|
|
 Re: عاااااااااجل ..الفزعة يا أهل السودان..أبحث معنا عن هذا الشخص ! (Re: ودالعباسية)
|
الأخ الكريم ود العباسية تساؤلاتك كلها صحيحة
فعلا مأمون لم يسافر الى السودان للزواج بل
إستأذذن من الجهة التى يعمل بها مدة معلومة ومحددة
.ولم يخبر أحد غير شخص واحد من أبناء خالى من مطار أبوظبى تقريباّ
بأن لديه مهمة معينة ومحددة الى السودان ولايام معدودة
ليعود بعدها إلى الإمارات لتجهيزوتحضير الفرح .
هذا الخبر الناقص وهذه الصياغة الفاترة التى تراها هى صياغة صحف الخرطوم
وأنا مجرد ناقل وكنت متأكد أن شخص ما سوف يتساءل عن هذه الحيثيات
ولكن قلت فى سرى لايضر مادام الخبر سيصل ويعم قطاع كبير.
.حتى إسم القرية مكتوب بطريقة غير صحيحة فى المنشور الأول لو لاحظت
تحياتى وتقديرى
| |
 
|
|
|
|
|
|
|
|
Re: عاااااااااجل ..الفزعة يا أهل السودان..أبحث معنا عن هذا الشخص ! (Re: قرشى محمد عبدون)
|
Quote: الأخ الكريم ود العباسية تساؤلاتك كلها صحيحة
فعلا مأمون لم يسافر الى السودان للزواج بل
إستأذذن من الجهة التى يعمل بها مدة معلومة ومحددة
.ولم يخبر أحد غير شخص واحد من أبناء خالى من مطار أبوظبى تقريباّ
بأن لديه مهمة معينة ومحددة الى السودان ولايام معدودة
ليعود بعدها إلى الإمارات لتجهيزوتحضير الفرح .
هذا الخبر الناقص وهذه الصياغة الفاترة التى تراها هى صياغة صحف الخرطوم
وأنا مجرد ناقل |
الأخ العزيز قرشي محمد عبدون..
سلام الله عليك.. ورد الله الأخ مأمون لأهله سليماً معافى..
بالفعل منذ الوهلة الأولى لقراءة الخبر والتساؤل الذي دار في ذهن ود العباسية يدور في ذهني..
عدم وجود مستقبلين.. نزول في فندق.. اتجاه عكس اتجاه الشمالية بكامل الإرادة بشهادة فندق الخرطوم وبتاع العربية وفندق الأبيض..
مع سلامة العقل وعدم تعاطي السياسة والبعد عنها..
وتساءلت في نفسي هل العروس من الأبيض..!!
فعلاً الأمر محير شديد منذ البداية في أبوظبي بعدم الإعلان للأهل في أبوظبي وجهة العمل وزملائه وإخبار شخص واحد فقط في مطار أبوظبي بما ينوي مما يزيد الحيرة في أمر تغيبه..
أسأل الله أن يطمنكم ويطمنا على الأخ العريس مأمون..
تحياتي..
| |
|
|
|
|
|
|
|
|
|
Re: عاااااااااجل ..الفزعة يا أهل السودان..أبحث معنا عن هذا الشخص ! (Re: فتح الرحمن عثمان)
|
ربنا يجمعكم بمامون في القريب العاجل ..
وتتحلوا ونتحلا من هذا الكابوس المفزع ..
الحقيقة سمعت بهذا الخبر الغريب اليوم من خالد عبد الفتاح زميل مامون في السكن ببونا ..
مامون رجل هادي وخلوق ومتزن ربنا يجمعكم به ..
عارف يا محمد بتكونوا طرقتوا كل الاحتمالات لكن ابن الخالة الكان عارف مواعيد قدومو للسودان المفروض يكون عندو معلومات
اكثر عن ماهية هذه الزيارة وعن الاطراف المفروض يلتقي بيهم مامون في هذه الزيارة.. وارجو انو ما يكون عندها علاقة بطلبات العرب الغريبة
من السودان..المهم حاولوا معرفة اي تفاصيل من زملاءه او اصحاب العمل لو عندهم خبر او معرفة بسبب زيارته للسودان..
