|
|
|
 Re: ود الصايم يجعلني أحد مقتنياتو ويضعني على الرف .. (Re: Magdi Ahmed Elsheikh)
|
Quote: بعدين النقة الكتيرة العليكـ شنو .. إت زول
زيكـ وزي قيقراوي واحد .. مكتبة ما عندكم!!
|
Quote: ياخ عمكـ أمين الجانا قبل تلاتة شهور وغيّر اسمو
مرتين .. الريس عمل ليهو مكتبة .. وإت جاي تخرخر!!
|
هههههههههههه
قديمة ياعمك
عايز تودي البوست في خورفكان عشان تنجو بجلدك
لكن تلقاها عند الغافل وفي رواية أدق جرجير الملقب بود البشرى.
| |
 
|
|
|
|
|
|
|
|
Re: ود الصايم يجعلني أحد مقتنياتو ويضعني على الرف .. (Re: طلحة عبدالله)
|
لا حولا دا شنو يا حمودي
انت قايلها مكتبة عامة ولاّ شنو خامي بوستات الدنيا و العالمين
نسبة بوستاتك للعدد الكلي 54.7%
يعني خمسة وخمسين ما تاميها, يمين دي تنمية ريفية ام طرقا عراض ما تدخلك
تنظير .. هو انت بعد تنظيرك دا كلو ولي أسي ما عندك مكتبة
سجمك كان كدا
خامي لي ناس تمبس ديل ساي
| |
|
|
|
|
|
|
|
 Re: ود الصايم يجعلني أحد مقتنياتو ويضعني على الرف .. (Re: طلحة عبدالله)
|
| Quote: أي مريخابي يتزنق في حاجة يتكلم عن الطوابق طوالي !!! |
...
 .. والله يا خالد دي بالغته فيها عديل كدا .. مع الملاحظة أنو طلحـة هلالابي زعـلان .. واديهو بداية الدورة التانية دي من الدوري الممتاز .. حتين بعداك تعال اكتب تعليقك بتاع العمارات دا .. ياخ ما تظلم الراجل ساااكت ..
...
أما بالنسبة لي موضوع المكتبة يا طلحـة والله انا متأسف في مداخلتي السابقة ..
عايز اعمل تعديلات ..
مفروض بكري ابوبكر ما يدي الناس مكتبات سااي كدا دا ..
يعني اي زول اتوقف في الربع الواحد اكتر من اربعة مرات .. تتقلع منو مكتبتو دي .. يا يذهب ريعها لي بعض المناضلين هنا دا ..
طبعا كلامي دا ما شامل ود الصايم .. لانو ما حصل اتوقف ..
كلامي واضح جدا وظاهر .. والبنطبق عليهو الكلام دا في داخل البوست دا .. مفروض يعمل نقد ذاتي .. زي النقد الذاتي بتاع الشيوعيين .. ويكتب ليهو بوست يتنازل فيهو عن المكتبة دي .. وتاني بكري يستشيرنا عديل كدا لو عايز يعمل للنوعية دي مكتبات في البورد دا ..
هل نظر احدكم لكتاباته في الفيس بوك ، حسع ناس الفيس بوك ديل قاعدين يدو مكتبات ..؟
والله لو بيدو مكتبات في واحدين الايامات دي كل واحد يكون عندو تلاتة مكتبات بتفتح ناصية على البورد دا ..
لكن ما بتدي حريف بس ..
| |
|
|
|
|
|
|
|
|
 Re: ود الصايم يجعلني أحد مقتنياتو ويضعني على الرف .. (Re: محمد عبد الماجد الصايم)
|
Quote: بعدين النقة الكتيرة العليكـ شنو .. إت زول
زيكـ وزي قيقراوي واحد .. مكتبة ما عندكم!! |
أووتش !
| Quote: مفروض بكري ابوبكر ما يدي الناس مكتبات سااي كدا دا .. |
أوووتش تربيع !
