|
Re: الفضيحة (الفســــــاد )القذر ابن وزير الدفاع وابن نافع وابن البرير.... (Re: معاوية عبيد الصائم)
|
والعبيد .. سلام والله يامعاوية نفسى يوم أدخل ليك بوست القى فيهو دليل لاتهاماتك لناس الانقاذ ديل .. أفتكر انو انت قاعد فى السعودية يعنى ماموجود هنا وشايف بعينك .. اولاد البرير ديل من الله خلقنا فى الدنيا دى لقيناهم مليانييين قروش ! وارثين من اجدادهم ورث تقيل.. وشركاتهم مالية البلد ونجاحة 100% ما افتكر انهم محتاجين للحكومة عشان يشاركوها على قول اخونا هجو الاقرع ! ياريت كلامك يكون معدوم انشاء الله بمستند او صورة عشان اقلاها الناس تصدق كلامك ما يكون نضم اسافير ساكت !
تحياتى ودمت بخير
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير.... (Re: بشير أحمد)
|
واصل يا معاوية يا حبيب واصل والبتعمل فيه دا والله عمل كبير .سيرة فساد الكيزان وأولادهم مالية البلد وأكيد مافي شيئ بتخبي كلنا عارفين كيف الراسمالية الوطنية إنهارت وظهروا من ترضي عنهم مافيات النظام ولو مافي مأكلة صدقني لا برير ولا حرير بمشي لقدام وين ناس الشيخ مصطفي الأمين وإبراهيم طلب وعمر البدوي وأبوسنون وغيرهم كلهم محوهم بالإستيكة وبقي من يعرف من اين تؤكل الكتف هم فاسدين وأولادهم فاسدين لكن الكيزان حرقهم الكلام وجو ناطين في البوست عشان يبوظوه بس علي مين واصل حبيبنا واصل
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير.... (Re: معاوية عبيد الصائم)
|
الاخ معاوية انا شخصيا متابع لكل ما تكتب و و رغماً عن قناعتي التامة بفساد النظام السياسي الان في السودان بس بالواضح لا قاعد اكضبك و لا قاعد اصدقك لانو كمان مسالة اتهام الناس دي عايزه شفافية. يعني ما بردلوب بردلوب إتهام ثانيا في شي مهم جداً في الجماعة ديل كل الدلائل تشير الي اتجاه الاستثمار خارج السودان بتركيز علي دبي لو الناس اتجهت الي تفكيك شفرة دبي اهم من التركيز في مسالة السودان لانو السودان ده القاعدين فيه لو حصل تغيير يد التغيير بتكون لاحقاهم ارجو معذرتي ركرر الاخ معاوية البنتفق فيه اكتر من اختلافنابس كمان في حاجة مهمة جداً انا رجل عجوز و بعرف الناس ديل كويس جداًً انتا مسجل اسمك كامل و لو جيت السودان الناس ديل بعوقوك يعنشوف ليك نك نيم ( اسم حركي) و تاني انزل نزلك التقيل ده غير كده ممكن واحد من الفارقين ديل يلم فيك بي قضية يشرك شر بشكير في بورتسودان سلام
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير.... (Re: معاوية عبيد الصائم)
|
غايتو يا معاوية لو النضال ياهو البتسوي فيه دا.... قسماً بالله البشير بكره دي إفوتك بي مراحل في النضال
ياخ إحترم عقول الناس...
