|
مبروك للهلال التاهل المشرف لدوري المجموعات .. ولكن ..
|
مبروك للهلال التاهل المشرف لدوري المجموعات , هاردلك لفريق الخرطوم الذي انتصر بهدفين في ارض الوطن لم تسعفه ليواصل المشوار ,
الهلال لعب مباراة كبيره , بها فدائيه و جهد و تركيز عالي , والتاهل مستحق بجداره , اشادنا به عند 16, وهاهو بجدارة يتاهل لل 8
فقط ملاحظتي: اننا يجب ان نرى اين ذهب التعصب بالكره التونسيه , هناك درس للجميع بستحق القراءة , فالكيس من اتعظ بغيره !..
لدينا الان تجاوز و تعصب حاد يتنافى تماما مع كون الامر رياضة و رقي .. التعصب خطر على الرياضه السودانيه.. هناك دعابه معقوله و هناك ايضا تجاوز من الطرفين , فلنقرا درس اليوم في التعصب المدمر , فالاعتدال خير كله..
عتبي ايضا اردنا مشاركه الاخوه الهلالاب فرحة التاهل فوجدت اغلبية البوستات بسودانيز اساءة للمريخ العظيم قبل ان تكون فرحه للهلال , الا بوست واحد معتدل شاركت به .. والحمدلله رب العالمين . و حبابكم.
|
|
|
|
|
|
|
|
Re: مبروك للهلال التاهل المشرف لدوري المجموعات .. ولكن .. (Re: عبود عبد الرحيم)
|
Quote: لدينا الان تجاوز و تعصب حاد يتنافى تماما مع كون الامر رياضة و رقي .. التعصب خطر على الرياضه السودانيه.. هناك دعابه معقوله و هناك ايضا تجاوز من الطرفين , فلنقرا درس اليوم في التعصب المدمر , فالاعتدال خير كله..
|
اخى شهاب دائما انت عند حسن ظنى وتقبل هذه الاشادة بك لانك تستحقها بدون مجاملة وربنا يكتر من امثالك حتى لا تحرق نار العصبية الاخضر واليابس وكما قلت : فالاعتدال خير كله
| |
|
|
|
|
|
|
Re: مبروك للهلال التاهل المشرف لدوري المجموعات .. ولكن .. (Re: شهاب الفاتح عثمان)
|
حبينا نبارك للهلال الفوز المستحق ... لعب فاجاد ... فاستحق الفوز ... ألف مبروك للهلال ... ودعمنا له ... للنهاية ونتمني له مواصلة المشوار ...
============================= سلام يادكتور ... ياراقي اردت ان ابارك للهلال بالكلمات اعلاه .. وكالعاده كل البوستات ملغومة ... ومشحونه بالمهاترات عدا هذا البوست المتوازن والجميل والراقي كشخصك
مريخابي ... يشجع كل الفرق السودانية في التمثيل الخارجي ...
| |
|
|
|
|
|
|
Re: مبروك للهلال التاهل المشرف لدوري المجموعات .. ولكن .. (Re: شهاب الفاتح عثمان)
|
Quote: عتبي ايضا اردنا مشاركه الاخوه الهلالاب فرحة التاهل فوجدت اغلبية البوستات بسودانيز اساءة للمريخ العظيم قبل ان تكون فرحه للهلال , الا بوست واحد معتدل شاركت به .. |
الكلام ده فيهو اسائه لي ولبعض البوستات الاخرى لاننى ومعى بعض الهلالاب فتحنا امس بوستات فرحا بفوز الهلال ولم نشر فيهو للوصيف لا من قريب لا من بعيد فى كثير منها... واخرى كانت هنالك فيها مناكفات لبعض المريخاب الاصدقاء > وده بعض الروابط لبوستاتى الامس والتى لم تشارك فيها بسبب الاسائه هنا : بكينا بكينا بكييييييييييييييييييينا
