص خالص، يعني أحيانا ناس كتار وأنا منهم بنقرا بإسم الكاتب وليس عنوان الموضوع بسبب قلة الوقت زي ما قلت..الخلاصة إنو بالنسبة لي أن (قمة المنبر) ما بتدي الموضوع أي قيمة مضافة أو تدلل على أهميتو وحقو نقلل من بوستات يا بكري الفعلة دي ويا بكري التركة ديك ونركز في المهم، تماما زي ما طالبت يا قيقراوي بسؤالك عن رأي الناس في الحرب الحاصلة، إذن يبقى دا هو الموضوع مش كتابة عنوان أو عشرة عناوين في أعلى المنبر.. تاني شنو؟: أيوة المنبر ليس هو مصدر الأخبار الوحيد بالمناسبة، وكثير من الأخبار هنا بتجي منقولة من الجرايد أو من مصادر لا يُسأل أصحابها عنها ولا (عما يفعلون!).. والمقالات أيضاً بل أن طريقة عرض المقالات في مواقع أخرى أسهل للقراءة من صفحة المقالات بسودانيز.. يبقى بنتفق معاك إنو البوستات التفاعلية هي المهمة، ونرجع تاني ونقول إنو أهميتها تأتي من الكلام المكتوب والرأي المطروح لا من وجودها أعلى المنبر أو من ترديدها كلام من نوع قالت مصادري أو رشحت تسريبات إلى غير ذلك من الترهات.. أخيراً في مرات كتيرة كان أنصار الحكومة برضو بحتجو بدعوى إنحياز بكري للمعارضة في مسألة رفع البوستات.. تحية للجميع..
|
يا سلام عليك يا استاذ/ Isa
سلام و سلام
اتفق معاك في 99.99% من كلامك دا و اختلف بس في جزئية من الجزئية دي :
Quote: الخلاصة إنو بالنسبة لي أن (قمة المنبر) ما بتدي الموضوع أي قيمة مضافة أو تدلل على أهميتو
|
من ناحية الدلالة، ولا شئ .. فقط مزاج بكري و علاقات بكري بالكاتب اما من ناحية قيمة - و امكن لاختلافنا فيما هو " قيمة " - دي ما معاك فيها العداد .. فاكتر اسفيري مهم جداً .. الابراز ( عندنا في البيبسي زماان فهم " الموقع الاول " .. و بسببو " المبيعات العفوية " كانت بتشكل بورشن كبير جداً من اجمالي المبيعات ) دا مفهوم " تسويق " حاجة تانية بتأثر في " العداد " هي حتة " التثبيت " .. ما هو بعيد عن العين .. بعيد عن الخاطر و القراية.
بس
شكراً للبيان الماهل دا ياخ و الله لو ربطوني ما كان كتبت زي كلامك دا
------
بالمناسبة انا زيك - و زي كتيرين - بعاقب العناوين المرفوعة دي بـ : التجاهل التجاهل التجاهل
كيّة لي من رفعها ظناً منه بوصاية له على اذواق غيره!!
لكن في المواضيع البتحمل جوانب خبرية ، و الاحداث الغميسة البتحتاج تحليل لا انا و لا انت ما بنفرق مش؟
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: قيقراوي)
|
بالمناسبة حكاية العنصريين البتهمو الناس بالعنصرية دى ما جديدة ..
وحكاية انو كل ما تتصدى للعنصرية الحقيقية الغرقت البلد بالدم ، ويجو المدافعين عن هذه السياسات وينعتوك بالعنصرية دى قديمة ألعبو غيرها.. فمهما قلتم لن تخرسو أصواتنا .. يا صبية الانقاذ ..وسدنة السودان القديم .
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: AMNA MUKHTAR)
|
الجبهة السودانية للتغيير SFC بيان حول الأوضاع في ولاية جنوب كردفان
كشفت الأحداث المؤسفة التي تجري في ولاية جنوب كردفان ومنطقة أبيي المتنازع عليها عن العقلية الأمنية الشريرة التي تتعامل بها السلطة الحاكمة في التعاطى مع القضايا القومية، مما أدخل البلاد في أزمة سياسية عميقة، وبالغة التعقيد قد تدفع بها إلي مزيد من التدخلات الأجنبية، ومزيد م...ن الوصاية والتدويل، وولاية القضاء الجنائي الدولي.