الشرفاء اللي زيك هم اللي بصدقو كلامك دا من قولة تيت مُش لأنك إنسان صادق لكن لأنهم عندهم الإستعداد لي إنهم إصدقوا أي شي علشان إنتو بتقولو عليهم شرفاء
أما نحن الغير شرفاء ديل بنقول كلامك دا زي ونسة النسوان في بيت سماية أو ونسة عطالة قاعدين في لستك في الشارع
يا معاوية أي كلام بدون مصدر موثوق دا كــذب و شينة في حقك و حق الناس اللي بتكتب عنهم ديل
إنت شكلك بدوك أول الخبر و ما بتصدق تجي ترميه للشرفاء علشان إشكروك و تزيد رصيدك في النضال
و المصدر لاحقاً.... و لم الكلام إطلع كذب بتتخارج بي أحمد و حاج أحمد
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير.... (Re: ABUHUSSEIN)
|
Quote: اي كلام بدون مصدر موثوق |
وانتو نومين بالمصدر الموثوق عشا يتفرغوا الجماعة لافراغ البلد من الملين الاحمر . قرائن الاحوال وتاريخ هولاء يؤكد انهم فاسدين لا دين ولا اخلاق لهم ولا حدود لفاسدهم وما الثراء االسريع الفاحش واثار النعمة التي ظهرت عليهم الا مصدر موثوق انهم فاسدين معاوية مصدقين ما تقوله مش لان الباطل لا ياتي من بين كلماتك وانما ا لاننا نعرفهم وتاريخهم في الذاكرة قال مصدر موثوق !!!!!!!!!
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير.... (Re: heba Elmahi)
|
Quote: وببساطة شديدة ممكن ارد عليك بمثلك كلماتك او حتى اقوى منها هي الشغلانية مش طق كي بورد لكن هنالك ما يمنعني من هذا انت المؤيد للانقاذ ممكن تعملها او تقولها وتطلق اصابعك وفعلتها بس انا لا ليس بعد تايد قبيلة الفاسدين القتلة كفر فهنئك لك بصحبك والطيور على اشكالها تقع وان عدت لن نعود ون عدنا سوف لن نعود الا بالمفيد |
و الكذب اللي بتكتب هنا طـق شنو ......؟؟؟؟؟؟
حريقة تحرقكم إنتو و الإنقاذ
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير.... (Re: ABUHUSSEIN)
|
زواج السلطة بالمال.. طلاق الشعب والحكومة الصادق الرزيقي - الانتباهة واضح مما يحدث في مصر وما حدث في تونس، أن هناك قضايا تتساوى في أهميتها باعتبارها عوامل دفعت للثورة الشعبية ضد الأنظمة من غير الاحتقان السياسي والمطالبة بالحرية، هي فقدان الثقة في الأنظمة والعلاقة المحرمة غير الشرعية بين السلطة والمال، وبدت هذه الأخيرة أكثر وضوحاً في الحالة المصرية التي أظهرت علاقة رجال المال بالسياسة وتغلغلهم في مفاصل الحزب الوطني الحاكم وتربع بعضهم على كراسي السلطة بوصفهم وزراء، وتأثيرهم البالغ في القرار السياسي، ودورهم الخطير الذي لعبوه خلال الفترة الماضية، وتحويل الدولة المصرية إلى ضيعات خاصة بهم، وهم من قام بتنظيم عصابات المرتزقة والبلطجية للتصدي لتظاهرات القوى السياسية والشباب المصري، بتلك الكيفية المخجلة المندية للجبين. والنموذج المصري والتونسي، هو أكبر دليل على أن الفساد لا ينخر في عظم أي نظام سلطوي حاكم إلا عندما تخرج العلاقة بينه وأهل المال من الحيز المعقول والمقبول، لتصبح ارتباطاً غير مقدس وصلة حرام تخدم فيها السلطة المال وتصبح مطية لأصحاب الجيوب المنتفخة، يديرون