طيب عشان حركاتكم دي ,
التقرير حق طلحه , وود الصايم اتسلبط فيهو , وسواهو حقو ونزلو في الازاااعه بدون أذن خطي ولا حقوق نشر من سيدو الأصلي ,
وزميل البورض دا مشترك معاهو في الجريمه (كيف ما عارفه , لكن ضروري يكون عندو يد في الموضوع)
ومن شدت ما صدق نفسو , ضرب لي تلفون وقال لي : أفتح الازاااعه بتلقي تقرير ظرريف كدا حقـــي !
قلتا ليهو انا اسي بره البيت يا محمد عبدالماجد الصايم ,
قال لي : ما عندكـم راديـو في العربيـه ؟ (أصر يصر ألحاحا)
أيوه أيوه عندنا , لكن نحن حايمين في السـوق ,
طيب أركبوا العربيه , أسمعهوهوا وأنزلوا كملوا التسووق حقكون !
عشان تاني (تستبزوني) .. يا(مستبزين)
| |
|
|
|
|
|
|
|
|
|
Re: ود الصايم يجعلني أحد مقتنياتو ويضعني على الرف .. (Re: داليا الكباشى)
|
بفتكر أنو شهادة زميلة تامبا في البورد دي براها بتديني الحق أنو تاني ما اعيركم
(كلكم) أذن طين من صلصال، بما فيكم زميل داليا في البورد لانو عندو حركات ضبابية زي لما تكون سايق
عربية في عز المطر .. قدر ما تشغل المساحات برضو الشوف ما واضح ومحتاج مباصرة (أفتكر المعني وضح ليكم ).
أنا صاحب حق أصيل والدليل شهادة زميلة تامبا في البورد وغيرها من الذين يفهمون في الملكية
الفكرية وكيف تنتزع الحقوق ونيل المطالب واخذ الدنيا غلابا وإكتسابا وأمست يبابا ..الخ ..
لمتين يعني الواحد يقعد يبذل عصارة أفكارو للغاشي والماشي ولمتين ح يظل العصف الذهني مالنا تكية
وصدقة يتم توزيعها بالمنابر والأسافير ..؟؟
أنا عايز حقي والوسطاء يمتنعون .
| |
|
|
|
|
|
|
|
|
|
Re: ود الصايم يجعلني أحد مقتنياتو ويضعني على الرف .. (Re: طلحة عبدالله)
|
يا محمد يوسف الزين ممكن لو براكم قررتو تعملوا لجنة منبثقة لمناهضة قلع حق
المساكين والمطالبة بحقوقم من الهمباتة وجات سيرة تعويض مالي او أية حاجة فيها
ريحة كاش فممكن أنظر في الأمر شريطة ان يكون ذلك في الخاص وبعيدا عن فضول ناس
الضرايب ومتحصلي الزكاة والدمغات المختلفة .
الواحد لازم يحتاط لتأمين مستقبلو لأنو الدنيا ما معروفة ياخ .
| |
|
|
|
|
|
|
|
|
|
Re: ود الصايم يجعلني أحد مقتنياتو ويضعني على الرف .. (Re: طلحة عبدالله)
|
Quote: كدى دقيقه يا اخوانا
انتوا الكلام البتقولوا فيهو دا فى بوردينا دا والا فى حته تانيه
والله صحى العلم نور
ياخ بقت المفاهمه معاكم صعبه خلاس
بس المحيرنى خالد دا المقعدو وسط المسقفاتيه شنو ؟
|
أيواااااااااااااااااا
وأنا اقول أبو علوة دا جائي دافر كدا ومبولني في البوست لا أحم
لا دستور الحاصل شنو ..؟
اتاريك كنت ممكون وصابر يا مواطن 
| |
|
|
|
|
|
|
| |
طلحة عبدالله
فايزودالقاضي
محمد عبد الماجد الصايم
Magdi Ahmed Elsheikh
tmbis
محمد البشرى الخضر
خالد عبد الله محمود
داليا الكباشى
محمد يوسف الزين
على محمد على بشير
فيس بوك
تويتر
انستقرام
يوتيوب
بنتيريست