أيها الشعب السوداني العظيم إن الازدراء المهين لحق الإنسان الطبيعي في الحياة، والاستقرار، والأمن والأمان قد فجر في ولاية جنوب كردفان وضعا إنسانيا في غاية المأساوية تمثل في : • فرار عشرات الآلاف من الشيوخ، والنساء، والأطفال وتركهم لديارهم هربا من جحيم المعارك والقتل العمد بناء علي الانتماء السياسي والهوية العرقية. • خلفت معارك مدينة كادوقلي وحدها أكثر من ثلاثمائة قتيل بمن فيهم وزير المالية التابع للحركة الشعبية الأمر الذي يؤكد استهداف السلطة لقيادات تلك الحركه بالقتل والترويع والترهيب. • تأكد فشل الموسم بشقيه الزراعي والحيواني، والأنشطة الإنتاجية الأخرى، الأمر الذي أدى إلي نقص كبير في المواد الغذائية مما يهدد بخطر المجاعة الشاملة لإنسان جنوب كردفان . • كانت المدن والقرى وما زالت هي ساحة المعارك وخاصة تلك التي يقطنها أهلنا النوبة ومنها كادقلي، والدلنج، ودلامي، والجبال الشرقية، هيبان، شات، الصفية، مندي، كرنقو، كنديرة، الأزرق، فاما، كلولو، التيس، أم دورين، كاودا، البرام، طروجي، أم سردبة وغيرها من المدن والقري. مما يؤكد النية المبيتة والإصرار والتعمد علي ارتكاب جرائم حرب، وجرائم ضد الإنسانية، وجرائم إبادة بحق أهلنا في جبال النوبة، الأمر الذي يزيد من السجل المخزي لهذه السلطة الدموية في مجال حقوق الإنسان. • انسداد الأفق في حل سياسي قريب لهذه الأزمة السياسية والأمنية قد يفاقم الوضع الإنساني المتأزم أصلا مما ينذر بكارثة إنسانية تعرض الآلاف من أبناء جبال النوبة لخطرالأباده والانقراض والهلاك.
أيها الشعب السوداني العظيم نخاطبكم اليوم بعد أن بلغت أزمات الدولة السودانية في ظل هذه السلطة حدا يمثل السكوت علي استمرارها خيانة وطنية عظمي، فحروب الاستقطاب العرقي والإثني لم يعد يقتصر نطاقها الجغرافي علي الأطراف فقط، بل تعداها لتشمل القطر كله بعد أن عرف الشعب السوداني أن أزمة الدولة السودانية تكمن في المركز وفي سياسة تصدير الأزمات إلي الأطراف. وتعالى الصوت الرافض لسياسة فرق تسد التى ينتهجها (النظام) وظهر بوضوح في حروب جنوب كردفان فيما يلي: • تمرد أبناء جبال النوبة الذين يعملون بالجيش السوداني في منطقة أم دورين التي تقع شرق مدينة كادوقلي وانضمامهم لقوات الحركة الشعبية وعصيانهم الأوامر ورفضهم قتل أهلهم وذويهم. الأمر الذي دق مسمارا في نعش سياسة ابادة سكان الهامش على ايدى أخوانهم المنتميين للأجهزة الأمنية والعسكرية. • لجأت السلطة لسلاحها الديني والعروبي وجيشت وسلحت قبائل الحوازمة، والمسيرية، وبني حميد، والفلاتة وغيرهم من الاثنيات المحسوبة علي الأصول العربية، الأمر الذي وجد استنكارا وإدانة واسعة من المثقفين والمتعلمين من أبناء هذه القبائل، لإدراكهم بأن خطوة الاصطفاف العرقي والفرز الاثني التي قامت بها السلطة في ولاية جنوب كردفان قد عمقت الجراح في جسم النسيج الاجتماعي الذي مزقته السلطة بحروبها الجهادية الأولي مما يصعب علاجها مستقبلا ويعرض التعايش السلمي الذي ظل لقرون بين شعوب تلك المناطق إلي خطر التلاشي والزوال وإلي الأبد. • انضمام