وده بوست آخر : سادومبا يفجر بركان الغضب بتونس ويقرر منافكا فيهو بعض الخارجين من جمهور السودان > اللهم الا اذا حسبت انت نفسك كواحد من الخارجين > لوووولز
يلا اعتذر سريع سريع لى ولبعض الهلالاب الذين فتحوا بوستات فرحين بانتصار الهلال ولم يسيئوا للوصيف لانو اصلا الوصيف ماعندوا علاقة بالكور من هذا العيار يلا سريع سريع خلينا نشوف لينا موضوع تانى > غاااااااااغ
| |
|
|
|
|
|
|
Re: مبروك للهلال التاهل المشرف لدوري المجموعات .. ولكن .. (Re: نادر الفضلى)
|
Quote: الكلام ده فيهو اسائه لي ولبعض البوستات الاخرى |
طارق الكوتش تحياتى هسة جاى بروابط بوستين ما جايبين دخل، يشوفوهم كيف فى زحمة البوستات التى عناها د. شهاب؟ وبعدين مش إنت الدخلت فى البوست (الماخور) وعلقت (زووووط ) تعضيضاً لأسلوب وفهم مخذى وخارج ليس فقط عن روح الرياضة بل عن الآداب العامة .. وذاك البوست له علاقة ببوست سابق ل د. شهاب! البعتذر للتانى منو .. ؟
| |
|
|
|
|
|
|
Re: مبروك للهلال التاهل المشرف لدوري المجموعات .. ولكن .. (Re: نادر الفضلى)
|
نادر الفضلى
موضوع المؤخرات انا ما تابعت سودانيز اونلاين فى تلك الايام وفهمت انو كاتب الموضوع يقصد الرمزيه ولكننى اعتذر اذا اصاب اى شخص رشاش مداخلتى البرئة ، وهنا الاعتذار ليس لشهاب لان صاحب الموضوع بعد الرجوع للبوست استبعده ، انما لك و للصديق طلحه وكل المتداخلين ... بس برضو منتظر اعتذار من د شهاب لطارق الكوتش وانت ما تدخل بين الفوله و قشرتها >>> لووووووووووولز
...
ازيك يا نادر وين انت ما شايفنك فقدناك كتييير وكتبنا كتير فى بوستات نسأل منك ... انشاء الله امورك كويسه
| |
|
|
|
|
|
|
Re: مبروك للهلال التاهل المشرف لدوري المجموعات .. ولكن .. (Re: طارق الكوتش)
|
Quote: ازيك يا نادر وين انت ما شايفنك فقدناك كتييير وكتبنا كتير فى بوستات نسأل منك ... انشاء الله امورك كويسه |
الأخ طارق الكوتش
تحياتى تعاقبنا فى الكتابة، رفعت ليك البوست اآخر لو قرأت مداخلتك هذ لأغنتنى عن التعليق لك هناك
يا أخى أنا أعلم مدى نبل أخلاقك ولكنك يبدو فى غمرة فرحك بالأمس، دخلت فى بوست عنوانه كريه إن لم تدرى سقوط مضمونه سواء رأياً أو أخلاقاً
وشكراً على الإعتذار هذا لطف منك، الرشاش لم يصبنى فقط ولكن أصاب أى صاحب عقل وأى إمرأة ورجل بما فيهم د. شهاب دون إدعاء لفضيلة (الرشاش ليس منك ولكن من ذاك الماخور) ومثالية فى الأخلاق
ويا خى مشكور عن السؤال عنى عند إنقطاعى من المنبر بلغنى أحد الأخوان لا يليق إلا
| |
|
|
|
|
|
|
Re: مبروك للهلال التاهل المشرف لدوري المجموعات .. ولكن .. (Re: نادر الفضلى)
|
Quote: عتبي ايضا اردنا مشاركه الاخوه الهلالاب فرحة التاهل فوجدت اغلبية البوستات بسودانيز اساءة للمريخ العظيم قبل ان تكون فرحه للهلال |
غايتو يا دكتور شهاب لو زول تاني ما بمشيها ليهو! دي النجيضة! أنا كـ واحد من الناس العندهم بوستات بفوز الهلال داير أعرف الإساءة القدمتها للمريخ شنو؟ في البوست دا مَــن غـيرنا ..
