يـتـلـفّـت زي الـطـيـرة ... تـشـبـيـهآت فـي شـكـل سـحـرآت !!!...

Quote: شنو كدا ما عارف زي ود ابرك

تحياتي واشواقي الكتيرة.

(عدل بواسطة كمال عكود on 05-05-2011, 07:30 AM)

Quote: الجزولي دفع الله قال لنميري الرئيس المخلوع نميري قال ليهو عليك الله المخلوع فينا منو انا والا انتا

Quote: المدير فعلا تفك الرتابة شوية ، عمك عندنا وصاف زي الوصفات دي فكان مسووي قطية داير يرفعها في الشعب ونادى الناس للمساعدة وفي واحد واقف في الشارع ينتظر بصات الخرطوم وبتجي في وقت معين واذا راحت خلاص تاني الا بكرة الزمن داك ، اها الزول عندو رغبة في المساعدة في رفع القطية يتقدم عليهم يسمع رزة البص من بعيد يرجع لما يرجع الشارع والبص ما يظهر يمشي على جماعة القطية تاني يسمع الرزة يرجع اتكررت الحكاية دي كم مرة اها الزول الداير يرفع القطية وصاف شديد قال ياجماعة ارح الزول الزي العود الشايلاه الشيمة دا ما بقضى لكم غرض وما بجي شرح المفردات لناس البندر والناس الما عندهم ثقافة الريف خاصة الشمالي منه

Quote: سلامات ود المدير والله أنت دايما بتاع تقاليع عجيبة خلاس..... طيب وكت جبت سيرة الامثلة في مثلين بسمعهم كتير وما عارف ليهم تفسير لو ممكن تشرحم لي ينوبك ثواب.. الاول بيقول ليك الزول ده عامل زي سراق الحمير,,,, والتاني بيقول ليك الزول ده عامل زي الدبيب أب راسن مقطوع. تقبل تحياتي,,,

Quote: الاخ معاوية المدير ....سلام وبيقولو فلان زي طير السقد ما بنوم

Quote: اعتقد إنو حكاية الوصف دي ما ليها علآقة بالعين والسحر، وهي سرعة بديهة وصفاء ذهن تأتي عفو الخاطر.

Quote: الجزولي دفع الله قال لنميري الرئيس المخلوع نميري قال ليهو عليك الله المخلوع فينا منو انا والا انتا

Quote: مره زوجتو وضعت ولدين تيمان , جاء داخل يشوفهم و يحمد ليها السلامة لقاها راقده والاولاد كل واحد ملفوف و خاتنهم عند رجليها... فقال ليها : ها.. والله عاملة زي البطارية الطلعو حجارها ... الولدين واحد مات و التاني اتخبل..

Quote: مررنا للتحية

Quote: سلام يا مدير... والله عندنا تشبيهات سمحة و يتخيل لي دي من الحاجات البنتفرد بيها لحد كبير. هاك ديل: بوزع بسماته زي راس الخروف. داخل و مارق زي أم العروس. عامل زي ديك العدة. يبلع في الطعمية (أو غيرها من الأطعمة) زي الأسبرو. خلى السمك زي صورة الأشعة.

Quote: والتقيل جاييك وراء

Quote: مرة لاعبين مع فريق السيالة اها قمنا شبكناهم ليك .. تمر دفيق تمر دفيق ردو علينا..: الكنارة عشرة في سجارة وتلاتة في حمـــارة :)

Quote: يا قريبي ود المدير .. ـ امشي كدة بتشبيهاتك دي عامل زي ضحى الجمعة

صقرك ده، زي المرا البتردح.

عارف، الماحي ود جعفر الله يرحمو، يقولك اسحرك؟
تقولوا: اسحرني.
يقولك: عامل كدي مِتل الكديسة البتتوضى فوق البحر.

في وآحد سحرو، قالوا: يا الماحي، الخطوط البصفحات عيونك ديل،
مِتِل سلوك الطمبور.
قدُر ما امشي السودان يجيني في البيت ويحكي لي السحرة دي.

أسأل الله له الرحمة والمغفرة.
لا نذكي علي الله احد، لكن الماحي زول جنّة ساااااكت...

