|
Re: لن يكون هناك انفصال .. حد يشارط !!؟ (Re: محمد البشرى الخضر)
|
الانفصال قد حدث يا صديقى فلا تبكى على الحليب المسكوب ... والمتبقى هو رسم لبقية الادوار من اجل اخراج مقبول
>>> بدون رتوش يا شفت يجب ان يستفيد الجميع من هذه التجربه المريره و التى اضاعت جزء عزيز من الوطن فالاستفاده من التجربه بيعنى منع مزيدا من الانفصالات ..
وربنا يعطينا واهلنا الحاكم الصالح و السياسى المحنك الحريف >> يعنى حاجه كده ذى سيدا >> لووووولز
| |
|
|
|
|
|
|
Re: لن يكون هناك انفصال .. حد يشارط !!؟ (Re: طارق الكوتش)
|
مرحب صاحبي الكوتش بالمناسبة انا مع الانفصال
ما من منظور عنصري بالعكس اعتقد ان السودان يحتاجة
اللشماليين في مجملهم ينظرون الى اجنوبي نظرة استعلائية .. اسباب تلك النظر معلومة للجمويع تاريخية عقدية ولونية كمان
الجنوبين بسبب الاضطهاد المتواصل لهم اصبوا لا يثقون في اي شمالي .. بل ويحقدون عليه
لذلك يتحتاج الاثنين لفترة انفصال .. حتى يعلم الشماليين ان الجنوبي ندا لهم وحتى تعود للجنوبي شثته المفقوده يوبطل حدقه
| |
|
|
|
|
|
|
Re: لن يكون هناك انفصال .. حد يشارط !!؟ (Re: وليد محمد المبارك)
|
Quote: اللشماليين في مجملهم ينظرون الى اجنوبي نظرة استعلائية .. اسباب تلك النظر معلومة للجمويع تاريخية عقدية ولونية كمان
الجنوبين بسبب الاضطهاد المتواصل لهم اصبوا لا يثقون في اي شمالي .. بل ويحقدون عليه |
طيب يا وليد اذا دي قناعتك اضربها في مليون دا احساس الجنوبيين تفتكر مهما عانوا ح يقبلوا يرجعوا تاني لمربع واحد بعد الله حلاّهم
| |
|
|
|
|
|
|
Re: لن يكون هناك انفصال .. حد يشارط !!؟ (Re: محمد البشرى الخضر)
|
Quote: طيب يا وليد اذا دي قناعتك اضربها في مليون دا احساس الجنوبيين تفتكر مهما عانوا ح يقبلوا يرجعوا تاني لمربع واحد بعد الله حلاّهم |
رجعوا يا ود البشرى رجعوا
كل الجنوبيين السافر عن طريق العودة الطوعية عادوا الان ومن لم يعد في الطريق
رغما عن احساسهم .. عند اول بوادر حرب اهلية اتجه الجنوبيون شمالا يا ود البشري ما مشوا كينيا ولا اثيوبيا ولا يوغندا ولا افريقيا الوسطى
تفتكر ليه
العمال والموظفين المعانا في الوزارة ,, السافروا اتت استغاثاتهم لنا بعد مرورا ايام من سفرهم .. ارسلوا لنا لنرجع ارسلوا لنا لنرجع
الان عادوا كلهم دون استثناء ... وقالوا ما راجعين كان شنو داك
| |
|
|
|
|
|
|
Re: لن يكون هناك انفصال .. حد يشارط !!؟ (Re: وليد محمد المبارك)
|
Quote: كونفدرالية
الجنوب متجرس والشمال متجرس وامريكيا برضو متجرسة |
في السياسة كل شئ وارد وهذا الذي تقوله أيضاً وارد لكن الشئ الأكيد أنه لن يكون الآن ولن يكون في الأنظمة الحالية ( شمالاً وجنوباً ) - السكين سارقاهم - من ناحية الجنوب فلابد أن يصل لـ ( الميس ) وتقتنع ( الأغلبية ) التي إختارت الإنفصال بخطأ رأيها ومن ثم معاودة النظر شمالاً لكن هل تكون الأحوال ( شمالاً ) لحظتئذ مواتية لقيام وحدة ؟؟؟ أم سوف تكون هناك دولة ( إسلامية ) بأحزاب الجبهة والأمة والإتحادي ؟؟؟ فيرفض الطرفان قيام وحدة تهدد مشاريعهما الإسلامية ( شمالاً ) والعلمانية ( جنوباً )
من السهل لإخراج المارد من قمقمه ، لكن من العسير إرجاعه إليه
سلامات ياوليد
| |
|
|
|
|
|
|
Re: لن يكون هناك انفصال .. حد يشارط !!؟ (Re: علي جلاس)
|
(( من بقك لباب السمـا )) كما يقول الأخوة في مصـر..
ولكن يـا أخ وليـد لا أعتقـد أن الأخوة في الجنـوب
حيفوتـوا هذه الفرصة لإعـلان الانفصـال التــام عن باقي البلـد
ولسان حـالهم يقول: لقـد هرمنا،، هرمنـا،، في انتظـار هذه اللحظة التاريخيـة.
طبعاً أغلب الناس مقتنعين بأن الانفصـال ليس في مصلحة الطرفين: الجنوب والشمال، ولكن من يقنع
القادة السياسيين وخصوصاً (الحركة الشعبية) بذلك.
| |
|
|
|
|
|
|
Re: لن يكون هناك انفصال .. حد يشارط !!؟ (Re: طه داوود)
|
السلام عليكم أخي وليد محمد المبارك تحية تجدك طيب
يمكنني أن اتفق معك علي عدم الانفصال وقيام جنوب كونفدرالي فقط علي الاساس الأتي :- ازالت النظام القائم حالياً (حكومة المؤتمر الوطني) خلاف لذلك فأن السودان سيكون دولتين منفصلتين تماماً وفاشلتين كما قال اخونا حيدر جني .