بعدين جنّي وجن الحُكم على موضوع قبل ما تشوف كل الأطراف مستعد أرفع ليكـ هنا شوّال بتاع بوستات مريخاب كلها شماتة وإساءة للهلال ما شفنا أي زول جا اعترض ولّ قال الكلام دا ما صاح!!
| |
|
|
|
|
|
|
Re: مبروك للهلال التاهل المشرف لدوري المجموعات .. ولكن .. (Re: محمد عبد الماجد الصايم)
|
Quote: يلا اعتذر سريع سريع لى ولبعض الهلالاب الذين فتحوا بوستات فرحين بانتصار الهلال ولم يسيئوا للوصيف لانو اصلا الوصيف ماعندوا علاقة بالكور من هذا العيار يلا سريع سريع خلينا نشوف لينا موضوع تانى > غاااااااااغ |
ولكن دي سبب كافي للبلع...كان تبارك...وتتعشي وتسكسك معانا وتمشي...
هسي في ذمتك يا دكتور...بتقدر تمسك مكرفون الحفلة وتقول للعريس مبروك... لكن ... فنانك دا قال...والنجوم ترحل بعيد بعيد...وترجع مع السهران وحيد...وما ورانا السهران دا منو؟؟؟
| |
|
|
|
|
|
|
Re: مبروك للهلال التاهل المشرف لدوري المجموعات .. ولكن .. (Re: محمد عبد الماجد الصايم)
|
د. شهاب حبابك ونقبل تهنيتك ودعوتك للترقى بالسلوك الرياضى فى كل المناحى وخصوصاً مايلينا (التشجيع) لكن كمان دمغ اغلب بوستات الفرح الهلالية بإنها مجرد اساءة للمريخ دى كبيرة شوية ومجافية للحقيقة حتى وان كنت تقصد حبة المناكفات الواردة فيها انا على يقين بانها هفوة كيبورد بس ما اكتر لانى اشهد لك عبر ماتكتبه هنا بالموضوعية والعقلانية فى تشجيع الفريق الوصيف
المهم على قول تبارك ياكوتش وود الصايم هفوة كيبورد شهاب دى جلوها التاريخ بقول كل ما عاد ابو الهل من انتصار خارجى تواضع داخلياً ياترى اليوم هل يفعلها الاسياد ام الاولاد ..؟
| |
|
|
|
|
|
|
Re: مبروك للهلال التاهل المشرف لدوري المجموعات .. ولكن .. (Re: شهاب الفاتح عثمان)
|
Quote: لدينا الان تجاوز و تعصب حاد يتنافى تماما مع كون الامر رياضة و رقي .. التعصب خطر على الرياضه السودانيه.. هناك دعابه معقوله و هناك ايضا تجاوز من الطرفين , فلنقرا درس اليوم في التعصب المدمر , فالاعتدال خير كله..
عتبي ايضا اردنا مشاركه الاخوه الهلالاب فرحة التاهل فوجدت اغلبية البوستات بسودانيز اساءة للمريخ العظيم قبل ان تكون فرحه للهلال , الا بوست واحد معتدل شاركت به .. والحمدلله رب العالمين . و حبابكم.
|
يا دكتور سلامات وأشواق
مؤسف أمر الكراهيّة والـحقد الـمتغلغل فـي دواخل مشجّعي ( الرّياضة ) دائـماً يـحيّرنـي جدّاً إنشغال الـمريّـخاب بالـهلال وأخباره وإنشغال الـهلالاب بالـمرّيخ وأخباره لو إنشغل كُلّ منّا بأخبار ناديه دون الإهتـمام بعيوب الآخر لكان ذلك أفضل لنا جـميعاً كُلّما وجدت صورة أو كاريكاتيـر أو نكتة تسـيء للهلال وجدت خلفها مرّيـخابـي وكُلّما وجدت صورة أو كاريكاتيـر أو نكتة تسـيء للـمرّيخ وجدت خلفها هلالابـي ودائـماً أعلّق بـ : ( إنت مالك ومال الـهلال ؟ ، خلّيك فـي مرّيـخك ) أو ( إنت مالك ومال الـمرّيخ ، خلّيك فـي هلالك )
لك الـتّحيّة
| |
|
|
|
|
|
|
|