بعض حركات دارفور كالعدل والمساواة السودانية وغيرها من الحركات لجيش الحركة الشعبية للقتال ضد جيش السلطة يؤكد وحدة قضايا الهامش وإنهاء سياسة الاستفراد بالهامش وتجزئة قبائله للقضاء علي روح النضال فيها وإخضاع ما بقي منها. • إن المعارك التي يخوضها أبناء جنوب كردفان ويضحون فيها بدمائهم وأرواحهم نيابة عن كل أبناء الهامش وقضاياهم ضد جيش السلطة الغازي لديارهم قد أرسل رسالة قوية إلي المركز بأن تزوير وسرقة إرادة الشعوب لن تمر دون مساءلة وإن الالتفاف علي قضايا الهامش المصيرية لم يعد بالأمر الممكن. فاستحقاق المشورة الشعبية الذي أقرته اتفاقية السلام الشامل لابد من الوفاء به مهما كانت التضحيات. • إن حروب المركز ضد أهل جنوب كردفان لهي رسالة قوية لكل شعوب الهامش بمن فيهم الموجودين الآن بالعاصمة القطرية الدوحة، أكدت بأن اتفاقيات السلام التي وقوعها والتي سوف يوقعونها ، سوف لن تنتج غير المزيد من الحروب التى يدفع ثمنها أهلهم.
إن الجبهة السودانية للتغيير تأسف للأحداث الصادمة لضمير العالم الحي التي حدثت في ولاية جنوب كردفان وتعزي أسر الضحايا والشهداء وتشاركهم مصابهم الجلل، وتسأل الله أن يلهم آلهم وذويهم الصبر وحسن العزاء، وللمصابين والجرحي عاجل الشفاء. كما تطالب الجبهة السودانية للتغيير المجتمع الدولي أن يتدخل ويتحمل بمسؤولياته كاملة تجاه تنفيذ اتفاقية السلام الشامل التي ضمنها وشهد علي توقيعها. كما نناشد كافة المنظمات الإنسانية، والإغاثية، وكافة منظمات المجتمع المدني، ومؤسسات المجتمع الدولي التحرك العاجل لمساعدة النازحين، والمهجرين، والمتضررين من المعارك الجارية في جنوب كردفان. كما نؤمن نحن في الجبهة السودانية للتغييرعلي النداء الذي أطلقه القائد عبد العزيز الحلو الذي دعا فيه جماهير الشعب السوداني كل في موقعه للعمل الجاد علي إسقاط نظام القتل والإبادة والترويع والترهيب.
عاش كفاح الشعب السوداني
د. أحمد عباس أبو شام رئيس الجبهة السودانية للتغييرSFC لندن يوافق يوم ١٠ يونيو ٢٠١١م.
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: AMNA MUKHTAR)
|
الاِئتلاف السوداني من أجل التغيير..! بيان رقم 2
الشعب.. لا يريد.. الحرب .. يريد.. اٍسقاط النظام..!
... تابعنا بأسي بالغ الأحداث التي دارت ولا تزال مستمرة في ولاية جنوب كردفان في منطقتي " أبييٌ وجبال النوبة " والتي اٍستخدمت فيها مليشيات المؤتمر الوطني كل أنواع البطش والعنف اللااِنساني ..من قتل وتهجير قسري لأبناء الشعب العزل والذين لم يكونوا جزءا من اللعبة السياسية ولكن وجودهم كمواطنين في تلك المناطق جلب اليهم جهنم الانقاذ وحولهم الي ضحايا. كما تابعنا تجدد القصف الجوي للمدنيين في ولايات دارفور المختلفة واِغتصاب الاراضي في مشروع الجزيرة وشرق النيل اِضافة الي قضايا الفساد المالي والاداري والاطباء والجامعات والمعاهد العليا و الصراع الدائر علي أسس اِثنوسياسية داخل أروقة المؤتمر الوطني ؛ فلذلك يؤكد الاِئتلاف الاتي :
اولاً : نترحم علي الموتي الذين سقطوا في تلك المعارك من أبناء الشعب السوداني.