بها أعمالهم التجارية ونشاطهم الاقتصادي ويحققون مصالحهم، ويسحقون غيرهم من أجل الكسب والمنفعة ولا يلتفت أحد للشعب. ومعروف ما الذي يحدث عندما تصبح نعمة المال معياراً للترقي والتعامل السياسي والمرور عبر كل الأبواب والوصول لأي مبتغى، وتفقد أية سلطة سياسية حاكمة قيمتها ومعاييرها الأخلاقية عندما يخترقها أصحاب المال ويستغلونها لمآربهم، وتفقد أكثر عندما يكون هؤلاء جزءاً منها ومن تركيبتها وأحزابها. فالسؤال إذن.. هل نحن هنا بمنأى عن هذه الظاهرة الخطيرة المدمرة للاستقرار والجالبة للحنق والغضب الشعبي؟؟ الإجابة سهلة للغاية.. لسنا بمنأى..!! فقد بدأت هذه الظاهرة عندنا تطل بوجهها القميء دون أن يُعار لها التفات، وصار المال رديفاً للسلطة، والغائر من جبل الجديد في كل قضايا الفساد التي نراها ونتحسسها كل يوم، يؤكد أن نتاج هذه العلاقة الحرام لن يكون في مصلحة أحد، والخشية أن تكون مجموعات رجال المال والأعمال وعلاقاتهم بالمتنفذين في الدولة والشركات الخاصة والحكومية والحزبية والعلاقات المتشابكة، هي التي تراعى لها الاعتبارات في الكثير من السياسات والقرارات في المجال الاقتصادي والمالي والتشريعات المتعلقة بالاستثمار وفرص العمل والتنافس على العقودات في المشروعات التنموية وعطاءات الاستيراد والمشتريات الحكومية، وغيرها من أوجه النشاط الاقتصادي الذي اُحتكر لفئة معينة وحُرمت منه بقية الشعب وقطاعاته. ويلحظ الناس تنامي هذه الظاهرة بشكل مخيف، وصار الحزب الحاكم يعج بالعديد من أهل المال والمرتبطين بعصب السلطة من ذوي الالتزام السياسي الصارم، ومن غير ذلك، ومن المؤلفة قلوبهم، فهل الدولة وحزبها الحاكم محصنان بما يكفي من تحول هذه الظاهرة لمرض عضال كما الحال في مصر، عندما أمسك العديد من كبار رجال الأعمال بتلابيب السلطة ووظفوها كما أرادوا لخدمتهم فقط من دون الشعب..؟؟ التحذير من هذه الكارثة قبل أن تقع، واجب لا بد منه، فالسلطة عليها أن تتخذ من التحصينات والاحترازات حتى لا تتحول إلى مجرد خادم مخلص لرجال المال والأعمال ممن يجيدون التعامل اللزج ويخوضون في البرك الآسنة والماء المعتكر، ويتسللون لكل فجوات السلطة وأبوابها ونوافذها، ويزورون المسؤولين في البيوت، ويعقدون الصفقات في الغرف المغلقة، ويحددون النسب في الأرباح المتوقعة، ويحضرون «المعلوم» مع كل تصديق أو ورقة تُوقع أو عقد يُوافق عليه أو سلعة يُسمح باستيرادها أو قرار فيه مصلحة يُنتظر للاستفادة منه. نحن لا نريد أن نذكر هنا العديد من الشواهد والأدلة على ما نقول، والتساهل والاستخفاف الذي تتعامل به السلطة وحزبها الحاكم مع هذا المرض السرطاني الخطير، لكن نحذِّر فقط من الذي يترتب على تجاهل واستصغار شأنه، فالشعوب قد تصبر على السلطة مهما كان عسفها وتجاوزاتها، لكنها لن تصبر على مثل هذه العلاقات المحرمة بين السلطة والمال، مهما كان النقاء المُدعى والطهارة المُدعاة
.......................................................................................................
