|
Re: محمد عثمان ابراهيم .. زمن الانحطاط (Re: Abdelmuhsin Said)
|
Quote: أخيرا فتحت خشمك واتكلمت يا على عجب؟ الكلام حرقك لما دخل الحوش مش كده؟
انا مقدر حالتك النفسية. وعارف سبب التناقض والدربكة الانت فيها .يعنى انت ما قادر تحدد هل انا شيخ ستيني، أم ان حكاية شيخ ستيني دى مجرد لعبة، والحقيقة فى هذه الحالة وفق كلامك هي انني ضابط أمن ومهمتي تشويه صورتك وصورة المناضلين الزيك. قلت انك توصلت الى انو انا لست شيخا (فى هذا العمر) وذلك بواسطة (التحليل العلمي) ومليت نص المداخلة كلام عن انو انا شخصية تابعة للامن والمخابرات. ثم عدت لتعايرنى بأنني رجل عجوز تجاوز الستين وعيب يعمل كده. بالله ده كلام ؟ كدة ما ينفعش يا جناب المحامي. لازم تختار مدخل واحد وتحاجج بيهو. يا كدة يا كدة. صحيح انت محامي فاشل عشان كده دخلت فى مأكلة حقوق الانسان عشان تقدر تعيش. لكين ما كنت قايل انك تعبان للدرجة دي. هناك تعبير عند رجال القانون بقولوه فى حالة المحامى البحاجج بالجهتين، ما قادر اتذكره. واحد محامي (محامي حقيقى مش نصاب زى على عجب) يتفضل مشكورا ويذكرني ليها. المهم بقولوها فى حاله المحامي يحاجج بالجهتين ويقول مثلا ( يا سعادة القاضى المتهم لم يكن في مكان الجريمة، كان قاعد وقت الجريمة مع امو فى البيت بياكل ملاح نعيمية. ولكن اذا ثبت انه كان فى مكان الجريمة وانه قتل المجنى عليه فقد فعل ذلك دفاعا عن النفس لان المجنى عليه استفزه). غايتو يا على عجب انت محامي عينة.
ربما فات علي فهمك البسيط اننا قد تلقينا دروسا منظمة في ادارة المواجهات
زى مواجهتك مع محمد عثمان ابراهيم فى البوست التاني الفتحتو وما عرفت تقول فيه كلمة وفكيت البيرق بدون ما تكتب سطر؟
واكسبتنا ممارسة السياسة المنظمة في عمر مبكر يغظة التقصي والتحليل يقظه. يا على عجب. يقظة. تكتب بالقاف. مش يغظة بالغين. اكسبتك (يغظة) كيف يعني؟ وبعدين انت مارست السياسة متين؟ انت قايل المشي وراء كمال الجزولى وشيل شنطتو بيعتبر ممارسة للسياسة وبيكسب الناس (يغظة) سياسية؟! وبعدين لو ممكن اشرح لينا (يغظة التحليل والتحري) دى معناها شنو عشان نستنير.
علي عجب ليس (محاميا ولكنه فقط يضع ذلك علي البروفايل) هذه العبارة خاصتك موثقة في هذا المنبر ولا موثقة ولا حاجة. بس انت راسك ضارب ومرتبك شديد واعصآبك بايظة. لأنك عارف خطورة المواجهات دى عليك. يعنى معقول اكون امنجى ومكلف بتشويه صورتك وما عارف انك محامي ام لا؟ أصلو ده جهاز امن ولا جهاز غسيل كلي؟ انا لم اكتب فى اى مكان ان علي عجب ليس محامياً. اذا في زول كضآب هنا فهو انت. اتحداك قدام الناس ديل امشي جيب التوثيق البتقول عليهو ده. انا قلت انك محامي فاشل وبتكسب عيشك بطريقة معينة كتبتها بالتفصيل فى البوست المعني. وطبعا انت ما حتقدر تجيبو لأنك بتكون خجلان انو الناس تعرف طريقة كسبك لعيشك (طبعا ده سبيل كسب مختلف يعني غير موضوع حقوق الانسان ومآكله وطبعا المعلومات دي اناحصلت عليها من قسم تشويه صور المناضلين فى الجهاز).
