|
|
|
 Re: فتعلم يا عبد العاطي ان القيادات لا تُصنع (Re: abubakr salih)
|
أخانا القيادي فى الحزب الليبرالي، عادل عبد العاطي راجل تختلف معه فى حين و توافقه فى أحايين أخر لكن فى كل الاحوال لا تملك الا ان تشهد له بالجد و الاجتهاد و الانحياز الدائم لقضايا الوطن. أنفق الرجل من وقته و جهده و فكره الكثير لكي يصنع من السيد نور تاور كافي قيادي سياسي على قدر العزائم الوطنية لكنه لم يجنى من جهده الا السراب.
| |
 
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: abubakr salih)
|
هذا فضلاً عن القيادة تصنع نفسها بالاجتهاد والصدق والسمات الشخصية مثل الذكاء والاجتهاد والقدرة علي العطاء..............
فنور مع احترامي لها الا ان تصريحاتها الاخيرة اشبه باعضاء المعارضة حينما يبدأؤن التساقط .......والتساقط ليست باي حال سمة القائد ......
لذلك لم اشعر في يوم بان نور تاور تمثل قائد سياسي وان اجتهد الاخ عادل عبدالعاطي في تسويقها ...........
| |
|
|
|
|
|
|
|
|
 Re: فتعلم يا عبد العاطي ان القيادات لا تُصنع (Re: AMNA MUKHTAR)
|
الاستاذة آمنة مختار
بعد التحية
Quote: الغريبة ان عادل عبد العاطى نفسه يتميز بكل صفات القيادة..
مشكلته فقط هى العناد ..
أعتقد انه من زمان عرف وتأكد ان إختياره خاطئ ..
ولكنه العناد فقط ولا شئ غيره . |
قيادات الديموقراطي الليبرالي لا يختارها عادل عبد العاطي
بل عبر آلية ديموقراطية وهي الانتخاب
تحياتي يا خضراءفء
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: قيقراوي)
|
عادة بقرا الانتباهة بدري جدا كاصطباحية منيلة بستين نيلة (من اوائل الجرائد التي تحدث موقعها)
شفت الاسم وجنبو المقال وعاينت للصورة استغربت لدرجة اني ما قريت المقال
وجه الاستغراب ماذا تفعل نور تاور في الانتباهة لسان حال النقاء العرقي العربي (وهي ليست عربية باي حال)
كنت ناوي افتح بوست لا يدور حول المقال وعضمو ولكن عن مفارقة نشر مقال لناشطة ليبرالية في جريدة مثل الانتباهة
فطت كل الجرائد ونطت نطة كبيرة قدر دي للانتباهة
دي جهجهت باكاتي وحمتني اقرا المقال واظنها جهجهت باكات عادل عبدالعاطي
ليس لدي اي اعتراض على عضم مقالهافهي حرة تتبنى الموقف الذي تريده ولكن استغرب فقط نشر المقال في الانتباهة
وقد كان المقال سيجد فرصته بل وربما الاحتفاء به في الصحافة والسوداني او التيار يا خي كان تمشي للهندي عزالدين معقولة برضو
ولكن الانتباهة الانتباهة يا نور تاور دي كبيرة اوي اوي
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: أسامة البلال)
|
Quote:
قيقراوي بطل شلاقة. لاتسخر من منكر وتأتي بمثله (:
|
لووووووب
لو وريتك الشليق منو بتتضايق كلو كلو 
من ناحية السخرية .. جلطي تب الحمد لله
لكن انقر من شنو؟
سألتني مش؟
ربنا يقدرك على البرسة طيب ...
يا عزيزي السخرية موضوعها ما الخطأ الطباعي .. لا لا ياخ ..
و الله كنت عاوز اصلح الكلمة- ما صاحبي ياخ ممحوح دا..
اها كنت عاوز اصلحا لـ ( خضراء ) عشان تستقيم السخرية - دا عضم السخرية ذاااتو ياخ بالمناسبة - شفت كيف؟
يعني ممدوح دخل ليقول لآمنة انو الحزب الليبرال حزب مؤسسات ؤ كدي ..
و جايي يطاعن بـ ( خضراء )!!
علاقة خضرتا او بمبيتا برأيها ( الشخصي ) شنو؟
فتأمل
يعني الا الزول يكتب ليكم بالمنهج الملاسي دا!؟
تعرف انو رأيي - الشخصي برضو - نففففس رأي آمنة دا .. و قريت للكونت و عمر عبد الله فضل المولى و ابوبكر صالح نفسسسس الرأي مع انهم قولبهم شتى و الوانهم ( السياسية ) بتختلف .. و الحمد لله كلهم ما فيهم اخدر و لا خاتف لونين ..
اها حنجلة صاحبي ( ممحوح ) لازمتا شنو عاد؟
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: قيقراوي)
|
لا لا يا فتحي ياخ
ما تحاكم نواياي
الاستاذة آمنة مختار وحزب الخضر السوداني هم الاقرب لي من بعد الليبرالي
وما وصفي لها بالخضراء إلا نسباً لشعارها الذي إختارته ولعمري أنه نعم الاختيار
للاستاذة آمنة مختار التحية والتقدير
ولك عدد 10 (وشوش) عاتبة
| |
|
|
|
|
|
|
|
|
 Re: فتعلم يا عبد العاطي ان القيادات لا تُصنع (Re: ممدوح أبارو)
|
مامشكلة عادل عبدالعاطي يصنع قيادتين بدل واحدة
لكن كمان مايكسر لينا ناس إحنا بنفتكر إنهم ممكن يكونوا قياديين
أظن الحتة بتشيل
مش ياقيقراوي؟
ياخ أنا من زمان مقاطعاك ومابقرا ليك ليه ماعارفة
_______________
مشكلة عادل وصناعته إنه الرو ماتريال بتاعه صلاحيته منهية
(التعليق دا ماليه أي علاقة بالعمر)
ومادته رديئة أول مايدخل الموية بيبوظ
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: Rawia)
|
يعني عادل عبدالعاطي صنع قيادة حزب عادل عبدالعاطي ....