ثانياً : أن المشكلة في جبال النوبة جزء من المشكلة القومية فهي تخص كافة أبناء الشعب السوداني وليس شعب النوبة وحدهم . ثالثاً : الازمة في دارفور هي أزمة دولة وليس أزمة اِقليم كما يدعي النظام . رابعاً : نطالب المنظمات الاقليمية " الاتحاد الافريقي ؛ جامعة الدول العربية " بتقديم مشروع قرار الي مجلس الامن يقضي بفرض حظر جوي في دارفور وجنوب كردفان من أجل سلامة المدنيين...وعدم توظيف عائدات النفط والذهب لقتل الأبرياء.
خامساً : اِجتياح مدينتي أبييٌ وكادقلي بالدبابات يعتبر خرق لاِتفاقية السلام الشامل واِعلان للحرب وتهديد لحياة المواطنين العزل ؛ لذا نطالب المجتمع الدولي بالتحرك الفوري لايقاف الحرب واِتمام عملية السلام .
سادساً : نناشد كل أبناءانا وأخواننا في ولاية جنوب كردفان بأن لا ينخرطوا في معسكرات التجيش التي أقامها النظام باسم الدفاع الشعبي ؛؛ وندعوهم للتنسيق والخروج مع ابناء الشعب السوداني من أجل اِسقاط النظام لتنعم جنوب كردفان بالامن والاِستقرار.
سابعاً : يثمن الاِئتلاف موقف الجنود وضباط الجيش بالفرقة الرابعة عشر مشاة ؛ لمخالفتهم تعليمات المؤتمر الوطني وعدم قتلهم للمدنيين والابرياء ؛ ونجدد دعوتنا السابقة ومن أجل وحدة النسيج الاجتماعي علي القوات المسلحة والشرطة الاِنحياز الي الوطن وليس للنظام الذي بات يتاَكل ويتهاوي من الداخل.
ثامناً : بعد أن زاد عدد النازحين عن 50 الف مواطن من ابناء جبال النوبة نطالب الامم المتحدة ومنظمات الاغاثة بتوفير الحماية اللازمة والرعاية لهؤلاء النازحين ؛ كما نناشد مجلس الامن بأن يعقد جلسة طارئة خاص بجنوب كردفان " ابييٌ - جبال النوبة " لأن هناك ابادة جماعية تجري الاَن في تلك المناطق.
تاسعاً : الاِئتلاف يتابع بقلق شديد حملة الاِعتقالات المنظمة التي يمارسها النظام ضد شعب جنوب كردفان في كل من ابييٌ - كادقلي – الدلنج – الابيض – الخرطوم ؛ لذا نطالب بالإفراج عن كافة المعتقلين الذين زاد عددهم عن ال 155 فرد.
عاشراً : نؤكد بأن تجزئة القضايا علي أسس جهوية او فئوية " دارفور ؛ ابييٌ ؛ جبال النوبة ؛ الشرق ؛ الشمال ؛ كردفان ؛ ضحيا السدود ؛ مزارعي الجزيرة ؛ الاطباء " هذه تجزئة يريد منها المؤتمر الوطني محاصرة المناطق والفئات في اِطار ضيق حتي يتمكن من ضرب وحدتها ؛ فنحن في الائتلاف ندعو كافة الكيانات والفصائل السياسية والاجتماعية والفئوية وحركات التحرر الوطني والشباب والطلاب والمزارعين والنازحين والاطباء الي وحدة الهدف وهو اِسقاط النظام وبناء الدولة الديمقراطية التي تحقق تطلعات الشعب .
يونيو 2011م
الائتلاف السوداني من اجل التغيير
http://www.facebook.com/home.php?sk=group_192...192980780748156&ap=1
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: AMNA MUKHTAR)
|
Quote: يا زول هي الحرب بدت امس ولا اول امس ؟ حرب الجنوب ليها عشرات السنين ويوم واحد زول في الخرطوم عاب من شغله مافي يعني الدنيا بتمشي والحياة ما بتقيف عشان الحرب |
اعلاه اعتراف الجلابي المسلمي علنا وعلي رؤس الاشهاد، انو ماعندو الشغلة بمحارق الابادة للملايين، طول ما دنيتو هو او حياتو هو، كشمالي صاحب حظوة بالميلاد ماشة او حارقة تش!