لكن الرد طبعا علي هذه الحيرة "من اين اتيتم يا هولاء"؟
أتينا من محل ما اتينا. عشان نكون شوكة حوت للمحتالين من امثالكم الذين يريدون ان يتعيشوا من النضال باسم الشعب المسكين.
ارجو ان انبهك ايضا لمستوي الارتباك في ردك وانت تحاول ان تصرف الانظار عن النقاط الجوهرية في الاتهام الذي تواجهه وهو انك تعمل بشكل منظم في ترويج الاكاذيب وعن قصد
كلام لامعني له كالمعتاد. احاول صرف الانظار كيف؟ انت اتهمتني بانو انا عميل لجهاز الامن. طيب انا حصل نفيت عن نفسي انو انا عميل تابع لجهاز الامن؟ أبدا والله. طيب المشكلة وين وصرف الانظار وين؟ وبعدين يا اخي الاكاذيب الأنا بروّجها دي ما بترد عليها ليه؟ حسّا دي فى العشرة الف كلمة الكتبتهن ديل ليه ما دافعت عن نفسك فى مواجهة الاتهامات والاكاذيب المروجة ضدك؟ مش احسن ترد وتدافع عن نفسك يا محتال، بدل ما تلف وتدور فى الفاضي وتكتب كلام انشائي فارغ زى ده؟
لذلك اعود ثانية لتذكيرك ان امرك قد اصبح مكشوفا وان ما تقوم به لايمكن ان يقوم به سوي جهاز الامن
كتر خيرك على التذكير ولا عدمناك. يا سيدنا خلاص انا عميل لجهاز الامن. مفيش مشاكل
لذلك ليس غريبا ان يكون استهدافك حصريا للمدافعين عن حقوق الانسان،
الحرامية والمحتالين بس، والذين ثبتت عليهم السرقة والاختلاس.
كان اخر مسمار دق في نعش صديقك صلاح بندر مما جعل المخدوعين فيه يفرون منه فرار الصحيح من الاجرب
بالله فروا منو فرار الصحيح من الاجرب؟ ما عندى فكرة والله. لكين العارفو انو صلاح بندر قبل ما يفر، او يفروا منو فرار الصحيح من الاجرب فضحك وفضح باقي اللصوص بالمستندات وقهركم وذلاكم ذلة الكلاب. واحتمال بعد ده يجيك راجع ويجهجك تاني ويخليك ترقص على واحدة ونص. بس انت خليك ثابت وما تفر من البوست زى فرارك من بوست محمد عثمان ابراهيم الما قدرت تقول فيه كلمة واحدة . عارف الادروب ممكن يحشي ليك خشمك بالتراب.