والله الكلام دا لو صحّ ... يكون كلام مضحك ...
ولو كمان ما حقيقة - يمثّل فقط راي الكثير من المراقبين عن كثب - يكون برضو كلام مضحك ...
يعني موقف بت النوبة من البيحصل في جبال النوبة ما معدود ... المعدود موقف عادل عبدالعاطي من صنعتو ...
(آمنة مختار ما "تصنعيني" قيادة لي حزبكم العدمان الحلبي والقمحي وابو سمرة والازيرق دا ..... خدار ساااااي)
... المهم ....
| |
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: تبارك شيخ الدين جبريل)
|
Quote:
مامشكلة عادل عبدالعاطي يصنع قيادتين بدل واحدة
لكن كمان مايكسر لينا ناس إحنا بنفتكر إنهم ممكن يكونوا قياديين
أظن الحتة بتشيل
مش ياقيقراوي؟
ياخ أنا من زمان مقاطعاك ومابقرا ليك ليه ماعارفة
|
النفوس لو اطايبت و الله تسع الجميع .. بي حليفتا
ياخ ريحتيني جنس راحة بالسطر التاني دا .. يا سلاااااام عليك ياخ
( بالمناسبة قريت تعليقك في بوست البرلوم الباحث عت شهرة داك عن د. ناهد )
لو جينا لحساب نكير زي بتاعك العملتي لي داك ..
اها زجك للاسمين التانيات، دا ما فتل للبوست اسي؟
انقري عملت غمران لييه؟
لانو دا جنس الفتل الواجب عديييييل .. شفت كيف؟
يديك العافية ياخ .. و عليك الله ثابري في الفكرة دي لمن تثمر
------
لووووووول
انت كل مقاطعاتك ما بتكمليها للآخر؟
لا عليك يا ستي ..
لاني براي غالباً .. و غياظ مرات مرات .. بس ( بفتح الباء )
سم سانين : القروا لي استفت منهم شنو ذاتو .. يوم وااااحد ما زول قلي هاك!
بس ( بكسر الباء )
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: قيقراوي)
|
الاخ ابوبكر صالح
كل التحايا والاحترام
عبد العاطى فى نظرى وراى لم يصنع نور وانما سعى بين الناس الى تثبيت هذة الفكرة المنتهية الصلاحية
فنور تاور وحسب معرفتى الممتدة لها تمتلك شخصية قوية وعقل متزن ورؤى فاحصة تجبرك على احترامها واحترام فكرها
كشخصية معارضة , وخروجها الى الساحة العامة للاسف تزامن مع خروج الكثير من معارضى الغفلة (فى نظرى) وعديمى العقل
والرؤى المستقبلية الفاحصة للاوضاع الراهنة فى بلدنا وضاع صوتها العاقل وسط اصوات النشاز التى تعالت تأئهة فى مهدها
نور تاور اخى الفاضل شخصية تمتلك صفات القيادة وقد ثابرت وصبرت واعتقد ان اوانها قد أأن لتشرق هى على فجر المعارضة الهشة وتقودها بعقل متفتح بعيدا عن الدسائس والمؤامرات و المكاسب الشخصية
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: Rawia)
|
Quote: اغرب مافى الموضوع يا تبارك أن تسائل أحدهم لماذا لم "يرفد" عادل عبدالعاطى رئيسة حزبه !!!
المهم .. |
ههههههههههههههههههههههههه .........
__________________________________________
هسي يا قيقا (يا ود ام قيقا) دا احترام الجميع لآراء ومواقف "نور تاور" من أهلها؟
ياخي دي مشنقة علنية لى "نور تاور" بسبب آراءها ومواقفها من سياسات الحيكومة والحركة القاعدة تأثر على حيوات أهلها ...
والكلام دا في محك تاريخي الآراء والمواقف فيهو بتتحسب حساب نكير ...
"نور تاور" عبرت عن موقفها من الأزمة ... المشكلة في الدايرين يشنّفوها بمعايير عادل عبدالعاطي (ولامؤاخذة) وفي نفس الوكت دايرين يحترموها ويحترموا مواقفها تجاه "نوبة جبال" .... ما هو يا كدا ... يا كدا ... انت مع "نور تاور" (ككوز رمادي)؟ ولاّ مع عادل عبدالعاطي (كدرب آخرو مضحك)؟
التمزق بتاعك ما بيهم زول في جبال النوبة بى حاجة ... بيهمّك انت براك (انت والدايرين معاك في فلك عادل عبدالعاطي)
العلمانية ... ما شعارات بى معايير تبث من "وارسو" على الهواء مباشرةً ...
وناس عادل عبدالعاطي ماسكين استقالتها وساكتين وممحّنين لغاية ما كتبت في الإنتباهة حتى قالوا:
آآآآآآآ .... آآي والله اتذكرنا .... هي مش استقالت قبل كم يوم؟ واللاي صحي ...
(عاد دا كلام دا؟)
... المهم ....
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: عوض محمد احمد)
|
طبارك الذي بيده الفرشاة و شابكنا بيها سواطة الوان ساااااي
Quote:
هسي يا قيقا (يا ود ام قيقا) دا احترام الجميع لآراء ومواقف "نور تاور" من أهلها؟
ياخي دي مشنقة علنية لى "نور تاور" بسبب آراءها ومواقفها من سياسات الحيكومة والحركة القاعدة تأثر على حيوات أهلها ...