ده الكلام البحاول يوصلو بشاشا للمتلقي عمرو ده كلو في المنبر!
اما بكري ابو بكر فالرجل زي غيرو جلابي كامل الدسم!
هذا الجلابي "المسلمي" فات عليهو انو حياتو الحارقة تش دي، زي ماقال بي عضمة لسانو وقودا هؤلاء المساكين الذين ابيدو بالملايين والذين شردو بالملايين!
بمعني، ان كل هذا القتل التشريد الابادة، بيحدث من اجل تامين هدف معين ملخصو حياة الجلابي ده، تحرق تش، بي معني يظل مهيمن مكوش علي كل شئ!
ده السبب اوباش الجلابة واكثرهم تنطع ملمومين هنا، شغل الحرامي في راسو ريشة!
هؤلاء بالقريزة بحسو زي كلام اميرة الشرق هذا خطر علي سيادتم كجلابة علي الاغلبية!
كيف؟
لانو زي ما مللنا القول، المعركة معركة وعي في الاساس!
بمعني، ان امضي اسلحة الجلابة من امثال المسلمي او حيدر او وليد، هو وعي المهمشين من امثال بريمة، الدقم، خالد كودي، الصادق اسماعيل...الخ!
لما اخبار الابادة تتصدر المنبر هذه ريح تدفع بي فلوكة الوعي في اتجاه مسار طويل معقد في ختامو سيجد المهمش اخيرا فانوس التحرر في انتظارو، الذي سينير مشوار نضالو المادي من اجل الانعتاق، من سطوة امثال المسلمي.
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: Bashasha)
|
Quote: زي كلام اميرة الشرق هذا |
أميــرة الشرق .. والأميــر الكوشي .. والمجالدة المناضلة ام زرد وعييييييييك غايتو اتأمرتو واتسيدتو .. ذكرتوني رواية احدب نوتردام .. وانتخاب كوزي مودو كملك للحمقي والمغفلين . أهو من عندي تاج صفيح البسو ولبسو البقيــة من الحاشية جبة خيش ومركوب جلد ماعز
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: Bashasha)
|
Quote: ما مشكلة برضو في الجبال بتكضمي حجر وتسكتي وبتعرفي انه التعايش بين الناس اكبر واسمي من انه تدنسيهو بعنصريتك وعنصرية الانقاذ |
حولا ولاقوة!
اعلاه يا خلق، كلام غلام هتلر الجلابة الطيب مصطفي!
يتحدث عن التعايش بين الناس!
قرقرقرقرقر!
نعم نفس الضبحو التور ده:
ابتهاجا بتفتيت السودان، الان يحدثونا عن التعايش بين الناس او كيف "السودانيين" اهل!
يبقي السؤال هل النازي ده فاكة منو مثلا، ولا كلامو ده عايز شرح؟
اكيد كلامو ده عايز شرح، لانو كلام مشفر!
الجلابة عامة يتحدثون لغة مشفرة، تحتاج لي اخصائيين زي بشاشا، الجلابي التائب!
سنعود ونفكك كود صبي الانتباهة هذا! stay tuned!
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: Bashasha)
|
Quote: سنعود ونفكك كود صبي الانتباهة هذا! stay tuned! |
راجيك يا كوزي مودو اميــر الحمقي والمغفلين.. بس في الأول قبل ما تبعـر وتستفرغ هنا .. اثبت نعتك لي بالاعلي مش اسقاطاً من اسقاطتك النفسية البتشعر بيها قبل ما تتوب كجلابي مالك للعبيــد لا جيبها هنا من واقع كتابتي البكتبها هنا والتقاطع بينها وبين الانتباهة وخليك من الورجغة الفارغة عشان ما املاك فارغة لمن تكسسح من البوست دا
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: HAIDER ALZAIN)
|
Quote: ذكرتوني رواية احدب نوتردام .. وانتخاب كوزي مودو كملك للحمقي والمغفلين . |
لو كان عندك شوية ادراك و مخيخ..وانت بتقرا.. لكنت (فهمت) ان كوزمودو لم يكن مغفلا.. بالرغم من انتخابه أميرا للمغفلين ..من قبل مغفلين زيك..