الاخ معاوية لك التحية والمتداخلين
لو المعلومة صحيحة المقال اعلاه ح يكون بمثابة ( وشهد شاهد من اهله )
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير.... (Re: ندى صالح الطيب)
|
تحياتي يامعاوية وضيوفه المرحوم العم فتح الرحمن البشير طيب الله ثراه واسكنه فسيح جناته .. كان يستثمر أمواله في الصناعات مثل الغزل والنسيج والدقيق ... لم يكن مستثمرا في العطورات والتجميل والمطاعم الفاخرة وصالات الأفراح ... حاربته الإنقاذ ومات فقيرا وديونه ما زالت معلقة في ذمة الورثة .... الكيزان مسحوا الأرض بالشرفاء من رجال المال والأعمال السودانين وهذا مؤكد ... إلا الذين أعلنوا الرضاء والبيعة وركبوا سفنية اللا وطني .... واي حديث عن فسادهم ومن شاركهم فهو لا يحتاج لدليل أو مصدر ... لم نسمع يوما أن كوزا متهم بالفساد نشر براءة ذمته في الصحف أو تقدم بشكوى للمحاكم ضد من أتهمه بذلك ... توكل على الله ورشهم ولا تأخذكم بهم رأفة ... فهم يعرفون ويعلمون أنهم مجرمين فاسدين لصوص تجار دين ليس إلا ... الشفيع ابراهيم
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير (Re: ABUHUSSEIN)
|
Quote: قرائن الاحوال وتاريخ هولاء يؤكد انهم فاسدين لا دين ولا اخلاق لهم ولا حدود لفاسدهم وما الثراء االسريع الفاحش واثار النعمة التي ظهرت عليهم الا مصدر موثوق انهم فاسدين معاوية مصدقين ما تقوله مش لان الباطل لا ياتي من بين كلماتك وانما ا لاننا نعرفهم وتاريخهم في الذاكرة
|
تشكر أخى محمد دا كلم سليم ومعلوم لدينا، تسلم
Quote: الكيزان مسحوا الأرض بالشرفاء من رجال المال والأعمال السودانين وهذا مؤكد ... إلا الذين أعلنوا الرضاء والبيعة وركبوا سفنية اللا وطني .... واي حديث عن فسادهم ومن شاركهم فهو لا يحتاج لدليل أو مصدر ... لم نسمع يوما أن كوزا متهم بالفساد نشر براءة ذمته في الصحف أو تقدم بشكوى للمحاكم ضد من أتهمه بذلك ... توكل على الله ورشهم ولا تأخذكم بهم رأفة ... فهم يعرفون ويعلمون أنهم مجرمين فاسدين لصوص تجار دين ليس إلا ...
|
والامثلة كتيرة جدآ أخى الشفيع هنالك أسماء من رجال الاعمال السودانين هاجروا وتركوا الجمل بما حمل للصوص الزمن الهوان.
Quote: ومعروف ما الذي يحدث عندما تصبح نعمة المال معياراً للترقي والتعامل السياسي والمرور عبر كل الأبواب والوصول لأي مبتغى، وتفقد أية سلطة سياسية حاكمة قيمتها ومعاييرها الأخلاقية عندما يخترقها أصحاب المال ويستغلونها لمآربهم، وتفقد أكثر عندما يكون هؤلاء جزءاً منها ومن تركيبتها وأحزابها.
|
سلام يا استاذة ندى دا كلام سليم والله.
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير (Re: محمد على حسن)
|
Quote: شكرا وبالضرورة معلوم لكل ذي بصر اوبصيرة ام الذي اصابهم عمى البصر والبصيرة فهم مرضى ودعواتي لهم بالشفاء العاجل |
و الله إنت زول تُحفة.... طلعتنا عمي بصر و بصيرة و مرضى و كمان بتدعوا لينا
يعني علشان أكون ذي بصر و بصيرة أصدق إتهامات للناس بدون أي دليل
خلونا في مرضنا دا أحسن منكم إنتو الأصحاء ... كل اللي قادرين عليه كذب و نفاق
دا إسمو العجز
ما قادرين تعملو شئ أهو بتقعدوا تكذبو و تصدقو بعض تسمو نفسكم بالشرفاء و غيركم غير شرفاء أصحاب بصر و بصيرة و غيركم مرضى و محتاجين لي دعائكم
ليه البشير ما إقعد 22 سنة.....؟؟؟؟؟
.