طيب عطفاً علي ظني بازالة النظام هناك سؤال ملح ومهم هو :- هل ذلك ممكن ؟! نعم اظنه ممكن فالتغيير حتمي وسياتي طال الزمان ام قصر لكن المسألة الملحة الان هي :- هل يمكن أن يحدث التغيير قبل شهر 7 ؟ وارد لا اظن أنه سيحدث لعدة اسباب اهمها :- - استكانة واستسلام القوى السياسية المعارضة للمؤتمر الوطني و انتظارها لان تقوم بالفعل الثوري عقب مايسفر عنه شهر 7 . - الخط العام الدولي وحرصه على استيفاء اخر نقطة في اتفاقية نيفاشا وحرصه علي شهر 7. - المؤتمر الوطني وحرصه على عدم التفريط في الحكم .
معليش يا وليد طولته عليك لكن اهم عنصر في فشل التغيير يعود ويرجع لقوانا السياسية المعارضة وعجزها عن قرأة الراهن السياسي والاستفادة من الرافضين للمؤتمر الوطني وتوظيفهم في عملية التغيير ولا يخفي عليك وعلي الجميع أن نظام المؤتمر الوطني هو اكثر نظام وجد رافضين سياسيين محيدين تماماً بسبب الطيش السياسي من المعارضة وانجع مثال يعزي أن كل الشباب ومعظم الشعب السوداني رافضين للمؤتمر الوطني هو :- فشل المؤتمر الوطني استقطاب جيل كامل (من 89الي ال 20 سنة التي تلتها) رغم أن المؤتمر الوطني دشن لهم كافة آلياته في الاعلام والتعليم وحاول تدجينهم بكل السبل إلا انهم افشلوا مشروعه واصبحوا اكبر رافضين له ويمكنك ان تنظر لهم في معارضات كثر - فيس بوك - والمجموعات الشبابية الاخرى التي تناضل ضد النظام حسب مفهومها وهم بشكل او اخر اكبر رصيد سياسي للقوى السياسية لو عرفت كيف تستقطبهم لكن لبؤسها وفشلها اصبحت مرفوضة منه ايضاً .
معليش ياخ اخدت من زمنك.
| |
|
|
|
|
|
|
Re: لن يكون هناك انفصال .. حد يشارط !!؟ (Re: سفيان بشير نابرى)
|
تحياتى يا وليد
ان من الاسباب الرئيسية للانفصال هو الكيزان و حكم الفاسد
فبزوال الكيزان و حكومتهم الفاسدة قبل تاريخ الانفصال المعلن فسوف لم و لن يكون هناك انفصال
و اما فى حال بقاء الكيزان الى ذلك التاريخ فاعتقد ان الانفصال سوف يكون 50 ... 50
| |
|
|
|
|
|
|
Re: لن يكون هناك انفصال .. حد يشارط !!؟ (Re: وليد محمد المبارك)
|
Quote: مرحب صاحبي الكوتش بالمناسبة انا مع الانفصال
ما من منظور عنصري بالعكس اعتقد ان السودان يحتاجة
اللشماليين في مجملهم ينظرون الى اجنوبي نظرة استعلائية .. اسباب تلك النظر معلومة للجمويع تاريخية عقدية ولونية كمان
الجنوبين بسبب الاضطهاد المتواصل لهم اصبوا لا يثقون في اي شمالي .. بل ويحقدون عليه
لذلك يتحتاج الاثنين لفترة انفصال .. حتى يعلم الشماليين ان الجنوبي ندا لهم وحتى تعود للجنوبي شثته المفقوده يوبطل حدقه |
يا وليد طيب ماهو عشان كده انا قلت ليك الناس تستفيد من تجاربها فى احقاق العدل واقتسام السلطه ومعاملة جميع المواطنين بنفس الدرجه والاعلام يجب ان يكون له دور اكبر ووووو ، او كماضاع الجنوب حيضيع الغرب و الشرق و الشمال ,,, ونفس الاحساس الانت بتتكلم بيهو ممكن يكون عند قبائل او فى مناطق اخرى ... يا وليد لازم تكون هنالك خطوات ايجابيه من الجميع عشان السودان يظل هو الوطن وللجميع
ياخ بستغرب جدا لمن تكون هنالك عنصريه وقبليه و جهويه منتشره و متحكمه فى كل شئ كالذى يحدث الآن ... و العالم كلو من حولنا بدأ تخلص وبنسبه كبيره من هذه الامراض ....
| |
|
|
|
|
|
|
Re: لن يكون هناك انفصال .. حد يشارط !!؟ (Re: طارق الكوتش)
|
يا وليد يا اخوي هو الانفصال لسع ما حصل ؟
خلاص يا فردة الناس ديل قسموا الحكاية كلها
الجنوبيون عندهم جيشهم وحكومتهم وبترولهم ورئيسهم وعلمهم وحتي نشيدهم الوطني عملوه تاني في شنو يا عمك ؟
شهر سبعة دا باقي ليهم الافتتاح وقص الشريط واعتراف امريكا والامم المتحدة وزولنا طبعا اعترف بيهم زمان
عن نفسي ابارك للجنوبيين دولتهم الجديدة واتمني ليهم كل التوفيق واعتذر ليهم عن كل ظلم وتمهميش شعروا به تجاهنا طيلة السنين الفائتة بس حاجة واحدة يختوها في بالهم ابعدوا من الدشمان لانه خلاص فترنا منه
وربنا يوفق الجميع
| |
|
|
|
|
|
|
|