والكلام دا في محك تاريخي الآراء والمواقف فيهو بتتحسب حساب نكير ...
"نور تاور" عبرت عن موقفها من الأزمة ... المشكلة في الدايرين يشنّفوها بمعايير عادل عبدالعاطي (ولامؤاخذة) وفي نفس الوكت دايرين يحترموها ويحترموا مواقفها تجاه "نوبة جبال" .... ما هو يا كدا ... يا كدا ... انت مع "نور تاور" (ككوز رمادي)؟ ولاّ مع عادل عبدالعاطي (كدرب آخرو مضحك)؟
التمزق بتاعك ما بيهم زول في جبال النوبة بى حاجة ... بيهمّك انت براك (انت والدايرين معاك في فلك عادل عبدالعاطي)
العلمانية ... ما شعارات بى معايير تبث من "وارسو" على الهواء مباشرةً ...
وناس عادل عبدالعاطي ماسكين استقالتها وساكتين وممحّنين لغاية ما كتبت في الإنتباهة حتى قالوا:
آآآآآآآ .... آآي والله اتذكرنا .... هي مش استقالت قبل كم يوم؟ واللاي صحي ...
(عاد دا كلام دا؟)
|
فلك عادل عبد العاطي الشايفني لافي فيو دا طول قطر دائرتو كم!؟
شاورت زميلك انت و لّ اهي شخبطة، و ضرب فرشاة رسم كما يتفق و السلام!!؟
يا زول انا ما مع اي ي ي زول في الدنيا دي .. مع الحق اينما ترآى لي ..
عشان كدا الناس - ناسي - كل مرة بتغيروا .. بس ( بكسرها للباء [ يا عملات الشوام ] )
اديك ورد شيخي تاج السر جعفر الخليفة طه الريفي :
و لكنا كما نبدو هجينا نيئا لتلاحم الغابات و الصحراء, إذ يرتاح فوق رؤوسنا
التجار
و السمار
و الفوضى
و تحكمنا القبائل و الجنوووووووووود
تبا لهذا الإنطهاق المستفز
فهذا الخصي يشنق كل أحلام الطفولة
و هذا الوضع يتهمنا بالنضال و ينتهكنا واعيا بأزيزنا في الشارع المفقود, أين الشوارع كي نعلق معطيات المرحلة
بل أين المراحل كي نفتش عن طريق لا يضل طريقه نحو السياسة
إن المراحل تغتصبنا في الحروب لتشتري دخانها اليومي من سوق العساكر
إن العساكر باعة يتجولون على أزقتنا ,يبيعون الدعارة للذين يراهقون بشعبنا
كانوا كهولا ملتحين و راهقوا
ربحت تجارتهم
و مات البائعون دماءهم من اجل أن نمشي على أقدامنا, و نحسها تمشي – فنمشي نحو أفق لا يصله الباعة المتجولون
دعارة أن تشتري من عسكر شيئا لتحكم دولة الجوعى
و دعارة أن تستبيح الوعي كي تسري إلى ثرواتنا ليلا
فلا مسجدا أقصى وصلت
و لا وحيا أتاك من البعيد
ولا ارتفعت بمستواك إلى القضية
إن القضية أن توازي ما علمت بما تمارس من سلوك
و أن تمشي إلى الأشياء و أنت تدرك أنها الأشياء
و أن تبقى مع صوت الحقيقة - أينما اتجهت - لكي تبقى دليلا للحياة
إن القضية أن توازي ما علمت بما تمارس من سلوك
و أن تمشي إلى الأشياء و أنت تدرك أنها الأشياء
و أن تبقى مع صوت الحقيقة - أينما اتجهت - لكي تبقى دليلا للحياة
شفت كيف؟
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: عوض محمد احمد)
|
الاستاذ المحترم عوض محمد أحمد
تحياتي
سوف أوضح لك ما اقتبسته أعلاه ليس لشي إلا إماني بمواقفك الواضحة
ولم أرد علي الاستاذ تبارك شيخ الدين لعلمي بغرضه من المقتبس
ألا وهو النيل من عادل عبد العاطي لما بينهما من خصومة يعرفها الجميع
تكتمنا في الحزب علي موضوع استقالة الاستاذة نور تاور
حتي يبت فيها المجلس السياسي والتنفيذي في اجتماعة المشترك الذي دعيت له الاستاذة مرتين ولم تحضر
وهذا شأن داخلي ومن حقنا كحزب أن نري متي وأين وكيف نفصح عن أمورنا
ممدوح أبارو
نائب رئس المجلس السياسي بالحزب الديموقراطي الليبرالي
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: قيقراوي)
|
راوية سلمات
وكتر خيرك علي ظنك فينا بأننا مجرورين ساي ورا عادل عبد العاطي
ويا قيقا كلامك دا ياهو الما صحيح كلو كلو
ولو قريت الرابط دا كويس كان عرفت انو أنا القدامك دا وثروت اكثر اتنين متمسكين بالموضوع
موش عادل الفتح الموضوع!!
ياخ نحنا ما مطالبين بأننا نعرض أجندة اجتماعاتنا ونقاشاتنا داخل الحزب في المنبر هنا
طيب وعشان انت صاحبي وعندك خاطر عندي حأقول ليك أنو انا وثروت أصحاب فكرة الانسحاب من توحد
وعادل بس (بفتح الباء) أتلاقي معانا وأمن علي المقترح
وهناك عضوية رأت الاستمرار وفعلاً صوتنا للموضوع وفعلاً كان الاستمرار وخسرنا أنا وعادل وثروت !!!