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير (Re: ABUHUSSEIN)
|
د. التيجاني عبدالقادر الكوز المعتق قال حتى قبل ما تفوح الرائحة النتنة لفساد اخوان نسيبة : في الماضي القريب كان بيوت اثرياء السلطة ما فيها حتى دورات مياه ( لا مواخذة) بينما اليوم سكنوا القصور ومن صالون القصر يمط الكوز شفتيه ويحدثك دون خجل عن استثمارته وبعد هذا يسالك المؤلفة قلوبهم الدليل على فساد اخوان التيجاني خليكم من كلام معاوية كلام التيجاني ولد عبدالقادر مو دليل كافي هم عارفين اكتر من التيجاني عبدالقادر ؟؟؟
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير (Re: محمد على حسن)
|
Quote: ليه إعترضتي على تشبيه النسوان و ما إعترضتي على تشبيه العطالة....؟؟؟؟ |
ابو حسين شكلك ما فهمتا المقصود من إعتراضي !! انا ما لي دعوة بالموضوع الرئيسي للبوست !
انا إعتراضي علي تشبيه النسوان في بيت السماية ( وتيشز عندهم موضوع و مجاملة حث عليها العرف و الدين ) بالعطالة القاعدين في لستك في الشارع !!!!! مقارنة مع الفارق تستوجب الاعتذار لقبيلة النسوان في بيوت السمايات ! ولا شنو ؟؟؟
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير (Re: heba Elmahi)
|
بالمناسبة!!
ودالبرير مازي ودنافع ولا زي ود وزير الدفاع ولا زي ودالباوقة
عارف الفرق شنو؟؟
ود البرير ممكن يوكل بكل بساطة مكتب محاماة محترم يجيبك بالانتربول من اي مكان
وممكن يصرف على الموضوع دا قدر الصرفتو انتا في حياتك كلها 10 مرات وما بتكون فارقة معاهو
يجرجرك من محكمة لي محكمة
وانتا يا ود الصايم ياخوي زول ابو عيال وعندك مسؤليات وعندك عقاب دحين ياخوي موضوع ود البرير دا شعر ماعندك ليهو رقبة ركز لينا بالله مع ناس الحكومة ديل احسن لينا واحسن ليك
.....
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير (Re: خالد العبيد)
|
Quote: ابو حسين شكلك ما فهمتا المقصود من إعتراضي !! انا ما لي دعوة بالموضوع الرئيسي للبوست !
انا إعتراضي علي تشبيه النسوان في بيت السماية ( وتيشز عندهم موضوع و مجاملة حث عليها العرف و الدين ) بالعطالة القاعدين في لستك في الشارع !!!!! مقارنة مع الفارق تستوجب الاعتذار لقبيلة النسوان في بيوت السمايات ! ولا شنو ؟؟؟ |
و الله يا هبه أنا فهمت حكاية إنو كلامك ما ليه دخل بموضوع البوست لكن قهمتيني بي Quote: مهما كانت المبررات !!!! |
في الحالتين هي ونسة لتقضية الوقت لا أكثر و لا أقل
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير (Re: ABUHUSSEIN)
|
مع قليل من التعليق (البشير مدير تسويق) ،،،،،،،،،،،،،
نقلا عن الصحافة العدد 6418 بتاريخ 30/5/20011
Quote: أخبار سريعة البشير يدعو القطاع الخاص لاقتحام الاستثمار الطبي