ناس تقرا وما بتفهم..!!
ما قلنا ليكم الفهم قسم ..
____
يحيا كوزمودو..
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: AMNA MUKHTAR)
|
Quote: اهلا البشير دفع الله واحسن من يحدثك عن العنصرية دعاتها وصاحبة هذا البوست لها باع طويل في العنصية والدعوة اليها .. |
طبيعى أن يكون الدفاع عن المستضعفين والمهمشين فى نظر أمثالكم (عنصرية )..
أقعدوا فى عماكم دا ..لمن تحرقوا باقى البلد ..والفضل من أهلها ..
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: AMNA MUKHTAR)
|
Quote: طبيعى أن يكون الدفاع عن المستضعفين والمهمشين فى نظر أمثالكم (عنصرية )..
أقعدوا فى عماكم دا ..لمن تحرقوا باقى البلد ..والفضل من أهلها .. |
ابدا
وكت تدافعي عن المستضعفين والمهمشين نصفق ليك
وكت يروح ليك الدرب في الموية ويختلط عندك الدفاع عن المستضعفين بعنصرين حتى لو كانت مضادة بنوريك
وكت تركبي راسك وترفضي النصح والاستبيان مدقك فوق راسك الغليد ده
العنصرية المضادة لن تطفي الحريق القائم في البلد اصلا دافي بقوه وهاجمي بعنف وقسوة
لكن لا تتعنصري
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: وليد محمد المبارك)
|
Quote: ابدا
وكت تدافعي عن المستضعفين والمهمشين نصفق ليك
وكت يروح ليك الدرب في الموية ويختلط عندك الدفاع عن المستضعفين بعنصرين حتى لو كانت مضادة بنوريك
وكت تركبي راسك وترفضي النصح والاستبيان مدقك فوق راسك الغليد ده
العنصرية المضادة لن تطفي الحريق القائم في البلد اصلا دافي بقوه وهاجمي بعنف وقسوة
لكن لا تتعنصري
|
حاضر يا أستاذ..
___
قااادر الله.. النملة تدى الفيل درس..
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: AMNA MUKHTAR)
|
Quote: العوض و البشير كيفكم يا شباب
كدي خليكم من آمنة دي
رايكم شنو في العنوانين دي
Quote: فنان سودانى يظهر فى اشهر برنامج سهرة بامريكا(Conann O'Brian) إختيار الزميل / كمال الزين مشرفاً على أضخم حملة إعلامية قطريه عربيه مبروك حبيب نورة .. .. .. اخيرا صدرت الروايـة مشروع السودان للفحص الجيني وجدل الهوية السودانية الأستاذة أسماء محمود والبروفيسور عبدالله النعيم في ندوة بواشنطون التحالف الديقراطى بمنطقة واشنطون يقيم ندوة سياسيه حول الاوضاع الراهنة ومستقبل البلاد الفساد الإداري بجامعة القضارف (توجد وثائق) كتاب عابد الله أزرق طيبة (2)/تأليف الباقر مالك الامين
مش ياهو كلام حميد ذات جهجهة تساب و غرق بلاد... و رادي الدندهوب الغادي امدرمان ينادي حبيب آه .. و حبيبي وين!!؟
و لّ ما ياهو الكلام؟
--------
للضمان كدا انا مقاطع مع المقلطعين يا العوض عشان ما تسألني سؤالك التعسفي داك .. و الفي ايدو القلم بكري ما آمنة في 6000 عضو هنا و في مليون بوست .. ليه بكري ما رفع واحد منها؟
|
لافض فوك أخى قيقراوى..
بالمناسبة..الناس ديل عارفين أى حاجة ..لكن بستعبطو..
الاستعباط هو أسلوب العنصريين من زماااااان .