يصدق؟
ياخ خليتني اصرف عربي كتييير
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: ممدوح أبارو)
|
هنا يبرز سؤال هل يجتمع الناس علي فكرة وبعدداك يكونوا مؤسساتهم وبالتالي قيادتهم لتنفيذ البرنامج
ام ان نجمع الناس عشوائيا وفي هذه الحالة يكون البرنامج فضفاضا بحيث يكون لكل رايهوهل لذلك سموه الليبرالي ؟
حتي ان رئيسةالحزب المبجلة يمكنها ان تتحدث وتقنع الاخريات للبس الحجاب بالرغم من علمانية الحزب ,وتخوض في القضايا السياسبة
الخطرة مثل حق النوبة في الحكم الذاتي من عدمه ويعتبر ذلك رايها الشخصي كما تقول تيسير عووضة ودا قد يكون فهما ليبراليا وليس
من معطيات السياسةالتي نعرفها,بالله حسع لو سميتوهو العلماني , ماكان قبلوا عليكم ذي ناس نور تاور وكان رسختوا لقيم
جديدة للشعب السوداني خاصة انتو بتدينوا احزاب الفتة
صابر عابدين
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: صابر عابدين)
|
عادل عبد العاطي يشهد الله رجل نجّار، زماااان انا قلت ليهو كدا، رجل به طاقة جبارة للعمل و الانتاج. يصيغ البرامج يصلّح السرائر و ينتج اللوائح و البيانات و ينشئ حزب بعد شوية يغيرو، يحل الحزب الجديد يخلطوا مع ناس تانيين في شكل و اندماجات جديدة … زمان انا قلت ليهو لو كنتا بعرف أرسم كاركتير كان رسمت عادل عبد العاطي داخل دكان يرتدي مريلة و بجواره عدة عمل من شواكيش، مسامير و ادوات نجارة، و على ابواب المحل معلّقة لافتة تقول عبد العاطي للاحزاب السياسية … فك تركيب، دمج، وحدة و تصميم أحزاب جديدة. غايتو من ضمن براعته كانت نجر القيادات و تلميّعها و تسويقها فى الملجة السياسية الوطنية، فى الاخر خرّت موية.
أنا من لقيت الاستاذة نور تاور دي تقدل فى منبر سارة منصور، و بوستها معلّق فووووق الي جوار بوست أخر لسارة منصور يغوص فى آلام أسرة الراحل بدر الدين عجاج و ابنته الفنانة نانسي و الرجل لازال دمه حار و لم يجف مع على الارض، عرفت انو هذه القبة بلا فكي. و قلت لى عبد العاطي لكن اتهمنى بالشمولية او شئ من هذا القبيل.
شكراً يا شباب يا أكارم.
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: abubakr salih)
|
سلام يا بكور
وتحياتي
موضوع عادل وحزبو حقو ياخد قدر حجمو
كل الامر انو الاسافير والمنتديات المختلفة شهدت زوبعة تاسيس جمعية اسمها:
الحزب الليبرالي
والان الموضوع انتهى بانتهاء مراسم الدفن .. ده لو اصلا في حاجة يدفنوها
لذا مادام المرحوم شالو الهوا فاحسن الناس تشتت
بالجد كنت بحضر في موضوع لكن صرفت الفكرة نهائي لانو ما بستحق يجرو فيه حرف
فقومو لفو!!!
بالمناسبة عادل احسن من يصيغ البرامج واللوائح والدساتير
انت بس جيب المواصفات والمقاسات والباقي على النجار!
وممكن يطلع ليك مداعي .. ويغني ويرقص ويبشر ويزغرد.. كلو مجاني
عدة وشغل وردحي ولا اجمل !!
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: صابر عابدين)
|
Quote: يانائب رئيس المجلس السياسي انتم تاني دايرين شنومنها تدعوها مرتين وماتعبركم
ياخي ماتطردها المؤسسة وماتعذبوا الشعب اكتر من كدا لو عندكم مؤسسة اصلا خلونا من
الفردية وعبادة الاشخاص دي .
|
المحترم صابر عابدين
هي كما تفضلت مؤسسسة ولا سوق حتي يتم طردها هكذا بسهولة
هنالك اجراءات أولها مناقشتها في الاستقالة
وهذا حقي دستوري يتمتع به الكل سواء كان عضواً أو رئيسا
ثم أين عبادة الافراد هنا؟ نحن لا نتمسك بفرد هو لا يرغب بنا
فالحزب باقي والافراد ذاهبون ولو كره البعض
احترامي
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: ممدوح أبارو)
|
غايتو الشيوعية والأنصار ماخلوا لعادل جنبة يرقد عليها (او هكذا خيل لهم)
شدة وتزول .. كل حزب مصاب بالجرثومة دي .. وكل شيئ يمكن تجاوزه بديمقراطية
عجيب أمركم يا المبارين الديناصورات وماكلنها في حنانكم ... محل ما يسوقوكم مابتقدروا تقولوا بغم ..
__
بقج غبائن ليس إلا
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: حيدر حسن ميرغني)
|
| Quote: ألا وهو النيل من عادل عبد العاطي لما بينهما من خصومة يعرفها الجميع |
هسى يا ممدوح ابّارو ... كل الشايفو عبارة عن حالة تشفّي من عادل عبدالعاطي؟
يا اخي انتو حزب رئيستكم بتقول: الديموقراطية بتاعة البفوز في الإنتخابات يفوز، والما بفوز يقول مزورة .... دي ديموقراطية ما صاح ..
وانتو من سقوط الحلو تتشدّقوا بى (تزوير الإنتخابات) بشهادة بيانكم أعلاه ...