الخرطوم : الصحافة: دعا الرئيس عمر البشير، القطاع الخاص ورجال الأعمال الى اقتحام مجال الاستثمار في العمل الطبي، وقال ان العلاج بالخارج اصبح يستنزف موارد الدولة على قلتها، ووجه ادارة القمسيون الطبي بعدم اعطاء اية فرصة لسفر الأطفال للعلاج بالخارج رأفة بهم، في حال عدم توفر العلاج بالداخل. وقال البشير لدى افتتاحه مساء امس، مستشفى رويال كير العالمي بضاحية برى بالخرطوم، ان المواطنين اصبحوا يصرفون امولا طائلة وجهداً ومعاناة بحثا عن العلاج في الخارج. واعتبر ان الكوادر الطبية السودانية من افضل الكوادر على مستوى العالم وهم رهن الاشارة للعودة الى الوطن لكن تنقصهم المستشفيات المؤهلة للعمل بها. وأقر البشير بأن العلاج بالخارج اصبح يستنزف موارد الدولة على قلتها، ويؤدي الى معاناة المرضى وذويهم، وحيا القطاع الخاص السوداني، وكشف انه اجتمع مع عدد من رجال الاعمال في الاسبوع الاول لـ»ثورة الانقاذ» وقال انه أبلغ القطاع الخاص بأن الحكومة بصدد تنفيذ برنامج ضخم للخصخصة بما في ذلك خصخصة هيئة السكة الحديد لتصبح شركة خاصة. واضاف انه اصبح لدى السودان قطاع خاص ناهض ورائد في العمل الاقتصادي، مطالبا ادارة مستشفى كير بسودنة الكادر العامل فيها.
|
ما تحته خط في الإقتباس رسالة واضحة للقمسيون الطبي لإجبار الناس الذين لديهم قدرات مادية لعلاج أطفالهم خارج السودان علي العلاج في هذا المستشفي و لا يهم ماذا يحدث لهم بعد ذلك ،،، و بقليل من التعليق فهذا يعني: أولا: ترويجا للمستشفي و ثانيا: إستغلال السلطات لدعم هذه الحملة الترويجية و ثالثا: التشجيع علي التوسع في خصخصة العلاج و الصحة
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير (Re: Mohammed Ahmed Saeed)
|
انت داير تشير لفساد الحكومة قمت أسأت لآل البرير وهم راسمالية مليانين قروش من زمان ومعروفين
وماأعتقد انهم محتاجين ولا عاوزين يشاركوا ليهم زول كان نضيف ولا كان فاسد .
واذا ما قدرت تثبت الشراكة دي بينهم وبين ناس الحكومة الفاسدين ديل حسب كلامك
فانت مطالب باعتذار هنا لآل البرير .
معاوية عبيد الصائم يا رفيق
شايفك ماشي فوق درب هشام هباني
عناوين كبيرة ساي ومادة معدومة
بالتوفيق ياخ
وعاش نضال الطبقة الكادحة
وماشين في السكه نمد كمان
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير (Re: البشير دفع الله)
|
Quote: وأقر البشير بأن العلاج بالخارج اصبح يستنزف موارد الدولة على قلتها، ويؤدي الى معاناة المرضى وذويهم، وحيا القطاع الخاص السوداني، وكشف انه اجتمع مع عدد من رجال الاعمال في الاسبوع الاول لـ»ثورة الانقاذ» وقال انه أبلغ القطاع الخاص بأن الحكومة بصدد تنفيذ برنامج
|
سلام يا الهادى، دى أخرتا البشيير بعمل دعاية للمستشفيات وعاوز الناس تتعالج فى الفنادق الخمسة نجوم من غير خدمات صحية ولا أجهزة منقذة للحياة ولا أطباء أكفاء، يعنى الما مات بالجوع والفقر يموت بقروشوا ويحجز فى المستشفيات التى هى عبارة عن فنادق للراحة فقط ،
الامثلة كتيرة من نوع المستشفيات دى من ناحية اهمال المرضى عدم وجود اجهزة منقذة للحياة ، استعمال دوزس عالية من البنج.
كل يوم الجرائد جايبة مصائب من عينة المستشفيات الاستثمارية دى.
العندو قروش أحسن ليهو يمشى القاهرة القريبة دى ولا يتعالج داخل السودان.