ربنا يسهل وتجمعوا قريب قادر يا كريم..
| |
|
|
|
|
|
|
|
|
|
Re: عاااااااااجل ..الفزعة يا أهل السودان..أبحث معنا عن هذا الشخص ! (Re: حسين نوباتيا)
|
Quote: الحقيقة سمعت بهذا الخبر الغريب اليوم من خالد عبد الفتاح زميل مامون في السكن ببونا ..
مامون رجل هادي وخلوق ومتزن ربنا يجمعكم به . |
الاخ الكريم حسين..مسكاقمى
أكثر شئ محيرنا إنو نحنا عارفين ومتأكدين
من طبعو وأخلاقو وزول أعقل من إنو يتورط
فى طلبات غريبة..وعلى حسب علمى ماشرح
او وضح لود خالى اى حاجة غير إنوماشى السودان
فى مهمة وحيرجع بسرعة
ولامن إتقصو من الجهة الشغال فيها- أى مديرو
قال إنو طلب إجازة قصيرة
للسودان..والتحريات طبعا لسع شغالة مع
كل الجهات والاطراف والاهل والاصدقاء
فى الإمارات..وبعد دا كلو الاحتمالات كلها مفتوحة
..حتى ما مستبعدين إنو يكون حصل
ليهو (fugue state) او (dissociation)
وحاجات ذى دى لا قدر الله..
ربنا يحفظو من كل شر ويرجعو سالم ومعافى
تحياتى وتقديرى
| |
|
|
|
|
|
|
|
|
|
Re: عاااااااااجل ..الفزعة يا أهل السودان..أبحث معنا عن هذا الشخص ! (Re: البشير دفع الله)
|
الاخ قرشي والبقية ,,,
شاركت السكن مع الاخ مامون بالهند مع صديقنا خالد عبد الفتاح, لعدة سنوات وما أعرفه عنه انه إنسان هادئ الطبع ... وما ذكر عنه او المعلومات المنقولة من منتدى آخر غير صحيحة بدليل أن مامون كان بطرفنا بالمنطقة الشرقية وسجل لي عدة زيارات إبان تواجدة وعمله بالجبيل ... فقد حضر لزيارتي فى الدمام عدة مرات وذلك فى الاعوام 1999 و 2000 و2001 والمعلومات المتوفرة لدي تؤكد أنه لم يختفي 4 سنوات بعد عودته من الهند بل كان متواجداً وسط الاهل والمعارف الى ان إغترب الى السعودية التى هاجرها الى الامارات برفقة والدته
فى تصوري الشخصي ان فى الأمر غموض كبير غير قابل للتأويل ... نسأل الله أن يجمعه بأهله فى القريب العاجل
| |
|
|
|
|
|
|
|
|
|
Re: عاااااااااجل ..الفزعة يا أهل السودان..أبحث معنا عن هذا الشخص ! (Re: الفاتح شلبي)
|
Quote: الأخ الكريم ابراهيم قناوى
لأ ..المعلومة غير صحيحة إطلاقاّ
لوقدرت توفر لى إسم الشخص تكون ماقصرت
هذا الشخص الذى ذكرته يا أخ ابراهيم
إما لايمت لنا بصلة او صغير وجاهل
لايعرف عن مأمون الكثير
|
شكرا لك أخي قرشي
وياريت تراسلني في الايميل
بتاع أنا دة
iginawi(at)gmail.com
عشان أوريك الزول القال الكلام دة
ونسأل الله أن يرد غربته
ويرجعو سالم لأهله و أحبابه
تحياتي
| |
|
|
|
|
|
|
| |
قرشى محمد عبدون
فتح الرحمن عثمان
حسين نوباتيا
الفاتح شلبي
الحاج حمد الحاج
ابراهيم قناوي
البشير دفع الله
احمد محمد بشير
BAKTASH
فيس بوك
تويتر
انستقرام
يوتيوب
بنتيريست