قالت: عشرين سنة تنتقد في الكيزان وانتوا تقولوا عليها مناضلة، يوم انتقدت الحركة الشعبية جيتوا قلتوا عليها كوزة ...
السؤال مش زى دي تتصرّفوا معاها كيف ... هي قالت كلاما بالواضح ...
السؤال في التصرف الإتصرفتوهو (كتنظيم ليبرالي ديموقراطي) مضحك و متناقض مع الديموقراطية في أصل ذاتها كآلية ومبدأ وفكرة ...
ياخي تسلّوا ليها استقالة قديمة؟
وتجوا تقولوا نحن دايرين نتفشّى في عادل عبدالعاطي؟
والله فعلاً ... الجمل ما بشوف عوجة رقبتو ...
... المهم .....
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: Abdelmuhsin Said)
|
ياعزيزي ممدوح هناك رئيسة الحزب وهي فردواحدلو اخطات تحاسبها المؤسسة وهي الحزب ولو لم يحاسبها الحزب فيما ارتكبته رئيسة
حزبكم ضد الشعب وهو المستهدف اصلا ,سوف يحاسبكم الشعب والتاريخ ويضع فيكم راياولن ينتظركم حتي تناقشوها,ولكن دعونا نسالكم
اولا هل انتو بتشوفوا رئيسة حزبكم اخطات من اصلو ام لم تخطئ ؟ولا كما صرح مصدركم الرسمي تيسير بانه رايها الشخصي ؟ ومن ثم هرعتم
تدارون عورتكم بانها مقدمة استقالتها ,استقالة غير معروف ميقاتها هل قبل ام بعدعودتهاالظافرة من الجبال وترحيبكم والاحتفاء بهابعد فعلتها . في بوست
نشر بهذا المنبر الرحيب والصبور .وبعد ذلك وحسب قولك انكم دعوتوها مرتين في امر استقالتها ولم تعبركم ,بالله لو في مؤسسةاصلا غير الطرد ماشايف ليها علاج ,ولا ذي
ما تفضلت انت ووصفت حزبكم بالسوق وهووصف دقيق لما تعيشونه ,لانكم بتجمعوا الناس بدون قناعة ولابرنامج ,وفي حاجات اساسية تميز الليبرالي والما ليبرالي كالعلمانية
تخضعونها للتصويت وفي اي مستوي لا ادري لتصبح راي الحزب يعني رزق اليوم باليوم ,ولو كانت في صلب برنامجكم لما جاءتكم من نصبتموها رئيسة لكم.
تعرف البتعملوا معاكم رئستكم دي الصادق المهدي مابيعملوا مع حزب الامة ,ولا تنهي عن خلق وتاتي بمثله وهنا تاتي مسالة الفردية واستنكرتها انت ,
اتمني ان تكون فهمت قصدي وما تبتسر قولي وتذهب به مذاهب بعيدة,وانا لا اريد غيرالاصلاح ولا اعتقد ان الحزب الليبرالي مات وجايين نعزي فيه او شماتة
فالليبرالي له مساحات لا يملاها غيره ,وهو اخطا الان وحقو يعترف بها امام الشعب ويعالجها بكل وضوح ويمشي لاقدام بدون مكابرة او ستفزاز او شخصنة
للاحداث .
صابر عابدين
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: Abdelmuhsin Said)
|
ياعزيزي ممدوح هناك رئيسة الحزب وهي فردواحدلو اخطات تحاسبها المؤسسة وهي الحزب ولو لم يحاسبها الحزب فيما ارتكبته رئيسة
حزبكم ضد الشعب وهو المستهدف اصلا ,سوف يحاسبكم الشعب والتاريخ ويضع فيكم راياولن ينتظركم حتي تناقشوها,ولكن دعونا نسالكم
اولا هل انتو بتشوفوا رئيسة حزبكم اخطات من اصلو ام لم تخطئ ؟ولا كما صرح مصدركم الرسمي تيسير بانه رايها الشخصي ؟ ومن ثم هرعتم
تدارون عورتكم بانها مقدمة استقالتها ,استقالة غير معروف ميقاتها هل قبل ام بعدعودتهاالظافرة من الجبال وترحيبكم والاحتفاء بهابعد فعلتها . في بوست
نشر بهذا المنبر الرحيب والصبور .وبعد ذلك وحسب قولك انكم دعوتوها مرتين في امر استقالتها ولم تعبركم ,بالله لو في مؤسسةاصلا غير الطرد ماشايف ليها علاج ,ولا ذي
ما تفضلت انت ووصفت حزبكم بالسوق وهووصف دقيق لما تعيشونه ,لانكم بتجمعوا الناس بدون قناعة ولابرنامج ,وفي حاجات اساسية تميز الليبرالي والما ليبرالي كالعلمانية
تخضعونها للتصويت وفي اي مستوي لا ادري لتصبح راي الحزب يعني رزق اليوم باليوم ,ولو كانت في صلب برنامجكم لما جاءتكم من نصبتموها رئيسة لكم.
تعرف البتعملوا معاكم رئستكم دي الصادق المهدي مابيعملوا مع حزب الامة ,ولا تنهي عن خلق وتاتي بمثله وهنا تاتي مسالة الفردية واستنكرتها انت ,
اتمني ان تكون فهمت قصدي وما تبتسر قولي وتذهب به مذاهب بعيدة,وانا لا اريد غيرالاصلاح ولا اعتقد ان الحزب الليبرالي مات وجايين نعزي فيه او شماتة
فالليبرالي له مساحات لا يملاها غيره ,وهو اخطا الان وحقو يعترف بها امام الشعب ويعالجها بكل وضوح ويمشي لاقدام بدون مكابرة او ستفزاز او شخصنة
للاحداث .