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير (Re: ABUHUSSEIN)
|
في البداية كنت واثق . . . . . . . . لعبو بيك ناس الأمن يا معاوية.....؟؟؟
مسكوك ضنب الككو .....؟؟؟؟
الشرفاء اللي دخلو في البوست دا ورطوك زيادة نفخوك و خلوك تمشي للهاوية بي ثقة شديدة
بوست زي دا بزيد رصيك في النضال وسط الشرفاء فقط
أما عند غير الشرفاء زاد رصيك في الكذب
إشانة سمعة لي ناس البرير بدون أي مبرر... ذنبهم شنو ...؟؟؟
حقهم وين يا معاوية....؟؟؟
ضميرك مرتاح و إنت بتتهم الناس بدون أي دليل....؟؟؟؟
.
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير (Re: ABUHUSSEIN)
|
طبعاً أنصار النظام هم دائماً في صـف التشكيك في المعلومات التي يأتي بها غيرهم في هذا المنبر وفي غيره وفي صـف إعابة العمل السياسي المعارض حتى لو بطريقة السخرية من طريقته ووسائله,
لكنه وفي كثير من الأحيان خرج المفسدون على الناس (لاسباب مختلفة) واعترفوا بفسادهم الذي يفوق كثيراً ما يعرفه الناس والصحافة ومجالس المدن والمناسبات السودانية
والفساد موجود ومعترف به من قبل الدولة نفسها وهي أسست (مفوضيـة) لتساعدها في (محاربة) الفسـاد والفساد هيكلي ومؤسسي وسببه المباشر هو الحجر على الآخرين من أي حرية كانت سواء كانت في التجارة أو في التصدير أو في الأعمال المهنية والحرة أو في الاقتراض من البنوك التجارية أو في مراجعة دواوين الدولة والحصول على التسهيلات والموافقات الحكومية ...
فلتتيح الدولة الحرية والتحرير الاقتصادي الحقيقي وستنتفي الحوجة لهـذا النقاش تلقائياً,
أخيراً كنت أتمنى لو كان التوسع في المستشفيات (وتوطين العلاج) في شأن المستشفيات (العموميـة)
أحمد الشايقي
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير (Re: صلاح أبودية)
|
Quote: يعنى يا ناس المصادر مطلوب منى اكتب اسماء مصادرى هنا.. يا خ انتوا ناس حلويـــــــــــــــن عديل
يعنى هم يتلحسوا لبيوت الاشباح وانا افتح بوستات كــــــــــورة
تخيل ياعزيرى القارى معاوية عبيد مركب مكنة كاتب رياضى
الفساد الفساد الفساد ....وراكم وراكم لحدود القبر
|
بداية البوست ما قلت كدا............
بجيك بي رواقة شديدة و مزاج عااااااااااااااااااااااااااااااااااالي
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير (Re: معاوية عبيد الصائم)
|
Quote: يعنى يا ناس المصادر مطلوب منى اكتب اسماء مصادرى هنا.. يا خ انتوا ناس حلويـــــــــــــــن عديل |
في بداية البوست ما قلت الكلام دا... قلت Quote: على السادة محبى المصادر التريث...والمتابعة؟؟ |
يعني يا معاوية كذبت الناس الحلوين ديل كانو مفتكرنك صادق علشان كدا تابعو كما طلبت منهم لكي يتأكدوا من الفضيحة التي تحدثت عنها فخذلت الحلوين الذين كانو يتمنو صدقك عسى و لعل ...... و لكن كالعادة خيبت ظن الحلوين و فرح بك الشرفاء فقط....
Quote: يعنى هم يتلحسوا لبيوت الاشباح وانا افتح بوستات كــــــــــورة |
المكنة دي عاضة شديد لأن المسؤلين عن بيوت الأشباح هم من مررو لك هذه الكذبة و هم يعرفون جيداً أن هذه الكذبة سيسيل لها لعابك و لن تنتظر حتى تتأكد منها و هذا ما حصل.....