Quote: ود عمي المدير كيفنك يابا مشتاقين يعلم الله فاقدنك والله صحي

Quote: saalam ya wad Elmodeir

Quote: خالي اشترى ليهو زير و جابو البيت حبوبتي سالتو اشتريت الزير دا بكم ؟ قال ليها بخمسة و تلاتين جنية(35 جنية دي كانت كتيرة) حبوبتي سكتت ساي و ابتدت تلف حول الزير خالي سالها قال ليها مالك بتلفي حول الزير ؟ قالت ليهو بفتش في الكبس(الفيشة بتاعت الكهربة) تحياتي لكل الصعايدة

Quote: up ـــ متعةوالله يا قريبنا مرة لاعبين مع فريق السيالة اها قمنا شبكناهم ليك .. تمر دفيق تمر دفيق ردو علينا..: الكنارة عشرة في سجارة وتلاتة في حمـــارة :)

عارف يا ود الزين مرّة قريباً ليك طاعن في السن دآير يبنيلو مزيرة.
أها، مشى جاب البنا.
البنا قالو: تجيب لي طُلبة.
قال للبنا: انا ببقالك طُلبة.
البنا قال ليهو: الشغلة دي ما بتقدر عليها يا حاج.
هو اصرّ، لأنو ما داير يدفع للطُلبة. جلدنة منو يعني.
أها يا زول البنا موجوع منو وجع شديد.
قريبك رآح مادي الطوبة للبنا ويدو ترجف رجفيبة شديدة،
والبنا محاول يمسك الطوبة، والطوبة شغالة رجفة مع اليد.
قام بنهرة قال للبنا: يا زول ما تمسك مِني الطوبة دي.
البنا بزهج شديد قالو: امسكا كيف، وإنت ما ديها لي زي السمكة؟؟؟

Quote: تمر دفيق : أوائل التمر عندما يكون أخضر ، ويسمي دفيق لأنه يقع من النخل و الله أعلم (يعايرونهم ببيع البلح الذي يقع من النخل و هو ما زال أخضر) السيالة : قرية تقع علي النيل غرب عطبرة. كنور : قرية تقع علي النيل شمال عطبرة. *بين القريتين صلات قرابة و نسب

Quote: سلام ود المدير .... أُخُد ليك جولة هنا:

Quote: أها، المحلةالغايسة دي أنا كنت متحكر فيها هي، يعني عمنا السواق ده لو رقبتو بقت رقبة نعامة ما يقدر ينقشني. تحركت الحافلة، وعلى ما أعتقد كانت متوجهة إلى أبو حليمة كنقطة نهائية وهي تحمل في جوفها ناس شمبات ظلط، وشمبات الحِلة، والحلفاية، والدروشاب، وإنت ماشي. المهم، من بداية الصافية كده بقينا نسمع ليك الجماعة: قرصة قبلك، يا أبن العم. ومرات تسمع طرقعة الأصابع، طق، طق، طق،: قبلك يا زول. عمنا كل مرّة يجازف ليك الحافلة ينزلها من الظلط. الظلط سنين وعالي، والحافلة هكرة شديد، قزار الشبابيك يرقص ويلعب سااااكت، وعمنا كلما ينزلها تسمع، كششششش، كشششاش من الناحية اليمين، ولمان يطلعها تسمع كشششش من الناحية الشمال وهكذا. رغم إنو عمنا كان حريص جداً ينزلها على مهل وتؤودة كأنما هي فلذة كبده. وعمنا النوع الجادي المابيتكلم داك، مركّز في الشارع للطيش، وشآدي ضهرو مع الكُرسي تحلف تقول بالع سيخة. أها واحد من الرُكاب كورك: قبلك يا أبن العم، قرصة. عمنا طوالي راح مسايس ليك الحافلة نزلها. أوّل ما نزلت من الظلط نسمع ليك، كششششا كششش. أنا طوالي لى شقاوتي، قلت ليهو: ده أشنو يآ عمنا! إنت سايق حافلة، والا سايق فضيّة؟؟؟ أريتني ما قلت الكلمة دي، وعمنا فتح فيني. عمو: الله يقطعك، ويقطع يومك. داير توقفها! الله يوقف حالك، دي نحن بنعول منها أُسر، في ستين خشُم راجياتنها خشمك بالتكسرو ليك. طبعاً أنا قنصت قنصة شديدة جداً والكرسي عامل لى ساتر من عمنا ما قادر يشوف حتى طرف قميصي. أها يسكت ويكون سايق في أمان الله، فجاة تسمع: قرصة يا أبن العم. أبن العم يجازف الحافلة ينزلها وبمجرّد ما الكشكشة تحصل يروح فاتح فيني. عمو: والله قال فضيّة قال! الله يقطع اليوم اللمانا فيك زاتو. طالعين نشوف رزقنا يتعارض لنا عارض نفر ده!. ده يوم نحس اللمانا فيك يا شوووووم. الجماعة في الحافلة طبعاً لقولهن موضوع، وتعال شوف الضحك والقرقراب. جنبنا في إتنين كده عملوها مسخرة، اوآت ما يكون في زول نازل يقولوا: اوووووب هسسسع عمّك يفتح. وهو ما قصّر تب، أوّل ما يسمع كشششششاش يقوم: قال فضية قال! الفضية التتكسر لك فوق راسك ده صحن صحن، وكُباية كُباية يا نحس. أنا طبعاً من هو فتح خشمو قفلت خشمي. بعدين في جماعة كده الواحد لمان يجي نازل يقولوا: يا عمو خلاس عليك الله أنسى الموضوع. وهو يهيج: لكن عليك الله دي طريقة دي! أنا واللهِ أكان عارف بيلاقيني الفقُر ده، من بيتي ما كان مرقته. إقتربنا من محطة كيلو 8 في الحلفاية. المحطة كانت عامرة ودايماً بينزلوا فيها ناس كُتار. أها، عمنا بالرااااحة نزّل الحافلة وقال: والله ده يوم عجيب خلاس! وأنا نازل، بمجرد ما وصلت باب الحافلة، وهو طبعاً ما عارفني، قلت ليهو: يا عمنا معليش أمسحها لي في وشي والله ما قاصد حاجة. فجاة قال لي: هو ده إنت يا الشوم؟ طييير الله لا عادك يا وش النحس... [ICQ]

Quote: عندنا عما لينا يا مدير مرة لاقاني جائي من الزراعة وعنده حمار شايل فيه برسيم عدل "بكسر العين وفتح الدال" وهو أن وضع البرسيم جزء على صفحة الحمار اليمني وجزء على صفحته اليسرى وواقف يتكلم معاي والحمار ينزل راسه على جيهة صفحته ليتناول من البرسيم وهو يجره من حبله وتاني الحمار يعمل نفس الحركة فزهج عمنا من الحمار وقال لي هسع دا الزي الزول البعاين في جيب السديري دا يسووا لو شنو ؟؟؟؟؟

دي صورة القرآع وفيها وآحد فاتق،
لزوم معانا أهل البنادر وكده...

Quote: يمين ماك نصيح

Quote: تعرف كان عندنا عريس في البلد لآبس بدلة بُنيّة وبنطلون بُنّي وقميص ابيض، ومزرّر زرارتين البدلة التحت. وآحد قال: عامل زي القرآع الفاتق...

Quote: سلام أستاذ معاوية... أضحك الله سنك ياخي سكرتنا بالضحك... ... . بالله وواصلت الرحلة لي نهايتا.. بالغت والله! .. عجبتني ذنقتك ورا الكرسي ياها زنقة زنقة لما وصلنا.

Quote: كنا بنقعد في العتبا الخضراء نبيع البرسيم أها ميرغني كومو كان بياااع وزول وجيه جاهو واحد اشتري ربطة برسيم بخمسمية واداهو عشرة كومو قال ليهو ماعندي فكة ـــــــ العجايز وراهو قالوا ليهو عندك الفكة وبعت لفلان وعلان بكدة واستلمت كدة وفي جيبك من ورق ابوعشرة كدة لمن قلع هدومو وفتش جيبو عرفهم صآح ...جدع باقي الهدوم وجرى