صابر عابدين
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: صابر عابدين)
|
العزيز صابر تحية ومحبة
| Quote: ياعزيزي ممدوح هناك رئيسة الحزب وهي فردواحدلو اخطات تحاسبها المؤسسة وهي الحزب ولو لم يحاسبها الحزب فيما ارتكبته رئيسة حزبكم ضد الشعب وهو المستهدف اصلا ,سوف يحاسبكم الشعب والتاريخ ويضع فيكم راياولن ينتظركم حتي تناقشوها |
نحن لا نحاسب ولن نحاسب فردا قدم استقالته .. طلب اللقاء مع الاستاذة نور كان لمناقشة مذكرتها التي قدمتها لقيادة الحزب وكانت تلك الطلبات قبل كتابة مقالها للانتباهة ؛ ونحن لم نكتب في الانتباهة ومواقفنا واضحة .. وقد تخلى الحزب بعد محاولتين عن جدوى اللقاء مع الاستاذة نور وسيبت في امر استقالتها بالطرق المؤسسية .
| Quote: ,ولكن دعونا نسالكم اولا هل انتو بتشوفوا رئيسة حزبكم اخطات من اصلو ام لم تخطئ ؟ |
هي رئيسة حزبنا شكليا وحتى يتم الحسم؛ او الاحرى يمكن ان تسميها رئيسة حزبنا المستقيلة .. أما سؤالك عن خطئها فلا نعلم عماذا تسأل بالضبط ؟؟ عن كتابتها في الانتباهة أم محتوى مقالها وحوارها الاخيرين ؟؟ نحن موقفنا واضح من الانتباهة انها صحيفة عنصرية ومضرة والكتابة فيها خطأ وجريمة في حق الشعب؛ أما محتويات مقال وحوار استاذة نور ففيه الكثير من الحقائق والكثير من الاخطاء ؛ وليس لنا الوقت او الرغبة الان لمناقشته في تفاصيله لكنه يختلف كثيرا عن خط الحزب لذلك قمنا بثتبيت خط الحزب ومواقفه حتى يعرف القاصي والداني ما هي مواقفنا .
| Quote: ولا كما صرح مصدركم الرسمي تيسير بانه رايها الشخصي ؟ |
هي قطعا ارائها الشخصية المختلفة عن رأي الحزب الرسمي ليس في ذلك جدل .
| Quote: ومن ثم هرعتم تدارون عورتكم بانها مقدمة استقالتها |
نحن لا نداري عورة أحد ..كل انسان مسؤول عن عورته .. نحن اوضحنا حقيقة .
| Quote: استقالة غير معروف ميقاتها هل قبل ام بعدعودتهاالظافرة من الجبال |
قبل عودتها وقد كتبنا هذا الكلام مرات عديدة وسيخبرك بيان الحزب حول الاستقالة عندما يصدر بتفاصيلها
| Quote: وترحيبكم والاحتفاء بهابعد فعلتها في بوست نشر بهذا المنبر الرحيب والصبور |
نعم كتبنا بوستا خبريا عن عودتها سالمة ورحبنا بها ولكن لم يكن هناك احتفاء ولم يكن هذا البوست بعد فعلتها ايا كانت هذه الفعلة
| Quote: وبعد ذلك وحسب قولك انكم دعوتوها مرتين في امر استقالتها ولم تعبركم |
هذا يوضح حرصنا على الحوار حول قضايا الخلاف وهذا تقليد نمارسه مع كل عضو قاعدي او قيادي له مشكلة ما وهذا جزء من محاولتنا لبناء السياسة على اسس جديدة يكون فيها احترام العضو وحقوفه قيمة اولى
| Quote: ,بالله لو في مؤسسةاصلا غير الطرد ماشايف ليها علاج |
نحن لا نطرد احدا ولن نطرد شخصا قدم استقالته لأن هذا سيكون تشفيا فقط وهذا منهج الاحزاب الشمولية ؛ بل سنسلك الطريق المؤسسي الطبيعي والذي يحفظ حقوق كل فرد. وما سنفعله هو النظر في استقالتها وحسم الأمر .
| Quote: ولا ذي ما تفضلت انت ووصفت حزبكم بالسوق وهووصف دقيق لما تعيشونه ,لانكم بتجمعوا الناس بدون قناعة ولابرنامج |
لا اعتقد ان الاستاذ ممدوح قد وصف حزبنا بالسوق ونحن حزب ليبرالي وبرنامجنا مطروح وهو اساس الانضمام الينا فان تغيرت قناعات احد وخرج من الحزب فهذا حقه وقضيته .
| Quote: وفي حاجات اساسية تميز الليبرالي والما ليبرالي كالعلمانية تخضعونها للتصويت وفي اي مستوي لا ادري لتصبح راي الحزب يعني رزق اليوم باليوم ,ولو كانت في صلب برنامجكم لما جاءتكم من نصبتموها رئيسة لكم. |
ليس كلامك صحيحا فتعريف الحزب انه علماني تجده في صلب دستورنا ولم نخضع موضوع العلمانية يوما للتصويت وان اخضعنا الدستور كله للتصويت ؛ وعموما انتخاب الاستاذة نور رئيسة كان باغلبية واضحة ولاسباب كثيرة مع معرفة بايجابياتها وسلبياتها وكل انسان له ايجابيات وسلبيات
| Quote: تعرف البتعملوا معاكم رئستكم دي الصادق المهدي مابيعملوا مع حزب الامة ,ولا تنهي عن خلق وتاتي بمثله وهنا تاتي مسالة الفردية واستنكرتها انت , |
لا يهم ماذا تفعل رئيستنا المستقيلة ولكن الذي يهم هو ما سنفعله نحن كحزب ؛ فهي في النهاية فرد ونحن مؤسسة والشعب السوداني سيحاسبنا كمؤسسة لذلك يجب ان نعالج الأمر في اطار المؤسسية وبالحكمة اللازمة التي تضع مصالح أهل السودان في المقام الأول .