Quote: تخيل ياعزيرى القارى معاوية عبيد مركب مكنة كاتب رياضى
|
عزيزك القارئ قادر على التفريق بين الكذب و الصدق فلا تطلب منه التخيل و هو قادر على الوصول للحقيقة
Quote: الفساد الفساد الفساد ....وراكم وراكم لحدود القبر |
إنت عارف إنو الناس دي كلها بتمشي القبر يا معاوية.......؟؟؟؟ و الناس دي كلها بتمشي القبر و إنت بتمشي وين يا معاوية.....؟؟؟؟؟ ما فكرت في القبر لم كتبت كلامك دا....؟؟؟؟؟
Quote: بالمناسبة انا بحب وبموت فى سيد الكورة الهـــــــــــــــــلال |
كدي فكر في الخالق اللي خلقك .
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير (Re: ABUHUSSEIN)
|
Quote: والفساد موجود ومعترف به من قبل الدولة نفسها وهي أسست (مفوضيـة) لتساعدها في (محاربة) الفسـاد والفساد هيكلي ومؤسسي وسببه المباشر هو الحجر على الآخرين من أي حرية كانت سواء كانت في التجارة أو في التصدير أو في الأعمال المهنية والحرة أو في الاقتراض من البنوك التجارية أو في مراجعة دواوين الدولة والحصول على التسهيلات والموافقات الحكومية ...
احمد الشايقى
|
سلام يا احمد والله القلوب شواهد كنت عاوزة اكتب عن مفوضية الفساد العملوها بعد ما الفساد عم البلد وبسببهم هم وفسادهم كونوا مفوضية عدييل كدا ودا أعتراف بالفساد ضمنى.
Quote: رجل الاعمال معتز البرير فى خطابه فى افتتاح المستشفى ذكر انه معاه شركاء بنسبة 1% ،وكونه انه الشركاء يكونوا اولاد وزراء مافيها فضيحة ولا فساد ،طال ما كانت مشاركتهم بحر أموالهم وليس أموال الدولة الابواتهم وزراء فيها
|
يعنى دا برضو معناهو فى شركاء بس عاوزين نعرف من هم؟؟؟
مشاركتهم بحر اموالهم دى فيها شوية انة وبرضو ممكن نسألهم من أين لكم هذا ، هل كانوا ممكن يشاركوا فى استثمار ضخم مثل هذا لو ما كانوا اولاد وزراء؟
يعنى ممكن يكون الكلام دا اعتراف بشركاء خفين عشان كدا الاخ معاوية شايت صاح فى القون طالما البرير ذكر وجود شركاء.
تسلمى يا مهيرة
| |
|
|
|
|
|
|
Re: الفضيحة (الفســــــاد )القذر ابن وزير الدفاع وابن نافع وابن البرير (Re: ABUHUSSEIN)
|
Quote: رجل الاعمال معتز البرير فى خطابه فى افتتاح المستشفى ذكر انه معاه شركاء بنسبة 1% ،وكونه انه الشركاء يكونوا اولاد وزراء مافيها فضيحة ولا فساد ،طال ما كانت مشاركتهم بحر أموالهم وليس أموال الدولة الابواتهم وزراء فيها |
دخول ابناء و اقارب الوزراء فى اى عمل تجارى فى فترة تولى ابائهم السلطة امر تحفه الشبهات و مظنة استغلال النفوذ من اى النواحى اتيته و دوننا حكمة الفاروق الذى اصر على مقاسمة ابل ابنه و قال له ان ابلك يفسح لها الناس فى المراعى قايلين انها ابل ابن امير المؤمنين و المنطق يؤيد هذا: هل يعقل ان تعامل الاجهزة المختلفة ابن نافع او شقيق البشير معاملة اى شخص اخر؟ لا اظن فقد حبل الناس فى اى زمان و مكان على تهيب و تمييز ذوى السلطة و من يتعلق بهم.
| |
|
|
|
|
|
|
|