ارجو لا تنس انك قد اعترفت علي صفخات هذا المنبر (في لحظة تجلي) انك كوز
ما بتذكر والله اعتراف زى ده. أنا اعترافاتي كتيرة. لكين ما فى عوجة ان شاء الله. تجلى ولّا ما تجلّي. هاك ده اعتراف موثق: انا كوز. |
|
|
|
|
|
|
|
العنوان |
الكاتب |
Date |
محمد عثمان ابراهيم .. زمن الانحطاط | على عجب | 06-14-11, 10:25 PM |
Re: محمد عثمان ابراهيم .. زمن الانحطاط | على عجب | 06-14-11, 10:27 PM |
Re: محمد عثمان ابراهيم .. زمن الانحطاط | Elawad | 06-14-11, 10:44 PM |
Re: محمد عثمان ابراهيم .. زمن الانحطاط | على عجب | 06-14-11, 11:35 PM |
Re: محمد عثمان ابراهيم .. زمن الانحطاط | على عجب | 06-14-11, 11:37 PM |
Re: محمد عثمان ابراهيم .. زمن الانحطاط | esam gabralla | 06-14-11, 11:41 PM |
Re: محمد عثمان ابراهيم .. زمن الانحطاط | esam gabralla | 06-14-11, 11:42 PM |
Re: محمد عثمان ابراهيم .. زمن الانحطاط | esam gabralla | 06-14-11, 11:44 PM |
Re: محمد عثمان ابراهيم .. زمن الانحطاط | Elawad | 06-15-11, 03:36 AM |
Re: محمد عثمان ابراهيم .. زمن الانحطاط | Abdelmuhsin Said | 06-15-11, 04:47 AM |
Re: محمد عثمان ابراهيم .. زمن الانحطاط | على عجب | 06-15-11, 01:45 PM |
Re: محمد عثمان ابراهيم .. زمن الانحطاط | قيقراوي | 06-15-11, 03:46 PM |
Re: محمد عثمان ابراهيم .. زمن الانحطاط | على عجب | 06-15-11, 06:12 PM |
Re: محمد عثمان ابراهيم .. زمن الانحطاط | على عجب | 06-15-11, 06:32 PM |
Re: محمد عثمان ابراهيم .. زمن الانحطاط | قيقراوي | 06-15-11, 06:49 PM |
Re: محمد عثمان ابراهيم .. زمن الانحطاط | على عجب | 06-16-11, 00:12 AM |
Re: محمد عثمان ابراهيم .. زمن الانحطاط | على عجب | 06-16-11, 00:14 AM |
Re: محمد عثمان ابراهيم .. زمن الانحطاط | هاشم نوريت | 06-16-11, 02:47 AM |
Re: محمد عثمان ابراهيم .. زمن الانحطاط | Tragie Mustafa | 06-16-11, 04:02 AM |
Re: محمد عثمان ابراهيم .. زمن الانحطاط | الصادق اسماعيل | 06-16-11, 04:35 AM |
Re: محمد عثمان ابراهيم .. زمن الانحطاط | أنور أبو القاسم الهادى | 06-16-11, 05:05 AM |
Re: محمد عثمان ابراهيم .. زمن الانحطاط | على عجب | 06-16-11, 10:08 AM |
Re: محمد عثمان ابراهيم .. زمن الانحطاط | قيقراوي | 06-16-11, 10:31 AM |
Re: محمد عثمان ابراهيم .. زمن الانحطاط | على عجب | 06-16-11, 10:28 PM |
Re: محمد عثمان ابراهيم .. زمن الانحطاط | عمار عوض | 06-16-11, 11:03 PM |
Re: محمد عثمان ابراهيم .. زمن الانحطاط | Abdelmuhsin Said | 06-17-11, 07:10 AM |
Re: محمد عثمان ابراهيم .. زمن الانحطاط | Abdelmuhsin Said | 06-17-11, 07:31 AM |
Re: محمد عثمان ابراهيم .. زمن الانحطاط | قيقراوي | 06-17-11, 07:35 AM |
Re: محمد عثمان ابراهيم .. زمن الانحطاط | Abdelmuhsin Said | 06-17-11, 08:00 AM |
Re: محمد عثمان ابراهيم .. زمن الانحطاط | قيقراوي | 06-17-11, 09:37 AM |
Re: محمد عثمان ابراهيم .. زمن الانحطاط | على عجب | 06-18-11, 12:37 PM |
Re: محمد عثمان ابراهيم .. زمن الانحطاط | على عجب | 06-18-11, 06:24 PM |
Re: محمد عثمان ابراهيم .. زمن الانحطاط | على عجب | 06-19-11, 11:41 AM |
Re: محمد عثمان ابراهيم .. زمن الانحطاط | Abdelmuhsin Said | 06-19-11, 11:10 PM |
Re: محمد عثمان ابراهيم .. زمن الانحطاط | Abdelmuhsin Said | 06-20-11, 04:13 AM |
|
|
|