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: وليد محمد المبارك)
|
Quote: ابت ليكم العرقيــة تشتعل انتي وستك في بورسودان هنا :
مقتل طالب ببوتسودان واشتعال(العرقيه) و الانقاذ ستجني ما بذرته!
قلتي تتجهي غرباص وتلحقيها في جبال النوبة ؟
ما مشكلة برضو في الجبال بتكضمي حجر وتسكتي وبتعرفي انه التعايش بين الناس اكبر واسمي من انه تدنسيهو بعنصريتك وعنصرية الانقاذ .. والسودانيين اهل طالما ختو الانقاذ وختو وجهها الاخر اتي ومن حالفك من العنصريين والمتاجريين بالحروب والقضايا .. |
هريتونا بتريد أكذوبة التعايش السلمى..
السودان ده أكتر دولة عنصرية فى العالم ..
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: AMNA MUKHTAR)
|
Quote: يعني حتى قصة الاطفال حقت (الفيل والنمل) ما قريتيها يا كافي البلا |
.. لا يا وليد دي قرت .. منهج بريطاني ما عندهم قصة الفيل دي .. بكونو ادوهم قصة القرد الشال الطاقية بتاعت النمــر وقام لبسه طبعا دي قصة معقدة شوية .. عشان كدا زي ناس أمنة ديل طلع مخهم كبير جدا ..
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: قيقراوي)
|
على حسب فهمى أن العمل دا هو تصفية حسابات بين المؤتمر الوطنى والحركة الشعبية وأهلنا النوبة ضحية لذا أحر التعازى لأهل الموتى ونتمنى الشفاء العاجل للمصابين وان يعود الامن والاستقرار لكادقلى الجميلة والفتنة نائمة لعنة الله على من أيقظها ونتمنى لكل سودانى حياة كريمة بل يحق لكل سودانى ان يعيش امنا عزيزا مكرما فى بلده
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: صديق مهدى على)
|
Quote: تحياتي يا قيقراوي
معاك يا حبيب العناوين ما فيها واحد تناول الاحداث في ولاية جنوب كردفان لاسباب بعرفها سيد الحوش , يمكن لعدم وجود بوست فيهو حقائق , مفروض الناس تقراها او أي اسباب يعلمها رب العالمين وبكري بس .
خلط الفكرة الجيده بالافتراء هو المشكلة
في ناس في المنبر دا عندهم هوس اسمو عنصرية وتصفية عرقية والخ ...
أي مشكلة أو حرب حتى يتم تحويلها بقدرة قادر للمصطلحات اعلاه
يردموك بهبر ما انزل الله بها من سلطان
التقول الناس البتقرا في المنبر دا عايشين في المريخ . |
يعلم الله انت التقول عايش فى المريخ...
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: الصادق الزين)
|
قمة المنبر اليوم :
Quote: أجمل ما في تجاربي مع الاخرين WHAT A POLITICAL TSUNAMI! by Edward Abyei Lino المرأة في الخطاب الفكري الإسلامي د/ناهد محمد الحسن السبت 6/25 SAWO اعلان:ارشفة المنبر العام الحالى الربع الثاني للعام 2011م يوم 30 -6-11 Time to rejuvenate English board |
| |
|
|
|
|
|
|
Re: الحرب مدورة ... وقمة المنبر فى وادى تانى .. (Re: HAIDER ALZAIN)
|
قمة المنبر اليوم :
Quote: نقابة الصحفيين المصريين تندد بمحاكمة فيصل محمد صالح الف مبروك للزملاء عبد الواحد و اميرة دورة حمودة . ساسل..ميتشجان..يوليو 2011 منطقة واشنطن الكبرى تستضيف الدورة الرياضية التاسعة لاتحاد ســاسـف2011 المرأة في الخطاب الفكري الإسلامي د/ناهد محمد الحسن السبت 6/25 SAWO اعلان:ارشفة المنبر العام الحالى الربع الثاني للعام 2011م يوم 30 -6-11 Greeting the Millennium (Poem)by Monim Khaleefa
|
| |
|
|
|
|
|
|
|