| Quote: اتمني ان تكون فهمت قصدي وما تبتسر قولي وتذهب به مذاهب بعيدة,وانا لا اريد غيرالاصلاح ولا اعتقد ان الحزب الليبرالي مات وجايين نعزي فيه او شماتة فالليبرالي له مساحات لا يملاها غيره ,وهو اخطا الان وحقو يعترف بها امام الشعب ويعالجها بكل وضوح ويمشي لاقدام بدون مكابرة او ستفزاز او شخصنة للاحداث . |
شكرا لرأيك الايجابي وحتما نحن لا نتكبر عن الاعتراف بأي خطأ وسنعالج امورنا الداخلية بشفافية ووضوح وشكرا لك ومنكم ومن تجربتكم الثرة نتعلم يا دكتور صابر والشكر موصول لكل الحادبين ..
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: Abdel Aati)
|
سلامات يا عادل
Quote:
هي رئيسة حزبنا شكليا وحتى يتم الحسم؛ او الاحرى يمكن ان تسميها رئيسة حزبنا المستقيلة .. أما سؤالك عن خطئها فلا نعلم عماذا تسأل بالضبط ؟؟ عن كتابتها في الانتباهة أم محتوى مقالها وحوارها الاخيرين ؟؟ نحن موقفنا واضح من الانتباهة انها صحيفة عنصرية ومضرة والكتابة فيها خطأ وجريمة في حق الشعب؛ أما محتويات مقال وحوار استاذة نور ففيه الكثير من الحقائق والكثير من الاخطاء ؛ وليس لنا الوقت او الرغبة الان لمناقشته في تفاصيله لكنه يختلف كثيرا عن خط الحزب لذلك قمنا بثتبيت خط الحزب ومواقفه حتى يعرف القاصي والداني ما هي مواقفنا .
|
اولاً : يتتفق معاي انو [ محتوى مقالها وحوارها الاخيرين ] دا بهم الجميع و بؤثر عليهم مباشرة بنفس القدر، او اقل او اكثر. و قد يكون برضو [ يختلف كثيرا عن خط ] اياً كان او اي [ حزب ]؟
اذا كانت الاجابة بالايجاب فبالله ثبتوا للناس حقها انها تعمل بـ [ رغباتها ] هي، و في [ اوآن ] يخصها تماماً
مع كامل احترام [ رغبتكم الآن ] في في الليبرالي ..
لي شخصياً بهمني - و من بداية ما اسماه المشرف [ القيامة ] دي - بهمني اعرف الخط الرسمي للحزب ..
و وين تم تثبيته؟
مع الشكر و التحية
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: قيقراوي)
|
تحية وسلام لك استاذ عادل بعد غيبة
قصدى بالمحاسبة ,محاسبتها فى الاخطاء سواءا بكتابتها فى الصحيفة العنصرية وهى رئيسة الحزب الليبرالى ,والكتابة فيها كما ذكرت انت خطا وزدت بانه جريمة فى حق الشعب
وحتى محتوى حديثها ولقد تفضلت انت ووصفته بان فيه كثير من الاخظاء ,اذن نحن متفقىن على ان خطاها مركب سواءا في حق الحزب او الشعب وعليه تجئ المحاسبة من هنا
واذا كانت هي لاتريدان تمتثل لدعوتكم لها للحضور لمناقشة استقالتها فبالتاكيد لن تحضر للمحاسبة ,هنا ماذا سوف يفعل الحزب ؟وكما افدت انت سوف يبت الحزب في امر استقالتها وليس محاسبتها باي حال وسوف تتحقق هنا ياصديقى مقولة تمخض الجبل فولد فارا
وتذهب المحاسبة على الجريمة التي ارتكبتها فى حق الشعب مع الريح , وحسب تقييمكمحتى لايتهم حزبكم الليبرالي بانه تحول لحزب شمولى فلذا فهو لن يحاسب رئيسته حتي لا تترتب على المحاسبة
قرارات مثل الرفد او الطرد او العزل ,حتى ولو ارتكبت جريمة في حق الشعب ,يااستاذ مالكم كيف تحكمون ؟ وهل يعنى هذا ان حزبكم سوف يكون ملجا للمجرمين فى حق الشعب والفوضويين ؟
وحسب فهمى القليل في السىاسبة افهم ان اختلافنا مع الاحزاب الشمولية هو فى المفاهىم او البرامج مثل قيم الديمقراطية والليبرالية والعلمانىة واعمال المؤسسة وتطبيق اللوئح والتى منها الرفد والطرد
اما الاحزاب الشمولىة فتعمل على اللمة وتكبير الكوم والمسوبية والتمييز بين الاعضاء والفردية وعدم محاسبة القيادة ,
استاذ حقو موضوع نور ما ياخد من وقتكم كتىر ولانها وقفت فى الجانب الاخر ومع الجلاد وضد الضحية , واين هى من بنات شعبنا اللائى ىواجهن المحاكم والتحية لولاء صلاح وامل هبانى
ونازك كبلو واسماء هارون ونجلاء سىداحمد ورشىدة شمس الدين وزميلاتهن واخريات غير منظمات فى اى حزب لان تجربة الاحزاب حتى الحدىثة اصبحت غير مثمرة وغير مجدية وغير مشجعة للانضمام لها ,ولقد عشنا يا عزيزي تجربة قوات التحالف بحلوها ومرها ,وثم نعايش وبكل اسى تشظى
وانقسامات الحركات والاحزاب الحديثة وماحدث للجبهة الوطنية العريضة ببعيد عن الاذهان وثم ماحدث من انقسام فى حركة حق ,واخيرا وليس اخرا
ماحدث بحزبكم الليبرالى من تمرد لرئيسته على المؤسسة وانحيازها الواضح للشمولية , اليس هذا كله من احباطات وانتكاسات يجعل الشعب يفقد الامل
وتتحقق مقولة الانقاذ بانهم لن يسلموها الا لعيسى .
