|
|
 لي متين .. لي متين ؟ !! + شجن
|
السلام عليكم ورحمة الله
الاهداء الى (جداد الخلاء )
لي متين يلازمك في هواك مر الشجن
ويطول بأيامك سهر ويطول عذاب
يا قلبي لو كانت محبته بي التمن
يكفيك هدرت عمر حرقت عليه شباب
لكن هواه أكبر وما كان ليه تمن
والحسرة ما بتنفع وما بجدي العتاب
أحسن تخليه لليالي وللزمن
يمكن يحس ضميره ويهديه للصواب
*****
لكني أخشى عليه من غدر الليالي
وأخشى الأماني تشيب وعشنا يبقى خالي
وهو لسه في نضارة حسنه في عمر الدوالي
ما حصل فارق عيوني لحظة أو بارح خيالي
أغفر له يا حنين وجاوز لو ظلم
ما أصلها الأيام مظالم والعمر غمضة ثواني
وأصبر علي جرحك وإن طال الألم
بي جراحنا بي أشواقنا بنضوي الزمان
أنا عارفه بكره بيعود في رعشة ندم
تنسى الحصل بيناتنا والسهر اللي كان
تصبح حياتنا نغم وعشنا يبتسم
وتعود مراكب ريدنا لي بر الأمان
|
|
 
|
|
|
|
|
|
|
 Re: لي متين .. لي متين ؟ !! + شجن (Re: قيقراوي)
|
قيقا راوي المحن والغرائب
سلام يغشاك ويسعد كل ايامك
Quote:
في جداد بسمع؟
و لّ انت قاصد شنو يا استاذ/ البدري عبد الله؟
و ( خلا ) يعني شنو؟
و صاحبك وين؟
و منو دا البحب عثمان حسين؟
و شجن بتاع الساعة كم؟
و
و
|
تعرف يا قيقا انا جني وجن الاسئلة الصعبة الزي اسئلتك بعاليه ...ومنبع جني ان مثل هكذا اسئلة مليئة بالفخاخ والالغام ..وعشان كدي تجدني ارفض رفضا باتا مجرد الخوض في تفاصيلها ناهيك عن الرد عليها ( مش علي كيفي ؟!!)Quote:
فهل لجداد الخلا اذنين؟ |
السؤال دا سؤال ممتاز وحا اجاوب عليه بكل صراحة ...
ايوة لجداد الخلا اذنين تمتازان بالطول ودقة السمع بالذات فصيلة جداد (م-خ ح - ح ع -ب ش-) .
.
.
ارجو ان اكون قد اوضحت ..والله من وراء القصد
| |
|
|
|
|
|
|
|
|
|
Re: لي متين .. لي متين ؟ !! + شجن (Re: قيقراوي)
|
البدري حيث لا بدر منير هناك
Quote:
و منو دا البحب عثمان حسين؟
|
شفت رواشة السؤال؟
كان مفروض يكون كدا : و منو دا الما بحب عثمان حسين؟
مومكن اهدي :
اطلب لحن المساء ( الدرب الاخضر )
و اهديه لحبايبنا بالفيسبوك و الخالة فاطنة بكريعات و لشادية اختي و بتها هالة بلندن .. و للاهل باعالياب و القيقر ..
تـهيم خطواتي نشوانة
تعانق دربك الأخضر
وحات اللوعة والآهات
يا مشوار ما تقصر
على دربك
زرعت الحب
جمال وكمال
رياض وزهور
غزلت صبابة العشاق
وشلت اللهفة والأشواق
رياض وسلام
منابع نور
مواكب روعة
وابداعات
بناها خيال
وصاغها شعور
وما بتبدلو الأيام
ولا في مرة بتغير
وحات اللوعة والآهات
يا مشوار وما تقصر
وما قاسينا نار حرمان
وما عانينا جور وصدود
وكم مرت بلاك أيام
وقفتها في طريق مسدود
وشوفو الليلة إشراقات
سناء ونـوَّار بـتقطر
وحات اللوعة والآهات
يا مشوار وما تقصر
يا مشوار
يا رائع
كون أول بدون آخر
معالم لا نهائية
حنين دفاق
حنان زاخر
عانق روح
وأحضن قلب
وأبهج عين
وسُـر خاطر
وفيض يا شوقي ما ترتاح
يا ريت أفضل دوام ساهر
معاك فرهد شباب الحب
رفَّ علي جناح أخضر
وحات اللوعة والآهات يا مشوار ما تقصر
------
رحم الله الفنان الجميل عثمان حسين ..
و على روحه شآبيب رحمة الله في ذكرى رحيله الثالثة التي تصادف 8 يونيو 2011م
| |
|
|
|
|
|
|
| |
البدري عبد الله
haroon diyab
قيقراوي
فيس بوك
تويتر
انستقرام
يوتيوب
بنتيريست