بفضل مثل ما فعلته رئيستكم وعدم قدرة الحزب على الحسم ,صدقنى مع احترامى لك ومعرفتى لك كمناضل الزمن اصبح محسوب علىنا ياعادل وكفانا تجارب فاشلة وموضوع زى
دا حقو مانمطو وغشان حزبكم يمشى لقدام ننتاقش حول ما وصل اليه حال -شعبنامن ضنك ومعاناة والحل شنو ؟
مع تحياتى واحتراماتى
صابر عابدين
(عدل بواسطة صابر عابدين on 06-28-2011, 05:54 AM)
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: صابر عابدين)
|
غايتو ياابوبكر خليتنى اقهقه نص الليل ولا الساعة كم هسه
ما عارفه ... لممما خفت اصحى النايمات ..
Quote: يرتدي مريلة و بجواره عدة عمل من شواكيش، مسامير
و ادوات نجارة، و على ابواب المحل معلّقة لافتة تقول عبد العاطي
للاحزاب السياسية … فك تركيب، دمج، وحدة و تصميم أحزاب جديدة.
غايتو من ضمن براعته كانت نجر القيادات و تلميّعها و تسويقها
فى الملجة السياسية الوطنية، فى الاخر خرّت موية. |
هههههههههههههههههههههههه مبالغه فى خيالك .
عادل صاحبكم كاووه ذى ما دايرين اصلو طريقة الغتغته دى بتاعة
الكيزان وانا من هسه معاه كان جاب لسانو وجاك ..
قال على ابراهيم :::
انو المشكلة ما الكلام المشكلة فى ان تنشر فى الانتباهه !
والله انا ما معاكم كلو كلو
القصة مش انك تنشر وين .. ابددددددددا
القصة انك هناك بتقول فى شنو ؟ بتدعم فى خطها ولا بتعرى فيهو؟
مقارعة اهل الانتباهه الحجه بالحجة من داخل الانتباهه شى مهم ومطلوب
لانو قراء الانتباهه ديل لا بقرو الميدان ولا بكونو بدخلو النت
كونو الزول يصلهم فى مكانهم ويكتب فى جريدتهم ويفتح الهواء على افكارهم
البالية والمعتته دا حاجة مهمة ...
يعنى المشكلة اصللللللللو مش فى انك تكتب فى الانتباهه وتخاطب قراءها
اللى هم جزء اصيل من هذا الشعب حتى لو اختلفنا معاهم ... لكن ذى ما قلت
ليك المشكلة انت بتكتب فى شنو ؟؟ بتقول فى شنو ؟؟ ما ياهو دا ممثل
الشيوعى متجدع هناك .. المشكلة وين ؟ كلامو ياهو كلامو ما غيرو ليهم ولا قال
شى وداهو للانتباهه تحتفى به ياااااااهو ممثل الشيوعى !
ـــــــــــــــ
نور تاور اماااانه ما اتلومتى فى رايك وليس
فى نشرك للانتباهه .. وبما انكم حزب فانتو معنيين بنفى
محتوى حديثها فى عضمو دا .. ودا اولى من ادانة كتابتها فى الانتباهه ...
فى زول قال ليها الانتباهه البتتكلم باسم العرب فهل انت عربية ؟
ان كان ذلك كذلك فليغادر الرزيقى الانتباهه اذنـــــــــــــــ .
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنع (Re: دينا خالد)
|
هنالك خطا كبير من ناحية التنظير يتصدر هذا البوست
الخطأ هو ان القيادات لا تصنع!!!
أرجو من صاحب البوست to elaborate more on this point
الموضوع مهم جداً لنعرف هل علينا أن ننتظر أن يخلق الله قياداتنا
أم نعمل على تأهيل جيل جديد من القياديين للمراحل القادمة من العمل العام؟
| |
|
|
|
|
|
|
|
|
|
Re: فتعلم يا عبد العاطي ان القيادات لا تُصنعة (Re: malik_aljack)
|
ملاحظة مهمة يا حافظ .
بالفعل ،يحيل عنوان البوست الي القول الفلسفي المأثور
annat) وجود امر ما فِطْرِيّ في شخصية القيادي . اذ تركنا الجوانب الفلسفية المتصلة بهذا القول جانبا (وهي ملتبسة على كل حال) فان نداء أبوبكر في (يا عادل) يكشف عن روح محافظة
| |
|
|
|
|
|
|
| |
abubakr salih
لؤى
ibrahim alnimma
AMNA MUKHTAR
ممدوح أبارو
قيقراوي
محمد إبراهيم علي
خالد العبيد
أسامة البلال
Rawia
تبارك شيخ الدين جبريل
محمد حيدر المشرف
HAIDER ALZAIN
الرفاعي عبدالعاطي حجر
Hisham Amin
عبد المنعم سليمان
mansur ali
حيدر حسن ميرغني
Abdelmuhsin Said
Abdel Aati
دينا خالد
malik_aljack
فيس بوك
تويتر
انستقرام
يوتيوب
بنتيريست